Filipenses 2
2
Atethchaꞌ yentena yañeña eꞌñe poesheñaꞌttsoy ateth enteꞌth Cristo eꞌñe ñañeña
1-2Theꞌpaꞌ oꞌch notas ñamha poꞌpoñ. Ñerraꞌm poꞌñoxh yameꞌñeñoth Cristo eꞌñech yokshatannena allempoña poꞌñoxh sapaꞌ sokshaterrenchaꞌ namha. Añña ñeñthchaꞌ nokshateneꞌ eꞌñe poktakma ñerraꞌm eꞌñech pathrra sokthapeꞌchwen allowenes. Ñamha ñerraꞌm poꞌñoxh eꞌñe yemorrentannaꞌteñoth eꞌñech yeyemtannaꞌtwenapaꞌ ñewa, theꞌñapaꞌ xhokmoepaꞌch semorrentannena amaꞌt eꞌñe sagattsa ñeñthes eꞌñe parroꞌmarneshakmas. Ñamha ñerraꞌm alloweney poꞌñoxh chorraꞌwenya ñeñthara Parets Poekamkëñpaꞌ ñeñthothchaꞌña eꞌñepaꞌch sepathrratwen sokthaphñoth allowenes. Ñamha ñerraꞌm poꞌñoxh eꞌñe soksheñeshaꞌ semoerannenapaꞌ ñeñthothchaꞌña amach poꞌpoñ sentannaꞌtwatsto. 3-4Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.
5Añña pokteꞌ oꞌch senta sañeña ateth enteꞌth Cristo Jesús eꞌñe ñañeña allempo wapa añe patsro. 6Ñewa, ñapaꞌ amaꞌt nanak Paretspaꞌ ama ommoꞌchaneꞌthe poꞌpartsoña. 7-8Ñapaꞌ eꞌñe pokteꞌ encheꞌth oꞌch ateth enteñ acheñeneshaꞌ ñerraꞌmrratheꞌ ñapaꞌ ama Partsoyaye, oꞌch attha orrtena ñerraꞌm ama esoyaye ateth pena acheñ ñeñth eꞌñech pawner apharethtena. Tharraña añekop ateth peꞌth atthothchaꞌ sherbenan Pompor amaꞌt ñamha acheñeneshaꞌ. Ñamha ñapaꞌ amaꞌt Paretspaꞌ oꞌ acheñetos arr patsro, eꞌñe ateth orrtosa ñerraꞌm ya ñeñthey arromñathey. Ñañapaꞌ alloꞌna sen pawner entatatsa atthothña eꞌñe poeꞌmhñoteñoth Pomporpaꞌ eꞌñe pokteꞌ eñch oꞌch rroma korsocho ñeñth nanak apenkoxhen enteteꞌth ñerraꞌm eseshaꞌ rromats ateth korsocho. 9Ñeñthoꞌmarña atthothña Pomporpaꞌ oꞌ alla nanak aꞌkowentater ñamha oꞌ alla apwer ello paꞌsoꞌcheñ ñeñth nanak kowen sherbets. Ñeñthña soꞌchñetspaꞌ ello metanaꞌtwanenan allowen poꞌpoñexhno soꞌchñetsoxhno. 10-11Ñeñthoꞌmarña esempowañenpaꞌ allowenet poꞌyorñothetpaꞌ aꞌmethaꞌweretchaꞌ eꞌñe poktakma, Jesucristepaꞌtña ñeñth nanak partsotets. Allochñapaꞌ attho eꞌñe pameꞌñaꞌrrteñothet Jesús paꞌsoꞌchñopaꞌ konkorpaꞌrretweretchaꞌ allowenet ñeñth allpon eñall amaꞌt allowen ñeñth entoꞌmarneshaꞌ ñamha allowen patsoꞌmarneshaꞌ ñamha allowen oꞌponoꞌtseneshaxhno ñeñth patsoꞌtsen. Atthochña allempopaꞌ ayeꞌchoxhtatarethterra Yompor ñeñth nanak Parets.
