Matayo 18
18
Nɨ ndɨ yo mʉkʉlʉ
(Mar 9:33-37; Luk 9:46-48)
1Ko ndambi eyo, abɨga mobayɨfʉnda hofɨ na Yesʉ n'ɨmʉbʉtsya bathɨ: «Nɨ ndɨ yo mʉkʉlʉ mo Bwamɨ bw'elʉbʉla?» 2Yesʉ mwabɨrɨkɨra mwana mʉlere, mwamuhira mo kathi-kathi kabo, 3n'ɨnegena athɨ: «Kwenene enyɨbabwɨra, muthabindukire n'ibya nga bana balere, mʉthɨndɨngɨre mo Bwamɨ bw'elʉbʉla. 4Yo wandayɨyɨra ng'omwana mʉlere oyu, oyo yo mʉkʉlʉ mo Bwamɨ bw'elʉbʉla. 5Omʉndʉ yo ukokya omwana mʉlere ng'ono mw'ɨtsɨna lyaye, n'ingye amakokya.
Bʉlɨgo ko yo wandahetsya mwɨkɨrɨtsya
(Mar 9:42-48; Luk 17:1-2)
6«Hewethuwe yo wandaleka mʉgʉma w'oko bana bo banyɨkɨrɨtsye aba nɨathera, kyangabere kɨbʉya kw'ɨye ɨmɨnɨrwako lushyo lʉnene mw'igosi n'ɨgʉshwa mw'iriba ly'engetsɨ. 7Bʉhanya ko bandʉ b'ekɨhʉgo bʉshana n'ebyo ebɨreka abandʉ nɨbakola bɨtsɨbʉ! Kʉshangwa ebyo bɨnaleka abandʉ nɨbakola ebɨtsɨbʉ bɨthangabʉsha ihika, hewethuwe bʉhanya ko mʉndʉ yo wandaleka nɨbyabya! 8Aho okʉboko kwawe kʉtse ekɨshando kyawe byamabya nɨbyangaleka nɨwakola ekɨtsɨbʉ, tsabyo na ʉgʉshebyo hale nawe, kʉshangwa bikwirire kw'ɨwe ɨngɨra mo bʉyɨngo bw'ekera n'ekera na kʉboko kʉgʉma kʉtse kʉgʉlʉ kʉgʉma, kʉlenga erɨgʉshwa mo mʉtsanwa wa kera n'ekera na maboko abɨrɨ kʉtse na magʉlʉ abɨrɨ. 9N'erisho lyawe lyamabya nɨlyangaleka nɨwakola kɨtsɨbʉ, ʉkʉlelyo na ʉgʉsheryo hale nawe! Likwirire kw'ɨwe ɨngɨra mo bʉyɨngo bwa kera n'ekera na lisho ɨgʉma kʉlenga kw'ɨgʉshwa mo mʉtsanwa w'okwɨrʉnga#18:9 Soma 5:22. na mesho abɨrɨ.
Omushinga w'embuli yaheraga
(Luk 15:3-7)
10«Muyitheye mʉthasʉnzʉgʉraga mʉgʉma w'oko balere aba, kʉshangwa enyɨbabwɨra mo lʉbʉla abamalaɨka babo bimene bʉthalʉha embere sa Thatha yo ʉlɨ mo lʉbʉla. [11Kʉshangwa oMwana w'oMʉndʉ ahikaga bʉshana n'ɨshabʉla bo baherire.#18:11 Hano, mashako magʉma ongerereko ebɨnwa bɨno: kʉshangwa oMʉgala w'oMʉndʉ ahikaga bʉshana n'ɨshabʉla bobabyaga ni baherire. Soma Luk 19:10.]
12«Omʉganɨtsya kw'ebi ko muthi ki? Omʉndʉ amabya niawithe ku mbuli sɨwe igana, n'engʉma ya kʉtho yamahera, athangamika esɨndɨ makumi mwenda na mwenda ko kɨthwa bʉshana n'ɨya shondya yo yɨthahera? 13Na amahika kw'ɨbonaro, kwenene enyɨbabwɨra, anamogeraro kʉlenga esombuli makumi mwenda na mwenda sosɨthathahera. 14Na kuthyo Thatha wenyu yo ʉlɨ elʉbʉla athatsiire erɨhera ly'omʉgʉma w'oko balere aba.»
