Markə Kumu əpʉ
Kumu əpʉ
Âdâ kə ta fraka səke də̂ yea
Ə̂rɔ̂ Əpʉ ə̂në Markə tâ kɔ kə səke. Markə sə̂ sə̂ tə əzü-awla nə̂ Jezu ne, bale əndje də Palɔ nâ ana kpə ə̂sə̂ nə, əndje də Piarə mbrə̂ ndje kosəra gâ ye. Ngâ, əpʉ ə̂në tshə tâ gâ lə fraka səke kɔ, tshə djî lə ama Piarə nə alɔ ə̂në tshə sə̂ kə yisə̂ əpʉ kə azü gâ pâ kə sə Jezu nə pâ ashɔ səke kɔ. Tshə tâ kə azü ə̂në əndje sə̂ sə̂ tə Ajuwufu ne kɔ, ndə kə yisə̂ nə kə əndje ə pa tə djatra əpʉ Jezu nə sə tə Ɨrɨ Ndjapä.
Ndjapä pâ lə Fraka nə̂ ye ə pa əne sə kə wla ə̈bə̈ əzü ndə kə pa tshə she azü əgɔ Isərayalə ə̂në əndje sə tə azü nə̂ ye kɔ lə kuzu. Alɔ ə̂në Jezu nâ gâ pâ ashɔ səke kɔ, azü əgɔ Rɔmə lî gâ lə ashɔ əgɔ Isərayalə nə gâ ye, ə mbrə̂ ʉrrr azü əgɔ nə djî əpʉ ama əndje. Azü əgɔ Isərayalə nə pâ ənə̂ əndje mâ tə̂ lɔsu əndje ə pa Kristə nə ə̂në Ndjapä nə zâ ama ndə kə wla ətshə kɔ, tshə djɔ alane lə kəna azü əgɔ Rɔmə nə je. Bale, ə də̂ ndə marä tə̂ kə she azü lə kuzu rə də̂ Jezu nə nâ kɔ ne. Tshə shê tshî də̂ azü ə̂në əndje tshî äwä Sataa, də anyaka tʉ gâ ye kɔ lə kuzu ndə kə pa əndje dji də̂ əpʉ ama ye.
Markə pâ ndəma ərə ə̂në Jezu nə mbrə̂ pâ ashɔ səke kɔ, də ərə ə̂në tshə yîsə̂ nə kə azü kɔ, ndje də əpʉ kuzu ye gâ ndə əpʉ kə she ətshə gâ lə fraka səke. Jezu yîsə̂ əpʉ kə azü ə kâ gâ pâ əpʉ nə, ə grɔ̂ arəka tə̂ azü, ə grɔ̂ aafrɔ ayirə̂ lə azü, ə mbrə̂ alabə̈ aərə ngbatshe ə̂në ə rô pâ kumu azü kɔ. Bale, ə̂në Jezu nə sə tə Ɨrɨ Ndjapä nə kɔ, tshə mbrə̂ tə̂ ye mbrə̂ tə əgerə əzü ne. Mbrə ə̂në «Əgblə nə̂ Əzü nâ nâ ndə kə pa azü mbrə kosəra ə mbrə kə ətshə ne, bale ndə kə pa tshə sə tə kanga, ə ka tə̂ ye də sorô ye nɔ̂, kanika azü ngbatshe she lə kuzu.» Markə 10.46.
Aâgbɔ̂ azü lə əpʉ Ndjapä nə̂ Ajuwufu wə̂ra tə̂ əndje tə̂ ye gâ ye, ʉrrr ndjɔ ə wô ətshə. Əzü bale bale ə̂në tshə sə kə za äwä Jezu kɔ, tshə lï ndə kə pa tshə gamba tə̂ ye ndə kə wu əyo, bale gâ tə̂ ama nə tshelə ye ə sə də ə̂rû je.
