Salmos 1
1
Diosin tsain tanacoianshu non unimacointiro
1Yora chacafoan noco shinanmapaiyai cuscan non tanayamashu non unimatiro. Ascara yorafo fu rafufafainyamacahuun. Nanfo Diosin tsainqui cashu mutsama icaifo cuscan non ato fu ayamashu non fasi unimacointiro.
2Ascan chaca huamisifoan acaifo cuscan non huatamarocon nocon Ifo Diosin yonoa cuscan non fasi fuchipaicoin. Non asca huaiton shafatisho non yamutishori Diospan tsainhuunoa non shinanfafaintiroquin.
3Nanscarifi ai nan ihui unu chaima fana cuscaran non itiro. Unu chaima ihui fanashu ahuun fimi ichapaya itiro. Ascashu ahuun puiricai tsasipacunacama. Nanscarifi ai non nocon Ifo Diosi tana sharashu non isharacain non futsafori ato shara huashotiro. Nantifi non acai cuscan sharacoin iishquin.
4Ascan nan chaca huamisifocai ascarafoma. Nanfofin nan ahuara chaca chispo cuscarafoquin. Fuuquin chishpofo nonyatiro afanan ano chishpofo inonma.
5Ascacun nan Ifo Diosin yoiaitian ratofomain a fu ipatirofo iyamarai omitsiscapanacafo muran focanicai nan ahuun tsain nicacasmafofin Ifo Diosin ato yoiquin isca huaiquin, —Man nuno u fu itiromaran, —ishon ato yoishquin. Nan chaca huamisifocai Diospan yorafo fu itiroma.
6Nocon Ifo Diosifin yonoa cuscan huamisifo oinfafainniquin ato cushusharashquin. Ascan nan ahuun tsain nicacasmamisifo omitsiscapanacafo muran focaniquin.
Currently Selected:
Salmos 1: mcd
Highlight
Share
Copy
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.