EZEKIYEL 48
48
Li misla da sukwi vay muŋhoy
1«Slimiɗ ngi sukwihey ani: hirwuy ngi Daŋ a zli zle ar vay muŋ mikiɗ mi ndok, deŋŋe buwal macuh ti Hetloŋ, kini nga Lebohamat waɗ nga Hasareyin, a tika hirwuy Damasa tak ngir ti muŋ, ti ciki Hamat, maakway ara kiɗo mi tisi pas ngi mipriki waɗ ti mubuliy tisi pas ngi Pastaˀa. 2Zle ar maakway ngi Daŋ, tisi pas ngi miprik hã asi pas ngi pastaˀa, i hirwuy ngi Aser. 3Zle ar maakway ngi Aser, tisi pas ngi miprik hã asi pas ngi pastaˀa, i hirwuy ngi Neftali. 4Zle ar maakway ngi Neftali, tisi pas ngi miprik hã asi pas ngi pastaˀa, i hirwuy ngi Manase. 5Zle ar maakway ngi Manase, tisi pas ngi miprik hã asi pas ngi pastaˀa, i hirwuy ngi Efrayim. 6Zle ar maakway ngi Efrayim, tisi pas ngi miprik hã asi pas ngi pastaˀa, i hirwuy ngi Ruben. 7Zle ar maakway ngi Ruben, tisi pas ngi miprik hã asi pas ngi pastaˀa, i hirwuy ngi Zuda.
Li misla da Bumbulvuŋ
8Zle ar maakway ngi Zuda, tisi pas ngi miprik hã asi pas ngi pastaˀa, kisa slam li ngi kilometir kuruˀ nga cuw ti reta, giluw naŋ ti ka ti ka gar, zle ar maakway tisi pas ngi miprik hã a mi mubuliy, tisi pas ngi pastaˀa, hay mipala a sa ndir kaˀ a wuzla. 9Kum masa slaka li da Bumbulvuŋ na, jek naŋ a sa gi kilometir kuruˀ nga cuw ti reta, yo sliprik naŋ kilometir zlum. 10Li mipala, a sa ndir da masayay. Tir vay muŋ, i jek naŋ: kilometir kuruˀ nga cuw ti reta, kini ti vu mubuliye, i sliprik naŋ: kilometir zlum, kini tisi pas ngi miprike, i sliprik naŋ: kilometir zlum, waɗ tir vay ruwuyo, i jek naŋ: kilometir kuruˀ nga cuw ti reta. Hay ngi Bumbulvuŋ a sa ndir kaˀ a wuzla. 11Masayay, dideˀ ngi Sadok muvuku vu taŋ na, taŋ a vulaka vu taŋ le ngi gi slra ɗu, Israyeley mingizlam jiviɗ na, taŋ a cam anga kaɓa Leviheye ta. 12Amma taŋ, a sa lumam mi nga taŋ avu li mislaka avu hirwuy tuwa, ɓa a ndir i li mipal wãˀ da taŋ, gweˀ avu li ngi Leviheye. 13Hirwuy da Leviheye, a sa gam rak rak ati ngi masayay na ya: Jek naŋ, kilometir kuruˀ nga cuw ti reta, yo sliprik naŋ, kilometir zlum. Taŋ cuw taŋ, jek taŋhaya, kilometir kuruˀ nga cuw ti reta ti reta, yo sliprik taŋhaya, kilometir zlum zlum. 14Li nah na, anta sa hiɗikam avra ko neˀ ta: anta sa mbiɗaka ati li mekelem ta, anta vulaka micikiɗeffe ngi hirwuyo da mbur mekelem ta si, asi i gwat muvulahay le da Bumbulvuŋ.
