Filipenses 3
3
Arrpaꞌ all eñotatyesanet ñeñth eꞌñe poꞌñoxh sherbets Yomporekop ñamha ñeñth eꞌñe orrena kothaphñats
1Ellonethpaꞌ oꞌch alla masheñnesha ñamha noxhanesha noterrserr poꞌpocheño, eꞌñe sameꞌñeñoth Yepartseshar Cristopaꞌ xhokmoepaꞌch sokshena. Amaꞌt theꞌpaꞌ oꞌch alla noterrserr ateth tharroꞌmar amach nemoenmeꞌche sotareꞌteꞌ ateth, tharroꞌmar ñeñthpaꞌ ñeñthchaꞌ nanak seyemta sa. 2Ñamha theꞌpaꞌ oꞌch notas poꞌpoñoneth. Señotaꞌthach ñatoꞌtña seyemteñaꞌ ñeñth acheñeneshar ñeñth añach thorrenet ñeñth ama kowenayaye, ñeñth eꞌmoñeꞌteneꞌ kowen serrparñats ñeñth alloch poꞌñoxh yekeshperra. Ñetpaꞌ eꞌñe ateth nentenanet ñerraꞌmrratheꞌ ochek ñeñth nanak atsenaꞌtareth. Ñeñth judioneshaꞌ ñeñth oꞌ notwanmaspaꞌ añach maꞌyoxhrenet kothaphñats atthoch tsorrannenet atthoꞌch poechemer perranetañ Yompor. 3Tharraña yapaꞌ yaña eꞌñe poꞌñoxh poechemer oꞌ enterrey Yompor, tharroꞌmar yapaꞌ eꞌñe yeñoteñ ama yetsorrannaꞌteñotheyeꞌ poechemer penye Yompor. Poꞌñoxh poechemer perrey tharroꞌmar yapaꞌ eꞌñe yoksheñoth Parets ñeñthpaꞌ eꞌñe Poekamkëñoth wena. Ñamha poechemer oꞌ perrey Yompor tharroꞌmar yapaꞌ yoksheññaña Poechemer Cristo Jesús ñamha tharroꞌmar yapaꞌ ama añeyeꞌ yeyemteno ñeñth ateth yetsotaten eꞌñe yañeña, ñeñth eꞌñech yechtsochaya. 4Ñewa, ñerraꞌm eseshaꞌ ñetpaꞌ xhatheꞌ otenapoetañ añtheꞌ poktetsa oꞌch yeyemtena ñeñth allo es yepenañ alloch yekeshperra eꞌñe yothothapaꞌ nokoppaꞌxhoꞌ eñalleñ shonteꞌ ñeñth neyemtenañ, tharroꞌmar ñeñth allpon oꞌ netsotatwenpaꞌ ello metanaꞌtwenan allowen poꞌpsheññexhno namoꞌtseshaxhno poetsotateñ. 5Tharroꞌmar napaꞌ oꞌ eꞌñe allpon netsotweññañ judioneshaꞌ pokthaphña: Amaꞌt poꞌpsokmatñotheñ allempo neꞌñalletwapaꞌ napaꞌ atsorratatholleꞌtarethen#3.5 Oꞌch sekweꞌ nota San Lucas 1.59. ñeñth ateth anwareth allowen asheñorrotholleshakop ñeñthey judioneshay, tharroꞌmar eꞌñe israelenaꞌtareshoth ñeñth eꞌñe judiomhreyoth eñalletñan. Ellonethpaꞌ ñamha napaꞌ Benjamín poꞌmhrenñen. Ñamha napaꞌ eꞌñe hebreoneshan tharroꞌmar ach ñamha apapaꞌ eꞌñe judioneshet poktakma ñeñth eñets eꞌñe ya yeñoño ñeñthara hebreaxho. Allothpaꞌ ñamha na awathpaꞌ eꞌñe fariseoneshan ñeñthen nanak maꞌyoxhrayeꞌth atthoch netsotwa ora allpon ñoñets ñeñth akellkaꞌwareth judioneshakop. 6Nanak netsoteꞌth judioneshaꞌ pokthaphña. Eꞌñe nemoñseñoth yokthaphña napaꞌ neꞌmoñeꞌcheꞌth allowen ñeñth oꞌ ameꞌñerrana Cristo. Ñeñthoꞌmarña epayeꞌch neꞌnameꞌtaneteꞌth atthoch errothenothpaꞌ oꞌtheꞌ erroth nephatanet. Ñamha ora ateth oteney ñoñets ñeñth ateth anareth judioneshakop napaꞌ xhokma eꞌñe ateth nephowaweꞌth. Ñeñthoꞌmarña ama eñalleꞌthe amaꞌt pathrra ñeñth nepalltena atthoch ello poꞌpsheñeñpaꞌ oꞌch otnet ñeñthoꞌ nepalltenmeñ. 