Lukas 3
3
Johannes ma undapele Muhona ondjila
(Mat. 3:1-12; Mark. 1:1-8; Joh. 1:19-28)
1Iya ombula ontyamulongo nontyatano yetumino lyomukesari Tiberius, Pontius Pilatus hiaa li omutumini waJudea, Herodes omutumini moGalilea nomunitje Filippus omutumini wovilongo vyaIturea naTrakonitis, Lisanias omutumini moAbilene, 2Hannas naKaifas hiva li ovayambethi ovanene, odhondaka dhaKalunga dhe ya kuJohannes, munkwaSakaria, mokuti. 3Iya ye wa ya moulaanganda auhe womoJordan, ha teetha okutya ovantu ngave liteyulule, wo va tjatjwe, opo odhonkali dhawo dhi ithwe po, 4ngahi tja sonekwa membo lyomuprofeti Jesaja, haku tiwaa:
“Ondaka yomuwololoki mokuti mai tyaa:
‘Undapelen̯i Muhona ondjila,
mu vyuukililithilen̯i ovilila.#Jes. 40:3-5
5Omilola ngavi thithilwe,
odhondundu nomaluvanda ngaa kulumunwe,
hitja penga ngatji vyuululwe,
odhondjila odhombi ngadhi kombwe.
6Ovantu avehe mava ka mona ehupitho lyaKalunga.’ ”
7Johannes wa heela owingi wovantu mbave ya va tjatjwe kuye, ha tyaa: “Luyumuko n̯e lwodhonyoka, aan̯i ngwee mu londola okutya ka inkolen̯i oluyuma lwaKalunga ndumalu ya?#Mat. 12:34; 23:33 8Iya undapen̯i ovipuka mbimavi yulike okutya mwe liteyulula. Hámu utu okulipopila okutyaa: ‘Tu na tate Abraham.’ Iya me mu heele okutya Kalunga ma ulu okutjitukitha omawe henga, he e ningi oluyumuko lwaAbraham.#Joh. 8:33 9Onkava ya tuwa ae pethina lyomuti. Omuti auhe mbuhau ma ovinyango oviwa, mau kewa po, hau yumbwa momulilo.”#Mat. 7:19
10Owingi wovantu we mu pula hau tyaa: “Iya ngatu ninge vi?”
11Johannes we ve yaka ha tyaa: “Nguu na ovikutu vivali, ngave liyandjele nanguhe na tja, nguu na ovikulya naye tuu, ngatjo a ninga.”
12Ovathendelethi nawo ve ya kuye va tjatjwe, have mu pula hava tyaa: “Mulongethi, ngatu ninge vi?”#Luk. 7:29
13Ye we ve heela ha tyaa: “Hámu thutitha okupitilila mbimwa heelwa.”
14Ovakwavita ve mu pula hava tyaa: “Iya nt̯e ngatu ninge vi wo?”
Ye we ve heela ha tyaa: “Hámu tumin̯in̯a ovantu, n̯e hámu ve nyeka, yaukilwen̯i kodhondjambi dhen̯i ovene.”
Johannes ma tumbaleke Jesus
15Iya ovantu hiva li amava kevelele, avehe va sokolola momitima vyawo hava tya, Johannes mpaeli oye e li Messias. 16Johannes we ve heela avehe ha tyaa: “Ame me mu tjatja nomeva, iya ngume ya omunene kwaame. Ame híme tji ulu nangahi tji li okukutulula omivya vyodhongaku dhe. Ye me mu tjatja nOmbepo Ondhilikwa nomulilo. 17Ye u na otjiyeletho mokuwoko kwe, ma kombo otjiwaa tje, ovilya me vi ungula motjindhi tje, iya olungu me lu hike po nomulilo mbuhau dhimi.”
18Johannes wa ilikin̯a omailikin̯o omengi nokuteethela ovantu ondaka ombwa. 19Iya Herodes, omutumini wotjityane tjotjilongo, hiaa tangunithwa kuJohannes mena lyaHerodias, omukadhintu womunitje, nomena lyouvi auhe mbwaa ninga,#Mat. 14:3-4; Mark. 6:17-18 20kovipuka hembi avihe Herodes wa wedha ko uke okuyedhilila Johannes mokaliwoso.
Okutjatjwa kwaJesus
(Mat. 3:13-17; Mark. 1:9-11)
21Iya napano ovantu avehe hiva tjatjwa, Jesus naye wo wa tjatjwa. Hiaa li ama kumbu, 22eulu lye liyapuka, Ombepo Ondhilikwa ya lauka ngonguti, hai mu wilile. Meulu mwa dha ondaka hai tyaa: “Oove Omunwandje omuhivilikwa, ngumba hopa.”#Gen. 22:2; Eps. 2:7; Jes. 42:1; Mat. 3:17; Mark. 1:11; Luk. 9:35
Eanda lyaJesus
(Mat. 1:1-17)
23Iya Jesus hiaa utu otjilinga tje, wa li nodhombula omilongo vitatu. Wa kala ngahi tja popiwa okutya ma ka kala munkwaJosef, yaEli, 24yaMatati, yaLevi, yaMelki, yaJannai, yaJosef, 25yaMatatias, yaAmos, yaNahum, yaEsli, yaNaggai, 26yaMaat, yaMatatias, yaSemei, yaJosek, yaJoda, 27yaJohanan, yaResa, yaSerubabel, yaSalatiel, yaNeri, 28yaMelki, yaAddi, yaKosam, yaElmadam, yaEri, 29yaJosua, yaElieser, yaJorim, yaMatati, yaLevi, 30yaSimeon, yaJuda, yaJosef, yaJonam, yaEliakim, 31yaMelea, yaMenna, yaMatata, yaNatan, yaDavid, 32yaIsai, yaObed, yaBoas, yaSala, yaNaason, 33yaAminadab, yaAdmin, yaArni, yaHesron, yaFares, yaJuda, 34yaJakob, yaIsak, yaAbraham, yaTara, yaNahor, 35yaSeruk, yaRagau, yaPelek, yaEber, yaSala, 36yaKainan, yaArfasad, yaSem, yaNoa, yaLamek, 37yaMetusala, yaHenok, yaJaret, yaMahalalel, yaKainan, 38yaEnos, yaSet, yaAdam, yaKalunga.
Currently Selected:
Lukas 3: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.