2~Tes 2
2
Pablo ikalelhät häpet ifwalas tä ilepese
1-2Athana ipuhfwas, häpet lewhäy chik Lhawuk Jesucristo nämla wet y'alhaihuthiyejawek häp lham,#1~Tes 4.15-17 iche wichi tä yäme tä näm t'at häp ifwalatso. Mat olhamel olhaip'altsen amehen tä oyok, Chik lelätaye n'olhämet tä mälhyejtso tä elh chik häpe yäme, yej tach'anlhaye chik itilhkathi atichunhayajay. Tej chik fwetaj Dios laka Espíritu yämyenlhi, wok iche p'iya carta chik nichät amehen tä hätet iwoyek tälh n'oyehen, mat yej nuhat amhohen, 3wet yej tach'anlhaye chik elh at chik häpe ikan amejen. Tsi chik kamaj ninäma ifwalatso, wujla'pey wichi chik iwomla Dios wet tatayhlä, wet n'änhila Hin'o tä häpe M'ak tä Ni'isa T'isan, häp elh tä n'otäyhyaj lhäs. 4Lhamtso tatayhlahlä nilhokej m'ak tä õyen lheya dios lhayis lhäy'e tä õ'tiyej n'on'okhayaj,#Dan 11.36; Ezeq 28.2 wet häte yenla lew'eta Dios Lew'et tä T'amajchet, wet tatayhihiphäla wet yohlak, “Olham ohäpe Dios.”
5¿Hä letichunache täjte oi'amejen tä oyämepej tähestso? 6Wet lehanej t'at m'ak tä häpe tä itsoklhi athana, pajla'tha nichäte lewhäy chik n'änhila. 7Ifwalasna iche t'at häp M'ak tä Hich'atej tä Ni'isa tä tälhe Hin'otso. Tej tä nin'äla, mat ihi t'at honhat. Mat chik õ'tihiyeja kanhi häp n'okhajyhayaj tä itsoklhi, 8wet nech'e häpkhilek n'äl Hin'otso. Mat chik äp paj wet nämla Lhawuk Jesús, wet ilänhiyeja leyalh tä tälhche lhayhi wet itäyhthiyeja leleplehyaj.
Häpet M'ak tä Ni'isa T'isan chik nämla, lhäy'e wichi tä yenla lehäneka
9Wet häpet Hin'otso tä häpe M'ak tä Ni'isa T'isan chik näm, oyok, Satanás lakhajyhayaj nekhichela, wet yenhilhila m'ayhay tä iselkathiyeja wichi, lhäy'e letetnhay tä kamatachehen.#Mat 24.24 10Wet yenhilhila nilhokej m'ayhay tä ni'isachehen tä ikanejen wichi tä ihoye t'at letäyhyaj, häp lhamel tä nitchumahlä m'ak tä matche mat y'ulhan, wet tek tafwayhen. 11Häp tä tamenej tä Dios yen n'otkanyaj kwenkaya lhamel, yämthilek t'ekhaye m'ak tä kamatache. 12Tä mälhyejtso, nilhokej wichi tä ikachuye m'ak tä matche, mat yen lakäjyaja m'ak tä ni'isa, Dios itiyej t'at letes.
Dios leles lefwayhyaj
13Mat olhamel owopej graciasayej Dios atapehen, ipuhfwas tä Lhawuk lehumnhay, tsi Dios tatshupi amehen yämthilek ahäpehen wichi tä ichun tä ikatej n'ofwayhyaj, häp tä isej laka Espíritu tä ayen t'amajchetesa lhäy'e tä let'ekhaye m'ak tä matche. 14Häp täjtso tä tamenej tä Dios t'än amehen, häp tä isej Lesilätyaj tä olhamel owohte siläta amejen, häpkhilek i'amejen Lhawuk Jesucristo lewujyaj. 15Tä mälhyejtso, ipuhfwas, akhajyenhen wet tsokaylhi ochufwenyaj tä olhamel ofwelte amhohen wok otihi oka carta tä ochennaj amehen.
16Wet athana oy'alhyen amehen häp Lhawuk Jesucristo lhäy'e Dios Lhajcha tä n'aihumnhen, lhäy'e tä n'aip'altsenhen tä iti n'amejen lakhajyhayaj tä najit lepesa lhäy'e lhaniwhayaj tä is. 17Is chik wuj tä ikhajyenhen ahusey, yämthilek matche tä isen nilhokej ämtes lhäy'e m'akpej tä lewoye.
Currently Selected:
2~Tes 2: WCHB
Highlight
Share
Copy
Want to have your highlights saved across all your devices? Sign up or sign in
Biblia Wichí, Dios Lhämtes tä Matchehen © Sociedad Bíblica Argentina, 2002.