1 OVATESSALONIKI ETWALEMO
ETWALEMO
Tessalonika osha li oshilandopangelo shOvaroma moshitukulwa shaMakedonia. Paulus okwa dika mo eongalo konima eshi a dja muFilippi.
Meongalo omu omwa holoka diva ekondjifafano la dja mOvajuda ovo va li va twa ondubo neudifo laPaulus olo la dile oiimati, okuudifa evaengeli mokati kovapaani ovo va hangika va hala okutambula Oujuda. Paulus okwa li a fininikwa okudja mo muTessalonika, a ye kuBerea. Konima eshi e uya muKorinto, okwa pewa ehokololo la dja kuumwe womovayakuli vaye, Timoteus, tali popi onghalo yeongalo lomuTessalonika.
Epistoli lotete kOvatessalonika ola nyolelwa okutwa omukumo nokushilipaleka Ovakriste vaakwinya. Paulus okwe va pandula, eshi a shiiva eitavelo nohole yavo.
Okwe va dimbulukifa okukala kwaye fimbo a li puvo, nokwa nyamukula omapulo oo a holoka meongalo kombinga yealuko laKristus.
Omwiitaveli ou a fi fimbo Kristus ina aluka, ota ka mona tuu omwenyo waalushe? Kristus ota aluka naini? Paulus okwa longifa omhito ei, e va lombwele va twikile okulonga meteelelo nokumwena fimbo va teelela ealuko laKristus.
Elandulafano loshikalimo
Etwalemo 1:1
Epandulo nefimaneko 1:2—3:13
Ekumaido kombinga yomikalo dOvakriste 4:1-12
Omayelifilo kombinga yokwaaluka kwaKristus 4:13—5:11
Omakumaido axuuninwa 5:12-22
Exulifo 5:23-28
Currently Selected:
1 OVATESSALONIKI ETWALEMO: OKYB
Highlight
Share
Copy
Want to have your highlights saved across all your devices? Sign up or sign in
Oshikwanyama Bible Revised © Bible Society of Namibia, 2008, 2012.