1 Timoteus 2
2
Omapukululo
1Olutengatenga me pukulula okutya ngaku kumbwe, ngaku ningwe omaalikano, ngaku kumbilwe, ngaku yandjwe ompandu kuKalunga mena lyovantu avehe, 2odhohamba novatumini avehe, opo tu kale nouwa, atwa tutuvala, tu kale nonkalo ombwa nontilokalunga. 3Hehi otjo tji li otjiwa, matji hulukitha Kalunga, Omuhupithi wetu, 4ye u hala ovantu avehe va hupithwe, wo va iwe otjatjili. 5Iya Kalunga yuumo. Ngwaa wan̯en̯eka ovantu naKalunga yuumo, omuntu oKristus Jesus, 6ngwee liyandja omwene, a ile ondjowo yovantu avehe. Otjipuka hehi Kalunga we tji ninga potembu ombwa. 7Iya ame mba tuwa po, ndji kale omuteethi nomuyapostoli, ndji longethe ovapaani eitavelo lyatjatjili. Me popi otjatjili híme kembe.#2 Tim. 1:11
8Iya ame me hala ovalumentu, apehe amava kumbu ngava yele omawoko, háva kumbu noluyuma ne nolutangu. 9Ame me hala wo ovakadhintu va dhale omidhalo vyawo mbimavi yulike onkalo ombwa, mbyaa kohoka. Háve litata omapanda ku tuwe ovingoldo nomakwalali ngamaa laima ne omidhalo mbii na okalu,#1 Pet. 3:3 10iya va thele okuundapa ovilinga oviwa mbimavi thevelwa ovakadhintu, mbave na ontilokalunga. 11Omukadhintu nga teelele aa nyimi, hé linomo. 12Ame híme yetha ovakadhintu, va longethe meongalo ne va tumine ovalumentu, va thele okukala ava nyimi. 13Ngwaa utwa olutenga oAdam, haku ya Eva.#Gen. 2:7,21-22 14Ngwaa pukithwa olutenga haAdam, ngwaa pukithwa omukadhintu, ha yono otjitumino tjaKalunga.#Gen. 3:1-6 15Omukadhintu ma hupithwa hima yumuka odhondele, andaa ma kala ae na eitavelo, ohole, ouvyuuki nouhila.
Currently Selected:
1 Timoteus 2: DBNT
Highlight
Share
Copy
Want to have your highlights saved across all your devices? Sign up or sign in
Dhimba New Testament © Bible Society in Namibia, 2010.