Añach yemaꞌyoxhrena atthoch alloꞌnach yesen amaꞌt akopha etsotyesnomoeꞌ ñeñth poktetsa Cristokop
12Theꞌpaꞌ eꞌñe nemorrenteñothes masheñnesha ñamha noxhanesha oꞌch notenes, awañmoꞌchapaꞌ xhokma seꞌmhñotneꞌth ñeñth ateth notaseꞌth allempo seshoꞌtsenen. Theꞌpaꞌxhoꞌña atthekmach seꞌmhñoten ñeñthchaꞌ ateth noterrserr amaꞌt theꞌpaꞌ nanak bhaxhayoꞌtsenen seshoth. Theꞌpaꞌ añach notas ñeñthchaꞌ ateth sepha. Xhokmoepaꞌch semaꞌyoxhra atthoch alloꞌnach sesen etsotnomoeꞌ ñeñth kowen enten Yompor, tharroꞌmar ñapaꞌ ñeñthekopña oꞌ aꞌkeshphaterres. Tharraña eꞌñech semhchaꞌnaꞌteñoth seyomcha Yompor tharroꞌmar yeñoteñ yoroxhenoꞌtsenya ñerraꞌm ama Yompor poꞌwamenko yeyemto. 13Tharroꞌmar Yompora eꞌñe yemnateneꞌ eꞌñe yeyoxhro ñeñth kowen enten ña. Ñamha ñapaꞌ ñach awamenkath yepeneꞌ atthoch yetsotoñ amaꞌt ora erraꞌtsenchaꞌ koshateneꞌ ña.
14Oꞌch noterrserr elloneth theꞌpaꞌ ñeñth ama attheyeꞌ es sepeno. Amaꞌt eseshakpa amach epwoyeꞌ es ateth sepeno, señoseñeshothpaꞌ amach es sotnareꞌtannaꞌtatsto. 15Allochñapaꞌ ñerraꞌm ama ateth yepenopaꞌ eꞌñech kowen entyeney allowen acheñeneshaꞌ, amach eñalle atthoch eseshaꞌpaꞌ oꞌch eñosyenet yokop añoꞌ pokteyeꞌ es yephaꞌyeno, tharroꞌmar eꞌñech kowen es yokthapeꞌchyen atthoch yorrtaten ateth penaña ñeñth poꞌñoxh oꞌ poechemer per Yompor. Amach eñalle ñeñthchaꞌ aꞌsosyateneꞌ attho yokrrena eꞌñe kowen Yomporekop añe patsro. Eꞌñech kowen yorrtena acheñeneshakop amaꞌt ñeñth ama ameꞌñetso ñeñth atarr nanak sosey kothapeꞌchenet. Kowenchaꞌ yorretyena ateth ñerraꞌmrratheꞌ rantoxhno ñeñth aꞌpoetareneꞌ chekmeteꞌ tsapo. 16Atthoch saꞌpoetarsamphsanetpaꞌ xhoch señotaterranet ñoñets ñeñth wetsa Yomporeshoth alloch yokrrerra eꞌñe kowen. Allochñapaꞌ ñerraꞌm esempowañenchaꞌ werra Cristopaꞌ sokshaterrenchaꞌ, tharroꞌmar neñoterchaꞌ ama eꞌñe orrena nanak nethorrerro sokop. 17Ñamha amaꞌtchaꞌ machayotha moetsataterrnet arr attho napaꞌ oꞌ nameꞌñatasa, napaꞌ atarr nokshena ñamha theꞌpaꞌxhoꞌña nokshapretensa attho sameꞌñerra. Añña sameꞌñeñapaꞌ ñeñthchaꞌ yewapateññañ Yompor ateth ñerraꞌmrratheꞌ ñeñth amtsarethtetsa ñokop. Ñamha nerraspaꞌ ñeñthchaꞌ orrtatsa ñerraꞌmrratheꞌ ñeñthchaꞌ ashatarethtatsa all ñeñthchaꞌ oꞌpatateñet Yompor. 18Ñeñthoꞌmarña napaꞌ nemneñ sapaꞌ amach xha sellkatsto, xhochña sokshapreterrna ñeñth ateth oꞌ notwas.
Timoteopaꞌ nanak kowen llekapretaneꞌth pamoꞌtseshaꞌ
19Theꞌpaꞌ oꞌch notas ñeñth ateth nokthapeꞌchen. Añ nokthapeꞌchen oꞌtheꞌ nemñer masheñ Timoteo thayekma oꞌch enterrsaꞌ, ñerraꞌm atethchaꞌ moenaꞌ Yepartseshar Jesús. Allochñapaꞌ ñach neñotatwerreꞌ errothentheꞌ sephaꞌyena, allochñapaꞌ atthoch sokshaterren ñerraꞌm kowenoꞌtsenestheꞌ. 20-21Añchaꞌ nemñonas masheñ Timoteo tharroꞌmar ama eñalle amaꞌt poesheñarra ñeñth kothapeꞌcheneꞌ kowen ateth ñerraꞌm ña ñeñthchaꞌ eꞌñe poꞌñoxh sellkapretenaya ñeñth echarr sentyen. Tharroꞌmar amaꞌt eñalleñ ñeñth parro yethorrena, ama allowenakmayeꞌ llekapretenseto ñeñth echarr sentyen. Añach thorraꞌyenet ñeñth eꞌñe ñokpoeta. Amachña añeyeꞌ llekapreteneto atthoch thorrenet ñeñth nanak sherbets Jesucristokop. 22Ñamha sapaꞌ eꞌñe señotweñ ateth masheñ Timoteopaꞌ eꞌñe kowen phaꞌyena allempo parro yeserrpareꞌtatyen añ kowen ñoñets alloch yekeshperra. Eꞌñe kowen thorrapretenna ateththeꞌña ñerraꞌm yechemerpaꞌ eꞌñech kowen yenpoeney yetarwas. 23Ñewa, esempoch eꞌñe neñoch ñatoꞌ errothentheꞌ poktetsa nokoppaꞌ napaꞌ nokthapeꞌcheñ oꞌch nemñonas masheñ Timoteo. 24Na theꞌpaꞌ aña nekwen Yepartseshar Cristo ñerraꞌm ñach moenats, napaꞌxhoꞌña nabhcherrsaꞌch amach atarr natomatatatsche.
Attho Epafroditopaꞌ yenpaꞌyesosan Pablo all cárcelo
25Ñamha oꞌch notas poꞌpoñ, eꞌñe pokteꞌ nenteñ theꞌpaꞌ oꞌch alla nemñer sesho masheñ Epafrodito ñeñth parro yetarwaseñothpaꞌ nanak yethorreꞌth Yomporekop. Ñeñthara masheñ Epafroditopaꞌ ñeñth semñon awaña ñach neyenpaꞌyesoseꞌ all es nepalltena ñeñthchaꞌ neyenposeꞌ arr. 26Napaꞌ eꞌñe pokteꞌ nenteñ theꞌpaꞌ oꞌch alla awerr sesho, tharroꞌmar ñapaꞌ nanak yerpoensa atthoch oꞌch alla entwerres. Tharroꞌmar ñapaꞌ añ nanak llekateneꞌ attho sapaꞌ awoꞌt seꞌmareꞌch ñapaꞌ xha atsnaꞌtos arr. 27Ñewa, poꞌñoxh awañapaꞌ xha atsnaꞌtos xha moeneꞌ rromañ, tharraña Yompor eꞌñe poemoereñotheypaꞌ oꞌ alla aꞌkrrater attho ñerraꞌm rromañpaꞌ ellotheꞌ naꞌna llekatañ arr cárcelo. 28Ñeñthoꞌmarña eꞌñe poktennana oꞌch nemñer eꞌñe thayekma sesho allochñapaꞌ oꞌch sokshapoera ñerraꞌm esempoch xherr eꞌñe sesho. Allochñapaꞌ amach ñaꞌna alloꞌna nellkatnenaye. 29Eꞌñech separasyosoꞌteñeshaꞌ Yepartseshar Cristo oꞌch sagapapoer ñamha eꞌñe soksheñeshokmañen. Ñamha oꞌch notas, xhokmoepaꞌch semorrenteña amaꞌt erraꞌtsena acheñer ñeñth eꞌñe ateth senten ñerraꞌm ña. 30Attho ñapaꞌ eꞌñe poemneññoth oꞌch thorra Cristokop xha atsnaꞌt amaꞌt xha moeneꞌ rromañ. Atarr yoreretsoth korrerra arr, tharraña ñapaꞌ ama ñeñthayaya mechaꞌto atthoch ñapaꞌ oꞌch yenposen, ñeñth sapaꞌ amatheꞌ erroth sepe atthoch sewaxhaꞌta bhaxhayoth eꞌñe poesheñaꞌttsos atthoch seyenpoennaꞌ arr.
