Wule-woo-ŋa 2
2
Gâloŋ Ɣâla è zìɣe zui
1Lɔii-ŋuŋ-ŋa da tɔ̂ɔ Ɣâla ma lé mɛni ma?
Nûa da tɔ̂ɔ Ɣâla ma kpɛ́ni-kpɛni lé mɛni ma?
2Ǹɔii kâloŋ-ŋai da tɔ̂ɔ Ɣâla ma.
Ǹúu láa túɛ-ƃelai da mɛni nyɔ́mɔɔ kpɛ̀tɛ Yâwɛɛ mɛni ma
da gâloŋ è zìɣe zui.
3Da m̀o dîyɛɛi, “Kwaa kúkpîŋ ŋuŋ ma ƃó díyêei.
Kúfe ŋɔ́nɔ pâi kɛ̂i díwala-walai mu.”
4Yâwɛɛ a seêni ŋɔkâloŋ see-sɛŋ ŋá ɣâla-taa gɛ́ ɣɛlɛ dîa.
A ɣɛlɛ̂i dîa kpɛ́ni fêi, m̀ɛnii da gbɛtɛ̂i, gáa nɔ́ kpɛ́ni-kpɛni.
5A pâi dí lia-woo ƃôi a lii-ŋwana-woo,
é dímaa yao a ŋɔlii ŋwânai ǹyɛɛ dîai,
6“Ŋâa ŋákâloŋ sée
Zãiyɔŋ Yeei ma nyii gáa a ŋáyee maa waai.”
7Gâloŋ è m̀o ǹyɛɛi, “Ŋa pâi Yâwɛɛ ŋɔtɔ̂ŋ maa mɛ̂ni toôi a lolo.”
Yâwɛɛ è m̀o ḿâ ǹyɛɛi, “Ńyãa ƃe ímaa sɔlɔ ƃô. Yâa sâa kɛ́ a nóŋ.
8Ḿarê kɛ́, ǹyaŋ ŋa pâi ǹɔii-ŋûŋ-ŋai kélee tɛɛ̂i ípɔ.
Ŋa pâi ŋ̀éniɛi gwaa kélee tɛɛ̂i ípɔ gɛ́ ƃò a íkɔ̃liŋ.
9Ya pâi díyee mɛi ɣâlei a kɔli sɔ̂kpɔ.
Ya pâi dísu-karâi yɛ̂ɛ núu a pɔrɔ leɣi wòlo-wolo.”
10Óo kâloŋ-ŋa, ka káwoli tɔ́ɔ ǹîa-wooi ŋí ma.
Káai a ǹɔii láa túɛ-ƃelai, ka m̀ɛnii ŋí maa kɔ́ri.
11Ka tíi kɛ́ Yâwɛɛ mì, ká ƃaa kɛ́-maa tɛ́ɛ bɔ́,
ka kɛ́ kpɛ̃lini a yao 12ká tóo gɔ́ɔ mu ká gɔ́ɔ sóŋ.
A wàla kɛ́ tí, a pâi ǹíi ŋwânai kâa é káŋuŋ lá píli,
kpɛ́ni fêi, mɛni lôŋ nɔ́ ƃa ŋɔlii ŋwânai su kɛ̀tɛ.
Lûwa káa diai kélee dîa díkili tɔɔ̂i mà dí mɛi káa mɛni mai.
Currently Selected:
Wule-woo-ŋa 2: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia