Kɔlɔnikɔ Maa-ŋuŋ Tuɛ mɛni ƃóɔɔ
Tuɛ mɛni ƃóɔɔ
Ŋ̀óoi da kɛ̂ ma “Kɔlɔnikɔi,” su-kulai ƃa gâloŋ-ŋai dímɛni-pɔlɔi nyíi da bɔ̃yɛ a ɣele kélee yɛ̂ɛ berei nɔ́ m̀ɛni kpîŋ a kɛ̂ lai. Kɔlɔnikɔ kɔlɔ-ŋai da lôno é pîlaŋ m̀ɛni tɔ̂nɔi ma Samia ŋɔkɔlɔi veerɛŋɔɔ da Kaloŋ-ŋa díkɔlɔi veerɛŋɔɔ da lôno é pîlaŋ diai. Kɛ́lɛ Kɔlɔnikɔ a lôno é pîlaŋ m̀ɛni-ŋai ŋí dîa a pere-sii da kpɛ́ni. Mɛni-ŋuŋ kpɔ-kpɔɔi Gâa gɔlɔi ŋí sui bîlaŋɔɔi mɛni ŋuŋ-feerɛ ma nyíi bilaŋɔɔi Eezuɛ-ŋai mɛi-kaa mɛ̂ni ma galoŋ-ŋai yée-mu.
Berei máŋ mɛni-kpɔlu támaa è làa la Eezuɛ da Zuda kaloŋ-ŋai diai, Ɣâla è kɛ̀ nɔ́ niî naa gɛ ŋɔkono-teei è wɔ́lɔ gɛ̂i diɛi mɛi kâa. Ǹyaŋ è kɛ̀ naa gɛ mɛni kpɛtɛɛ kɛ̀ nyíi a pɔri pere kɔli la a gɛ́ɛ é pá a ŋuŋ-ma ƃô diai kɛ́ Zudai dísarai. M̀ɛni ƃé gɔlɔi ŋí pɔ̃yɛɛ nûui è m̀ɛni-ŋai Deeƃé da Saloma díwɔlɔ gɛi maa mɛ̂ni sìɣe la a gbanaŋɔɔ é pɛlɛ m̀ɛni maa faleŋɔɔi Zeosafa, Ɛsekaya da Zosaya ni díwɔlɔ pà la Eezuɛ-ŋai sáma a gɛ́ɛ dílɛɛ a díteniŋ ƃôɔɔ Ɣâla mi.
Kɔlɔnikɔ kɔlɔi ŋí a lônoi ŋɔ́nɔ é pîlaŋ berei mâ Ɣâla fɛli mɛ̂ni kɔ́ɔ è pìlaŋ la Ŋ̀âla-pɛrɛ Kɛ́tɛi mu nyíi kɛ̀ Zerusâlɛŋ. M̀ɛnii ŋí ŋuŋ kpɔ́ɔ-kpɔɔi ƃa berei dí wɔ́lɔ zâla-laa-soŋ ƃelai da Liiva-ŋai pù la díkîe ma a dí kpulu-ŋai a gɛ́ɛ dí dítii-ŋai kɛ́i. Deeƃé ƃé wɔ́lɔ Ŋ̀âla-pɛrɛ Kɛ́tɛi mu Ɣâla-fɛli mɛnii kɔ́ɔ pîlaŋ, Saloma é lɛ́ɛ pâi Ŋ̀âla-pɛrɛ Kɛ́tɛi tɔɔ̂i.
M̀ɛni-ŋûŋ-ŋai gɔlɔi ŋí sui
Ǹúu-suu ŋai láa puɔɔ ŋ̀ɛli mâ (1:1--9:44)
Sɔ̂ɔ saa mɛ̂ni (10:1-14)
Deeƃé ŋɔkâloŋ-laai maa mɛ̂ni (11:1--29:30)
M̀ɛni kpɔ̂lu-ŋai da m̀ɛnii nyíi Deeƃé è gɛ̀i (11:1--22:1)
Deeƃé è Ŋ̀âla-pɛrɛ Kɛ́tɛi tɔɔ mɛ̂ni kpɛtɛ (22:2--29:30)
Currently Selected:
Kɔlɔnikɔ Maa-ŋuŋ Tuɛ mɛni ƃóɔɔ: KWB
Highlight
Share
Copy
Want to have your highlights saved across all your devices? Sign up or sign in
© 2012 Bible Society in Liberia