1 OVATESSALONIKI 1
1
1Paulus naSilvanus naTimoteus okeongalo lOvatessalonika, li li muKalunga Xe nomOmwene Jesus Kristus.
Efilonghenda kunye nombili.
Oiimati yevaengeli muTessalonika noudiinini weongalo
2Ofye ohatu pandula Kalunga alushe omolweni amushe fiku hatu mu diladila momailikano etu, 3nokudimbulukwa alushe koshipala shaKalunga Tate yetu oshilonga shomeitavelo, nokulihepeka kweni mohole nelididimiko leni meteelelotimaumbwile lOmwene wetu Jesus Kristus, 4ngaashi otu shi shii, ovamwatate ovaholike vaKalunga nokutya, onye mwa hoololwa. 5Osheshi evaengeli letu ola fika kunye haneendjovo adike, ndelenee omeenghono yo nomOmhepo Iyapuki nomeyelelo la pama, ngaashi mu shi shii, nhumbi twa li mokati keni omolweni. 6Ndele nye omwa ninga ovashikuli vetu novOmwene eshi mwa tambula eendjovo nehafo lomOmhepo Iyapuki, nande mwa li meefina dihapu, 7osho ngaha mwa ninga ovahopaelelwa vovaitaveli aveshe vomuMakedonia novomuAkaia. 8Osheshi omunye mwa dja oshihomo sheendjovo dOmwene hamuMakedonia nomuAkaia amuke, ndelenee eitavelo leni okwiitavela Kalunga ola tandavela apeshe, ndele fye inatu pumbwa oku shi popya vali. 9Osheshi ovo vene have tu hepaulula, okuuya kwetu kunye nhumbi kwa li, nanye yo nhumbi mwa amuka koikalunga nomwe uya kuKalunga, mu longele Kalunga omunamwenyo nomunashili, 10nokuteelela Omona waye ta di meulu, ou e mu nyumuna koufi, Jesus, ou te tu xupifa mehandu tali uya.
Currently Selected:
1 OVATESSALONIKI 1: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.