7Allempo ateth netsotrroteꞌth ñeñthekop nañapaꞌ ñeñtha notenapañ ñeñththeꞌña nanak sherbets nokop. Tharraña theꞌñapaꞌ eꞌñe nemorrenteñoth Cristopaꞌ oꞌ neñoter ñeñth allpon oꞌ nephowawapaꞌ amach es sherberro nokop amaꞌt koñeꞌtha. 8Amaꞌt elloneth allowen poꞌpoñexhno ñeñth nenteꞌth ñeñthoꞌch sherbhatseñ nokoppaꞌ theꞌña eꞌñe neyemteñoth Cristopaꞌ ama asherbenayeꞌ nenteñe, amaꞌt koñeꞌtha, tharroꞌmar theꞌpaꞌ oꞌ neyemtera Yepartseshar Cristo Jesús ñeñth nanak sherbets. Ñapaꞌ ello metanaꞌtwenan allowen poꞌpoñexhno ñeñth ateth nenteꞌth na ñeñthoꞌña nanak sherbets. Ñeñthoꞌmarña nemorrenteñoth Cristo theꞌpaꞌ oꞌ nepoeswerr ora poꞌpoñexhno, nokop theꞌñapaꞌ ama esoyeꞌ nenteñe eshekchaꞌ theꞌpaꞌ eꞌñech noksheñeshaꞌ nokther Cristo. 9Allochñapaꞌ eꞌñe yeparrokmateñoth Cristo, Pomporpaꞌ eꞌñech pokteꞌ enteney tharroꞌmar amach añotheyeꞌ aꞌkeshphaterrye eꞌñe yothotha amaꞌt yetsotatsetwawa ñoñets ñeñth ateth anareth judioneshakop. Añothchaꞌña theꞌpaꞌ eꞌñech pokteꞌ enterrey eꞌñe yeyemteñotha ñeñth Poechemer pen ñeñthpaꞌ Cristo. 10Attho eꞌñe yeparrokmateñoth Cristopaꞌ oꞌch yagërrñañ poꞌwamenk attho ñapaꞌ nanak awamenkathtena allempotheñ tanterra poerromñoth. Ñamha eꞌñe yeyemteñoth Cristopaꞌ eꞌñech pokteꞌ yeñch amaꞌt eꞌñe errothenothpaꞌ oꞌch yemoeroxhta eꞌñe ñoꞌmara attho ñapaꞌ nanak amoeroxhtatarethteꞌth. Ñamha amaꞌt yemoeroxhetwaneñoth Cristokopchaꞌ yerromapaꞌ ñeñthpaꞌ eꞌñepaꞌch pokteꞌ yeñch tharroꞌmar atethchaꞌ yerromaprecha Cristo. 11Atthochña yapaꞌxhoꞌña yetantwerrach esempowañen.
Ñeñthach eꞌñe patherr llekëꞌth Pablo
12Ñewa, napaꞌ ama noteno napaꞌ oꞌ eꞌñe poktakma netsotwawen ora allpon ñeñth pokteꞌ enten Cristo. Ñamha poꞌñoxhpaꞌ ama noteno napaꞌ eꞌñe es koxhneshareꞌ nokthapeꞌchwen. Tharraña amaꞌt ateth neñotenapaꞌ elloña theꞌpaꞌ alloꞌnaña nesen amaꞌt akopha oꞌch netsotnom ñeñth pokteꞌ enten Cristo Jesús, tharroꞌmar ñapaꞌ ñeñthekop oꞌ poeyochreshaꞌ perren. 13Napaꞌ masheñnesha ñamha noxhanesha neñotena poꞌñoxhpaꞌ ama attheyeꞌ nephoweno ora allpon ñeñth kowentetsa Cristokop. Tharraña amaꞌt atethpaꞌ amach ñeñtha neyerpoerreꞌthe, xhochña nepoeswanom ñeñth ateth nephatseꞌtyeseꞌth awathotheñ. Theꞌñapaꞌ añach nemaꞌyoxhrena atthoch alloꞌnach nesen amaꞌt akopha etsotayesnomoeꞌ ñeñth poktetsa Cristokop. 14Tharroꞌmar ñeñthekop oꞌ xhoreꞌterrey Yompor poeꞌntañoth atthoch eꞌñe yeparrokmateñoth epay Poechemer ñeñth Cristo Jesús, esempopaꞌ yephowerrach ora errpontheꞌ eꞌñe pokteꞌ enten ña. Allochñapaꞌ apwerreychaꞌ ñeñth oꞌpatatenya ñeñthchaꞌ nanak yokshatwerreꞌ alloweney ñeñthey oꞌ yameꞌñera.
15Ñamha oꞌch notas ñeñthes poꞌñoxh oꞌ sameꞌñaꞌwera Cristo awañmoꞌchotheñ, theꞌpaꞌ ñeñthña oꞌ notwanmas eꞌñepaꞌch seyoxhreꞌcha. Ñamha ñerraꞌm erraꞌtsentheꞌ sokthapeꞌchyen ñeñth ama attheyeꞌ poktetso Yomporekoppaꞌ ñeñthpaꞌxhoꞌña eꞌñe ña Poekamkëñothpaꞌ ñach eꞌñe señotatwerreꞌ. 16Añchaꞌña eꞌñe pokteꞌ oꞌch yephowena ñeñth allpon oꞌ xhapatwonay Yompor eꞌñe yeyoxhro ñeñth yeñoten erraꞌtsentheꞌ eꞌñe pokteꞌ enten ña.
Eꞌñech kowen yokrrena ateth korreꞌth Pablo
17Ñamha oꞌch, masheñneshachaꞌ ñamha noxhaneshachaꞌ, oꞌch notas, ñeñth ateth sentenen ateth nokrrena napaꞌ sapaꞌxhoꞌña atethchaꞌ sokrra samha allowenes. Ñamha añchaꞌña sekwaꞌ ñeñth señoten erraꞌtsentheꞌ ñeñth eꞌñe ateth korretsa kowen ñeñth ateth entenyet ya. 18Tharroꞌmar añ patsropaꞌ eñall shonteꞌ acheñeneshaꞌ ñeñth ateth penetpaꞌ yapaꞌ yeñoteñ ama ayemoetpawoyeꞌ enteñeto attho Cristopaꞌ rroma korsocho atthothchaꞌ yekeshperra. Amaꞌt ñeñthpaꞌ shontoch oꞌ notwanmas awañapaꞌ theꞌpaꞌxhoꞌña eꞌñe nanak nellkëñeshaꞌpaꞌ oꞌ alla noterrserr. 19Ñetpaꞌ aña oꞌpatenawet atthoch allowenetpaꞌ eꞌñech chenkaꞌwerret. Añach yomhaꞌyenet atthoch rraꞌyenet amapaꞌ orrareꞌtyenet. Ñeñth ateth yomhatseꞌtyenetpaꞌ ñeñthpaꞌ ateth ñerraꞌmrratheꞌ ñeñtha poꞌyomporer penet. Amaꞌt ñeñthchaꞌ penkatawetañpaꞌ tharraña ñetñapaꞌ ñeñthach atarr koshatenawet. Ñamha añach eꞌñe nenet poeyoxhro ñeñthchaꞌ ateth koshatseꞌtatyenawet arr patsro. 20Tharraña yapaꞌ oꞌwañ attheyeꞌ yokthapeꞌch tharroꞌmar añ patsropaꞌ amaꞌt all yeyxhenañpaꞌ tharraña poꞌñoxhpaꞌ ama yaꞌnetsreyaye. Tharroꞌmar yaꞌnetsro allchaꞌ yeyxherra ya errponowañenpaꞌ ñeñthpaꞌ all Yompor poeꞌntaño. Ñeñthara poeꞌntañothpaꞌ yekweñ alloth esempowañenchaꞌ werra Yepartseshar Jesucristo ñeñth Yaꞌkeshphatañer yepen. 21Ñerraꞌm oꞌch werra añe patsropaꞌ ya ñeñthey arromñatheypaꞌ ñapaꞌ oꞌch aꞌpoꞌpoñetwerrnay yechets, allochñapaꞌ yapaꞌxhoꞌña yorrterrach eꞌñech atthey ñerraꞌm ña poꞌpartsoteñothpaꞌ nanak kowentena. Eꞌñech ña poꞌwamenkoth aꞌpoꞌpoñetwerrey ñeñthara poꞌwamenkothpaꞌ eꞌñech pomnaren phowerran allowen allpon ñeñth eñall.
