Wule-woo-ŋa 3
3
Ɣala fɛliɛɛ a ɣele-wala kpɔŋ mâa mɛni ma
Ŋulei Deeƃé è dòo a tãi è pù la ǹóŋ Asaloŋ yêei
1Óo ńâŋ Yâwɛɛ, ŋ́gbɔara-ƃelai tâmaai!
Diai dí tɔɔ̂i ḿâi dítâmaai!
2Da kɛ̂ lônoi é pîlaŋ ḿâ dîyɛɛi,
“Ɣâla fé pâi kpɔnîi mà.”
3Kɛ́lɛ yá, óo Yâwɛɛ mɛni kpɔ̂lu da a kɛ̀ pâi lâai ḿâ, yá ƃa tɔ̀ɔ berei.
Yá ƃa gɛ̀ ńyee kɛ́ tɛ̀ɛ ŋ́gbɔara-ƃelai dîa,
íkɛ ńii kùla.
4Ŋá wɔ̀lɔ Yâwɛɛ ma.
È lɛ̀ɛ ŋɔyée maa waai ma é ŋ́oo su tòo.
5Ŋà làa ŋá nyìi,
ɣele a ƃɔ̀, ŋa ŋ́ɛi lá ƃò ŋa ḿû sîɣe ŋɔ́nɔ, kpɛ́ni fêi, Yâwɛɛ a ḿɛi kâai.
6Núu wála puu (10,000) tɔɔ̂i mâ.
Kɛ́lɛ berei máŋ dítinaŋɔɔ̂i la ḿâi, yao tɔnɔ kpîŋ fé ŋ́gɔ̂lɔi.
7Óo Ŋáɣâlai Yâwɛɛ, pá, pá í ŋ́uŋ ma ƃó,
kpɛ́ni fêi, yâa ŋákpɔara-ƃelai kélee kula maa kɛ́,
wála-wala fé ŋɔ́nɔ da yêei.
8Yâwɛɛ ƃé núu ŋuŋ ma ƃó wala-wala káa ǹyêei.
Tɔɔ Ɣâla é lûwa láa ŋɔnûai dîa.
Currently Selected:
Wule-woo-ŋa 3: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia