Matayo 19
19
Makangɨrɨtsya bʉshana n'erɨkamba mʉkatsɨ
(Mar 10:1-12)
1Yesʉ abere amamala ɨnegena ebyo, mwathoka iNgalilaya mwahika mo kɨhʉgo ky'iYuteya ko ʉndɨ mʉnda w'olwitsi lw'eYorotani. 2Muhindano mʉnene wa bandʉ mwamʉkwama n'eyo mwalamya abakoni. 3Bafarisayo mobamuhikira bʉshana n'ɨmʉthega kɨnwa, na mobamʉbʉtsya bathɨ: «Ewono binahamulirwe ko muyira ɨkamba mʉkatsɨwe bʉshana na bʉlɨ kɨnwa?» 4Yesʉ mwashʉbɨtsyabo athɨ: «Momʉthasoma mo Kɨnwa kya Gongo, ko ko ndangɨro yo wabʉmbaga, mwabʉmba muyira na mʉkatsɨ#19:4 Soma Ndangɨro 1:27; 5:2.? 5Aho Gongo mwanegena athɨ: “Bʉshana n'ekyo, omuyira andamika ishe na nyinya n'ibya hagʉma na mʉkatsɨwe, n'ababɨrɨ bandabya mʉbɨrɨ mʉgʉma.#19:5 Soma Ndangɨro 2:24.” 6Nɨ bathakɨrɨ babɨrɨ, hewethuwe nɨ bahera mʉbɨrɨ mʉgʉma. Aho abo Gongo amalire ihindania, mʉndʉ athalikanayabo.» 7aBafarisayo mobamʉbʉtsya bathɨ: «Bʉshana na ki Mʉsa mwahamʉla omuyira ɨhana marʉba w'ikamba mʉkatsɨwe n'imulika?»#19:7 Soma 5:33; Ɨbʉka 24:1. 8Yesʉ mwashʉbɨtsyabo athɨ: «Mʉsa mwabahamʉla iriitha abakatsɨ benyu bʉshana n'emɨthɨma enyu mɨtsɨbʉ. Hewethuwe ko ndangɨro ko bithabyaga bithyo. 9Enyɨbabwɨra nyɨthɨ: “Omuyira amakamba mʉkatsɨwe, ɨthalɨ bʉshana n'orʉsɨngɨ#19:9 Soma 5:32 n'ebishakirwe. kuroshi, na amahikya ʉndɨ, nɨamasɨngɨra.”»
10 Abɨga bʉwe mobamʉbwɨra bathɨ: «Byamabya nɨ ko biri bithyo, ko muyira na mʉkatsɨwe, kwenzi ni bithawithe mʉgasho omʉndʉ erihikya.» 11Yesʉ mwashʉbɨtsyabo athɨ: «Bathalɨ abandʉ boshi bo bangonvwa ebɨnwa ebi byo kʉbʉya, hewethuwe abo bonvwirebyo nɨ abo bahabawabyo basha. 12Ega, halɨ abasagarwa bo babʉthawa bathyo. Halɨ n'abasagarwa bo basagarawa n'abandʉ. Halɨ na abo bayɨyɨragamo basagarwa ɨbo bene bʉshana n'oBwamɨ bw'elʉbʉla. Yo wangonvwa ekɨnwa kɨno, onvwekyo!»
Yesʉ agashanɨra abana balere
(Mar 10:13-16; Luk 18:15-17)
13Aho abandʉ mobalethera Yesʉ yo abana balere bʉshana ahire kʉbo kw'eminwe n'ɨshabɨrabo. Hewethuwe abɨga bʉwe mobakemerabo. 14Aho Yesʉ mwabwɨrabo athɨ: «Mulike abana balere bahike yo nyɨrɨ, mʉthakagagabo, kʉshangwa oBwamɨ bw'elʉbʉla nɨ bw'abandʉ balɨ ng'abo.»#19:14 Soma 18:3-5. 15Mwahira kʉbo kw'eminwe, honyuma kw'aho, mwathoka aho.