Currently Selected:
Filipenses 2: ame
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
Filipenses 2
2
Atethchaꞌ yentena yañeña eꞌñe poesheñaꞌttsoy ateth enteꞌth Cristo eꞌñe ñañeña
1-2Theꞌpaꞌ oꞌch notas ñamha poꞌpoñ. Ñerraꞌm poꞌñoxh yameꞌñeñoth Cristo eꞌñech yokshatannena allempoña poꞌñoxh sapaꞌ sokshaterrenchaꞌ namha. Añña ñeñthchaꞌ nokshateneꞌ eꞌñe poktakma ñerraꞌm eꞌñech pathrra sokthapeꞌchwen allowenes. Ñamha ñerraꞌm poꞌñoxh eꞌñe yemorrentannaꞌteñoth eꞌñech yeyemtannaꞌtwenapaꞌ ñewa, theꞌñapaꞌ xhokmoepaꞌch semorrentannena amaꞌt eꞌñe sagattsa ñeñthes eꞌñe parroꞌmarneshakmas. Ñamha ñerraꞌm alloweney poꞌñoxh chorraꞌwenya ñeñthara Parets Poekamkëñpaꞌ ñeñthothchaꞌña eꞌñepaꞌch sepathrratwen sokthaphñoth allowenes. Ñamha ñerraꞌm poꞌñoxh eꞌñe soksheñeshaꞌ semoerannenapaꞌ ñeñthothchaꞌña amach poꞌpoñ sentannaꞌtwatsto. 3-4Ñamha amach aña atarr sellkatsto ñeñth eꞌñe sokpa. Añchaꞌña poesheñaꞌttsospaꞌ sellkapreta ñeñth llekatyeneꞌ samoꞌts. Ñamha amach sañeña entatstatso ateth ñerraꞌmrratheꞌ ñeñthes nanak sherbets. Añchaꞌña ateth sent samoꞌts ateth ñerraꞌmrratheꞌ ñetña nanak sherbetset, phañapaꞌ amach es asherbenayeꞌ penteno.
5Añña pokteꞌ oꞌch senta sañeña ateth enteꞌth Cristo Jesús eꞌñe ñañeña allempo wapa añe patsro. 6Ñewa, ñapaꞌ amaꞌt nanak Paretspaꞌ ama ommoꞌchaneꞌthe poꞌpartsoña. 7-8Ñapaꞌ eꞌñe pokteꞌ encheꞌth oꞌch ateth enteñ acheñeneshaꞌ ñerraꞌmrratheꞌ ñapaꞌ ama Partsoyaye, oꞌch attha orrtena ñerraꞌm ama esoyaye ateth pena acheñ ñeñth eꞌñech pawner apharethtena. Tharraña añekop ateth peꞌth atthothchaꞌ sherbenan Pompor amaꞌt ñamha acheñeneshaꞌ. Ñamha ñapaꞌ amaꞌt Paretspaꞌ oꞌ acheñetos arr patsro, eꞌñe ateth orrtosa ñerraꞌm ya ñeñthey arromñathey. Ñañapaꞌ alloꞌna sen pawner entatatsa atthothña eꞌñe poeꞌmhñoteñoth Pomporpaꞌ eꞌñe pokteꞌ eñch oꞌch rroma korsocho ñeñth nanak apenkoxhen enteteꞌth ñerraꞌm eseshaꞌ rromats ateth korsocho. 9Ñeñthoꞌmarña atthothña Pomporpaꞌ oꞌ alla nanak aꞌkowentater ñamha oꞌ alla apwer ello paꞌsoꞌcheñ ñeñth nanak kowen sherbets. Ñeñthña soꞌchñetspaꞌ ello metanaꞌtwanenan allowen poꞌpoñexhno soꞌchñetsoxhno. 10-11Ñeñthoꞌmarña esempowañenpaꞌ allowenet poꞌyorñothetpaꞌ aꞌmethaꞌweretchaꞌ eꞌñe poktakma, Jesucristepaꞌtña ñeñth nanak partsotets. Allochñapaꞌ attho eꞌñe pameꞌñaꞌrrteñothet Jesús paꞌsoꞌchñopaꞌ konkorpaꞌrretweretchaꞌ allowenet ñeñth allpon eñall amaꞌt allowen ñeñth entoꞌmarneshaꞌ ñamha allowen patsoꞌmarneshaꞌ ñamha allowen oꞌponoꞌtseneshaxhno ñeñth patsoꞌtsen. Atthochña allempopaꞌ ayeꞌchoxhtatarethterra Yompor ñeñth nanak Parets.
