MALASI Ɓi madiɗa madiɗa ngi raˀa
Ɓi madiɗa madiɗa ngi raˀa
Ɗerewol Malasi, i mutoho ar wala ngi vi 450, naɓa Y.K. a so t’aruŋ, gweˀ ng’avi vi skat, naɓa Yudehey a moko le ti Babiloŋ, hirwuy taŋ misi i mijahay zleˀe a diga tuwa, mo taŋ ar zli virzi ngi 600 a ndila vi 538, naɓa Y.K. a so t’aruŋ. Jum ngi Israyeleye, a dirba mo taŋ tir li mijaka taŋ a diga na, a zlaka, ara cam neˀe neˀ ng’ar manja sli wala ngi ɓi, yo ng’ar hĩhĩy. Vi kukur makir malla kukur zlum, naɓa mijiviɗ Malasi mizla tila mi t’aruŋ na, Aze ati Zakari mizilaka taŋ nga ndira hay ngi Bumbulvuŋ hiri naŋ a muŋ a Zeruzalem ar wala ngi vi (520 a ndila 512) na, Israyeley a tiɓaka le si. Amma zle ti di nah so na, buy miwi li Zorobabel muvula jiviɗ ɓa hirwuy a ɗiy a muŋ na, njaha hiri vurˀe a gi mata, yo Esdras mimbiɗa gwatay (weˀ na ar vi 440, naɓa Y.K. a so t’aruŋ) na kwana, a gi t’aruŋ ma. Ɓi ngi sipi jiviɗ ngi Buymiseuŋ ati ɓi ngi sipi jiviɗ ngi mizli a mam le a ruwuy: huruk huruk a mbuŋ Bumbulvuŋ a tiri le ka ɓi ngi sefel lambaˀ (1.6-14); ar li vula gwat da Buymisemuŋ na, a gakaŋ gilaw (3.6-11); migi sedegeheye, a ndilaka ter ngi ga slra taŋ mata, ɓimujuwa, Buymisemuŋ muvula da mizli naŋhay na kwana, mizli anta sipaka ɓi nah ta (21-16). Avi mijiviɗe, ɓi mitaˀ taˀ hana gar na, i jiviɗ ngi vula gidaŋ da migi sedegehey waɗ da mizli ɓa a mbiɗam, ti naŋ mama taŋ hiri ngi ɓa taŋ wuɗa vu ngi Buymisemuŋ (1.1-5), waɗ ma na, i jiviɗ ngi ɓa taŋ kiita Buymisemuŋ masa ga da mizli ati so naŋ, naŋ gweˀe (2.17-3.5; 3.13-24). A ɓa taŋ ɓi ngi Buymisemuŋ masa slino mislin naŋ (3.1) waɗ mijiviɗ kaɓa Eli (3.23). Ar ɓi mezle ngi Matiye ati ngi Luk na, Malasi miɓa ɓi miɗaˀ misenna a diɗ ar Zaŋ-Mici mizli ar yam, ɗiya ɓi ngi so ngi Yesu i mupula asi haŋ naŋ (Mat 17.11-13; Luk 1.17). Ɗerewol Malasi, sipi jiviɗ ngi Buymisemuŋ ati sipi ngi mizli mimi a ruwuy ti hin ngi ɗerewol Malasi, naŋ mislikiɗ ti gidaŋ ngi mbiɗa hirnga da mizli vurˀe na, a ɗiy di i jum ngi mizli, ɓa a juwam vu ngi ji hirnga ti Buymisemuŋ taŋ. Naŋ mira zila ndra dana aruŋ na, inga ji hirnga misi kanah.
Currently Selected:
MALASI Ɓi madiɗa madiɗa ngi raˀa: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.