Mʉthabana mushoki
(Mar 10:17-31; Luk 18:18-30)
16Honyuma kw'aho, mʉndʉ mʉgʉma mwagendera Yesʉ n'ɨmʉshaba athɨ: «Mʉkangɨrɨtsya, nyangakola kɨbʉya kɨhe nɨmo nyabona obʉyɨngo bwa kera na kera?» 17Yesʉ mwamʉshʉbɨtsya athɨ: «Bʉshana na ki ʉnyɨbʉtsya ko bɨbʉya? Mʉndʉ mʉgʉma mʉsha yo mʉbʉya. Wamabya ʉlɨ ushondya ɨngɨra mo bʉyɨngo bwa kera n'ekera, ushikye amathegeko wa Gongo.» 18Omʉthabana oyo mwamʉbʉtsya athɨ: «Amathegeko ahɨ no?» Yesʉ mwashubya athɨ: «Uthithaga, ʉthasɨngɨraga, uthibaga, ʉthahambɨkaga mʉndʉ, 19shikya sho na nyoko, na ʉtsɨɨre mulikyenyu nga ko uyitsiire wowene.»#19:19 Soma Ɨthoka 20:12-16; Balawi 19:18; Ɨthoka 5:16-20. 20Omʉthabana oyo mwamʉbwɨra athɨ: «Nyishikitsye ebyoshi ebyo, nyamashʉba bʉsha ki?» 21Yesʉ mwamʉbwɨra athɨ: «Wamabya ʉlɨ ushondya ibya mʉthʉnganene, enda ʉyagʉtsye ebyoshi uwitheko na ʉhe esofaranga etho s'abatsene. Aho wandabona bushoki mo lʉbʉla. Honyuma kw'aho, hika ʉnyɨkwame.»#19:21 Soma 5:48, nyɨkwame: shʉnga Yoani 1:43 n'ebishakirwe. 22Omʉthabana abere onvwa ebyo, mwayɨgendera n'obuliye, kʉshangwa abyaga niawithe bʉshoki bʉngɨ.
23Yesʉ mwabwɨra abɨga bʉwe athɨ: «Kwenene enyɨbabwɨra nyɨthɨ litsibuhire ko mushoki ɨngɨra mo Bwamɨ bw'elʉbʉla. 24Enyɨshʉbababwɨra ko lyolohire engamɨa ɨtsʉka mo kyuna ky'enandi, kʉlenga omushoki ɨngɨra mo Bwamɨ bwa Gongo.» 25Abɨga babere bonvwa ebɨnwa ebyo, mobashweka kʉtsɨbʉ n'ɨnegena bathɨ: «Ɨndɨ yo wangashabʉlwa?» 26Yesʉ mwahanda kʉbo kw'amesho n'ɨbwɨrabo athɨ: «Ko bandʉ kɨthangathokekana, hewethuwe kʉ Gongo ebyoshi bɨthokekene.»
27Aho Petero mwamʉbwɨra athɨ: «Shʉnga, ithwe mothwamikire ebyoshi na mothwakukwamire. Byandabya bɨthɨ kw'ithwe?» 28Yesʉ mwabwɨrabo athɨ: «Kwenene enyɨbabwɨra: “Mo ndambi ebɨndʉ byoshi byandabya byayɨrwamo bihya-bihya, mo ndambi oMʉgala w'oMʉndʉ andabya ikala ko lʉthebe lʉwe lw'olʉkengerwa, imwe mwanyɨkwamaga, mwandikala nemwe ko ndebe ikumi n'ibiri bʉshana n'ɨsoha ebɨhanda ikumi na bɨbɨrɨ by'abanyaIsiraeli. 29N'obʉlɨ mʉndʉ yo wamikaga manyʉmba, kʉtse bagala babo, kʉtse balɨ babo, kʉtse ishe ʉwe, kʉtse nyinya ʉwe, kʉtse bana babo, kʉtse mashwa wabo bʉshana n'erɨtsɨna lyaye, bandahembwa ngendo igana, na kalengyo kw'aho bandahembwa obʉyɨngo bw'ekera n'ekera.” 30Hewethuwe bandʉ bangɨ bo balɨ bambere-mbere bandabya banyuma-nyuma na bangɨ bo balɨ banyuma-nyuma bandabya bambere-mbere.»
Currently Selected:
Matayo 19: ver
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development
Matayo 19
19
Makangɨrɨtsya bʉshana n'erɨkamba mʉkatsɨ
(Mar 10:1-12)
1Yesʉ abere amamala ɨnegena ebyo, mwathoka iNgalilaya mwahika mo kɨhʉgo ky'iYuteya ko ʉndɨ mʉnda w'olwitsi lw'eYorotani. 2Muhindano mʉnene wa bandʉ mwamʉkwama n'eyo mwalamya abakoni. 3Bafarisayo mobamuhikira bʉshana n'ɨmʉthega kɨnwa, na mobamʉbʉtsya bathɨ: «Ewono binahamulirwe ko muyira ɨkamba mʉkatsɨwe bʉshana na bʉlɨ kɨnwa?» 4Yesʉ mwashʉbɨtsyabo athɨ: «Momʉthasoma mo Kɨnwa kya Gongo, ko ko ndangɨro yo wabʉmbaga, mwabʉmba muyira na mʉkatsɨ#19:4 Soma Ndangɨro 1:27; 5:2.? 5Aho Gongo mwanegena athɨ: “Bʉshana n'ekyo, omuyira andamika ishe na nyinya n'ibya hagʉma na mʉkatsɨwe, n'ababɨrɨ bandabya mʉbɨrɨ mʉgʉma.#19:5 Soma Ndangɨro 2:24.” 6Nɨ bathakɨrɨ babɨrɨ, hewethuwe nɨ bahera mʉbɨrɨ mʉgʉma. Aho abo Gongo amalire ihindania, mʉndʉ athalikanayabo.» 7aBafarisayo mobamʉbʉtsya bathɨ: «Bʉshana na ki Mʉsa mwahamʉla omuyira ɨhana marʉba w'ikamba mʉkatsɨwe n'imulika?»#19:7 Soma 5:33; Ɨbʉka 24:1. 8Yesʉ mwashʉbɨtsyabo athɨ: «Mʉsa mwabahamʉla iriitha abakatsɨ benyu bʉshana n'emɨthɨma enyu mɨtsɨbʉ. Hewethuwe ko ndangɨro ko bithabyaga bithyo. 9Enyɨbabwɨra nyɨthɨ: “Omuyira amakamba mʉkatsɨwe, ɨthalɨ bʉshana n'orʉsɨngɨ#19:9 Soma 5:32 n'ebishakirwe. kuroshi, na amahikya ʉndɨ, nɨamasɨngɨra.”»
10 Abɨga bʉwe mobamʉbwɨra bathɨ: «Byamabya nɨ ko biri bithyo, ko muyira na mʉkatsɨwe, kwenzi ni bithawithe mʉgasho omʉndʉ erihikya.» 11Yesʉ mwashʉbɨtsyabo athɨ: «Bathalɨ abandʉ boshi bo bangonvwa ebɨnwa ebi byo kʉbʉya, hewethuwe abo bonvwirebyo nɨ abo bahabawabyo basha. 12Ega, halɨ abasagarwa bo babʉthawa bathyo. Halɨ n'abasagarwa bo basagarawa n'abandʉ. Halɨ na abo bayɨyɨragamo basagarwa ɨbo bene bʉshana n'oBwamɨ bw'elʉbʉla. Yo wangonvwa ekɨnwa kɨno, onvwekyo!»
Yesʉ agashanɨra abana balere
(Mar 10:13-16; Luk 18:15-17)
13Aho abandʉ mobalethera Yesʉ yo abana balere bʉshana ahire kʉbo kw'eminwe n'ɨshabɨrabo. Hewethuwe abɨga bʉwe mobakemerabo. 14Aho Yesʉ mwabwɨrabo athɨ: «Mulike abana balere bahike yo nyɨrɨ, mʉthakagagabo, kʉshangwa oBwamɨ bw'elʉbʉla nɨ bw'abandʉ balɨ ng'abo.»#19:14 Soma 18:3-5. 15Mwahira kʉbo kw'eminwe, honyuma kw'aho, mwathoka aho.
