Matayo 16
16
aBafarisayo n'aBasandukayo abashaba kɨmɨnyɨkalo
(Mar 8:11-13; Luk 12:54-56)
1 aBafarisayo n'aBasandukayo mobahikira Yesʉ niabashondya ɨmʉthega kɨnwa. Mobamʉshaba akangyebo kɨmɨnyɨkalo kyo kɨthoka elʉbʉla. 2Hewethuwe Yesʉ mwashʉbɨtsyabo athɨ: [«Obunabya bwahika igolo nɨmwanegena mʉthɨ: “Mungya bwandakya kʉbʉya kʉshangwa obuthuku bukyere.” 3Na mo makera-kera, nɨmwanegena mʉthɨ: “Envʉla yawa munobwire kʉshangwa obuthuku buthukire. Omʉnamɨnya emɨbere y'obuthuku, ewono bʉshana na ki mʉthalɨ omʉmɨnya ebɨmɨnyɨkalo by'omʉgʉlʉ ono#16:3 Mashako mangɨ athalɨmo omʉlondo w'akabɨrɨ n'owakashathʉ.!] 4Bandʉ b'olʉgero lʉbɨ na lʉshɨngɨtsɨ embere sa Gongo lolushondya kɨmɨnyɨkalo. Hewethuwe bathɨndahabwe kɨndɨ kɨmɨnyɨkalo kɨthalɨ ekya Yona.”#16:4 Lingania na 12:39-40.» Honyuma kw'aho Yesʉ mwamikabo n'ɨyɨgendera.
Etsatsʉ y'aBafarisayo n'aBasandukayo
(Mar 8:14-21)
5 Abɨga ba Yesʉ babere bashabʉkɨra ko ʉndɨ mʉnda w'engetsɨ, mobɨbʉka ko mobɨbɨrɨrwa ɨheka emikati. 6Aho Yesʉ mwabwɨrabo athɨ: «Ohe! Muyitheye ko tsatsʉ y'aBafarisayo n'aBasandukayo.» 7Abɨga mobathanga ɨbwɨrana ɨbo kw'ɨbo bathɨ: «Anegena athyo kʉshangwa thuthahekire mikati.» 8Yesʉ mwamɨnyerera ebyo bagenda abanegena, mwabʉtsyabo athɨ: «Imwe bandʉ ba lwɨkɨrɨtsyo lʉke, bʉshana na ki omuyinegenia imwe kw'imwe mʉthɨ muthawithe kʉ mikati? 9Ihika munobwire muthanetsi mwamɨnya? Muthibukire emikati ithano yo y'uguthaya abandʉ bɨhʉmbɨ bɨthano, na momwaheka bɨthonga bɨngahɨ?#16:9 Lingania 14:15-21. 10Na muthibukire emikati ɨrɨnda yo y'uguthaya abandʉ bɨhʉmbɨ bɨne na momwaheka bɨthonga bɨngahɨ?#16:10 Soma 15:32-38. 11Bʉshana na ki muthaminyire ko nyɨthathagenda enyɨnegena nemwe bʉshana n'emikati mo ndambi nyɨthababwɨra nyɨthɨ muyitheye ko tsatsʉ y'aBafarisayo na ey'aBasandukayo?» 12Aho abɨga mobamɨnya ko mwathalɨ anegena nabo bʉshana n'iyitheya ko tsatsʉ yo inakomya emikati, hewethuwe agenda anegena nabo bʉshana n'amakangɨrɨtsya w'aBafarisayo n'aBasandukayo.
Petero anegena athɨ Yesʉ yo Kirisito
(Mar 8:27-30; Luk 9:18-21)
13Yesʉ abere ahika mo kɨhʉgo ky'iKaisaria Filipi, mwabʉtsya abɨga bʉwe athɨ: «Abandʉ abanegena bathɨ Mʉgala w'oMʉndʉ nɨ ndɨ?» 14Mobamʉshʉbɨtsya bathɨ: «Bagʉma abanegena bathɨ nɨ Yoani Mubatisya, na bandɨ bathɨ nɨ Elia, na bandɨ bathɨ nɨ Yeremia kʉtse mʉgʉma w'oko bamɨnyeretsɨ.» 15Aho Yesʉ mwabʉtsyabo athɨ: «Nemwe omʉnegena mʉthɨ nyɨrɨ ndɨ?» 16Simoni Petero mwamʉshʉbɨtsya athɨ: «Ʉlɨ Kirisito Mʉgala wa Gongo yo ʉlɨho.» 17Yesʉ mwamʉbwɨra athɨ: «Ʉlɨ mʉgashanɨrwa mbe Simoni mʉgala wa Yona#16:17 Mwana wa Yona: Shʉnga Yoani 1:42. aho hashakirwe hathɨ Simoni ni mʉgala wa Yona. He mo Kikiriki ni mwana wa Yoani., kʉshangwa athalɨ omʉbɨrɨ n'omʉsasɨ byo byamakukumbulirabyo, hewethuwe nɨ Thatha yo ʉlɨ mo lʉbʉla. 18Nangye enyɨkʉbwɨra nyɨthɨ ʉlɨ Petero, n'ɨnegena mbʉ ibwe. Na kw'ibwe eri nyandahimbako aKanisa kaye,#16:18 Soma Banyaefeso 2:20. n'amaka w'okwɨrʉnga athɨndahɨmeko. 19Nyandakʉha esofʉngʉro s'oBwamɨ bw'elʉbʉla, ekyoshi kyo wandamɨna ko kɨhʉgo kyandamɨnwa n'omo lʉbʉla, n'ekyoshi kyo wandamɨnʉla mo kɨhʉgo, kyandamɨnʉlwa na mo lʉbʉla.»
20Aho Yesʉ mwakongomeretsya abɨga bʉwe athɨ bathanalinda babwɨra mʉndʉ kw'ɨye nɨ Kirisito.
Yesʉ anegena ko lʉholo na kw'ilubuka lɨwe.
(Mar 8:31–9:1; Luk 9:22-27)
21Ɨthanga ko ndambi eyo, Yesʉ mwathanga ikangania abɨga bʉwe ko lɨtholere nɨaya ɨYerʉsalemʉ. N'eyo abakʉlʉ b'abandʉ, n'abakʉlʉ b'abaheri n' aBakangɨrɨtsya b'oMʉgomba, bandamwagatsya. Bandamwitha na mo kɨro kya kashathʉ honyuma y'olʉholo lʉwe, andalubuka. 22Aho Petero mwamʉthwala ho mʉsɨke n'ɨmʉkemera athɨ: «Gongo akutheye mbe Nyinya-kowethʉ! Ɨhɨ, ebyo bithakuhikiraga!» 23Hewethuwe Yesʉ mwabɨndʉka n'ɨbwɨra Petero athɨ: «Thoka hofɨ nangye! Ɨwe Sitani! Ɨwe ʉlɨ kɨtsɨkalo mo nzɨra aye, kʉshangwa emɨganɨtsye awe ɨthalɨ ya Gongo, hewethuwe nɨ ya bandʉ.»
Wangakwama Yesʉ yo ʉthɨ?
(Mar 8:34–9:1; Luk 9:23-27)
24Honyuma kw'aho Yesʉ mwabwɨra abɨga bʉwe athɨ: «Omʉndʉ amashondya ɨnyɨkwama, ayɨthɨnde yowene#16:24 Ayithinde yowene: Nɨ ɨnegena mbʉ athakɨrɨ yowene, he ahera wa Kirisito., aheke omʉsalaba ʉwe na anyɨkwame. 25Kʉshangwa omʉndʉ yo ushondya ilamya obʉyɨngo bʉwe andahetsyabo, hewethuwe yo wandahetsya obʉyɨngo bʉwe#16:25 Soma Luka 17:33; Yoani 12:25. bʉshana nangye andabonabo. 26Ndundi ki ko mʉndʉ erɨbona ekɨhʉgo kyoshi n'ɨhetsya obʉyɨngo bʉwe? Kʉtse mʉndʉ angahana ki ekiwithe kɨtsɨro ky'obʉyɨngo bʉwe? 27Kʉshangwa oMʉgala w'oMʉndʉ andahika hagʉma n'abamalaɨka bʉwe mo lʉkengerwa lw'ishe, na aho andafʉha obʉlɨ mʉndʉ ɨkwamana n'emɨkolano yɨwe.#16:27 Lingania na Saburi 62:13; Banyaroma 2:6. 28Kwenene enyɨbabwɨra, mo kathi k'abo balɨ hano, bagʉma bathɨndafwe bathetsi bashʉnga oMʉgala w'oMʉndʉ ahika nga Mwamɨ.»
Currently Selected:
Matayo 16: ver
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development
Matayo 16
16
aBafarisayo n'aBasandukayo abashaba kɨmɨnyɨkalo
(Mar 8:11-13; Luk 12:54-56)
1 aBafarisayo n'aBasandukayo mobahikira Yesʉ niabashondya ɨmʉthega kɨnwa. Mobamʉshaba akangyebo kɨmɨnyɨkalo kyo kɨthoka elʉbʉla. 2Hewethuwe Yesʉ mwashʉbɨtsyabo athɨ: [«Obunabya bwahika igolo nɨmwanegena mʉthɨ: “Mungya bwandakya kʉbʉya kʉshangwa obuthuku bukyere.” 3Na mo makera-kera, nɨmwanegena mʉthɨ: “Envʉla yawa munobwire kʉshangwa obuthuku buthukire. Omʉnamɨnya emɨbere y'obuthuku, ewono bʉshana na ki mʉthalɨ omʉmɨnya ebɨmɨnyɨkalo by'omʉgʉlʉ ono#16:3 Mashako mangɨ athalɨmo omʉlondo w'akabɨrɨ n'owakashathʉ.!] 4Bandʉ b'olʉgero lʉbɨ na lʉshɨngɨtsɨ embere sa Gongo lolushondya kɨmɨnyɨkalo. Hewethuwe bathɨndahabwe kɨndɨ kɨmɨnyɨkalo kɨthalɨ ekya Yona.”#16:4 Lingania na 12:39-40.» Honyuma kw'aho Yesʉ mwamikabo n'ɨyɨgendera.
Etsatsʉ y'aBafarisayo n'aBasandukayo
(Mar 8:14-21)
5 Abɨga ba Yesʉ babere bashabʉkɨra ko ʉndɨ mʉnda w'engetsɨ, mobɨbʉka ko mobɨbɨrɨrwa ɨheka emikati. 6Aho Yesʉ mwabwɨrabo athɨ: «Ohe! Muyitheye ko tsatsʉ y'aBafarisayo n'aBasandukayo.» 7Abɨga mobathanga ɨbwɨrana ɨbo kw'ɨbo bathɨ: «Anegena athyo kʉshangwa thuthahekire mikati.» 8Yesʉ mwamɨnyerera ebyo bagenda abanegena, mwabʉtsyabo athɨ: «Imwe bandʉ ba lwɨkɨrɨtsyo lʉke, bʉshana na ki omuyinegenia imwe kw'imwe mʉthɨ muthawithe kʉ mikati? 9Ihika munobwire muthanetsi mwamɨnya? Muthibukire emikati ithano yo y'uguthaya abandʉ bɨhʉmbɨ bɨthano, na momwaheka bɨthonga bɨngahɨ?#16:9 Lingania 14:15-21. 10Na muthibukire emikati ɨrɨnda yo y'uguthaya abandʉ bɨhʉmbɨ bɨne na momwaheka bɨthonga bɨngahɨ?#16:10 Soma 15:32-38. 11Bʉshana na ki muthaminyire ko nyɨthathagenda enyɨnegena nemwe bʉshana n'emikati mo ndambi nyɨthababwɨra nyɨthɨ muyitheye ko tsatsʉ y'aBafarisayo na ey'aBasandukayo?» 12Aho abɨga mobamɨnya ko mwathalɨ anegena nabo bʉshana n'iyitheya ko tsatsʉ yo inakomya emikati, hewethuwe agenda anegena nabo bʉshana n'amakangɨrɨtsya w'aBafarisayo n'aBasandukayo.
