Tit 3
3
M'ak tä t'uhawetej che Dios leles iwoye
1Tichunyenche lhamel wet lhok, “Ch'ahuyaye n'owustas lhäy'e niyatey,#Rom 13.1-7; 1~Ped 2.13-17 woyaye m'ak tä lhamel ne'tek lewoyaye, wet yej n'etäjej tä lhenaylhipej m'ak tä is. 2Yej tiyayej ämet tä ni'isa elh che häpe, mat woyay atamsekisa, p'altsenhen iyhäj. Wet elh che häpe che lheyayej, n'ältej tä ahäpehen wichi tä lehusey tek lhaichäjwethä.”
3Tsi ifwalas tä pajche n'amel häte n'aisukis t'at, y'awohiyet'a Dios lhämet, y'awetahen, wet lhanech'ethayajay tä w'enhache lhamejen lhäy'e m'ayhay tä y'akänch'oye, häp tä n'ayen lakwenkaya. Isitajt'a m'ak tä y'awoye, wet y'at'äyten lhamehen, y'an'äyi lhamhomche wet iyhäj n'ay'ulhan.
4Matkat Dios Lhafwayhthi hin'älit lep'altsenyaj lhäy'e lehumnhayaj tä itiyej wichi, 5wet n'aifwayhthen. Häpkhit'a che n'amel y'awoye lhachumyajay tä isen wet tamenej tä n'aifwayhthen. Mat n'aisej tä lham hip'altsen n'amehen, wet ilej n'amejen lhach'isukyajay wet n'ainech'aynhi, wet Espíritu tä T'amajchet hiw'en n'amhohen lhaw'atshancheyaj tä nech'ayek. 6Wet häp Espíritu tä T'amajchet, Dios yäm wuj tä itsäy lhatapehen, häp tä isej Jesucristo Lhafwayhthi, 7yämthilek hi'isyen n'amejen lep'altsenyaj wet n'ayen häpeya iyhäj tä lewuhuyla lhaw'atshancheyaj tä t'un tä y'anihihlä.
8Oyok, matche t'at n'olhämettso, wet häp tä ot'uhläk lenityenej wichi, häpkhilek lhamel tä t'ekhaye Dios, lhay'amkatej tä iwoye lechumtes tä isen. Tsi wuj tä isen tähesna, wet häp tä tach'ote wichi. 9Amajej ämtes tä lewoye, häpkhilek kahäpeya n'olhämtes tä w'et m'ayhaytas t'at, lhäy'e tä wichi w'et lhaichufwenej lhachätilis p'ante, lhäy'e tä yämwethä lhamhomche'pe Ley p'ante tälhe Moisés, wet iwo ka'tshayaja'pe. Tsi nilhokej m'ayhayna lajit lahaya wet niwohit m'ak che tälho. 10Elh che häpe che tamenej tä Dios leles tataywek, oyok, Fwoneje. Che kamaj tujlhache, achajo tä lefwoneje. Mat che kamaj niwoyaye ämet, teji, hätet iwoye che kaw'ena.#Mat 18.15-17 11Tsi is tä lehanej, häp elh tä mälhyejtso nem is alhoho lehusek, wet lech'isukyaj tä iwoye ikalelhät tä letes ihi.
Pablo lhämet tä ilepese
12Che ochenla ame Artemas wok Tíquico,#Ap.Lh 20.4; Ef 6.21-22; Col 4.7-8 yej nahayej m'ak che häpe, mat ho n'oye tä oihihila hupuy tä Nicópolis, tsi häp tä ot'uhläk oihi tä fwiy'etil. 13Ch'ote lew'ekyaj tä abogado Zena iwoye, lhäy'e Apolos, yämthilek niwohit m'ak che tatäyej lhamel. 14Häte lhapuhfwas, is che lhaichufwenejen tä iwoye lechumtes tä isen, yämthilek tach'ote elhpej tä iwatlä m'ayek. Che mälhyej'attso, häpkhihena iyhäj tä wichi isej.
Pablo len'okhayaj lhäy'e lakäpfwayaj tä lepes
15Nilhokej lhapuhfwas tä in'oyej ichen ame len'okhayaj. Häte olham ochene on'okhayaj häp iyhäj tä i'amej tä lhapuhfwasej lhat'ekhahyaj.
Is che Dios lep'altsenyaj i'amejen nilhokej amel.
Currently Selected:
Tit 3: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.