Hebreos 3
3
Jesusi Moisés jinguni sánderu k'éri ambesti
1Ísï jimbo, tatecha ka nanecha engajtsï kaxumbitika, engajtsï auandarhu anapu ambe jingunikia, kurhajcha je Krístuni, imani enga juchari jakajkukueri uandakua párika ka táta k'érini; 2enga Diósïni, imani enga erakuka, nómeni jurajkujka, májkueni eska Moisesijtu na nómeni jurajkuntaka iámendu imeri k'umanchekuarhu#3.2 Nm 12.7. Diósïri iretanisï arhini jati. anapuechani marhuakuani. 3Ka Jesusi sánderu k'éri xénhasti eska Moisesi, májkueni eska na sánderu k'éri xénhajka ima enga k'umanchekuani újka eska k'umanchekua. 4Jimboka jarhaska nema enga k'umanchekuani úka; ka iámu ambe Diósï ústi. 5Diósïri k'umenchekuarhu Moisesi kurhandiraspti, jántspiriparini, ka uandantapasïrempti ambe enga xáni Diósï uandempka. 6Ka Krístu chénjembo urherukusïndi eska uájpa ma enga imeri márkuechani nómeni jurajkuajka; ka engajtsïni juchantsïni nómeni jurajkujka, ekachi nómeni jurajkuni jauaka mintsikani ka ekachi méntkisï tsípekua jinguni mintsikani jauaka.
Ásï jáma je jurajkpeni
7Eska Espiritu Sántu na uandajka:
“Ekari iásï Diósïni kurhajchaska,
8ásï chupera je mintsita
eska jiájkani engajtsï no kurhandirakupka
eska jiájkani engajtsï Diósïni ts'éjkupka
jima enga nónema irekaka,
9jima engajtsïni chári ióntki
anapuecha ts'éjkupka
náuejkijtsïni tsimani ekuatse uéxurhini exepkia
ji ambesïni úni jápi.
10Jimbosïni jiájkani
anapuechani ikiakuapka,
ka uandaspka:
‘Méntkisïksï mintsitarhu
tsînchetini jámaxati;
nóksï uékasïndi jucheti
xanharichani míteani.’
11Jimbosïni ikiatintku uandaka
eskaksï ísï jámani jucheti
mintsikorhekuarhu no inchaaka.”
12Tatecha ka nanecha, xéparini je: Ásï nema xáni nósesi jásï mintsita káme, enga jamberi Diósï tsípitini jarhareaka; 13sánderu sáni, chúskuta je p'imarhperani, eska nónema jámaaka k'ámanharhintskua jimbo mintsita chuperani. 14Jimbokachi Krístuni jinguni márkueskia, ekachi sési anhaxurhikorhetini jauaka mintsikani májkueni eskachi uénani jámantki na mintsikani jápka. 15Enga arhijka:
“Ekajtsï Diósïni iásï kurhajchaska,
mintsitani ásï chupera je,
eskaksï ima engaksï
Diósïni no kurhandirakuka.”
16¿Ka néksïsï no kurhandiraku Diósïni náuejkiksï kurhajchapkia? ¿Andi nóksï imeski enga Moisesi Ejiptu euajpeantapka? 17¿Néchanisï Diósï tsimani ekuatse uéxurhini ikiakuapki? ¿Andi no imechanisï ikiakuapi engaksï k'ámanharhintapka, imechani engaksï jima andatseraka uarhini enga nónema irekaka? 18Ka ¿Andi no imechanisï arhia eskaksï mintsikorhekuarhu no inchaaka ima engaksï no kurhandiraka? 19Ka ísï jámanichi exexaka eskaksï no úska inchani jimbokaksï no jakajkuska.
Currently Selected:
Hebreos 3: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.