Filipieŋ Me key ka ’ar ɗaf ma guma
Me key ka ’ar ɗaf ma guma
Pol a zlərawa a Egliz ana da Filip na da har ma ma daway ŋga me meslərey ŋga dey me tsetsew ana. Egliz na tsəfəmey ana Pol ma zlərawa da Erop ana. Wurow ma Filip ana na, ŋga da tsakay lam ma bəzay ma Gres, da Proviŋs ma Maseduwan
Ɗeriwel ma Pol ma windatar a kretiyeŋ ana da Filip ana na, a ɓey na me zəgey har a vaw, gədaŋ na, da walaŋ ma Maslaŋ ta kominite ana. Pol a wuɗey ma tərada na gədaŋ aha a fəna satsa. Ŋga da daŋgay. A ndalar zləna, kavəday a slafa ma key tek, ma nəkafata dey ka Filipieŋ hay sakay. A ɓadatara ma wuɗa vaw ana ŋga me key hərway ta na. A ləvey satsa na, ŋga ma ndza ha na, ma dzəma ha ka vaw. Akwa na, ndaw hay mekele ahiya a ɓadəmatara Kriste na na, ta tsəveɗ kakay, a tsam ka tek ata gəle, a wuɗam ma zləgaɗəmata (1.15-17; 2.21; 3.2 ta 18). Pol a dzeley a wuɗey me slərey mandala ŋga ma mber hay a Filip ka səmadama kominite, ka ndzefey mey waya ahiya (2.19-30). Kretiyeŋ ma Filip hay taya tey na, ma slərəmərawa tek ma haya ha a Pol (4.10-20). Ɗeriwel ma kəmatar a Filipieŋ ana hay na, a madəmatara sise a kretiyeŋ ma Filip hay, a tsatar guma a ’ar, a həladatara bəzay da me pey ’ar ata.
Pol a padatara ka slam dey ma Filipieŋ hay na mendzey ta memətsey ma Bay’ərlam Yezu (2.6-11). Yezu na ma mbəkadata tek aŋga hay tabiya ha. Kavədiya tok na, Bay’ərlam ma pada ka ’ar ma tek hay tabiya ha, ta ndaw hay tabiya ha. Andza ha satsa na, Pol ma mbəkada slam har ma tek ma kuley ŋga ma vələrawa na (3.3-10). Ekəɗey na a təɓa kadəba me key tsetseh hərway ma Yezu. Ŋga da daŋgay. ŋga ma həla vaw a ha ma vəlada mesəfrey ŋga. A pey aha dey, pas asləta na, a da pərkawa da memətsey. Maslaŋ ana a ɓatar a Filipieŋ hay na, ka tsam dey na ka ŋga (3.17; 4.9)
Da ɗeriwel ana tabiya ha na, Pol a ɓada wuiya ma me pey ’ar aŋga ma vəlar ana. A həladatara bəzay a Filipieŋ hay ka ndzam da wuiya. Wuiya na na, ŋga daha da walaŋ ma bəle ta tek ger ana hay, kendzey andza kretiyeŋ hay ma dzəma mey aya ka ’ar vaw ta ta Bay’ərlam Yezu na.
Currently Selected:
Filipieŋ Me key ka ’ar ɗaf ma guma: MOF
Highlight
Share
Copy
Want to have your highlights saved across all your devices? Sign up or sign in
Le Nouveau Testament en langue Mofu © 2007 Alliance Biblique du Cameroun