Filipenses 4
4
1Ñeñthoꞌmarña, masheñneshachaꞌ ñamha noxhaneshachaꞌ, eꞌñe nemorrenteñothespaꞌ oꞌch notas, xhokmoepaꞌch womenk sephaꞌnem seyoxher Cristokop ñeñth Yepartseshar yepen. Añpaꞌ ateth notenes tharroꞌmar sapaꞌ xhokma neyerpoensa ñamha xhokma sokshatenen attho sapaꞌ eꞌñe kowen sameꞌñena. Nanak nokshensa tharroꞌmar napaꞌ nentenes ateth ñerraꞌmrratheꞌ nekopaꞌ ñeñth oꞌ nagërr eꞌñe nethorreñoth Yomporekop eꞌñe soꞌmar. Atarr nanak nemorrentensa.
2Ñamha oꞌch noteñ noxhaneshaꞌ Evodia ñamha Síntique, amach alloꞌna poꞌpoñ entannaꞌtatsetneneto tharroꞌmar eꞌñe yameꞌñeñoth Yepartseshar Cristopaꞌ eꞌñech kowen yemoerannena. 3Ñamha oꞌch notas, amaꞌt erraꞌtsenothesa ñeñthes poꞌñoxh nanak neyemtenapaꞌ oꞌch samoꞌtstatannaꞌterranet añ epsheña koyaneshaꞌ tharroꞌmar awañmoꞌchapaꞌ eꞌñe parrokma nanak yemaꞌyoxhreꞌth atthoch epaꞌwa añ kowen ñoñets alloch yekeshperra, ñamha epay Clemente ñamha poꞌpotantañ ñeñth parrokma nanak yethorreꞌth awañmoꞌcha. Ñet paꞌsoꞌchñexhnopaꞌ oꞌ akellkaꞌwarethterret atthochña ñetpaꞌ korretsetach.
Eꞌñe yameꞌñeñoth Yomporpaꞌ xhokmoepaꞌch yokshena
4Theꞌñapaꞌ oꞌch noterrserr ateth, eꞌñe sameꞌñeñoth Yepartseshar Cristopaꞌ xhokmoepaꞌch sokshena. Oꞌch alla noterrserr, xhokmoepaꞌch sokshena. 5Eñotwasepaꞌch allowen acheñeneshaꞌ attho sapaꞌ eꞌñe kowen acheñres, amach xha poꞌpoñ es sentatatsetwenaye, amaꞌt errothenoꞌtsenes. Tharroꞌmar yeñoteñ poꞌñoxhpaꞌ allaꞌtsena Yepartseshar Cristo.
6Amach es sellkatsto amaꞌt eꞌñe mamesha. Añchaꞌña amaꞌt errothenoꞌtsenes eꞌñe semaꞌyocheñothpaꞌ xhokmoepaꞌch sotwe Yompor ñeñth sellkatyeneꞌ ñamha eꞌñe soksheñoth Yomporpaꞌ xhokmoepaꞌch senamyeñ ñamha ñeñth sepalltaꞌyena. 7Ñerraꞌm atethchaꞌ xhokma sepena, Yomporpaꞌ ñachña ama semnatenaye oꞌch es senaꞌyen seyoxhro amaꞌt koñeꞌtha. Atthoch eñmataterrnay Yompor yeyoxherpaꞌ ya acheñey eꞌñe yokthaphñothapaꞌ amatheꞌ errothenoth eꞌñe yothapaꞌ yeñmataterro ateth. Ñeñthoꞌmarña eꞌñe yeparrokmateñoth epay Cristo Jesús, Pomporñapaꞌ kowampennaychaꞌ yeyoxher atthoch amach alloꞌna yenaꞌneno yeyoxhro ñeñth allkatañtetsa.
Añchaꞌña eꞌñe kowen yokthapeꞌch ñeñth eꞌñe kowen entwen allowen acheñeneshaꞌ
8Theꞌña, masheñnesha ñamha noxhanesha, eꞌñe allowanenpaꞌ oꞌch noterres, añchaꞌña sokthapeꞌchyes ora erraꞌtsentheꞌ señoten ñeñth eꞌñe kowenetyetsa ñamha ñeñth ora kowen entwapotetsa. Ñeñthchaꞌña sokthapeꞌchyes ora erraꞌtsentheꞌ ñeñth ama shekëñtsoyaye, allothpaꞌ ñamha ora erraꞌtsentheꞌ asherben entpawotets, allothpaꞌ ñamha ora erraꞌtsentheꞌ ñeñth poktetsa, allothpaꞌ ñamha ora erraꞌtsentheꞌ ñeñth ama sosyaꞌtsañeyaye, ñamha ora erraꞌtsentheꞌ amorrentannaꞌtatañtetsa, ñamha ora erraꞌtsentheꞌ ñeñth eꞌñe kowen aserrpareꞌtpawotets. Ora allpon añexhnopaꞌ ñeñthchaꞌña ateth sokthapeꞌchyes.