Añach yemaꞌyoxhrena atthoch alloꞌnach yesen amaꞌt akopha etsotyesnomoeꞌ ñeñth poktetsa Cristokop
12Theꞌpaꞌ eꞌñe nemorrenteñothes masheñnesha ñamha noxhanesha oꞌch notenes, awañmoꞌchapaꞌ xhokma seꞌmhñotneꞌth ñeñth ateth notaseꞌth allempo seshoꞌtsenen. Theꞌpaꞌxhoꞌña atthekmach seꞌmhñoten ñeñthchaꞌ ateth noterrserr amaꞌt theꞌpaꞌ nanak bhaxhayoꞌtsenen seshoth. Theꞌpaꞌ añach notas ñeñthchaꞌ ateth sepha. Xhokmoepaꞌch semaꞌyoxhra atthoch alloꞌnach sesen etsotnomoeꞌ ñeñth kowen enten Yompor, tharroꞌmar ñapaꞌ ñeñthekopña oꞌ aꞌkeshphaterres. Tharraña eꞌñech semhchaꞌnaꞌteñoth seyomcha Yompor tharroꞌmar yeñoteñ yoroxhenoꞌtsenya ñerraꞌm ama Yompor poꞌwamenko yeyemto. 13Tharroꞌmar Yompora eꞌñe yemnateneꞌ eꞌñe yeyoxhro ñeñth kowen enten ña. Ñamha ñapaꞌ ñach awamenkath yepeneꞌ atthoch yetsotoñ amaꞌt ora erraꞌtsenchaꞌ koshateneꞌ ña.
14Oꞌch noterrserr elloneth theꞌpaꞌ ñeñth ama attheyeꞌ es sepeno. Amaꞌt eseshakpa amach epwoyeꞌ es ateth sepeno, señoseñeshothpaꞌ amach es sotnareꞌtannaꞌtatsto. 15Allochñapaꞌ ñerraꞌm ama ateth yepenopaꞌ eꞌñech kowen entyeney allowen acheñeneshaꞌ, amach eñalle atthoch eseshaꞌpaꞌ oꞌch eñosyenet yokop añoꞌ pokteyeꞌ es yephaꞌyeno, tharroꞌmar eꞌñech kowen es yokthapeꞌchyen atthoch yorrtaten ateth penaña ñeñth poꞌñoxh oꞌ poechemer per Yompor. Amach eñalle ñeñthchaꞌ aꞌsosyateneꞌ attho yokrrena eꞌñe kowen Yomporekop añe patsro. Eꞌñech kowen yorrtena acheñeneshakop amaꞌt ñeñth ama ameꞌñetso ñeñth atarr nanak sosey kothapeꞌchenet. Kowenchaꞌ yorretyena ateth ñerraꞌmrratheꞌ rantoxhno ñeñth aꞌpoetareneꞌ chekmeteꞌ tsapo. 16Atthoch saꞌpoetarsamphsanetpaꞌ xhoch señotaterranet ñoñets ñeñth wetsa Yomporeshoth alloch yokrrerra eꞌñe kowen. Allochñapaꞌ ñerraꞌm esempowañenchaꞌ werra Cristopaꞌ sokshaterrenchaꞌ, tharroꞌmar neñoterchaꞌ ama eꞌñe orrena nanak nethorrerro sokop. 17Ñamha amaꞌtchaꞌ machayotha moetsataterrnet arr attho napaꞌ oꞌ nameꞌñatasa, napaꞌ atarr nokshena ñamha theꞌpaꞌxhoꞌña nokshapretensa attho sameꞌñerra. Añña sameꞌñeñapaꞌ ñeñthchaꞌ yewapateññañ Yompor ateth ñerraꞌmrratheꞌ ñeñth amtsarethtetsa ñokop. Ñamha nerraspaꞌ ñeñthchaꞌ orrtatsa ñerraꞌmrratheꞌ ñeñthchaꞌ ashatarethtatsa all ñeñthchaꞌ oꞌpatateñet Yompor. 18Ñeñthoꞌmarña napaꞌ nemneñ sapaꞌ amach xha sellkatsto, xhochña sokshapreterrna ñeñth ateth oꞌ notwas.
