Marcos 16
16
Jesuspa kawsarimusqanmanta
(Mt 28.1-10. Lc 24.1-12. Jn 20.1-10)
1Samana punchaw pasaruptinmi, Magdala llaqtayuq María, Jacobopa maman María hinaspa Salomeypiwan, perfumekunata rantiramuspanku Jesuspa cuerponta untaq rirqaku. 2Hinaspankum domingo tutapayta, chayllaraq inti qespimuchkaptin sepulturaman rirqaku, 3kaynata ninakuspanku:
¿Piraq sepulturapa punkunpi rumita suchuchipuwasunchik? nispanku.
4Sepulturaman chayaruspankum, chay rumita huklawman suchuchisqataña tariykurqaku. Chay rumiqa hatunmi karqa. 5Chaymi sepulturaman yaykuruspanku, huk joventa yuraq qoysu pachayuqta alleq lawpi tiyachkaqta rikururqaku, hinaspam mancharikurqaku. 6Chay jovenñataqmi nirqa:
Ama manchakuychikchu, qamkunaqa Nazaretmanta kaq chakatasqanku Jesustam maskachkankichik, payqa manam kaypiñachu kawsarirunñam, hamuspayá maypim churasqankuta qawaykuychik. 7#Mt 26.32; Mr 14.28.Chaynaqa, rispaykichikyá Pedromanwan wakin discipulonkunaman willamuychik, Jesusqa Galilea lawman ñawpasqanta, chaypim nisqanman hina payta rikuykunkichik, nispa.
8Hinaptinmi chay warmikunaqa sepulturamanta kallpaylla lloqsimurqaku manchakuymanta katkatatastin. Ichaqa manchakusqankuraykum mana pimanpas willakurqakuchu.
Magdala llaqtayuq Mariaman Jesuspa rikurisqanmanta
(Jn 20.11-18)
9 # 16.9-20 Kay textokunaqa ñawpaq manuscritokunapiqa manam kanchu, qepa qellqaqkunañam churamunmanku karqa. [Domingo tutapaytam, wañusqanmanta Jesús kawsariruspan Magdala llaqtayuq Mariaman puntata rikuriykurqa, kay warmimantam ñawpaqta qanchis demoniokunata Jesús qarqorurqa. 10Chaymi Mariaqa pasaspan Jesuspa puriqmasinkunaman willamurqa, paykunaqa llumpayta llakikuspankum waqachkarqaku.
11Paykunam ichaqa “Jesustam rikuramuni, payqa kawsachkasqam” nispa Mariapa nisqanta, mana creerqakuchu.
Iskay discipulonkunaman Jesuspa rikurisqanmanta
(Lc 24.13-35)
12Chaypa qepantam, chakraman richkaptinku iskay discipulonkunaman Jesús rikuriykurqa. 13Chaymi paykunapas pasaspanku wakin discipulokunaman willamurqaku, paykunam ichaqa mana creerqakuchu.
Ripukunallanpaqña Jesuspa kamachikusqanmanta
(Mt 28.16-20. Lc 24.36-49. Jn 20.19-23)
14Chaymantam Jesusqa chunka hukniyuq discipulonkunaman rikuriykurqa, mikunankupaq mesapi tiyachkaptinku, hinaspam mana creesqankumantawan rumi sonqo kasqankumanta qaqcharqa. Paykunaqa Jesusta kawsachkaqtaña rikuqkunapa willakusqantam mana creerqakuchu. 15#Hch 1.8.Chaymi paykunata Jesús nirqa:
Tukuy hinastinman rispaykichik kay evangeliota llapa runakunaman willakamuychik. 16Pipas iñispa bautizasqa kaqmi salvasqa kanqa, mana iñiqñataqmi condenasqa kanqa. 17Ñoqapi iñiqkunam kaykunata ruwanqaku: Sutiypim demoniokunata qarqonqaku, musoq rimaykunatam rimanqaku, 18maqta urukunatam hapinqaku; imataña venenoyuqta tomaruptinkupas manam imananqachu; onqoqkunamanmi makinkuta churanqaku, hinaptinmi sanoyanqaku, nispan.
Hanaq Pachaman Jesuspa ripukusqanmanta
(Lc 24.50-53)
19 #
Hch 1.9-11. Señor Jesusmi discipulonkunawan rimayta tukuruspan hanaq pachaman hoqarisqa karqa, hinaspanmi Diospa alleq lawninpi tiyaykurqa. 20Chaymi discipulonkuna rispanku tukuy hinastinpi willakamurqaku, kikin Señormi paykunata yanaparqa willakusqankuta milagrokunawan cheqapchaspan].
Currently Selected:
Marcos 16: RCHQ2
Highlight
Share
Copy
Want to have your highlights saved across all your devices? Sign up or sign in
Chuya Qellqa Revisión @ Sociedad Bíblica Peruana, 2012