Hebreos 2
2
P'ímutantskua na enga xáni jukaparhaka
1Jimbosï uétarhejti eskachi sési kurhajtsïtaaka imani engachi kurhakia, eskachi no jámaaka tsîncheni. 2Ka jimboka uandakua engaksï ánjelicha uandantaka xáni uinhapeska, jimboksïsï no maiampetaranhantati ka nójtuksï jukari maiampetaranhani ima engaksï no kurhandiraka ka k'amanharhintanksï.
3¿Juchachi nénasï púamenhantaia engachi xáni k'éri p'ímutantskuani no patsapatsandakorhejka? Ima p'ímutantskua enga Acha uénaka uandantani, ka engajtsïni tátsekua ima ts'ïrimeracheka engaksï kurhajchakorheka, 4enga támu, Diósïjtu mámaru jásï milagruecha jimbo ts'ïrimeraka ka enga xáni ambe Espiritu Sántu jurhenaka úni, engajtsïni ima íntskuka eska ima na eratseka. 5Ka ísïsti eska Diósï no ánjelichani jurajkukuaska imani jimbanhe parhakpenini enga jurhani jaka ka engachi uandaxeni jaka. 6Jimboka nema, nani karakatarhu exekorheska eska arhisïnga:
“¿Andi ambeksï xániski parhakpeni
anapuecha engari imechani miáuajka?
¿O ambejtuksï xániski acheti uájpecha
engari imani uandanheajka?
7Ánjelichani jinguniri sóndi
sánderu kétsekua péraska
ka tátsekuari t'íntskuarhu
ka k'érikuarhu péraska;
8iámendu amberi pérakuska
eska ima juramukuaka.”
Ka ísï jámaniri iámu ambe pérakutini, nómbema ima no juramukusïndi. Enga úka, útasïchi nótki exexaka eska iámendu ambe imani kurhandirakuxaka. 9Ka imani enga sánderu kétsekua péraka eska ánjelichani, Jesusini; exexakachi eska t'íntskuarhu jarhaska ka eska k'érikuarhu jarhaskia, jimboka úska uarhikuani uérakuni, jimbokajtsïni Diósï xáni kóndentaska, jimbosï uékati eska iámenduecheri jimbo uarhipiringa.
10Sési jarhasti eska imani enga iámu ambe kurhandirakujka ka enga iámendu ambe imerika, eska uánekua uájpechani t'íntskuarhu pérauaka; eska nósesi nitamanchakua jimbo iámendu séserantaapiringa imani enga p'ímutantskuarhu urhekupaapiringa. 11Jimbokaksï májkueni úkateska ima engaksï pímbinhajkpintstika ka májkueni eska ima engaksï pímbinhajkuntskateka. Jimbosï Jesusi no k'uratsejti erachi arhiani. 12Enga karakatarhu arhijka:
“Aianguauaka néna engari arhinhajka
chéti ka jucheti erachichani;
ka k'éri ambekini p'irecheaka
enga tángorhenhantatini janhaaka.”
13Arhisïndijtu:
“Ji imani mintsikani jauaka.”
Ka ménderu arhisïndi:
“Ixujtsïni jatsiska,
jíndeni sapichani jinguni
engarini Diósï íntsaaka.”
14Ka jimbokaksï uájpecha májkueni iurhiri ka k'uiripeteka, jimbosï imajtu májkueni únhapti. Ka eska ísï uarhirini, Nóambakitini méntku k'amajkupiringa, imani enga uarhikueri k'érika. 15Ka iámendu imechani p'ímutantaani engaksï méntku uarhikuani chérheparini irekani jápka. 16Jimboka ísïska eska ima no ánjelichanisï juka p'ímutantaani; Abraniri sïrukuechanisï juti p'ímutantaani. 17Jimbosï uétarhepti eska Jesusi iámendu ambe jimbo, iámenduechani jinguni májkuenipiringa ka eska ísï jámani úpiringa K'éri Táta no jurajkpirini ka kóntpirini, ka Diósïni marhuakuni jámani, ka eska k'ámarhintskuechani maiampetspentapiringa. 18Ka Jesusi úati jarhuataani imechani engaksï ts'éjkunhaaka jimboka imajtu ts'éjkunhaska.
Currently Selected:
Hebreos 2: DKPJ
Highlight
Share
Copy
Want to have your highlights saved across all your devices? Sign up or sign in
Biblia en P´urhépecha, Michoacán, México © Sociedad Bíblica de México, A.C.