Bene Filipi MAKANI ATAANSHI
MAKANI ATAANSHI
Coonde ca kuFilipi ncecoonde citaanshi Paulo caakatalika mushishi shakwicwe shabusungu, muMakedoniya. Wakalembelaako nkalata kaali muntolongo. Ici cakalinga nceciindi mutumwi ndyaakalinga wapenshekwa abene Klistunyina abo bakalinga kumupikisha alimwi abufundishi bwabubeshi mucoonde ca kuFilipi.
Nakubi boobo Nkalata Paulo njaakalembela bene Filipi ilatondesha kusangalala alushomo isho shikonsha kusansululwabo aPaulo mwiine mulushomo lwakwe lunene ndwaacite muli Jesu Klistu. Muyeeyo unene wa nkalata iyi utaanshi nkulumba bene Filipi pashipo isho nshebakamutumina paciindi ndyaakalinga kushipengete. Kulembwa kwa nkalata iyi ayi abaluumbe cakaba coolwe cakwaamba ayi abashiimpye babule boowa alimwi babe alushomo mumapensho aakwe oonse aabo beene. Wabasengesha ayi babe amuyeeyo wakuliceesha bweenka mbuli Jesu, kwiinda kulisuna akulisumpula. Ulabeebalusha kwaamba ayi buumi mbobacite muli Jesu ncipo kuswa kuluse lwakwe Lesa ulo ndubakabaalo kwiinda mukushoma, kuteshi mukukonkela Milawo yakwe Mose.
Nkalata iyi ililabilitwe abuumbi ceebo cakwiisha lusangalalo, lushomo, lucatano, alimwi akutaboola pesule mulushomo pantu pomwi abuumi bwa bwine Klistu.
Mundando wa Shiliimo amoshicanika
Makani ataanshi 1:1-11
Shakalinga kucitila Paulo 1:12-26
Buumi muli Klistu 1:27—2:18
Muyeeyo pali Timoti aEpafuloditasi 2:19-30
Kucenjesha pabalwani ashiloondesha 3:1—4:9
Paulo ababye bene Filipi 4:10-20
Makani akweelaako 4:21-23
Currently Selected:
Bene Filipi MAKANI ATAANSHI: BBBLI
Highlight
Share
Copy
Want to have your highlights saved across all your devices? Sign up or sign in
Lenje Bible with Deuterocanon © Bible Society of Zambia, 2003.