Currently Selected:
Filipenses 3: ame
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
Filipenses 3
3
Arrpaꞌ all eñotatyesanet ñeñth eꞌñe poꞌñoxh sherbets Yomporekop ñamha ñeñth eꞌñe orrena kothaphñats
1Ellonethpaꞌ oꞌch alla masheñnesha ñamha noxhanesha noterrserr poꞌpocheño, eꞌñe sameꞌñeñoth Yepartseshar Cristopaꞌ xhokmoepaꞌch sokshena. Amaꞌt theꞌpaꞌ oꞌch alla noterrserr ateth tharroꞌmar amach nemoenmeꞌche sotareꞌteꞌ ateth, tharroꞌmar ñeñthpaꞌ ñeñthchaꞌ nanak seyemta sa. 2Ñamha theꞌpaꞌ oꞌch notas poꞌpoñoneth. Señotaꞌthach ñatoꞌtña seyemteñaꞌ ñeñth acheñeneshar ñeñth añach thorrenet ñeñth ama kowenayaye, ñeñth eꞌmoñeꞌteneꞌ kowen serrparñats ñeñth alloch poꞌñoxh yekeshperra. Ñetpaꞌ eꞌñe ateth nentenanet ñerraꞌmrratheꞌ ochek ñeñth nanak atsenaꞌtareth. Ñeñth judioneshaꞌ ñeñth oꞌ notwanmaspaꞌ añach maꞌyoxhrenet kothaphñats atthoch tsorrannenet atthoꞌch poechemer perranetañ Yompor. 3Tharraña yapaꞌ yaña eꞌñe poꞌñoxh poechemer oꞌ enterrey Yompor, tharroꞌmar yapaꞌ eꞌñe yeñoteñ ama yetsorrannaꞌteñotheyeꞌ poechemer penye Yompor. Poꞌñoxh poechemer perrey tharroꞌmar yapaꞌ eꞌñe yoksheñoth Parets ñeñthpaꞌ eꞌñe Poekamkëñoth wena. Ñamha poechemer oꞌ perrey Yompor tharroꞌmar yapaꞌ yoksheññaña Poechemer Cristo Jesús ñamha tharroꞌmar yapaꞌ ama añeyeꞌ yeyemteno ñeñth ateth yetsotaten eꞌñe yañeña, ñeñth eꞌñech yechtsochaya. 4Ñewa, ñerraꞌm eseshaꞌ ñetpaꞌ xhatheꞌ otenapoetañ añtheꞌ poktetsa oꞌch yeyemtena ñeñth allo es yepenañ alloch yekeshperra eꞌñe yothothapaꞌ nokoppaꞌxhoꞌ eñalleñ shonteꞌ ñeñth neyemtenañ, tharroꞌmar ñeñth allpon oꞌ netsotatwenpaꞌ ello metanaꞌtwenan allowen poꞌpsheññexhno namoꞌtseshaxhno poetsotateñ. 5Tharroꞌmar napaꞌ oꞌ eꞌñe allpon netsotweññañ judioneshaꞌ pokthaphña: Amaꞌt poꞌpsokmatñotheñ allempo neꞌñalletwapaꞌ napaꞌ atsorratatholleꞌtarethen#3.5 Oꞌch sekweꞌ nota San Lucas 1.59. ñeñth ateth anwareth allowen asheñorrotholleshakop ñeñthey judioneshay, tharroꞌmar eꞌñe israelenaꞌtareshoth ñeñth eꞌñe judiomhreyoth eñalletñan. Ellonethpaꞌ ñamha napaꞌ Benjamín poꞌmhrenñen. Ñamha napaꞌ eꞌñe hebreoneshan tharroꞌmar ach ñamha apapaꞌ eꞌñe judioneshet poktakma ñeñth eñets eꞌñe ya yeñoño ñeñthara hebreaxho. Allothpaꞌ ñamha na awathpaꞌ eꞌñe fariseoneshan ñeñthen nanak maꞌyoxhrayeꞌth atthoch netsotwa ora allpon ñoñets ñeñth akellkaꞌwareth judioneshakop. 6Nanak netsoteꞌth judioneshaꞌ pokthaphña. Eꞌñe nemoñseñoth yokthaphña napaꞌ neꞌmoñeꞌcheꞌth allowen ñeñth oꞌ ameꞌñerrana Cristo. Ñeñthoꞌmarña epayeꞌch neꞌnameꞌtaneteꞌth atthoch errothenothpaꞌ oꞌtheꞌ erroth nephatanet. Ñamha ora ateth oteney ñoñets ñeñth ateth anareth judioneshakop napaꞌ xhokma eꞌñe ateth nephowaweꞌth. Ñeñthoꞌmarña ama eñalleꞌthe amaꞌt pathrra ñeñth nepalltena atthoch ello poꞌpsheñeñpaꞌ oꞌch otnet ñeñthoꞌ nepalltenmeñ. 