Mʉthabana mushoki
(Mar 10:17-31; Luk 18:18-30)
16Honyuma kw'aho, mʉndʉ mʉgʉma mwagendera Yesʉ n'ɨmʉshaba athɨ: «Mʉkangɨrɨtsya, nyangakola kɨbʉya kɨhe nɨmo nyabona obʉyɨngo bwa kera na kera?» 17Yesʉ mwamʉshʉbɨtsya athɨ: «Bʉshana na ki ʉnyɨbʉtsya ko bɨbʉya? Mʉndʉ mʉgʉma mʉsha yo mʉbʉya. Wamabya ʉlɨ ushondya ɨngɨra mo bʉyɨngo bwa kera n'ekera, ushikye amathegeko wa Gongo.» 18Omʉthabana oyo mwamʉbʉtsya athɨ: «Amathegeko ahɨ no?» Yesʉ mwashubya athɨ: «Uthithaga, ʉthasɨngɨraga, uthibaga, ʉthahambɨkaga mʉndʉ, 19shikya sho na nyoko, na ʉtsɨɨre mulikyenyu nga ko uyitsiire wowene.»#19:19 Soma Ɨthoka 20:12-16; Balawi 19:18; Ɨthoka 5:16-20. 20Omʉthabana oyo mwamʉbwɨra athɨ: «Nyishikitsye ebyoshi ebyo, nyamashʉba bʉsha ki?» 21Yesʉ mwamʉbwɨra athɨ: «Wamabya ʉlɨ ushondya ibya mʉthʉnganene, enda ʉyagʉtsye ebyoshi uwitheko na ʉhe esofaranga etho s'abatsene. Aho wandabona bushoki mo lʉbʉla. Honyuma kw'aho, hika ʉnyɨkwame.»#19:21 Soma 5:48, nyɨkwame: shʉnga Yoani 1:43 n'ebishakirwe. 22Omʉthabana abere onvwa ebyo, mwayɨgendera n'obuliye, kʉshangwa abyaga niawithe bʉshoki bʉngɨ.
23Yesʉ mwabwɨra abɨga bʉwe athɨ: «Kwenene enyɨbabwɨra nyɨthɨ litsibuhire ko mushoki ɨngɨra mo Bwamɨ bw'elʉbʉla. 24Enyɨshʉbababwɨra ko lyolohire engamɨa ɨtsʉka mo kyuna ky'enandi, kʉlenga omushoki ɨngɨra mo Bwamɨ bwa Gongo.» 25Abɨga babere bonvwa ebɨnwa ebyo, mobashweka kʉtsɨbʉ n'ɨnegena bathɨ: «Ɨndɨ yo wangashabʉlwa?» 26Yesʉ mwahanda kʉbo kw'amesho n'ɨbwɨrabo athɨ: «Ko bandʉ kɨthangathokekana, hewethuwe kʉ Gongo ebyoshi bɨthokekene.»
27Aho Petero mwamʉbwɨra athɨ: «Shʉnga, ithwe mothwamikire ebyoshi na mothwakukwamire. Byandabya bɨthɨ kw'ithwe?» 28Yesʉ mwabwɨrabo athɨ: «Kwenene enyɨbabwɨra: “Mo ndambi ebɨndʉ byoshi byandabya byayɨrwamo bihya-bihya, mo ndambi oMʉgala w'oMʉndʉ andabya ikala ko lʉthebe lʉwe lw'olʉkengerwa, imwe mwanyɨkwamaga, mwandikala nemwe ko ndebe ikumi n'ibiri bʉshana n'ɨsoha ebɨhanda ikumi na bɨbɨrɨ by'abanyaIsiraeli. 29N'obʉlɨ mʉndʉ yo wamikaga manyʉmba, kʉtse bagala babo, kʉtse balɨ babo, kʉtse ishe ʉwe, kʉtse nyinya ʉwe, kʉtse bana babo, kʉtse mashwa wabo bʉshana n'erɨtsɨna lyaye, bandahembwa ngendo igana, na kalengyo kw'aho bandahembwa obʉyɨngo bw'ekera n'ekera.” 30Hewethuwe bandʉ bangɨ bo balɨ bambere-mbere bandabya banyuma-nyuma na bangɨ bo balɨ banyuma-nyuma bandabya bambere-mbere.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development