1 Timoteus Omuhangu
Omuhangu
Timoteus omudhantu ngwaa dhile koAsia-Otjinunu. Ina wa li omukadhintu Omujuda, ihe wa li Omugreka. Wa li epanga nomupopili waPaulus motjilinga tje tjetumo. Omukanda wolutenga waPaulus mbwaa sonekelwa Timoteus mau popi ouhunga novipuka vitatu.
Omukanda olutengatenga mau pukulula nokukondjetha elongo lyovithithi meongalo. Elongo hendi lya lumbalumba mumo nelongo lyOvajuda nambahave thi Ovajuda, lya kulama meitavelo ndimali tya ouye hembu ouvi, omuntu ma hupithwa vala kondunge yowina yomeholamo, ye ama undapa ovilinga ngahi tji li okulitjaela ovikulya vimo nokulitjaela okukupa ne okukupwa. Omukanda u na wo omalongo ouhunga novilinga vyeongalo neundapelokalunga. Mau thitulula ouhunga nonkalo yovaviyuli veongalo novapopili veongalo hiva thele okukala. Pomaandelo, Timoteus ma pukululwa okutya omuntu omuwa waJesus Kristus wa thele okukala vi, nouhunga nokutya ye u na otjilinga okulonga ovaitaveli mbave lili nambave lili.
Otjilimo
Etwalomo (1:1-2)
Omalongo nomapukululo ouhunga neongalo notjilinga tjeongalo (1:3--3:16)
Omalongo okulonga Timoteus nouhunga notjilinga tje (4:1--6:21)
Currently Selected:
1 Timoteus Omuhangu: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.