Əpʉ tshelə fraka səke na rəke
1. (1.1-8) Kə mʉ əpʉ nə̂ Zââ Batistə
2. (1.9-13) Batamo nə̂ Jezu, də äwä ə̂në Sataa pra ndə kə pa tshə mbrə ka Jezu mbrə nyaka kɔ
3. (1.14–9.50) Jezu nâ mâ Galile ə dâka pə mâ je
4. (10.1-52) Jezu wûtu lə ashɔ əgɔ Galile ndə kə na mâ lə gala Jeruzalamə
5. (11.1–15.47) Bale dəmashi Jezu pâ ashɔ səke: ngbanga ye, də kuzu ye
6. (16.1-8) Jezu shê
7. (16.9-20) Jezu bʉ̂ gâ tə̂ atrawaya nə̂ ye
Currently Selected:
Markə Kumu əpʉ: liy
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation
Markə Kumu əpʉ
Kumu əpʉ
Âdâ kə ta fraka səke də̂ yea
Ə̂rɔ̂ Əpʉ ə̂në Markə tâ kɔ kə səke. Markə sə̂ sə̂ tə əzü-awla nə̂ Jezu ne, bale əndje də Palɔ nâ ana kpə ə̂sə̂ nə, əndje də Piarə mbrə̂ ndje kosəra gâ ye. Ngâ, əpʉ ə̂në tshə tâ gâ lə fraka səke kɔ, tshə djî lə ama Piarə nə alɔ ə̂në tshə sə̂ kə yisə̂ əpʉ kə azü gâ pâ kə sə Jezu nə pâ ashɔ səke kɔ. Tshə tâ kə azü ə̂në əndje sə̂ sə̂ tə Ajuwufu ne kɔ, ndə kə yisə̂ nə kə əndje ə pa tə djatra əpʉ Jezu nə sə tə Ɨrɨ Ndjapä.
Ndjapä pâ lə Fraka nə̂ ye ə pa əne sə kə wla ə̈bə̈ əzü ndə kə pa tshə she azü əgɔ Isərayalə ə̂në əndje sə tə azü nə̂ ye kɔ lə kuzu. Alɔ ə̂në Jezu nâ gâ pâ ashɔ səke kɔ, azü əgɔ Rɔmə lî gâ lə ashɔ əgɔ Isərayalə nə gâ ye, ə mbrə̂ ʉrrr azü əgɔ nə djî əpʉ ama əndje. Azü əgɔ Isərayalə nə pâ ənə̂ əndje mâ tə̂ lɔsu əndje ə pa Kristə nə ə̂në Ndjapä nə zâ ama ndə kə wla ətshə kɔ, tshə djɔ alane lə kəna azü əgɔ Rɔmə nə je. Bale, ə də̂ ndə marä tə̂ kə she azü lə kuzu rə də̂ Jezu nə nâ kɔ ne. Tshə shê tshî də̂ azü ə̂në əndje tshî äwä Sataa, də anyaka tʉ gâ ye kɔ lə kuzu ndə kə pa əndje dji də̂ əpʉ ama ye.
Markə pâ ndəma ərə ə̂në Jezu nə mbrə̂ pâ ashɔ səke kɔ, də ərə ə̂në tshə yîsə̂ nə kə azü kɔ, ndje də əpʉ kuzu ye gâ ndə əpʉ kə she ətshə gâ lə fraka səke. Jezu yîsə̂ əpʉ kə azü ə kâ gâ pâ əpʉ nə, ə grɔ̂ arəka tə̂ azü, ə grɔ̂ aafrɔ ayirə̂ lə azü, ə mbrə̂ alabə̈ aərə ngbatshe ə̂në ə rô pâ kumu azü kɔ. Bale, ə̂në Jezu nə sə tə Ɨrɨ Ndjapä nə kɔ, tshə mbrə̂ tə̂ ye mbrə̂ tə əgerə əzü ne. Mbrə ə̂në «Əgblə nə̂ Əzü nâ nâ ndə kə pa azü mbrə kosəra ə mbrə kə ətshə ne, bale ndə kə pa tshə sə tə kanga, ə ka tə̂ ye də sorô ye nɔ̂, kanika azü ngbatshe she lə kuzu.» Markə 10.46.
Aâgbɔ̂ azü lə əpʉ Ndjapä nə̂ Ajuwufu wə̂ra tə̂ əndje tə̂ ye gâ ye, ʉrrr ndjɔ ə wô ətshə. Əzü bale bale ə̂në tshə sə kə za äwä Jezu kɔ, tshə lï ndə kə pa tshə gamba tə̂ ye ndə kə wu əyo, bale gâ tə̂ ama nə tshelə ye ə sə də ə̂rû je.
Əpʉ tshelə fraka səke na rəke
1. (1.1-8) Kə mʉ əpʉ nə̂ Zââ Batistə
2. (1.9-13) Batamo nə̂ Jezu, də äwä ə̂në Sataa pra ndə kə pa tshə mbrə ka Jezu mbrə nyaka kɔ
3. (1.14–9.50) Jezu nâ mâ Galile ə dâka pə mâ je
4. (10.1-52) Jezu wûtu lə ashɔ əgɔ Galile ndə kə na mâ lə gala Jeruzalamə
5. (11.1–15.47) Bale dəmashi Jezu pâ ashɔ səke: ngbanga ye, də kuzu ye
6. (16.1-8) Jezu shê
7. (16.9-20) Jezu bʉ̂ gâ tə̂ atrawaya nə̂ ye
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation