Pr 29
29
1A mactxel pitc'al chi yut ba caxc'al xiwilxa el chi ak'lay cuenta, a jun tu', lemẍic'al ok lajwok ayok, cax c'amxa tzet watx' ok yunej.
2A yet chi oc eb watx' is nabal yin ikbej, caw wal chi tzaloj eb anima; palta a yet chi yajawbi eb yobtakwom, caw wal chi cus c'ul eb anima.
3A junok uninalej watx', caw wal chi yak' tzalojbok c'ul is mam. A mactxel chi ec' yintak eb ajmul ix, caw wal chi yak' lajwok ay is tumin.
4A junok rey tol watx' yin is beyc'ulal, caw wal watx' yayji is conob; a pax junok rey tol asanc'al tumin chi k'anilok, a jun tu' chi yak' lajwok ay is conob.
5A mactxel toc'al chi tz'ak yal watx' k'anej yin yamigo, wal yel a jun tu', lanan yaon ay yal satak.
6A junok yobtakwom, a is mul axca wal yal yayji oc bay; a pax junok mac caw wal watx' is nabal xin, yinc'al junc'ulal c'al tzalojc'ulal ayic'ok.
7A mactxel tojol, watx' chi yut watx'nen el is k'anej eb meba'; a pax junok yobtakwom xin, tok ay yelapnok eb meba' yul sat.
8A eb buchwajwom chi yuchaj bulnaj eb junok conob; a pax eb aj nabal xin, yojtak eb chi yak' sicbok ayok.
9Ta a junok aj nabal chi teyelej ba satak juez yetok junok c'am is nabal, a jun c'am is nabal tu', chi tit yowal, ma toc'al chi buchwaji, cax c'am tzet yetal chi watx'ji.
10A eb mak'om cam anima, chi yajlay eb watx' nabal yuj eb, cax chi yochej eb chi mak' camok.
11A eb yob is nabal, bekanxac'al yion el eb yowal c'ul; a pax mac ay is nabal xin, chi mitx' waay ba yetok yowal c'ul.
12Ta a junok yajaw chi cha yab lek'tial, masanil eb ayoc yin opiso yetok, lek'tic'al el eb.
13A mac chi etnelayi, c'al mac chi etnewi, lajan yayji eb yin jun ti'; a yuj Jehová xan chi je' yilwan eb cawanil.
14A junok rey watx' chi yut is beyc'ulal yiban eb meba', caw wal watx'c'al yayji bay is trono yin tojbalk'inal.
15A mactxel chi yab yail, cax chi ak'lay cuenta, chi cuychaj yuj; a pax eb uninalej c'am chi ak'lay cuenta xin, chi yak' q'uixwan eb is txutx.
16A yet chi aj can eb yobtakwom, caw wal chi aj can mulej; axa eb anima watx' is nabal, ok yil wal eb yayc'ay eb yobtakwom tu'.
17Ak' cuenta oninal, yet watx' ay a junc'ulal, yuj tu' ok ach ayjok ec' yin tzalojc'ulal.
18A bay c'am chi ablay k'anjab eb chekbej Dios, chic'al yun eb anima masanil pojanil yobtakilal, palta caw wal watx' yet mac tol chi yikej ley Dios.
19A yinc'al k'anejal, c'am chi je' yak'lay cuenta junok mosejal, caxc'al chi nachaj el yuj, palta c'am chi yikej.
20Watx'to wal ok eloc junok c'am is nabal, yintak pax mac comonc'al chi k'anjabi.
21A mactxel c'am chi tenchanej is moso yin yaliẍal, axa yin lajubal, caw wal ok yab yail yuj.
22A mactxel ow chi yut yion aj can owal; a mactxel c'un tit yowal, ayc'al tzet yetal man watx'ok chi yunej.
23A mactxel chi mimanej ba, chi ilay ayok; axa mactxel yaynakil chi yut ba, chi ilay aj can.
24A mactxel chi junanej ba yetok eb elk'om, ac'al oc chi yitek yiban, yujtol max yak' ti' yalon el yin jichanil satak juez, palta maj yal paxok.
25A mac chi xiw bay yet animail, ac'al oc chi yak' ayc'ay ba; a pax mac chi yaoc c'ul yin Jehová xin, caw wal taynebil.
26Xiwil mactxel chi sayon is watx'c'ulalil eb yajaw; palta asan Jehová chi watx'nen el k'anej yin watx'il.
27A eb anima watx' is nabal, c'am chi ochelay eb yobtakwom yuj eb; axa pax eb yobtakwom, c'am c'apax chi ochelay eb watx' is nabal yuj eb.
Currently Selected:
Pr 29: ATBYK89
Highlight
Share
Copy
Want to have your highlights saved across all your devices? Sign up or sign in
Kanjobal (Q’anjob’al) © Sociedad Bíblica de Guatemala 1989