Tit 2
2
N'ochufwenyaj tä is tä tälhe Dios
1Mat häp am, ämet chik lewoye is chik yiwetej n'ochufwenyaj tä is tä tälhe Dios. 2Fwenho hin'ol tä thänhäy wet lhok, “A'enay häpeya iyhäj tä is lechumyaj, tetshanaypej m'ak tä lewoyaye, wet yej alhen alhaknhatsesayej m'ak at chik häpe. Iwatläk atkhajayhen tä lechaye Lhawuk, wet äp atkhajayhen tä lewo ahumnhayaja, wet äp atkhajayhen tä leteläytej ateläythayajay.”
3Häte fwenho atsinhay tä thänhäy wet lhok, “N'älitay tä ahäpehen Dios t'amajchetes, yej lesufwkane elh chik häpe, wet yej lhämay aw'oknajej hat'es. Woyayepej m'ak tä is häpkhilek iyhäj iten, 4chufwenejen atsinhay tä nich'utahen häpkhilek ihumnhen lech'efwas lhäy'e leles, 5wet itetshanpej m'ak tä iwoye, häpehen atsinhay tä isen, wet t'uyehen lew'etes, hip'altsenhen iyhäj, wet yen lewuhuya lech'efwas.” Chik mälhyejtso m'ak tä atsinhay tä nich'utahen iwoye, häpkhilek nehit katsik ihanej iwoyneje chik itiyej lhämet tä ni'isa häp Dios lhämet.
6Häte nityenej mamses yämlek itetshanpej m'ak tä iwoye, 7n'ältej lhamel tä is nilhokej m'ayhay tä am lewoye. Chik lechufwenhen lhamel, n'älit tä ais alhoho, lhäy'e tä ahäpe elh tä nitektshanalhi. 8Isyen Dios lhämet häpkhilek nehit katsik ihanej iwoyneje chik yok, “Isit'a alhoho.” Chik mälhyejtso, häp hin'ol tä lhayen lhatayhfwasa len'äfwlhi ihiyeja tä nhanayej iwoyneje lhämet chik fwetaj ni'isa m'ak tä y'awoye.
9Fwenho iyhäj tä n'okawos wet lhok, “Ch'ahuyaye awuhuy, m'ak at chik häpe chik ne'tek lewoyaye. Känitpejwethä lhamel, wet yej chulho lhamel chik lhämet äytajlhi amej. 10Yej t'etane m'ak tä iyej, mat n'ältej tä ahäpehen lakawos tä isen wet lajit lakeyesa. Chik mälhyej'attso, m'ak at chik häpe chik lewoyaye, len'älthila tä matche tä isilataj n'ochufwenyaj tä yäme Dios Lhafwayhthi.”
11Tsi Dios pajche hin'älit lep'altsenyaj tä t'uhläk nilhokej wichi tafwayhen, 12wet ichufwen n'amejen yämlek y'aleyej m'ak tä ni'isa lhäy'e lhanech'ethayajay tä lew'et honhat, häpkhilek fwalas tä y'ehina n'ahäpehen iyhäj tä itetshanpej m'ak tä iwoye, wet lha'isyaj in'amejen, wet y'awoyepej m'ak tä y'akäntejlhi Dios. 13Häp täjtso tä lham ne'tek y'awoye, tä y'anihihlä fwala tä isilataj chik tapinlat alhoho Lhafwayhthi Jesucristo, tä häpe lhaka Dios tä wuj lhäy'e tä lesilatyaj ihi.#2~Ped 1.1 14Lham lhayachaje t'ilek lhatapehen, lhayen lahaya n'amejen yämlek ifwayhat n'amejen nilhokej m'ak tä ni'isachehen#Mar 10.45; Gál 1.4; 1~Tim 2.6 wet nilhok tä ilej n'amejen lhasukyajay, häpkhilek n'ayen häpeya laka wichi tä t'amajchet#Éx 19.5; Deut 7.6; 1~Ped 2.9 wet y'ahumin tä y'awoyepej m'ak tä is.
15M'ayhaytso häp tä en achufwenyaja, mälhetwek han'ohyaj tä i'amej tä lenityenej wichi wet lefwone lhamel tä iwoye m'ak tä ni'isa. Isit'a chik elh chik häpe ayen w'et m'ayeka.
Currently Selected:
Tit 2: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.