ᒨᓯᓯ ᐂᑉᐸᖏᑦ 1
1
ᐃᓴᕆᐊᓕᒥᐅᑦ ᐱᑦᓯᐊᖅᑕᐅᖏᓐᓂᖓᑦ ᐄᑦᔨᑉᑎᒥ
1 #
ᒨᓯᓯ ᓯᕗᓪᓖᑦ 46:8-27. ᐃᓴᕆᐊᓕᐅᑉ ᐃᕐᖕᓂᖏᑦ ᔧᑰᑉ ᐄᑦᔨᑉᑎᒧᐊᖃᑎᒋᓚᐅᖅᑕᖏᑦ ᐅᑯᐊᖑᓚᐅᖅᐳᑦ, ᓇᖕᒥᓂᖅ ᐃᓚᒋᔭᒥᖕᓂᒃ ᐃᓚᖃᖅᓗᑎᒃ, 2ᕉᐱᓂ, ᓯᒥᐅᓂ, ᓕᕔ, ᔫᑕ, 3ᐃᓴᑳᕆ, ᓯᐳᓗᓂ, ᐱᓐᔭᒥᓂ, 4ᑖᓐ, ᓈᑉᑕᓕ, ᒑᑎ, ᐋᓱᕆᓗ. 5ᑖᒃᑯᐊᓕᒫᑦ ᐃᓄᐃᑦ ᑲᑎᓪᓗᒋᑦ ᔧᑰᑉ ᑭᖑᕚᖏᑦ 70ᐅᓚᐅᖅᐳᑦ. ᐃᕐᖕᓂᖓᓕ ᔫᓯᐱ ᐄᑦᔨᑉᑎᒦᓕᕇᓚᐅᕐᖕᒪᑦ. 6ᑭᖑᓂᑲᓪᓚᖓᒍᑦ ᔫᓯᐱ, ᖃᑕᓐᖑᑎᖏᓪᓗ ᐃᓚᓕᒫᖏᓪᓗ ᑐᖁᓯᒪᓕᓚᐅᖅᐳᑦ. 7#ᐋᐴᓯᑕᓖᑦ 7:17.ᑭᓯᐊᓂᓕ ᑭᖑᕚᖏᑦ ᐃᓴᕆᐊᓕᒥᐅᑦ ᕿᑐᕐᖓᖅᑖᖃᑦᑕᕐᖕᓂᕐᖕᒧᑦ ᐅᓄᖅᓯᓚᐅᖅᐳᑦ ᓲᖑᓂᖃᖅᓗᑎᒡᓗ ᐄᑦᔨᑉᑎᓗ ᐃᓄᒋᐊᒃᓯᓚᐅᖅᐳᖅ ᑖᒃᑯᓄᖓ.
8 #
ᐋᐴᓯᑕᓖᑦ 7:18. ᑕᕝᕙᓕ ᓄᑖᒥᒃ ᐊᖓᔪᖅᑳᕐᔪᐊᖅᑖᓚᐅᖅᐳᑦ ᐄᑦᔨᑉᑎᒥ, ᑖᓐᓇ ᔫᓯᐱᒥᒃ ᖃᐅᔨᓯᒪᓚᐅᓐᖏᓚᖅ. 9ᐃᓄᖁᑎᓂᓗ ᐅᖃᐅᑎᕔᑦ, ᒪᑯᐊ ᐃᓴᕆᐊᓕᒥᐅᑦ ᐅᓄᓗᐊᓕᕐᖕᒪᑕ ᐱᔪᓐᓇᕐᖕᓂᖃᓗᐊᖅᓗᑎᒡᓗ ᐃᓕᒪᓇᖅᓯᓕᖅᐳᑦ. 10#ᐋᐴᓯᑕᓖᑦ 7:19.ᐅᓇᑕᓯᑲᓪᓚᒃᑯᑦᑕ ᐊᑭᕋᑦᑎᓐᓄᑦ ᑕᑉᐱᐅᑎᑐᐃᓇᕆᐊᖃᖅᐳᑦ ᐅᕙᑦᑎᓐᓂᒃ ᐅᓇᑕᕈᒪᓗᑎᒃ, ᓄᓇᑦᑎᓐᓂᓪᓗ ᐊᐅᓪᓚᕋᔭᖅᐳᑦ ᐋᖅᑭᒃᓯᔭᕆᐊᖃᖅᐳᒍᑦ ᐅᓄᕐᕙᓪᓕᐊᓗᐊᖁᓇᒋᑦ. 11ᐊᓱᐃᓛᒃ ᐄᑦᔨᑉᑎᒥᐅᑦ ᐃᓖᔭᖅᓱᐃᔨᓂᒃ ᑎᓕᓯᓚᐅᖅᐳᑦ ᑖᒃᑯᓂᖓ ᐊᒃᓱᐊᓗᒃ ᓴᓇᑎᓪᓗᓂᑦᔪᒃ ᖁᕕᐊᓱᒍᓐᓃᖁᓪᓗᒋᑦ; ᐃᓴᕆᐊᓕᒥᐅᑦ ᐃᒡᓗᒐᓴᒡᔪᐊᓂᒃ ᓴᓇᓚᐅᖅᐳᑦ ᐰᑕᒥᒥᒃ ᕌᒥᓯᓯᒥᒡᓗ ᐊᑎᖃᖅᑐᓂᒃ, ᑖᒃᑯᐊᒃ ᐊᖓᔪᖅᑳᕐᔪᐊᑉ ᐱᖁᑎᒃᑯᕕᒃᓴᕆᔭᖏᒃ. 12ᑭᓯᐊᓂᓕ ᐄᑦᔨᑉᑎᒥᐅᑦ ᐊᒃᓱᕈᖅᑎᑦᓯᕙᓪᓕᐊᓂᖓᑦ ᐃᓴᕆᐊᓕᒥᐅᓂᒃ ᒪᓕᒡᓗᒍ, ᐃᓴᕆᐊᓕᒥᐅᑦ ᐅᓄᖅᓯᕙᓪᓕᐊᑐᐃᓐᓇᓚᐅᖅᐳᑦ; ᐄᑦᔨᑉᑎᒥᐅᓪᓗ ᓄᓇᖓᓐᓂ ᓈᔨᕙᓪᓕᐊᑐᐃᓐᓇᕐᖕᒪᑕ ᐄᑦᔨᑉᑎᒥᐅᑦ ᓯᕘᕋᓕᖅᐸᓪᓕᐊᓚᐅᖅᐳᑦ ᐃᓴᕆᐊᓕᒥᐅᓂᒃ. 13ᐄᑦᔨᑉᑎᒥᐅᓪᓗ ᐃᓴᕆᐊᓕᒥᐅᑦ ᐃᓖᔭᕆᓪᓗᒋᑦ ᖁᕕᐊᓱᒍᓐᓃᖅᑎᓚᐅᖅᐰᑦ, 14ᐃᒡᓗᓂᒃ ᓴᓇᑎᓪᓗᓂᑦᔪᒃ ᐱᕈᖅᓰᕕᖕᓂᒡᓗ, ᐊᑦᑕᕆᓚᐅᓐᖏᓔᓪᓗ.
15ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᐅᖃᓕᖅᐳᖅ ᐄᑉᕉᒥᐅᑦ ᓄᓕᐊᖏᓐᓄᑦ ᓯᑉᕋᒧᑦ ᐳᐊᒧᓪᓗ ᑖᒃᑯᐊᒃ ᐃᕐᖕᓂᓱᒃᓰᔨᐅᔪᑦ ᐃᓴᕆᐊᓕᒥᐅᑦ ᐊᕐᖕᓇᖏᓐᓂᒃ ᐃᑲᔪᖃᑦᑕᕐᖕᒥᔫᒃ. 16ᐄᑉᕉᒥᐅᑦ ᐊᕐᖕᓇᖏᓐᓂᒃ ᐃᕐᖕᓂᓱᒃᓰᖃᑕᐅᔭᕌᖓᑦᓯᒃ ᕿᑐᕐᖓᖅᑖᖏᑦ ᑐᖁᑉᐸᖕᓂᐊᖅᐸᓯᒃ ᐊᖑᑕᐅᔭᕌᖓᑕ, ᐊᕐᖕᓇᐅᔭᕌᖓᑕᓕ ᐆᒪᑎᑉᐸᒡᓗᒋᑦ. 17ᑖᒃᑯᐊᒡᓕ ᐃᕐᖕᓂᓱᒃᓰᔩᒃ ᒎᑎᒥᒃ ᓯᕘᕋᒐᒥᒃ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓂᒃ ᓈᓚᓚᐅᓐᖏᓛᒃ. ᕿᑐᕐᖓᖅᑖᖑᔪᑦ ᐊᖑᑕᐅᒐᓗᐊᕌᖓᑕ ᐆᒪᑎᑦᓯᖃᑦᑕᓚᐅᖅᐴᒃ. 18ᐄᑦᔨᑉᑎᐅᓪᓗ ᐊᖓᔪᖅᑳᕐᔪᐊᖓᑕ ᐃᕐᖕᓂᓱᒃᓰᔩᒃ ᕾᖁᔭᐅᒃᑲᖅᐹᒃ, ᐊᐱᕆᓪᓗᓂᒋᒡᓗ, “ᓱᖕᒪᑦ ᑍᒤᓕᐅᖅᐱᓰᒃ? ᓱᖕᒪᑦ ᐊᖑᑕᐅᓂᖏᓐᓂᒃ ᐆᒪᑎᑦᓯᖃᑦᑕᖅᐱᓰᒃ?”
19ᑖᒃᑯᐊᒡᓗ ᑭᐅᕘᒃ, ᐄᑉᕉᒥᐅᑦ ᐊᕐᖕᓇᖏᑦ ᐄᑦᔨᑉᑎᒥᐅᑦ ᐊᕐᖕᓇᖏᑎᑐᑦ ᑍᒤᖏᒻᒪᑕ, ᐃᕐᖕᓂᓴᕅᓐᓂᖅᓴᐅᖕᒪᑕ ᐃᕐᖕᓂᓱᒃᓯᐊᕆᓂᐊᖅᑕᑦᑎᓐᓄᑦ ᑎᑭᓚᐅᖅᑎᓐᓇᓄᒃ ᓱᓕ ᐃᕐᖕᓂᔭᕇᖃᑕᕐᖕᒪᑕ. 20ᑖᒃᑯᐊᒡᓗ ᐃᕐᖕᓂᓱᒃᓰᔩᒃ ᒎᑎᒥᒃ ᓯᕘᕋᒋᔭᖃᕐᖕᒪᑎᒃ ᐊᖓᔪᖅᑳᕐᔪᐊᑉ ᐱᑦᓯᐊᕐᕕᒋᓚᐅᖅᐹᒃ ᕿᑐᕐᖓᖃᕈᓐᓇᖅᑎᓪᓗᓂᒋᒡᓗ. 21ᐃᓴᕆᐊᓕᒥᐅᓪᓗ ᐅᓄᖅᓯᕙᓪᓕᐊᑐᐃᓐᓇᓚᐅᖅᐳᑦ ᐃᕐᖕᓂᓱᒃᓰᔩᑦ ᒎᑎᒥᒃ ᓯᕘᕋᒋᔭᖃᓚᐅᕐᖕᒪᑕ. 22#ᐋᐴᓯᑕᓖᑦ 7:19.ᐊᓱᐃᓛᒃ ᐊᖓᔪᖅᑳᕐᔪᐊᖅ ᐃᓄᖁᑎᒥᓄᑦ ᐊᑐᖅᑕᐅᖁᔭᒥᓂᒃ ᑐᓴᖅᑎᑦᓯᓕᖅᐳᖅ ᐃᒫᒃ, “ᐄᑉᕉᒥᐅᑦ ᕿᑐᕐᖓᖅᑖᕌᖓᑕ ᓄᑲᑉᐱᐊᓂᒃ ᑰᖕᒧᑦ ᓁᓕᒧᑦ ᐃᒋᖃᑦᑕᕐᖕᓂᐊᖅᐸᓯ, ᐊᕐᖕᓇᐅᓂᖏᓪᓕ ᑕᒪᕐᖕᒥᒃ ᐆᒪᑎᖃᑦᑕᖅᓗᒋᑦ.”
Currently Selected:
ᒨᓯᓯ ᐂᑉᐸᖏᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.