7Allempo ateth netsotrroteꞌth ñeñthekop nañapaꞌ ñeñtha notenapañ ñeñththeꞌña nanak sherbets nokop. Tharraña theꞌñapaꞌ eꞌñe nemorrenteñoth Cristopaꞌ oꞌ neñoter ñeñth allpon oꞌ nephowawapaꞌ amach es sherberro nokop amaꞌt koñeꞌtha. 8Amaꞌt elloneth allowen poꞌpoñexhno ñeñth nenteꞌth ñeñthoꞌch sherbhatseñ nokoppaꞌ theꞌña eꞌñe neyemteñoth Cristopaꞌ ama asherbenayeꞌ nenteñe, amaꞌt koñeꞌtha, tharroꞌmar theꞌpaꞌ oꞌ neyemtera Yepartseshar Cristo Jesús ñeñth nanak sherbets. Ñapaꞌ ello metanaꞌtwenan allowen poꞌpoñexhno ñeñth ateth nenteꞌth na ñeñthoꞌña nanak sherbets. Ñeñthoꞌmarña nemorrenteñoth Cristo theꞌpaꞌ oꞌ nepoeswerr ora poꞌpoñexhno, nokop theꞌñapaꞌ ama esoyeꞌ nenteñe eshekchaꞌ theꞌpaꞌ eꞌñech noksheñeshaꞌ nokther Cristo. 9Allochñapaꞌ eꞌñe yeparrokmateñoth Cristo, Pomporpaꞌ eꞌñech pokteꞌ enteney tharroꞌmar amach añotheyeꞌ aꞌkeshphaterrye eꞌñe yothotha amaꞌt yetsotatsetwawa ñoñets ñeñth ateth anareth judioneshakop. Añothchaꞌña theꞌpaꞌ eꞌñech pokteꞌ enterrey eꞌñe yeyemteñotha ñeñth Poechemer pen ñeñthpaꞌ Cristo. 10Attho eꞌñe yeparrokmateñoth Cristopaꞌ oꞌch yagërrñañ poꞌwamenk attho ñapaꞌ nanak awamenkathtena allempotheñ tanterra poerromñoth. Ñamha eꞌñe yeyemteñoth Cristopaꞌ eꞌñech pokteꞌ yeñch amaꞌt eꞌñe errothenothpaꞌ oꞌch yemoeroxhta eꞌñe ñoꞌmara attho ñapaꞌ nanak amoeroxhtatarethteꞌth. Ñamha amaꞌt yemoeroxhetwaneñoth Cristokopchaꞌ yerromapaꞌ ñeñthpaꞌ eꞌñepaꞌch pokteꞌ yeñch tharroꞌmar atethchaꞌ yerromaprecha Cristo. 11Atthochña yapaꞌxhoꞌña yetantwerrach esempowañen.
Ñeñthach eꞌñe patherr llekëꞌth Pablo
12Ñewa, napaꞌ ama noteno napaꞌ oꞌ eꞌñe poktakma netsotwawen ora allpon ñeñth pokteꞌ enten Cristo. Ñamha poꞌñoxhpaꞌ ama noteno napaꞌ eꞌñe es koxhneshareꞌ nokthapeꞌchwen. Tharraña amaꞌt ateth neñotenapaꞌ elloña theꞌpaꞌ alloꞌnaña nesen amaꞌt akopha oꞌch netsotnom ñeñth pokteꞌ enten Cristo Jesús, tharroꞌmar ñapaꞌ ñeñthekop oꞌ poeyochreshaꞌ perren. 13Napaꞌ masheñnesha ñamha noxhanesha neñotena poꞌñoxhpaꞌ ama attheyeꞌ nephoweno ora allpon ñeñth kowentetsa Cristokop. Tharraña amaꞌt atethpaꞌ amach ñeñtha neyerpoerreꞌthe, xhochña nepoeswanom ñeñth ateth nephatseꞌtyeseꞌth awathotheñ. Theꞌñapaꞌ añach nemaꞌyoxhrena atthoch alloꞌnach nesen amaꞌt akopha etsotayesnomoeꞌ ñeñth poktetsa Cristokop. 14Tharroꞌmar ñeñthekop oꞌ xhoreꞌterrey Yompor poeꞌntañoth atthoch eꞌñe yeparrokmateñoth epay Poechemer ñeñth Cristo Jesús, esempopaꞌ yephowerrach ora errpontheꞌ eꞌñe pokteꞌ enten ña. Allochñapaꞌ apwerreychaꞌ ñeñth oꞌpatatenya ñeñthchaꞌ nanak yokshatwerreꞌ alloweney ñeñthey oꞌ yameꞌñera.
15Ñamha oꞌch notas ñeñthes poꞌñoxh oꞌ sameꞌñaꞌwera Cristo awañmoꞌchotheñ, theꞌpaꞌ ñeñthña oꞌ notwanmas eꞌñepaꞌch seyoxhreꞌcha. Ñamha ñerraꞌm erraꞌtsentheꞌ sokthapeꞌchyen ñeñth ama attheyeꞌ poktetso Yomporekoppaꞌ ñeñthpaꞌxhoꞌña eꞌñe ña Poekamkëñothpaꞌ ñach eꞌñe señotatwerreꞌ. 16Añchaꞌña eꞌñe pokteꞌ oꞌch yephowena ñeñth allpon oꞌ xhapatwonay Yompor eꞌñe yeyoxhro ñeñth yeñoten erraꞌtsentheꞌ eꞌñe pokteꞌ enten ña.
Eꞌñech kowen yokrrena ateth korreꞌth Pablo
17Ñamha oꞌch, masheñneshachaꞌ ñamha noxhaneshachaꞌ, oꞌch notas, ñeñth ateth sentenen ateth nokrrena napaꞌ sapaꞌxhoꞌña atethchaꞌ sokrra samha allowenes. Ñamha añchaꞌña sekwaꞌ ñeñth señoten erraꞌtsentheꞌ ñeñth eꞌñe ateth korretsa kowen ñeñth ateth entenyet ya. 18Tharroꞌmar añ patsropaꞌ eñall shonteꞌ acheñeneshaꞌ ñeñth ateth penetpaꞌ yapaꞌ yeñoteñ ama ayemoetpawoyeꞌ enteñeto attho Cristopaꞌ rroma korsocho atthothchaꞌ yekeshperra. Amaꞌt ñeñthpaꞌ shontoch oꞌ notwanmas awañapaꞌ theꞌpaꞌxhoꞌña eꞌñe nanak nellkëñeshaꞌpaꞌ oꞌ alla noterrserr. 19Ñetpaꞌ aña oꞌpatenawet atthoch allowenetpaꞌ eꞌñech chenkaꞌwerret. Añach yomhaꞌyenet atthoch rraꞌyenet amapaꞌ orrareꞌtyenet. Ñeñth ateth yomhatseꞌtyenetpaꞌ ñeñthpaꞌ ateth ñerraꞌmrratheꞌ ñeñtha poꞌyomporer penet. Amaꞌt ñeñthchaꞌ penkatawetañpaꞌ tharraña ñetñapaꞌ ñeñthach atarr koshatenawet. Ñamha añach eꞌñe nenet poeyoxhro ñeñthchaꞌ ateth koshatseꞌtatyenawet arr patsro. 20Tharraña yapaꞌ oꞌwañ attheyeꞌ yokthapeꞌch tharroꞌmar añ patsropaꞌ amaꞌt all yeyxhenañpaꞌ tharraña poꞌñoxhpaꞌ ama yaꞌnetsreyaye. Tharroꞌmar yaꞌnetsro allchaꞌ yeyxherra ya errponowañenpaꞌ ñeñthpaꞌ all Yompor poeꞌntaño. Ñeñthara poeꞌntañothpaꞌ yekweñ alloth esempowañenchaꞌ werra Yepartseshar Jesucristo ñeñth Yaꞌkeshphatañer yepen. 21Ñerraꞌm oꞌch werra añe patsropaꞌ ya ñeñthey arromñatheypaꞌ ñapaꞌ oꞌch aꞌpoꞌpoñetwerrnay yechets, allochñapaꞌ yapaꞌxhoꞌña yorrterrach eꞌñech atthey ñerraꞌm ña poꞌpartsoteñothpaꞌ nanak kowentena. Eꞌñech ña poꞌwamenkoth aꞌpoꞌpoñetwerrey ñeñthara poꞌwamenkothpaꞌ eꞌñech pomnaren phowerran allowen allpon ñeñth eñall.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.