2~Tes 3
3
Pablo t'uhläk wichi y'alhyene Dios häp lham lhäy'e let'unfwas
1Tä lepese ipuhfwas, alhyen n'oyehen Dios häpkhilek lhämet iläfwel tä yikpe honhat wet äp wichi iwujyen tä tachumlä, mälhyej täjte amel lewoye. 2Häte alhyen n'oyehen Dios yämthilek olhamel laj owit'äyahlä häp hin'ol tä fwitses lhäy'e tä ni'isahen, tsi nilhokhiyejt'a wichi tä lechayaj ihi.
3Mat Lhawuk häpe t'at afwtintsaj, wet aikhajyenhihena wet äp t'uhla amehenlä m'ak tä ni'isa. 4Wet olhamel oisej Lhawuk wet häp tä ochaye tä kalelhäj tä amel lewoye m'ak tä olhamel ofwel amhohen wet letujlhahichela t'at. 5Is che Lhawuk ipäyen amehen yämthilek lhäy'epej lhip tä leti amejen Dios lehumnhayaj, lhäy'e tä Cristo aikhajyenhen tä ateläythayaj ihi, mälhyej tä lham iteläytej p'ante.
T'uhawetej che nilhokej Dios leles tachumwethä
6Ipuhfwas, tä Lhawuk Jesucristo lhämet n'oyejen, oyok, Yej alep'ajtayej apuhfwa che häpe che n'etäjej lechumet wet niwoyaye ochufwenyaj tä ochufwente amejen. 7Tsi amel lehanej t'at m'ak tä t'uhawetej yämthilek leten m'ak tä olhamel owoye. Tsi tä olhamel oihte amejen, otchum'atwethä 8wet otiskan'atpe elh che häpe lhäk tä otufw. Fwalapej honatsipej lhäy'e lhip tä oy'enhen tä otchumwethä, häpkhilek niwohit elh che nahayejlhi m'ak tä owatlä.#1~Tes 2.9 9Tej tä t'uhawetej t'at che amel letach'ot n'oyehen, mat olhamel owohiyet'a, otchum'atwethä tsi ot'uhläk letenay t'at m'ak tä owoye. 10Tä oihte amejen, ofwelpej amhohen tä oyok, Oelh che nit'uyahläk tachumlhi, häte isit'ak iwatlä lhäk.
11Mat olhamel ohanch'oye tä iche t'at iyhäj tä i'amejen tä n'etäjej lechumet, wet lhainahhatejwethä m'ak tä iyhäj iwoye. 12Tä mälhyejtso, tä Lhawuk Jesucristo lhämet n'oyejen, ofwenho lhamel tä oyok, Chumaywethä, woye t'at achumet, häpkhilek iche m'ak tä aisej.
13Mat häpet amel, ipuhfwas, yej t'elej tä lewoye m'ak tä ischehen. 14Che iche elh tä nitch'ahuyaye m'ak tä ofwel amhohen tä ihi cartana tä ochen amehen, tetshan elh tä häpe, wet yej alep'ajtej, häpkhilek n'äfwelh. 15Mat yej lhen atayhfwaya, tsi apuhfwa t'at, mat ämhoplhi, nityenej che ileyej tä ikachuye m'ak tä oyen lhämeta.
Lepes Pablo lhämet
16Is che Lhawuk tä n'otamsek tälhe, hiw'enpej amhomche atamsek, m'ak at che häpe che lewoye. Wet is che Lhawuk iyej nilhokej amel.
17Olham Pablo olesayen olhämtes tä on'okhayajna tä ilepese. Mälhyej lhampej otihi olhey nilhokej oka cartas tä ochene wichi. 18Is che Lhawuk Jesucristo lep'altsenyaj iyej nilhokej amel.
Currently Selected:
2~Tes 3: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.