Petero anegena athɨ Yesʉ yo Kirisito
(Mar 8:27-30; Luk 9:18-21)
13Yesʉ abere ahika mo kɨhʉgo ky'iKaisaria Filipi, mwabʉtsya abɨga bʉwe athɨ: «Abandʉ abanegena bathɨ Mʉgala w'oMʉndʉ nɨ ndɨ?» 14Mobamʉshʉbɨtsya bathɨ: «Bagʉma abanegena bathɨ nɨ Yoani Mubatisya, na bandɨ bathɨ nɨ Elia, na bandɨ bathɨ nɨ Yeremia kʉtse mʉgʉma w'oko bamɨnyeretsɨ.» 15Aho Yesʉ mwabʉtsyabo athɨ: «Nemwe omʉnegena mʉthɨ nyɨrɨ ndɨ?» 16Simoni Petero mwamʉshʉbɨtsya athɨ: «Ʉlɨ Kirisito Mʉgala wa Gongo yo ʉlɨho.» 17Yesʉ mwamʉbwɨra athɨ: «Ʉlɨ mʉgashanɨrwa mbe Simoni mʉgala wa Yona#16:17 Mwana wa Yona: Shʉnga Yoani 1:42. aho hashakirwe hathɨ Simoni ni mʉgala wa Yona. He mo Kikiriki ni mwana wa Yoani., kʉshangwa athalɨ omʉbɨrɨ n'omʉsasɨ byo byamakukumbulirabyo, hewethuwe nɨ Thatha yo ʉlɨ mo lʉbʉla. 18Nangye enyɨkʉbwɨra nyɨthɨ ʉlɨ Petero, n'ɨnegena mbʉ ibwe. Na kw'ibwe eri nyandahimbako aKanisa kaye,#16:18 Soma Banyaefeso 2:20. n'amaka w'okwɨrʉnga athɨndahɨmeko. 19Nyandakʉha esofʉngʉro s'oBwamɨ bw'elʉbʉla, ekyoshi kyo wandamɨna ko kɨhʉgo kyandamɨnwa n'omo lʉbʉla, n'ekyoshi kyo wandamɨnʉla mo kɨhʉgo, kyandamɨnʉlwa na mo lʉbʉla.»
20Aho Yesʉ mwakongomeretsya abɨga bʉwe athɨ bathanalinda babwɨra mʉndʉ kw'ɨye nɨ Kirisito.
Yesʉ anegena ko lʉholo na kw'ilubuka lɨwe.
(Mar 8:31–9:1; Luk 9:22-27)
21Ɨthanga ko ndambi eyo, Yesʉ mwathanga ikangania abɨga bʉwe ko lɨtholere nɨaya ɨYerʉsalemʉ. N'eyo abakʉlʉ b'abandʉ, n'abakʉlʉ b'abaheri n' aBakangɨrɨtsya b'oMʉgomba, bandamwagatsya. Bandamwitha na mo kɨro kya kashathʉ honyuma y'olʉholo lʉwe, andalubuka. 22Aho Petero mwamʉthwala ho mʉsɨke n'ɨmʉkemera athɨ: «Gongo akutheye mbe Nyinya-kowethʉ! Ɨhɨ, ebyo bithakuhikiraga!» 23Hewethuwe Yesʉ mwabɨndʉka n'ɨbwɨra Petero athɨ: «Thoka hofɨ nangye! Ɨwe Sitani! Ɨwe ʉlɨ kɨtsɨkalo mo nzɨra aye, kʉshangwa emɨganɨtsye awe ɨthalɨ ya Gongo, hewethuwe nɨ ya bandʉ.»
Wangakwama Yesʉ yo ʉthɨ?
(Mar 8:34–9:1; Luk 9:23-27)
24Honyuma kw'aho Yesʉ mwabwɨra abɨga bʉwe athɨ: «Omʉndʉ amashondya ɨnyɨkwama, ayɨthɨnde yowene#16:24 Ayithinde yowene: Nɨ ɨnegena mbʉ athakɨrɨ yowene, he ahera wa Kirisito., aheke omʉsalaba ʉwe na anyɨkwame. 25Kʉshangwa omʉndʉ yo ushondya ilamya obʉyɨngo bʉwe andahetsyabo, hewethuwe yo wandahetsya obʉyɨngo bʉwe#16:25 Soma Luka 17:33; Yoani 12:25. bʉshana nangye andabonabo. 26Ndundi ki ko mʉndʉ erɨbona ekɨhʉgo kyoshi n'ɨhetsya obʉyɨngo bʉwe? Kʉtse mʉndʉ angahana ki ekiwithe kɨtsɨro ky'obʉyɨngo bʉwe? 27Kʉshangwa oMʉgala w'oMʉndʉ andahika hagʉma n'abamalaɨka bʉwe mo lʉkengerwa lw'ishe, na aho andafʉha obʉlɨ mʉndʉ ɨkwamana n'emɨkolano yɨwe.#16:27 Lingania na Saburi 62:13; Banyaroma 2:6. 28Kwenene enyɨbabwɨra, mo kathi k'abo balɨ hano, bagʉma bathɨndafwe bathetsi bashʉnga oMʉgala w'oMʉndʉ ahika nga Mwamɨ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Group of Associations for the Promotion of Languages, Cultures for Integral Development