2 ቆሮንቶሳ ጌሉዋ
ጌሉዋ
ጳዉሎሲ ቆሮንቶሳ ኣሳው ፃፌዳ ላዔን ኪታይ ፃፌቴዳዌ፥ ጳዉሎሳው ቆሮንቶሳን ዴዒያ ኣማኒያ ኣሳና ዴዒያ ጋኬይ ዳሮ ሜቱዋ ጊዶ ጌሊ ኡቴዳ ዎዲያና። ኢቲ ኢቲ ኣማኒያ ኣሳቱ ኢቲ ኢቲ ቶሺያ ጳዉሎሳ ቦላ ዎዲኖ፤ ጊዶፔኔ ጳዉሎሲ ሲጋቴ ሜናው ላሞታይ ባሬው ዴዒያዋ ቤሲዴ፥ ሄዌ ሃኒያ ዎዴ ዎልቃማ ናሼቻ ናሼታናው ዳንዳዪያዋ ቆንጪሴ።
ሃ ኪታ ኮይሮ ዶሜን ጳዉሎሲ ቆሮንቶሳን ዴዒያ ኣማኒያዋንቱና ባሬው ዴዒያ ጋኮቴ ቆንጪሲዴ፥ ኣማኒያዋንቱ ጊዶን ዴንዴዳ ቶሺያሲኔ ጳልቄሲ፥ ኢ ኡንቱንቶ ኣያሲ ሚኖ ዛሩዋ ኢሜዴንቶ ኦዴ። ሄዋናካ ጋዴ ሃዌ ኣ ሴራይ ኡንቱንታ ናጋራፔ ሲማሲኔ ሲጋቴው ካሌዳ ዲራው፥ ሲሴቴዳ ናሼቻ ኡንቱንቱሲ ቆንጪሴ። ካሊዴ ቃሲ ዪሁዳን ዴዒያ ኣማኒያዋንታ ማዲያዋ ባሬንቱዋፔ ጮ ኢማና ማላ፥ ኡንቱንታ ሃሳዪሴ። ዉርሴ ሼምፓቱዋን ጳዉሎሲ ዬሱሳፔ ኪቴቴዳዋ ጊዲያዋ ቦላ ሺቄዳ ሞቱዋሲ ዛሩዋ ቃላ ኢሜ። ኣዪሲ ጎፔ፥ ቆሮንቶሳ ኣማኒያዋንቱ ጊዶን ኢቲ ኢቲ ኣሳቱ ባሬንታ ቱሙ ዬሱሲ ኪቴዳዋንታ ኬሲዴ፥ «ጳዉሎሲ ዬሱሲ ኪቴዳዋ ጊዴና፤ ኢ ዎርዱዋ» ያጊዴ፥ ኣ ሞቲኖ።
ሼምፓቱዋ ኡባቱዋሲ ኢሜቴዳ ቃን ቆፋቱዋ
ኡባፔ ሲንቲያ ዬዉዋ (1፡1-11)
ጳዉሎሳኔ ቆሮንቶሳን ዴዒያ ኣማኒያዋንታ (1፡12-7፡16)
ዪሁዳን ዴዒያ ኣማኒያዋንቶ ኢሜቴዳ ማዱዋ (8፡1-9፡15)
ጳዉሎሲ ባሬ ኪቴቴዳ ማታው ኤቄታናው ሺሼዳ ቃላ ማርካ (10፡1-13፡10)
ዉርሴ ቁቲያ (13፡11-14)
Currently Selected:
2 ቆሮንቶሳ ጌሉዋ: dwrENT
Highlight
Share
Copy
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Learn more about Ooratha Caaquwaa