Timoteopaꞌ nanak kowen llekapretaneꞌth pamoꞌtseshaꞌ
19Theꞌpaꞌ oꞌch notas ñeñth ateth nokthapeꞌchen. Añ nokthapeꞌchen oꞌtheꞌ nemñer masheñ Timoteo thayekma oꞌch enterrsaꞌ, ñerraꞌm atethchaꞌ moenaꞌ Yepartseshar Jesús. Allochñapaꞌ ñach neñotatwerreꞌ errothentheꞌ sephaꞌyena, allochñapaꞌ atthoch sokshaterren ñerraꞌm kowenoꞌtsenestheꞌ. 20-21Añchaꞌ nemñonas masheñ Timoteo tharroꞌmar ama eñalle amaꞌt poesheñarra ñeñth kothapeꞌcheneꞌ kowen ateth ñerraꞌm ña ñeñthchaꞌ eꞌñe poꞌñoxh sellkapretenaya ñeñth echarr sentyen. Tharroꞌmar amaꞌt eñalleñ ñeñth parro yethorrena, ama allowenakmayeꞌ llekapretenseto ñeñth echarr sentyen. Añach thorraꞌyenet ñeñth eꞌñe ñokpoeta. Amachña añeyeꞌ llekapreteneto atthoch thorrenet ñeñth nanak sherbets Jesucristokop. 22Ñamha sapaꞌ eꞌñe señotweñ ateth masheñ Timoteopaꞌ eꞌñe kowen phaꞌyena allempo parro yeserrpareꞌtatyen añ kowen ñoñets alloch yekeshperra. Eꞌñe kowen thorrapretenna ateththeꞌña ñerraꞌm yechemerpaꞌ eꞌñech kowen yenpoeney yetarwas. 23Ñewa, esempoch eꞌñe neñoch ñatoꞌ errothentheꞌ poktetsa nokoppaꞌ napaꞌ nokthapeꞌcheñ oꞌch nemñonas masheñ Timoteo. 24Na theꞌpaꞌ aña nekwen Yepartseshar Cristo ñerraꞌm ñach moenats, napaꞌxhoꞌña nabhcherrsaꞌch amach atarr natomatatatsche.
Attho Epafroditopaꞌ yenpaꞌyesosan Pablo all cárcelo
25Ñamha oꞌch notas poꞌpoñ, eꞌñe pokteꞌ nenteñ theꞌpaꞌ oꞌch alla nemñer sesho masheñ Epafrodito ñeñth parro yetarwaseñothpaꞌ nanak yethorreꞌth Yomporekop. Ñeñthara masheñ Epafroditopaꞌ ñeñth semñon awaña ñach neyenpaꞌyesoseꞌ all es nepalltena ñeñthchaꞌ neyenposeꞌ arr. 26Napaꞌ eꞌñe pokteꞌ nenteñ theꞌpaꞌ oꞌch alla awerr sesho, tharroꞌmar ñapaꞌ nanak yerpoensa atthoch oꞌch alla entwerres. Tharroꞌmar ñapaꞌ añ nanak llekateneꞌ attho sapaꞌ awoꞌt seꞌmareꞌch ñapaꞌ xha atsnaꞌtos arr. 27Ñewa, poꞌñoxh awañapaꞌ xha atsnaꞌtos xha moeneꞌ rromañ, tharraña Yompor eꞌñe poemoereñotheypaꞌ oꞌ alla aꞌkrrater attho ñerraꞌm rromañpaꞌ ellotheꞌ naꞌna llekatañ arr cárcelo. 28Ñeñthoꞌmarña eꞌñe poktennana oꞌch nemñer eꞌñe thayekma sesho allochñapaꞌ oꞌch sokshapoera ñerraꞌm esempoch xherr eꞌñe sesho. Allochñapaꞌ amach ñaꞌna alloꞌna nellkatnenaye. 29Eꞌñech separasyosoꞌteñeshaꞌ Yepartseshar Cristo oꞌch sagapapoer ñamha eꞌñe soksheñeshokmañen. Ñamha oꞌch notas, xhokmoepaꞌch semorrenteña amaꞌt erraꞌtsena acheñer ñeñth eꞌñe ateth senten ñerraꞌm ña. 30Attho ñapaꞌ eꞌñe poemneññoth oꞌch thorra Cristokop xha atsnaꞌt amaꞌt xha moeneꞌ rromañ. Atarr yoreretsoth korrerra arr, tharraña ñapaꞌ ama ñeñthayaya mechaꞌto atthoch ñapaꞌ oꞌch yenposen, ñeñth sapaꞌ amatheꞌ erroth sepe atthoch sewaxhaꞌta bhaxhayoth eꞌñe poesheñaꞌttsos atthoch seyenpoennaꞌ arr.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.