Li misla da walahay waɗ da buy
15Li mindir avu li mislaka mipal, sliprik naŋ, kilometir cuw ti reta, yo jek naŋ, kilometir kuruˀ nga cuw ti reta na, a sa ndir i li muho gar vur walahay, vur mizli waɗ ngi zum ti ginewey, walahaya a sa ndir a wuzla. 16A waka anihĩ: tir vay muŋ, tir vay ruwuy, tir vay si pas ngi miprik, waɗ tir vay si pas ngi pastaˀa, kilometir cuw ti reta ti reta. 17Li zum ti gineweye, a sa ndir anihĩ: Tir vay muŋ, a waka weˀ weˀ, metir skat ti kukur cuw nga zlum, tir vay ruwuyo, skat kukur cuw nga zlum, tir vay si pas ngi miprike, skat ti kukur cuw nga zlum, waɗ tir vay si pas ngi pastaˀa, skat ti kukur cuw nga zlum. 18Li masa ndir a hur li mipal nah vuna, tisi pas ngi miprike, kilometir zlum waɗ tisi pas ngi pastaˀa, kilometir zlum. Gwat ngi migam masa gi ara na, a sa zum kuɗaˀ ti mizli migi slra ngir walahaya. 19Mizli ngir walahay masa huvaka na, a sa soko tisi sukwi Israyel gar. 20Li mipal vuna jom gar na, weˀ weˀ ti ka ti ka gar na, kilometir kuruˀ nga cuw ti reta ti reta. Ki sa puɗkaka li mipal nah kpah a wuzla mufaɗa, kisa zuɓaka purla a ndir da walahay. 21Hirwuy masa ndir da buyo i ngi ciki li mipal ati ngi ciki li misla da walahay, tir vay naŋ tika ti ka gar cuw taŋ. A sa zli zle a ciki li misla mekelemeye, hã ar maakway vay si pas ngi miprike, kilometir kuruˀ nga cuw ti reta, kini ng'asi pas ngi pastaˀa, kilometir kuruˀ nga cuw ti reta, hã ara kiɗo mi a mubuliy. Li mipal ati hay mipala, a sa ndiram a wuzla. 22Li mislaka da Levihey ati li mislaka da walahaya, a sa ndiram ar wala ngi maakway ngi hirwuy Zuda ati maakway ngi hirwuy Benjameŋ, a wuzla li mindir da buy tuwa.
Li misla da sukwi vay ruwuy
23«Sukwi mindiram mekelemey: zle ar maakway vay si pas ngi miprik hã a mi mubuliy Mediterane na, i li ngi Benjameŋ. 24Zle ar maakway ngi Benjameŋ, tisi pas ngi miprik hã a mi mubuliy Mediterane na, i li ngi Simeyoŋ. 25Zle ar maakway ngi Simeyoŋ, tisi pas ngi miprik hã a mi mubuliy Mediterane na, i li ngi Izakar. 26Zle ar maakway ngi Izakar, tisi pas ngi miprik hã a mi mubuliy Mediterane na, i li ngi Zabuloŋ. 27Zle ar maakway ngi Zabuloŋ, tisi pas ngi miprik hã a mi mubuliy Mediterane na, i li ngi Gat. 28Zle ar maakway ngi Gata, tisi pas ngi miprike, hã ar maakway vay ˀayzaw ti ruwuy na, maakway a sa bi zle a Tamar, aru nga mi yam Meriba a Kades, sipeˀe mizaw Ezipte, sesẽŋ nga mi mubuliy Mediterane. 29Kum masa wuɗkaka hirwuy da sukwi Israyeley ti ceregezleŋ, yo hirwuy taŋ masa lumama, naŋ kahana. I ya Bumbulvuŋ, Buymisemuŋ maɓi.»
Zeruzaleme, mizlingre naŋhay mukuruˀ nga cuw
30Mizlingre mukuruˀ nga cuw avu walahaya, t'ani: Tir vay muŋ, a waka giluw ngi moholo weˀ weˀ, kilometir cuw ti reta. 31A sa caka slimiɗ da mizlingre naŋhaya ti slimiɗ ngi sukwi Israyeley vuna. Tir vay muŋ, mizlingre ava makir: mizlingre ngi Ruben, ngi Zuda waɗ ngi Levi. 32Tir vay si pas ngi miprike, a waka giluw ngi moholo weˀ weˀ, kilometir cuw ti reta, mizlingre ava makir: mizlingre ngi Zozef, ngi Benjameŋ, waɗ ngi Daŋ. 33Tir vay ruwuyo, a waka giluw ngi moholo weˀ weˀ, kilometir cuw ti reta, mizlingre ava makir: mizlingre ngi Simeyoŋ, ngi Isakar, waɗ ngi Zabuloŋ. 34Tir vay si pas ngi pastaˀa, a waka giluw ngi moholo weˀ weˀ, kilometir cuw ti reta, mizlingre ava makir: mizlingre ngi Gat, ngi Aser, waɗ ngi Neftali. 35Mohol mugun gun walahaya gar, miwa weˀ weˀ na, kilometir ngoltir.
«Zle tapasa, a caka slimiɗ da walahaya: ‹Bumbulvuŋ naŋ da a diga.›»#48.35 Slimiɗ misenna, mbiɗeˀvra naŋ gweˀ tivi slimiɗ Imanuyel, pura Ezay 7.1 4 ati mingiɓi ngi seˀe.
Currently Selected:
EZEKIYEL 48: BEGDC
Highlight
Share
Copy
Want to have your highlights saved across all your devices? Sign up or sign in
Bible en Langue Guiziga © L’Alliance Biblique du Cameroun, 2011.