9Ñamha oꞌch noterrserr poꞌpoñ ñeñthchaꞌ ateth sepha. Allpon oꞌ neyxhatwas, ñamha allpon oꞌ nexhapatwonas seyoxhro, ñamha allpon oꞌ neñotatyesas, ñamha allpon sentenen ñeñth ateth es nephaꞌyena napaꞌ sapaꞌxhoꞌña theꞌñapaꞌ eꞌñepaꞌchña ateth es sephaꞌyen samha. Allochñapaꞌ Yompor ñeñth akshatañtetsa yeyoxhropaꞌ ñachña parroꞌtsenes allowenes.
Attho filiposoꞌmarneshaꞌpaꞌ es apoeñet Pablo ñeñth palltaꞌyena
10Ñamha oꞌch notas, eꞌñe neyemteñoth Yepartseshar Cristo, napaꞌ atarr nokshena tharroꞌmar sapaꞌ oꞌ alla seyerpoerrna. Ñewa, napaꞌ ama notenso oꞌtheꞌ sepoeswerren, añña noten sapaꞌ amaꞌt erroth sepeñe atthoch seyenpaꞌn. 11Ama xho es nemnapreteñotheyeꞌ notenso ateth, tharroꞌmar na theꞌpaꞌ oꞌ xhapona neyoxhro ñeñth ateth kowentetsa, ñeñthoꞌmarña theꞌpaꞌ oꞌ atthamha neyxha amaꞌt errothenoꞌtsenanapaꞌ tharraña atthachña xhokma nokshena neyoxhro. 12Ñewa, napaꞌ neñotena errothenopaꞌ nanakchaꞌ es nepalltaꞌyeseꞌth attho yokrrena añe patsro, ellonethña errothenopaꞌ esokmañenchaꞌ nechyeseꞌth. Tharraña amaꞌt errothenoꞌtsenenpaꞌ na theꞌpaꞌ oꞌ neñoch oꞌch atthamha neyxha; ñerraꞌm es nepalltena errothenopaꞌ amach xha llekatenno, amaꞌt xho esokmañen es nechyes errothenopaꞌ amach xha nommoꞌcheño. Ñamha atthekmach nokshena amaꞌt esempo eñall shonteꞌ nerrar ñeñthchaꞌ neyetena, amapaꞌ esempo ama eñalle ñeñthchaꞌ nerren, amach es neꞌneno. 13Ñeñthoꞌmarña napaꞌ eꞌñe neñoteñ, yapaꞌ amaꞌt errothenoꞌtsenyapaꞌ xhokmach awamenkathey tharroꞌmar Cristopaꞌ ñach nanak awamenkath yepeneꞌ. 14Tharraña amaꞌt oꞌ notwanmas atethpaꞌ eꞌñe pokteꞌ nenteñ attho sapaꞌ sellkapretenna ñeñth nemoeroxhtateneꞌ arr.
15Ñamha sa ñeñthes filiposoꞌmarneshas eꞌñe señotweñ allempo ñanom neserrpareꞌtnom kowen ñoñets alloch yekeshperra, allempo non Macedonioth, allempopaꞌ amaꞌt allemeñ anetsoꞌmarpaꞌ ama eñalle acheñeneshaꞌ ñeñth ateth apxherrtsa Yomporekop ñeñthchaꞌ nellkapretenaya atthoch eꞌñe parrokma es yapannaꞌta. Sapaꞌ saña eꞌñe saptha ñeñthes es napoeneꞌ ñeñth allpon nepalltena. 16Napaꞌ amaꞌt awañmoꞌcha allempo Tesalónicoꞌtsenenpaꞌ ama parrochothayaya sapaꞌ xhokma soñmaten ñeñth sapoenen añekop ñeñth nepalltaꞌyena all. 17Ñewa, napaꞌ ama nokpayeꞌ nemnapretenso oꞌch es sapoenen. Añña nemnen ñamha allochñapaꞌ sokoppaꞌxhoꞌña ellopaꞌ oꞌch atonetnoma atthoch koshatwerres Yompor. 18Theꞌpaꞌ oꞌ aposen masheñ Epafrodito ñeñth allpon soñmaten nokop. Ñeñth allpon oꞌ nagaponaspaꞌ theꞌpaꞌ ama es nepallteno amaꞌt koñeꞌtha, elloña xha metanwosan allpon ñeñth nepalltena. Ñeñth allpon sapwanpaꞌ napaꞌ eꞌñe atthekoptar nenteñ ñerraꞌmrratheꞌ ñeñth apoenet Yomporekop ñeñth eñmosathtetsa ñeñthchaꞌ eꞌñe pokteꞌ enten, ñamha ñeñthchaꞌ nanak koshateneꞌ ña. 19Ñamha Yompor ñeñth eꞌñe neyemtena napaꞌ ñachña sapoerreꞌ samha amaꞌt ora ñeñth allpon sepalltaꞌyena sa, tharroꞌmar eꞌñe yeparrokmateñoth epay Poechemer ñeñth Cristo Jesús ñeñth eꞌñe esokmañen es echyetspaꞌ nanakokmañenchaꞌ esokmañen apoerrey yamha. 20Ayeꞌchoxhtatarethtepaꞌch Yompor ñeñth atarr Parets. Ñeñthpaꞌ atthetepaꞌch amaꞌt thayotheñ errponowañen.
