2 ቆሮንቶሳ 1
1
1ታኒ ጳዉሎሲ፥ ፆሳ ሼኒያን፥ ኪሪስቶሲ ዬሱሲ ኪቴዳዌኔ ኑ ኢሻይ ፂሞቶሲ ፆሳው ጎዪኒያ ቆሮንቶሳ ካታማን ዴዒያ ኣማኒያዋንቶኔ ኣካዪያን ዴዒያ ፆሳ ናናቶ ሃ ዳቢዳቢያ ፃፌቶ።
2ፆሳ ኑ ኣዉዋፔኔ ጎዳ ዬሱሲ ኪሪስቶሳፔ፥ ኣ ኬካቴዪኔ ሳሮቴይ ሂንቴንቶ ጊዶ።
ጳዉሎሲ ፆሳው ሺሼዳ ጋላታ
3ፆሳ ኑ ጎዳ ዬሱሲ ኪሪስቶሳ ኣዉዋ፥ ማሮቴ ኣዉዋኔ ሜንዋ ኡባ ፆሳ ጋላታይ ጋኮ፤ 4ፆሳይ ኑና ኑ ሁጴው ሜንዳ ሜንዋዳን፥ ዳሮ ዋዪያ ዋዬቲያዋንታ ኑኒካ ሜንናዳን፥ ኑ ዋዪያ ኡባን ኢ ኑና ሜን። 5ኣዪሲ ጎፔ፥ ኑኒ ኪሪስቶሳ ባጋና ዳሮ ዋዪያ ዋዬቲያዋዳን፥ ሄዋዳንካ፥ ቃሲ ኑና ኣ ባጋና ዳሮ ሜንዋን ሜን። 6ኑኒ ዋዬቶፔ፥ ሄዌ ሂንቴና ሜንናሳኔ ሂንቴና ኣሻናሳ፤ ቃሲ ኑኒ ሚኔቶፔ፥ ኑኒ ዳንዳዬዳ ዋዪያ ማላ ሂንቴካ ጌንጪዴ ዳንዳያና ማላ፥ ፆሳይ ሂንቴዉካ ቃሲ ሜንዋኔ ዳንዳያ ኢማናሳ። 7ሂንቴ ዴማና ጊዴ፥ ሂዶታን ናጊ ኡቴዳዌ ዳሮ ሚና፤ ኣዪሲ ጎፔ፥ ሂንቴ ኑናና ዋዬቴዳዋዳን፥ ሄዋዳን ሜንዋካ ኑናና ኣካናዋ ኑኒ ኤሬቶ።
8ኑ ኑናዳን ፆሳ ካሊያዋንቶ፥ ኑኒ ኢሲያ ጋዲያን ዋዬቴዳ ዋዪያ ሂንቴና ሃሳዪሳናው ኮዬቶ፤ ኑ ዋዪ ኑ ዎልቃፔ ዳሪና፥ ኑና ዎ ጊዴ፥ ሂርጋና ጋካናው፥ ኑና ዎጋይ ባዪናዋ ዴፄዳ። 9ኑኒ ኑ ቦላ ሃዪቁዋ ፒርዳይ ፒርዴቴዳ ያጊዴ ቆፔዶ፤ ሺን ሄዌ ሃኔዳዌ ሃይቄዳ ኣሳ ሃይቁዋፔ ዴንያ ፆሳን ኑኒ ኣማኔታናፔ ኣቲን፥ ኑ ሁጲያን ኣማኔቴናዳና። 10ፆሳይ ሃዋ ማላ ኢታ ሃዪቁዋፔ ኑና ኣሼዳ፤ ኢ ኑና ኣሻና፤ ሲንፔካ ኢ ኑና ኣሻናዋ ጊዴ፥ ሂዶታን ናጊ ኡቴዶ። 11ሂንቴ ዎሴዳ ዳሮ ዎሳን ኑሲ ኣንጁ ሲሜዳ ዲራው፥ ዳሮ ኣሳይ ኑ ዲራው ፆሳ ጋላታና ማላ፥ ሂንቴካ ቃሲ ኑና ዎሳን ማዳና ኮሼ።
ላሜቴዳ ጳዉሎሳ ቆፋ
12ኑኒ ጬቄቲያዌ ሃዋ፤ ሃ ሳዓን ኑኒ ዴዒያ ዴዑ፥ ኡባ ቃሲ ሂንቴናና ኑሲ ዴዒያ ኢቲፔቴይ ፆሳ ኣ ኬካቴናፔ ኣቲን፥ ኣሳ ኣዳ ኤራቴና ጊዴናዋ፥ ቃሲ ፆሳይ ኢሜዳ ጌሻቴኒኔ ሱሬቴን ኑኒ ዴዒያዋ ዎዛና ቆፋይ ኑሲ ማርካቴ። 13-14ኣዪሲ ጎፔ፥ ሂንቴ ናባባናዉኔ ኣኬካናው ዳንዳዪያዋ ፃላላ ሂንቴንቶ ፃፊያዋፔ ኣቲን፥ ኑኒ ሃራባ ሂንቴንቶ ፃፎኮ። ኑ ጎዳ ዬሱሳ ጋላሲ ኑኒ ሂንቴናን ጬቄታናዋዳን፥ ሂንቴካ ኑናን ጬቄታና ማላ፥ ሂንቴ ሃዒ ዉርሲ ኣኬኬና ዬዉዋ ጊዲኒ ዉርሲ ኣኬካና ጋዴ ቆፓይ።
15ሄዋ ታኒ ሎይ ኤሬዳ ዲራው፥ ሂንቴ ላዑ ጌዴ ጎዔታና ማላ፥ ኡባፔ ካሴታዴ ሂንቴኮ ባናው ቆፋ ቃቻዲ። 16ታኒ ማቂዶኒያ ባዴ ሂንቴናና ጋኬታናዋኔ ቃሲ ያፔ ሲማዴ ሂንቴ ማታና ዪሁዳ ኣሺን፥ ሂንቴ ታና ማዳናዋ ቆፓ ኡታዲ። 17ሄዋ ዲራው፥ ታኒ ሄዋ ቆፓዴ ታናን ኣማኔታቤይኪታ? ታኒ ታ ቆፋ ቃቺያ ዎዴ፥ ሳዓ ኣሳዳን ኢቲ ኩን፥ «ኤ፥ ኤ» ዎይ፥ «ጊዴና፥ ጊዴና» ጋናው ጊጋ ኡታዲታ?
18ሺን ፆሳይ ኣማኔቴዳዋ ጊዲያዌ ቱማ ጊዲያዋዳን፥ ኑኒ ሂንቴንቶ ኦዲያ ቃላይ «ኤ» ጊያዋኔ «ጊዴና» ጊያዋ ጊዴና። 19ኣዪሲ ጎፔ፥ ታኒ፥ ሲላሴኔ ፂሞቶሲ ሂንቴ ጊዶን ኦዴዳ ፆሳ ናዓይ፥ ዬሱሲ ኪሪስቶሲ «ኤ» ጊያዋፔ ኣቲን፥ «ጊዴና» ጊያዋ ጊዴና። ሺን ፆሳ ባጋና ኢ ኡባ ዎዴካ «ኤ»። 20ኣዪሲ ጎፔ፥ ፆሳይ ኢማና ጌዳባው ኡባው ኤኖ ጌዳዌ ኪሪስቶሳ ባጋና ፖሌታና፤ ሄዋ ዲራው፥ ኑኒ ኪሪስቶሳ ባጋና ፆሳ ቦንቾ፥ ኣሜንዒ #1፡20 ኣሜንዒ፡ «ኣሜንዒ» ጊያ ቃላይ ሃዋን «ኤ» ያጌቲያ ቢሌ ኦይቄ። ጌቶ። 21ፆሳይ ኪሪስቶሳ ባጋና ኑናኔ ሂንቴና ሜንኔ ኦኬ። 22ኑኒ ኣዋ ጊዲያዋ ኤሪሲያ ማታፋ ኢ ኑ ቦላ ዎዴ፥ ባሬ ጌሻ ኣያና ዋሲያዳን፥ ኑ ዎዛና ጊዶን ዎዳ።
23ቃሲ ታኒ ቆሮንቶሳ ቤናን ኣጌዳዌ ሂንቴና ቆሄናዳና። ሄዌ ዎርዶ ጊዶፔ ታና ሙራናው ታ ሼምፑዋን ፆሳይ ማርካ። 24ኑኒ ሂንቴና ናሼቻናው ሂንቴናና ኢቲፔ ኦያዋንታፔ ኣቲን፥ ሂንቴ ኣማኒያዋን ሂንቴና ጎዴታናው ኮዪያዋንታ ጊዶኮ፤ ኣዪሲ ጎፔ፥ ሂንቴንቱ ሂንቴ ኣማኑሳን ሚኒዴ ዴዒታ።
Currently Selected:
2 ቆሮንቶሳ 1: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa