Matiɔ 28
28
Jezu shê gâ ye
(Markə 16.1-10; Luki 24.1-12; Zââ 20.1-10)
1Mandâ əlo saaba nə, tə̂ angbʉlî əlo dəmashi nə, pə-e də əzɨ, Marə̂ əzü əgɔ Magədala də ə̈bə̈ Marə̂ nə nâ ndə kə wu ə̂dû nə. 2Bə pa bə dji, ashɔ même tə bandanə, mbrə ə̂në ə̈bə̈ trawaya nə̂ Əyïlingû tô mâ lafɔ ə jêrə, ə wûru əkpʉ nə gashe gâ ye â sə̂ gâ tʉ gâ pâ nə. 3Tshekotə̂ ye tshê mata kə sro yavrɨ â aləba nə̂ ye sə̂ tə djatra ə̂mbî nə. 4Atrugu nə gûgu də awa â dô tə̂ əndje mata akuzu.
5Bale, trawaya nə zâ əpʉ ə pâ kə ayashe nə ə pa: «E-e, awa mä e mä ne, mbrə ə̂në mə wusə̂ nə ə pa e sə kə pra Jezu ə̂në əndje kû ətshə gâ ala masheyɔ gâ ye kɔ. 6Tshə sə sə kotəye ne, tshə shê gâ ye mata ə̂në tshə pâ ndə nə gâ ye kɔ. E nä gâ əmə ə wü ətshe ə̂në əndje zâ ətshə shô gâ tʉ gâ tə̂ nə kɔ. 7E gü katshä ə pä ndə nə kə atrawaya nə̂ ye ə pa tshə shê lə takpa tə̂ akuzu gâ ye. E wü-a, tshə sə kə na əlînə tə̂ e mâ lə ashɔ əgɔ Galile. Mə pa kə e, mâ je də̂ e sə kə wu ətshə. Əpʉ ə̂në mə sə də nə ndə kə pa nə kə e kɔ kə sə̂.»
8Əndje âfɔ tə̂ manda ə̂dû nə ə gû na ye katshä, də awa də âgbɔ̂ ə̂rû lə əndje. Əndje kpê ärɔ̈ ə gû ə pâ ndə əpʉ nə kə atrawaya nə. 9Bə pa bə dji, Jezu nâ ə tê əndje ə pâ: «Wanda!» Əndje gî tə̂ əndje trö ə têgbɔ ə̈nü ye â vrɔ ətshə. 10Bale, Jezu pâ kə əndje ə pa: «Awa mä e mä ne, e gü ə pä ndə nə kə alaye əmə ə pa əndje na mâ Galile, mâ je də̂ əndje sə kə wu əmə.»
Əpʉ ə̂në atrugu sə kə pa nə
11Alɔ ə̂në ayashe nə sə̂ pə lə äwä kɔ, alabə̈ atrugu nə ə̂në əndje bâta ə̂dû nə kɔ gû gâ lə gala nə ə pâ ndə əpʉ aərə nɔ̂ ə̂në ə wûtu kɔ kə aâgbɔ̂ azü nə̂ aawotokrɔ nə. 12Aâgbɔ̂ aawotokrɔ nə ngbô tə̂ əndje gâ tə̂ nə də aâgbɔ̂ azü nə. Mandânə ə̂në əndje djî tə̂ əndje gâ ye kɔ, əndje kô əgerə ngendja kə atrugu nə 13ə pâ kə əndje ə pa: «E pä: “Atrawaya nə̂ ye nâ də tsheləbu ə zɨ̂ angba əko ye gâ ye alɔ ə̂në ä lô na ye gâ ye kɔ.” 14Kədə komandâ Pilatə nə kə dji əpʉ nə, ä sə kə pa əpʉ kə ətshə ndə kə pa lɔsu ye zɨtɨ kanika e jo əpʉ jo ne.» 15Atrugu nə kô ngendja nə â mâ tə̂ əndje Lïndə̂ əpʉ nə ə̂në əndje pâ kə əndje kɔ. Âdârə ə̂në əpʉ səkɔ zâ ətshe lə takpa tə̂ Ajuwufu ʉrrr ndjɔ kpəsəye kɔ kə sə̂.
Jezu wlâ atrawaya nə̂ ye
16 Atrawaya nə morofo amanə bale nə nâ mâ Galile, mâ pâ kaga ə̂në Jezu yîsə̂ nə kə əndje gâ ye kɔ. 17Alɔ ə̂në əndje wû ətshə kɔ, əndje vrɔ̂ ətshə. Bale, alabə̈ əndje sə̂ də ashera tə̂ lɔsu əndje. 18Jezu nâ trö ə pâ kə əndje ə pa: «Əndje zâ awlra nɔ̂ kə əmə gâ ye mâ lafɔ ndje pâ ashɔ. 19E nä na ye mâ ndə azü tshepashɔ nɔ̂, ə mä əndje tə atrawaya nə̂ əmə, ə zä batamo kə əndje də əɨrɨ Abä, də ənə̂ Ɨrɨ nə də ənə̂ Âgbɔ̂ Yîrə̂, 20ə yïsə̂ ərə kə əndje ndə kə pa əndje bata aərə nɔ̂ ə̂në mə zâ ama kə e də nə gâ ye kɔ. Bale, e wüsə̂ nə ə pa mə sə də e alɔnɔ̂, ʉrrr ndjɔ gâ tə̂ ama tshepashɔ.»
Currently Selected:
Matiɔ 28: liy
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation
Matiɔ 28
28
Jezu shê gâ ye
(Markə 16.1-10; Luki 24.1-12; Zââ 20.1-10)
1Mandâ əlo saaba nə, tə̂ angbʉlî əlo dəmashi nə, pə-e də əzɨ, Marə̂ əzü əgɔ Magədala də ə̈bə̈ Marə̂ nə nâ ndə kə wu ə̂dû nə. 2Bə pa bə dji, ashɔ même tə bandanə, mbrə ə̂në ə̈bə̈ trawaya nə̂ Əyïlingû tô mâ lafɔ ə jêrə, ə wûru əkpʉ nə gashe gâ ye â sə̂ gâ tʉ gâ pâ nə. 3Tshekotə̂ ye tshê mata kə sro yavrɨ â aləba nə̂ ye sə̂ tə djatra ə̂mbî nə. 4Atrugu nə gûgu də awa â dô tə̂ əndje mata akuzu.
5Bale, trawaya nə zâ əpʉ ə pâ kə ayashe nə ə pa: «E-e, awa mä e mä ne, mbrə ə̂në mə wusə̂ nə ə pa e sə kə pra Jezu ə̂në əndje kû ətshə gâ ala masheyɔ gâ ye kɔ. 6Tshə sə sə kotəye ne, tshə shê gâ ye mata ə̂në tshə pâ ndə nə gâ ye kɔ. E nä gâ əmə ə wü ətshe ə̂në əndje zâ ətshə shô gâ tʉ gâ tə̂ nə kɔ. 7E gü katshä ə pä ndə nə kə atrawaya nə̂ ye ə pa tshə shê lə takpa tə̂ akuzu gâ ye. E wü-a, tshə sə kə na əlînə tə̂ e mâ lə ashɔ əgɔ Galile. Mə pa kə e, mâ je də̂ e sə kə wu ətshə. Əpʉ ə̂në mə sə də nə ndə kə pa nə kə e kɔ kə sə̂.»
8Əndje âfɔ tə̂ manda ə̂dû nə ə gû na ye katshä, də awa də âgbɔ̂ ə̂rû lə əndje. Əndje kpê ärɔ̈ ə gû ə pâ ndə əpʉ nə kə atrawaya nə. 9Bə pa bə dji, Jezu nâ ə tê əndje ə pâ: «Wanda!» Əndje gî tə̂ əndje trö ə têgbɔ ə̈nü ye â vrɔ ətshə. 10Bale, Jezu pâ kə əndje ə pa: «Awa mä e mä ne, e gü ə pä ndə nə kə alaye əmə ə pa əndje na mâ Galile, mâ je də̂ əndje sə kə wu əmə.»
Əpʉ ə̂në atrugu sə kə pa nə
11Alɔ ə̂në ayashe nə sə̂ pə lə äwä kɔ, alabə̈ atrugu nə ə̂në əndje bâta ə̂dû nə kɔ gû gâ lə gala nə ə pâ ndə əpʉ aərə nɔ̂ ə̂në ə wûtu kɔ kə aâgbɔ̂ azü nə̂ aawotokrɔ nə. 12Aâgbɔ̂ aawotokrɔ nə ngbô tə̂ əndje gâ tə̂ nə də aâgbɔ̂ azü nə. Mandânə ə̂në əndje djî tə̂ əndje gâ ye kɔ, əndje kô əgerə ngendja kə atrugu nə 13ə pâ kə əndje ə pa: «E pä: “Atrawaya nə̂ ye nâ də tsheləbu ə zɨ̂ angba əko ye gâ ye alɔ ə̂në ä lô na ye gâ ye kɔ.” 14Kədə komandâ Pilatə nə kə dji əpʉ nə, ä sə kə pa əpʉ kə ətshə ndə kə pa lɔsu ye zɨtɨ kanika e jo əpʉ jo ne.» 15Atrugu nə kô ngendja nə â mâ tə̂ əndje Lïndə̂ əpʉ nə ə̂në əndje pâ kə əndje kɔ. Âdârə ə̂në əpʉ səkɔ zâ ətshe lə takpa tə̂ Ajuwufu ʉrrr ndjɔ kpəsəye kɔ kə sə̂.
Jezu wlâ atrawaya nə̂ ye
16 Atrawaya nə morofo amanə bale nə nâ mâ Galile, mâ pâ kaga ə̂në Jezu yîsə̂ nə kə əndje gâ ye kɔ. 17Alɔ ə̂në əndje wû ətshə kɔ, əndje vrɔ̂ ətshə. Bale, alabə̈ əndje sə̂ də ashera tə̂ lɔsu əndje. 18Jezu nâ trö ə pâ kə əndje ə pa: «Əndje zâ awlra nɔ̂ kə əmə gâ ye mâ lafɔ ndje pâ ashɔ. 19E nä na ye mâ ndə azü tshepashɔ nɔ̂, ə mä əndje tə atrawaya nə̂ əmə, ə zä batamo kə əndje də əɨrɨ Abä, də ənə̂ Ɨrɨ nə də ənə̂ Âgbɔ̂ Yîrə̂, 20ə yïsə̂ ərə kə əndje ndə kə pa əndje bata aərə nɔ̂ ə̂në mə zâ ama kə e də nə gâ ye kɔ. Bale, e wüsə̂ nə ə pa mə sə də e alɔnɔ̂, ʉrrr ndjɔ gâ tə̂ ama tshepashɔ.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
2025 Association Centrafricaine pour la Traduction de la Bible et l'Alphabétisation