Arrpaꞌ all soꞌtnerranet eꞌñe poꞌcartoth
21Ñamha oꞌch notas, oꞌch sewomhchaꞌch allowen ñeñth poeyochreshaꞌ oꞌ perr Cristo Jesús. Ñamha allowen masheñneshaꞌ ñeñth eꞌñe parroꞌtseneypaꞌ ñetpaꞌxhoꞌña moeneñet oꞌch womhchaꞌtaset ñamet arr necartoth. 22Ñamha allowen ñeñth poeyochreshaꞌ oꞌ perranet Parets arr Romopaꞌ ñetpaꞌxhoꞌña moeneñet oꞌch womhchaꞌtaset ñamet necartoth. Ñeñth nanak moenets atethpaꞌ ñeñthpaꞌ ñeñth parro yexhena ñeñth atarr amhchaꞌtarethtetsa arr Romo.
23Eꞌñe Yepartseshar Jesucristopaꞌ ñepaꞌchña eꞌñe saꞌnatenaya allowenes. Theꞌpaꞌ ñeñthach notas, ñeñthpaꞌ atthetepaꞌchña, Nompore. Allowa.
Pablo
Currently Selected:
Filipenses 4: ame
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.
Filipenses 4
4
1Ñeñthoꞌmarña, masheñneshachaꞌ ñamha noxhaneshachaꞌ, eꞌñe nemorrenteñothespaꞌ oꞌch notas, xhokmoepaꞌch womenk sephaꞌnem seyoxher Cristokop ñeñth Yepartseshar yepen. Añpaꞌ ateth notenes tharroꞌmar sapaꞌ xhokma neyerpoensa ñamha xhokma sokshatenen attho sapaꞌ eꞌñe kowen sameꞌñena. Nanak nokshensa tharroꞌmar napaꞌ nentenes ateth ñerraꞌmrratheꞌ nekopaꞌ ñeñth oꞌ nagërr eꞌñe nethorreñoth Yomporekop eꞌñe soꞌmar. Atarr nanak nemorrentensa.
2Ñamha oꞌch noteñ noxhaneshaꞌ Evodia ñamha Síntique, amach alloꞌna poꞌpoñ entannaꞌtatsetneneto tharroꞌmar eꞌñe yameꞌñeñoth Yepartseshar Cristopaꞌ eꞌñech kowen yemoerannena. 3Ñamha oꞌch notas, amaꞌt erraꞌtsenothesa ñeñthes poꞌñoxh nanak neyemtenapaꞌ oꞌch samoꞌtstatannaꞌterranet añ epsheña koyaneshaꞌ tharroꞌmar awañmoꞌchapaꞌ eꞌñe parrokma nanak yemaꞌyoxhreꞌth atthoch epaꞌwa añ kowen ñoñets alloch yekeshperra, ñamha epay Clemente ñamha poꞌpotantañ ñeñth parrokma nanak yethorreꞌth awañmoꞌcha. Ñet paꞌsoꞌchñexhnopaꞌ oꞌ akellkaꞌwarethterret atthochña ñetpaꞌ korretsetach.
Eꞌñe yameꞌñeñoth Yomporpaꞌ xhokmoepaꞌch yokshena
4Theꞌñapaꞌ oꞌch noterrserr ateth, eꞌñe sameꞌñeñoth Yepartseshar Cristopaꞌ xhokmoepaꞌch sokshena. Oꞌch alla noterrserr, xhokmoepaꞌch sokshena. 5Eñotwasepaꞌch allowen acheñeneshaꞌ attho sapaꞌ eꞌñe kowen acheñres, amach xha poꞌpoñ es sentatatsetwenaye, amaꞌt errothenoꞌtsenes. Tharroꞌmar yeñoteñ poꞌñoxhpaꞌ allaꞌtsena Yepartseshar Cristo.
6Amach es sellkatsto amaꞌt eꞌñe mamesha. Añchaꞌña amaꞌt errothenoꞌtsenes eꞌñe semaꞌyocheñothpaꞌ xhokmoepaꞌch sotwe Yompor ñeñth sellkatyeneꞌ ñamha eꞌñe soksheñoth Yomporpaꞌ xhokmoepaꞌch senamyeñ ñamha ñeñth sepalltaꞌyena. 7Ñerraꞌm atethchaꞌ xhokma sepena, Yomporpaꞌ ñachña ama semnatenaye oꞌch es senaꞌyen seyoxhro amaꞌt koñeꞌtha. Atthoch eñmataterrnay Yompor yeyoxherpaꞌ ya acheñey eꞌñe yokthaphñothapaꞌ amatheꞌ errothenoth eꞌñe yothapaꞌ yeñmataterro ateth. Ñeñthoꞌmarña eꞌñe yeparrokmateñoth epay Cristo Jesús, Pomporñapaꞌ kowampennaychaꞌ yeyoxher atthoch amach alloꞌna yenaꞌneno yeyoxhro ñeñth allkatañtetsa.
Añchaꞌña eꞌñe kowen yokthapeꞌch ñeñth eꞌñe kowen entwen allowen acheñeneshaꞌ
8Theꞌña, masheñnesha ñamha noxhanesha, eꞌñe allowanenpaꞌ oꞌch noterres, añchaꞌña sokthapeꞌchyes ora erraꞌtsentheꞌ señoten ñeñth eꞌñe kowenetyetsa ñamha ñeñth ora kowen entwapotetsa. Ñeñthchaꞌña sokthapeꞌchyes ora erraꞌtsentheꞌ ñeñth ama shekëñtsoyaye, allothpaꞌ ñamha ora erraꞌtsentheꞌ asherben entpawotets, allothpaꞌ ñamha ora erraꞌtsentheꞌ ñeñth poktetsa, allothpaꞌ ñamha ora erraꞌtsentheꞌ ñeñth ama sosyaꞌtsañeyaye, ñamha ora erraꞌtsentheꞌ amorrentannaꞌtatañtetsa, ñamha ora erraꞌtsentheꞌ ñeñth eꞌñe kowen aserrpareꞌtpawotets. Ora allpon añexhnopaꞌ ñeñthchaꞌña ateth sokthapeꞌchyes.
9Ñamha oꞌch noterrserr poꞌpoñ ñeñthchaꞌ ateth sepha. Allpon oꞌ neyxhatwas, ñamha allpon oꞌ nexhapatwonas seyoxhro, ñamha allpon oꞌ neñotatyesas, ñamha allpon sentenen ñeñth ateth es nephaꞌyena napaꞌ sapaꞌxhoꞌña theꞌñapaꞌ eꞌñepaꞌchña ateth es sephaꞌyen samha. Allochñapaꞌ Yompor ñeñth akshatañtetsa yeyoxhropaꞌ ñachña parroꞌtsenes allowenes.
Attho filiposoꞌmarneshaꞌpaꞌ es apoeñet Pablo ñeñth palltaꞌyena
10Ñamha oꞌch notas, eꞌñe neyemteñoth Yepartseshar Cristo, napaꞌ atarr nokshena tharroꞌmar sapaꞌ oꞌ alla seyerpoerrna. Ñewa, napaꞌ ama notenso oꞌtheꞌ sepoeswerren, añña noten sapaꞌ amaꞌt erroth sepeñe atthoch seyenpaꞌn. 11Ama xho es nemnapreteñotheyeꞌ notenso ateth, tharroꞌmar na theꞌpaꞌ oꞌ xhapona neyoxhro ñeñth ateth kowentetsa, ñeñthoꞌmarña theꞌpaꞌ oꞌ atthamha neyxha amaꞌt errothenoꞌtsenanapaꞌ tharraña atthachña xhokma nokshena neyoxhro. 12Ñewa, napaꞌ neñotena errothenopaꞌ nanakchaꞌ es nepalltaꞌyeseꞌth attho yokrrena añe patsro, ellonethña errothenopaꞌ esokmañenchaꞌ nechyeseꞌth. Tharraña amaꞌt errothenoꞌtsenenpaꞌ na theꞌpaꞌ oꞌ neñoch oꞌch atthamha neyxha; ñerraꞌm es nepalltena errothenopaꞌ amach xha llekatenno, amaꞌt xho esokmañen es nechyes errothenopaꞌ amach xha nommoꞌcheño. Ñamha atthekmach nokshena amaꞌt esempo eñall shonteꞌ nerrar ñeñthchaꞌ neyetena, amapaꞌ esempo ama eñalle ñeñthchaꞌ nerren, amach es neꞌneno. 13Ñeñthoꞌmarña napaꞌ eꞌñe neñoteñ, yapaꞌ amaꞌt errothenoꞌtsenyapaꞌ xhokmach awamenkathey tharroꞌmar Cristopaꞌ ñach nanak awamenkath yepeneꞌ. 14Tharraña amaꞌt oꞌ notwanmas atethpaꞌ eꞌñe pokteꞌ nenteñ attho sapaꞌ sellkapretenna ñeñth nemoeroxhtateneꞌ arr.
15Ñamha sa ñeñthes filiposoꞌmarneshas eꞌñe señotweñ allempo ñanom neserrpareꞌtnom kowen ñoñets alloch yekeshperra, allempo non Macedonioth, allempopaꞌ amaꞌt allemeñ anetsoꞌmarpaꞌ ama eñalle acheñeneshaꞌ ñeñth ateth apxherrtsa Yomporekop ñeñthchaꞌ nellkapretenaya atthoch eꞌñe parrokma es yapannaꞌta. Sapaꞌ saña eꞌñe saptha ñeñthes es napoeneꞌ ñeñth allpon nepalltena. 16Napaꞌ amaꞌt awañmoꞌcha allempo Tesalónicoꞌtsenenpaꞌ ama parrochothayaya sapaꞌ xhokma soñmaten ñeñth sapoenen añekop ñeñth nepalltaꞌyena all. 17Ñewa, napaꞌ ama nokpayeꞌ nemnapretenso oꞌch es sapoenen. Añña nemnen ñamha allochñapaꞌ sokoppaꞌxhoꞌña ellopaꞌ oꞌch atonetnoma atthoch koshatwerres Yompor. 18Theꞌpaꞌ oꞌ aposen masheñ Epafrodito ñeñth allpon soñmaten nokop. Ñeñth allpon oꞌ nagaponaspaꞌ theꞌpaꞌ ama es nepallteno amaꞌt koñeꞌtha, elloña xha metanwosan allpon ñeñth nepalltena. Ñeñth allpon sapwanpaꞌ napaꞌ eꞌñe atthekoptar nenteñ ñerraꞌmrratheꞌ ñeñth apoenet Yomporekop ñeñth eñmosathtetsa ñeñthchaꞌ eꞌñe pokteꞌ enten, ñamha ñeñthchaꞌ nanak koshateneꞌ ña. 19Ñamha Yompor ñeñth eꞌñe neyemtena napaꞌ ñachña sapoerreꞌ samha amaꞌt ora ñeñth allpon sepalltaꞌyena sa, tharroꞌmar eꞌñe yeparrokmateñoth epay Poechemer ñeñth Cristo Jesús ñeñth eꞌñe esokmañen es echyetspaꞌ nanakokmañenchaꞌ esokmañen apoerrey yamha. 20Ayeꞌchoxhtatarethtepaꞌch Yompor ñeñth atarr Parets. Ñeñthpaꞌ atthetepaꞌch amaꞌt thayotheñ errponowañen.
Arrpaꞌ all soꞌtnerranet eꞌñe poꞌcartoth
21Ñamha oꞌch notas, oꞌch sewomhchaꞌch allowen ñeñth poeyochreshaꞌ oꞌ perr Cristo Jesús. Ñamha allowen masheñneshaꞌ ñeñth eꞌñe parroꞌtseneypaꞌ ñetpaꞌxhoꞌña moeneñet oꞌch womhchaꞌtaset ñamet arr necartoth. 22Ñamha allowen ñeñth poeyochreshaꞌ oꞌ perranet Parets arr Romopaꞌ ñetpaꞌxhoꞌña moeneñet oꞌch womhchaꞌtaset ñamet necartoth. Ñeñth nanak moenets atethpaꞌ ñeñthpaꞌ ñeñth parro yexhena ñeñth atarr amhchaꞌtarethtetsa arr Romo.
23Eꞌñe Yepartseshar Jesucristopaꞌ ñepaꞌchña eꞌñe saꞌnatenaya allowenes. Theꞌpaꞌ ñeñthach notas, ñeñthpaꞌ atthetepaꞌchña, Nompore. Allowa.
Pablo
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. All rights reserved.