Ihano ko yo ʉkʉkolera ekɨbɨ
15«Mʉgala enyu amakʉkolera kɨtsɨbʉ, genda ʉyamʉhane, mubye imwe babɨrɨ kuroshi. Amakw'onvwa, nɨwamabona mʉgala enyu. 16Hewethuwe amathɨnda ɨkwonvwa, shʉbatsɨmba mʉndʉ mʉgʉma kʉtse babɨrɨ hagʉma nawe, kʉshangwa “obʉlɨ mwatsɨ nɨatsɨwa ko kɨnwa kya batimo babɨrɨ kʉtse bashathʉ.”#18:16 Soma Ibʉka Mʉgomba 19:15. 17Hewethuwe amathɨnda ɨbonvwa, nɨwabwɨra akanisa, na amathɨnda ɨonvwa akanisa, ʉmʉtsɨmbe nga mʉndʉ uthetsi Gongo, kʉtse nga mukarani wa koli.
18«Kwenene enyɨbabwɨra, ebyoshi byo mwandamɨna ko kɨhʉgo, byandamɨnwa n'omo lʉbʉla. N'ebyoshi mwandamɨnʉla mo kɨhʉgo, byandamɨnʉlwa n'omo lʉbʉla.#18:18 Soma 16:19; Yoani 20:23.
19«Kandɨ enyɨbabwɨra kwenene, bandʉ babɨrɨ mw'imwe ko kɨhʉgo bamalagana bʉshana n'ɨshaba kɨndʉ kyoshi-kyoshi, ekyo bandahabwakyo na Thatha yo ʉlɨ mo lʉbʉla. 20Kʉshangwa ho bandʉ babɨrɨ kʉtse bashathʉ bahindene bʉshana n'erɨtsɨna lyaye, nagye nɨnyɨrɨ mo kathi-kathi kabo.»
Mushinga w'omukoli yo ʉthalɨ na shashi
21Aho Petero mwagendera Yesʉ n'ɨmʉbʉtsya athɨ: «Nyinya-kowethʉ, mʉgala ethʉ amanyɨhabɨra nyangamʉshashɨra ngendo sɨngahɨ? Ihika kʉ ngendo sɨrɨnda?» 22Yesʉ mwamʉshʉbɨtsya athɨ: «Nyithakubwire nyɨthɨ ngendo sɨrɨnda, hewethuwe kalɨnda ngendo makumi alɨnda#18:22 Kalɨnda ngendo makumi alɨnda: wandɨ mashako athɨ ngendo makumi alɨnda na kalɨnda..»
23«Bʉshana n'eki, oBwamɨ bw'elʉbʉla bushoshire nga mwamɨ mʉgʉma yo washondyaga ɨkola mɨganzo y'eminda yo abakoli bʉwe babyagako. 24Abere athanga ɨganza, mobamʉlethera mukoli mʉgʉma yo wabyagako mwinda ʉwe wa talanta#18:24 Etalanta kyabyaga kɨtsere kyakomibawa mʉ horo, n'etalanta ngʉma yabyaga na bʉtsɨtho bwa bilo 34 bya horo. Etalanta ngʉma yabyaga ɨrɨngene na lʉhembo lo mʉndʉ angakolera hofɨ myaka makumi abɨrɨ. Aho ebɨhʉmbɨ ikumi by'etalanta sabyaga kalagere ka faranga. bɨhʉmbɨ ikumi. 25Omʉndʉ oyo kʉshangwa abyaga niathawithe s'erɨmʉfʉha, aho nyinya-kowabo mwahamʉla agʉtsɨbwe ɨye na mʉkatsɨwe n'abana bʉwe n'ebyoshi abyaga awitheko, bʉshana n'ɨfʉha omwinda ʉwe. 26Omukoli oyo mwafʉkamɨra nyinya-kowabo n'ɨmʉbwɨra athɨ: “Thathʉma, nyandakʉfʉha esoshi!” 27Nyinya-kowabo mwafwɨra omukoli ʉwe yo shashi, na mwamʉganyɨra omwinda oyo n'imulika agende. 