TAITO 3
3
Sa tukuna tale vei Taito ko koya nai vakavuvuli e yaga, kei na ka e sega ni yaga, 1-11. Sa kaya me laki raici koya, a sa qai tinia na nonai vola, 12-15.
1Vakananumi ira me ra dautalairawarawa vei ira sa liu kei ira sa kaukauwa, me ra talairawarawa, me ra vakarau tu me ia nai valavala kecega e vinaka, 2me ra kakua ni vosavakacacataka e dua na tamata, me ra kakua ni veiba, me ra yalomalua, me ra sa yalolokomi sara vei ira kecega na tamata. 3Ni da sa lialia eliu koi keda talega, eda sa talaidredre, eda sa vakacalai, eda sa daugoleva na gagadre ca kei na marau e vuqa, eda sa lomaca ka vuvu, eda sa vakasisila, eda sa dauveicati vakataki keda.
4Ia ni sa rairai mai kivei keda na tamata na yalovinaka kei na yalololoma ni Kalou na nodai Vakabula, 5sa qai vakabulai keda ko koya, sa sega ga e na vuku ni cakacaka dodonu eda sa kitaka, e na vuku ga ni nona loloma, e nai silisili ni sucu tale, kei na vakavoui ni Yalo Tabu; 6o koya sa sovaraka vakalevu vei keda ko koya e na vuku i Jisu Karisito na nodai Vakabula: 7me da vakadonui kina e na nona loloma walega, ka me da yaco me dai taukei ni bula tawa mudu sa vakanuinuitaki.
8Sa dina na vosa, ia ka'u sa vinakata mo vakadinadinataka tikoga na ka oqo, Me ra gumatua ni kitaka tiko nai valavala vinaka ko ira era sa vakabauta na Kalou. Sa vinaka na ka oqo, ka yaga vei ira na tamata. 9Ia na ka lialia sa dauveiletitaki mo biuta ga, kei nai vola ni kawa, kei na veiba, kei na dauveiletitaka na vunau; ni sa sega ni yaga oqo, ka sa ka wale sara. 10A tamata sa dauvakavuvuli vakatani mo biuta, ni sa vunauci mada eliu vakadua ka vakarua; 11ni ko sa kila sa vakacalai, ka sai valavala ca ko koya sa vakakina, ni sa beitaki ko koya vakataki koya.
12NI'U na talai Aritema vei iko, se ko Tikiko, mo gumatua mo lako mai kivei au ki Nikopoli: ni'u sa nanuma me'u tiko ga kina e na vula i liliwa. 13Gumatua mo kauti Sina na vu-ni-vunau, kei Apolosa, e na nodraui lakolako, me kakua na ka e yali vei rau. 14Ia ko ira talega na noda me ra vakatavulici, me ra daukitaka nai valavala vinaka me vaka na ka sa yaga, me ra kakua ni tawa vua kina. 15O ira kecega sa tiko vei au era sa loloma yani vei iko. Au sa loloma vei ira era sa lomani keitou e na vuku ni vakabauta. Me nomudou kecega na loloma. Emeni.
Currently Selected:
TAITO 3: FOV
Highlight
Share
Copy
Want to have your highlights saved across all your devices? Sign up or sign in
Vakavakadewa Makawa (Fijian Old Version) © Bible Society of the South Pacific