28Omukoli oyo abere ahʉlʉka, mwahindana na mʉgʉma wa ku balikyabo yo wabyagako mwinda ʉwe wa bɨtsere igana bya tinari#18:28 Etinari yabyaga faranga. N'etinari ngʉma yabyaga n'ɨyɨrɨngene n'olʉhembo lwa mʉbɨtsɨ mʉgʉma.. Mwamʉtsɨmbɨra mw'igosi, n'ɨmʉsɨmatha kʉtsɨbʉ niashondya imuniga, n'ɨmʉbwɨra athɨ: “Nyɨfʉhe omwinda aye!” 29Mulikyabo oyo mwawa ko bɨshando bɨwe n'ɨmʉgonga-gonga athɨ: “Thalɨnda, nyandakʉfʉha omwinda awe!” 30Hewethuwe mulikyabo oyo mwathɨnda kʉtsɨbʉ n'ɨyamʉgʉsha mo muliki ihika ko ndambi andafʉha omwinda ʉwe. 31Abandɨ bakoli balikyabo babere bashʉnga ebyo, mobabya n'obuliye bʉngɨ n'ɨyabwɨra nyinya-kowabo ebyoshi byo byamatsʉka. 32Aho nyinya-kowabo oyo mwabɨrɨkɨra omukoli oyo n'ɨmʉbwɨra athɨ: “Ɨwe ʉlɨ mukoli mʉbɨ! Monyakushashire omwinda awe woshi, kʉshangwa mowanyishabire nyɨkʉshashɨre. 33Nawe kuthyo ʉthangabere na shashi ku mulikyenyu nga ko nyakʉshashɨraga?” 34Nyinya-kowabo mwakapɨkɨra lɨwe, mwamuhira mo minwe y'abatheya b'ebiriso bʉshana bamwagatsye ihika ko kɨka andafʉha omwinda ʉwe woshi.»
35Ko nduli Yesʉ mwanegena athɨ: «Ni bathyo ko Thatha w'elʉbʉla andakolera bʉlɨ mʉndʉ mw'imwe yo ʉthangashashɨra mʉgalabo n'omʉthɨma ʉwe woshi.#18:35 Soma 6:15.»
Currently Selected:
Matayo 18: ver
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development
Matayo 18
18
Nɨ ndɨ yo mʉkʉlʉ
(Mar 9:33-37; Luk 9:46-48)
1Ko ndambi eyo, abɨga mobayɨfʉnda hofɨ na Yesʉ n'ɨmʉbʉtsya bathɨ: «Nɨ ndɨ yo mʉkʉlʉ mo Bwamɨ bw'elʉbʉla?» 2Yesʉ mwabɨrɨkɨra mwana mʉlere, mwamuhira mo kathi-kathi kabo, 3n'ɨnegena athɨ: «Kwenene enyɨbabwɨra, muthabindukire n'ibya nga bana balere, mʉthɨndɨngɨre mo Bwamɨ bw'elʉbʉla. 4Yo wandayɨyɨra ng'omwana mʉlere oyu, oyo yo mʉkʉlʉ mo Bwamɨ bw'elʉbʉla. 5Omʉndʉ yo ukokya omwana mʉlere ng'ono mw'ɨtsɨna lyaye, n'ingye amakokya.
Bʉlɨgo ko yo wandahetsya mwɨkɨrɨtsya
(Mar 9:42-48; Luk 17:1-2)
6«Hewethuwe yo wandaleka mʉgʉma w'oko bana bo banyɨkɨrɨtsye aba nɨathera, kyangabere kɨbʉya kw'ɨye ɨmɨnɨrwako lushyo lʉnene mw'igosi n'ɨgʉshwa mw'iriba ly'engetsɨ. 7Bʉhanya ko bandʉ b'ekɨhʉgo bʉshana n'ebyo ebɨreka abandʉ nɨbakola bɨtsɨbʉ! Kʉshangwa ebyo bɨnaleka abandʉ nɨbakola ebɨtsɨbʉ bɨthangabʉsha ihika, hewethuwe bʉhanya ko mʉndʉ yo wandaleka nɨbyabya! 8Aho okʉboko kwawe kʉtse ekɨshando kyawe byamabya nɨbyangaleka nɨwakola ekɨtsɨbʉ, tsabyo na ʉgʉshebyo hale nawe, kʉshangwa bikwirire kw'ɨwe ɨngɨra mo bʉyɨngo bw'ekera n'ekera na kʉboko kʉgʉma kʉtse kʉgʉlʉ kʉgʉma, kʉlenga erɨgʉshwa mo mʉtsanwa wa kera n'ekera na maboko abɨrɨ kʉtse na magʉlʉ abɨrɨ. 9N'erisho lyawe lyamabya nɨlyangaleka nɨwakola kɨtsɨbʉ, ʉkʉlelyo na ʉgʉsheryo hale nawe! Likwirire kw'ɨwe ɨngɨra mo bʉyɨngo bwa kera n'ekera na lisho ɨgʉma kʉlenga kw'ɨgʉshwa mo mʉtsanwa w'okwɨrʉnga#18:9 Soma 5:22. na mesho abɨrɨ.
Omushinga w'embuli yaheraga
(Luk 15:3-7)
10«Muyitheye mʉthasʉnzʉgʉraga mʉgʉma w'oko balere aba, kʉshangwa enyɨbabwɨra mo lʉbʉla abamalaɨka babo bimene bʉthalʉha embere sa Thatha yo ʉlɨ mo lʉbʉla. [11Kʉshangwa oMwana w'oMʉndʉ ahikaga bʉshana n'ɨshabʉla bo baherire.#18:11 Hano, mashako magʉma ongerereko ebɨnwa bɨno: kʉshangwa oMʉgala w'oMʉndʉ ahikaga bʉshana n'ɨshabʉla bobabyaga ni baherire. Soma Luk 19:10.]
12«Omʉganɨtsya kw'ebi ko muthi ki? Omʉndʉ amabya niawithe ku mbuli sɨwe igana, n'engʉma ya kʉtho yamahera, athangamika esɨndɨ makumi mwenda na mwenda ko kɨthwa bʉshana n'ɨya shondya yo yɨthahera? 13Na amahika kw'ɨbonaro, kwenene enyɨbabwɨra, anamogeraro kʉlenga esombuli makumi mwenda na mwenda sosɨthathahera. 14Na kuthyo Thatha wenyu yo ʉlɨ elʉbʉla athatsiire erɨhera ly'omʉgʉma w'oko balere aba.»
Ihano ko yo ʉkʉkolera ekɨbɨ
15«Mʉgala enyu amakʉkolera kɨtsɨbʉ, genda ʉyamʉhane, mubye imwe babɨrɨ kuroshi. Amakw'onvwa, nɨwamabona mʉgala enyu. 16Hewethuwe amathɨnda ɨkwonvwa, shʉbatsɨmba mʉndʉ mʉgʉma kʉtse babɨrɨ hagʉma nawe, kʉshangwa “obʉlɨ mwatsɨ nɨatsɨwa ko kɨnwa kya batimo babɨrɨ kʉtse bashathʉ.”#18:16 Soma Ibʉka Mʉgomba 19:15. 17Hewethuwe amathɨnda ɨbonvwa, nɨwabwɨra akanisa, na amathɨnda ɨonvwa akanisa, ʉmʉtsɨmbe nga mʉndʉ uthetsi Gongo, kʉtse nga mukarani wa koli.
18«Kwenene enyɨbabwɨra, ebyoshi byo mwandamɨna ko kɨhʉgo, byandamɨnwa n'omo lʉbʉla. N'ebyoshi mwandamɨnʉla mo kɨhʉgo, byandamɨnʉlwa n'omo lʉbʉla.#18:18 Soma 16:19; Yoani 20:23.
19«Kandɨ enyɨbabwɨra kwenene, bandʉ babɨrɨ mw'imwe ko kɨhʉgo bamalagana bʉshana n'ɨshaba kɨndʉ kyoshi-kyoshi, ekyo bandahabwakyo na Thatha yo ʉlɨ mo lʉbʉla. 20Kʉshangwa ho bandʉ babɨrɨ kʉtse bashathʉ bahindene bʉshana n'erɨtsɨna lyaye, nagye nɨnyɨrɨ mo kathi-kathi kabo.»
Mushinga w'omukoli yo ʉthalɨ na shashi
21Aho Petero mwagendera Yesʉ n'ɨmʉbʉtsya athɨ: «Nyinya-kowethʉ, mʉgala ethʉ amanyɨhabɨra nyangamʉshashɨra ngendo sɨngahɨ? Ihika kʉ ngendo sɨrɨnda?» 22Yesʉ mwamʉshʉbɨtsya athɨ: «Nyithakubwire nyɨthɨ ngendo sɨrɨnda, hewethuwe kalɨnda ngendo makumi alɨnda#18:22 Kalɨnda ngendo makumi alɨnda: wandɨ mashako athɨ ngendo makumi alɨnda na kalɨnda..»
23«Bʉshana n'eki, oBwamɨ bw'elʉbʉla bushoshire nga mwamɨ mʉgʉma yo washondyaga ɨkola mɨganzo y'eminda yo abakoli bʉwe babyagako. 24Abere athanga ɨganza, mobamʉlethera mukoli mʉgʉma yo wabyagako mwinda ʉwe wa talanta#18:24 Etalanta kyabyaga kɨtsere kyakomibawa mʉ horo, n'etalanta ngʉma yabyaga na bʉtsɨtho bwa bilo 34 bya horo. Etalanta ngʉma yabyaga ɨrɨngene na lʉhembo lo mʉndʉ angakolera hofɨ myaka makumi abɨrɨ. Aho ebɨhʉmbɨ ikumi by'etalanta sabyaga kalagere ka faranga. bɨhʉmbɨ ikumi. 25Omʉndʉ oyo kʉshangwa abyaga niathawithe s'erɨmʉfʉha, aho nyinya-kowabo mwahamʉla agʉtsɨbwe ɨye na mʉkatsɨwe n'abana bʉwe n'ebyoshi abyaga awitheko, bʉshana n'ɨfʉha omwinda ʉwe. 26Omukoli oyo mwafʉkamɨra nyinya-kowabo n'ɨmʉbwɨra athɨ: “Thathʉma, nyandakʉfʉha esoshi!” 27Nyinya-kowabo mwafwɨra omukoli ʉwe yo shashi, na mwamʉganyɨra omwinda oyo n'imulika agende. 28Omukoli oyo abere ahʉlʉka, mwahindana na mʉgʉma wa ku balikyabo yo wabyagako mwinda ʉwe wa bɨtsere igana bya tinari#18:28 Etinari yabyaga faranga. N'etinari ngʉma yabyaga n'ɨyɨrɨngene n'olʉhembo lwa mʉbɨtsɨ mʉgʉma.. Mwamʉtsɨmbɨra mw'igosi, n'ɨmʉsɨmatha kʉtsɨbʉ niashondya imuniga, n'ɨmʉbwɨra athɨ: “Nyɨfʉhe omwinda aye!” 29Mulikyabo oyo mwawa ko bɨshando bɨwe n'ɨmʉgonga-gonga athɨ: “Thalɨnda, nyandakʉfʉha omwinda awe!” 30Hewethuwe mulikyabo oyo mwathɨnda kʉtsɨbʉ n'ɨyamʉgʉsha mo muliki ihika ko ndambi andafʉha omwinda ʉwe. 31Abandɨ bakoli balikyabo babere bashʉnga ebyo, mobabya n'obuliye bʉngɨ n'ɨyabwɨra nyinya-kowabo ebyoshi byo byamatsʉka. 32Aho nyinya-kowabo oyo mwabɨrɨkɨra omukoli oyo n'ɨmʉbwɨra athɨ: “Ɨwe ʉlɨ mukoli mʉbɨ! Monyakushashire omwinda awe woshi, kʉshangwa mowanyishabire nyɨkʉshashɨre. 33Nawe kuthyo ʉthangabere na shashi ku mulikyenyu nga ko nyakʉshashɨraga?” 34Nyinya-kowabo mwakapɨkɨra lɨwe, mwamuhira mo minwe y'abatheya b'ebiriso bʉshana bamwagatsye ihika ko kɨka andafʉha omwinda ʉwe woshi.»
35Ko nduli Yesʉ mwanegena athɨ: «Ni bathyo ko Thatha w'elʉbʉla andakolera bʉlɨ mʉndʉ mw'imwe yo ʉthangashashɨra mʉgalabo n'omʉthɨma ʉwe woshi.#18:35 Soma 6:15.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development