ᒨᓯᓯ ᐂᑉᐸᖏᑦ 2
2
ᒨᓯᓯᐅᑉ ᐃᕐᖕᓂᐊᖑᓂᖓ
1ᑕᒪᓐᓇᓕ ᓇᓪᓕᐅᑎᓯᒪᓕᖅᑎᓪᓗᒍ, ᐊᖑᑦ ᓕᕔᒃᑯᑦ ᐃᓚᖏᓐᓂᓐᖔᖅᓯᒪᔪᖅ ᓄᓕᐊᓂᓚᐅᖅᐳᖅ ᐊᕐᖕᓇᒥᒃ ᐃᓅᖃᑎᓪᓚᕆᖕᒥᓂᒃ. 2#ᐋᐴᓯᑕᓖᑦ 7:20; ᐄᑉᕈᐃᓄᑦ 11:23.ᓄᓕᐊᖓᓗ ᓄᑕᕋᒃᓴᖃᓕᕋᒥ ᐃᕐᖕᓂᖅᑖᖅᐳᖅ; ᐊᕐᖕᓇᕐᓗ ᖃᐅᔨᓕᕋᒥ ᕿᑐᕐᖓᖅᑖᕆᔭᒥ ᓄᑕᕋᑦᓯᐊᕙᐅᓂᖓᓂᒃ, ᐃᔨᕋᖅᑐᐊᕆᓕᖅᐹ ᑕᖅᑭᓂᒃ ᐱᖓᓱᓂᒃ. 3ᐃᔨᖅᓯᒪᔪᓐᓁᓪᓕᓕᕋᒥᐅᒡᓕ, ᐃᕕᐅᔭᕐᖕᒥᒃ ᐴᓕᐊᕆᓯᒪᔪᒥᒃ ᐱᕗᖅ ᓯᓚᑖ ᐃᒻᒪᒌᒃᑯᑎᒥᒃ ᒥᖑᐊᖅᓗᒍ ᐃᒻᒪᑦᔧᖅᐹ. ᓄᑕᕋᓂᓗ ᐃᓗᐊᓄᐊᖅᓗᒍ ᑰᑉ ᓯᓈᓄᐊᖅᐹ ᑕᑭᔫᑎᓂᒃ ᐃᕕᒃᓱᒐᖃᕐᖕᓂᖓᓄᑦ. 4ᑖᑦᓱᒪᓗ ᓄᑕᕋᑯᓘᑉ ᓇᔭᖓ ᐅᖓᓯᒃᑐᒥ ᖃᐅᔨᓴᖅᐳᖅ ᖃᓄᐃᓕᓂᐊᕐᖕᒪᖔᑦ ᖃᐅᔨᓴᖅᓗᓂ.
5ᐊᖓᔪᖅᑳᕐᔪᐊᓪᓗ ᐸᓂᖓ ᑰᖕᒧᓐᖓᐅᕗᖅ ᑎᒥᒥᓂᒃ ᐅᐊᓴᕆᐊᖅᑐᖅᓗᓂ, ᐊᕐᖕᓁᓪᓕ ᐱᔨᖏᑦ ᑰᑉ ᓯᓈᒍᑦ ᐱᓱᒃᐳᑦ. ᑕᑯᕗᓪᓗ ᐃᕕᐅᔭᕐᖕᒥᒃ ᐃᕕᑦᓱᒊᑦ ᑕᑭᔪᑎᐅᓂᖏᓐᓃᑦᑐᒥᒃ ᐱᔨᑲᑖᒥᓗ ᐃᓚᖓᓐᓄᑦ ᐂᔭᐅᒃᑲᖅᐹ. 6ᐊᖓᔪᖅᑳᕐᔪᐊᓪᓗ ᐸᓂᖓᑕ ᐃᕕᐅᔭᖅ ᒪᑐᐃᕋᒥᐅᒃ ᓄᑕᕋᑯᓗᖕᒥᒃ ᐊᖑᒻᒥᒃ ᑕᒃᑯᕗᖅ, ᓄᑕᕋᑯᓗᒡᓗ ᕿᐊᓕᕐᖕᒪᑦ ᓇᒡᓕᒋᓕᖅᐹ, ᐅᖃᖅᓗᓂᓗ, ᐄᑉᕉᒥᐅᓄᓇ ᓄᑕᕋᑯᓗᐊ.
7ᓄᑕᕋᑯᓘᓪᓗ ᓇᔭᖓᑕ ᐊᐱᕆᕚ, “ᐄᑉᕉᒥᐅᑦ ᐊᕐᖕᓇᖏᓐᓂᑦ ᕾᖁᔨᓚᖔ? ᑲᒪᔨᒋᓂᐊᖅᑕᖓᓂᒃ.”
8ᑖᓐᓇᓗ ᑭᐅᕗᖅ, “ᐊᑏ.” ᑖᑦᓱᒪᓗ ᓂᕕᐊᖅᓯᐊᑉ ᓄᑕᕋᐅᑉ ᐊᓈᓇᖓ ᕾᑦᔪᑎᕚ. 9ᐊᖓᔪᖅᑳᕐᔪᐊᓪᓗ ᐸᓂᖓᑕ ᐊᕐᖕᓇᖅ ᐅᖃᐅᑎᕚ, “ᐅᓇ ᓄᑕᕋᑯᓗᒃ ᑲᒪᒋᓚᐅᕈᒃ ᐊᑭᓕᖅᓱᕐᖕᓂᐊᖅᐸᒋᑦ.” ᐊᓱᐃᓛᒃ ᓄᑕᕋᑯᓗᒃ ᐊᕐᖕᓇᐅᑉ ᐱᓪᓗᓂᐅᒃ ᑲᒪᒋᓕᖅᐹ. 10#ᐋᐴᓯᑕᓖᑦ 7:21.ᑭᖑᓂᖓᒎᓕᖅᑐᖅ, ᓄᑕᕋᑯᓗᒃ ᐊᖏᒡᓕᖕᒪᑦ ᐊᖓᔪᖅᑳᕐᔪᐊᑉ ᐸᓂᖓᓄᓐᖓᐅᑎᕚ, ᑖᑦᓱᒪᓗ ᑎᒍᐊᖅᑖᕆᕚ ᓇᖕᒥᓂᕐᖕᒥᑐᑦ ᐱᓪᓗᒍ. ᐊᖓᔪᖅᑳᕐᔪᐊᓪᓗ ᐸᓂᖓ ᐅᖃᖅᐳᖅ, “ᑰᖕᒥᑦ ᖃᑭᓚᐅᕋᒃᑯ ᐊᑎᖃᖅᑎᓐᓂᐊᓕᖅᐸᕋ ᒨᓯᓯᒥᒃ.”
ᒨᓯᓯᐅᑉ ᕿᒫᓂᖓ ᒥᑎᐊᓂᒧᑦ
11 #
ᐋᐴᓯᑕᓖᑦ 7:23-28. #
ᐄᑉᕈᐃᓄᑦ 11:24. ᒨᓯᓯᓗ ᐃᓐᓇᕈᕋᒥ, ᐃᓅᖃᑎᓂ ᐄᑉᕉᒥᐅᑦ ᑕᑯᔭᖅᑐᖅᐰᑦ, ᖃᐅᔨᓕᖅᐰᓪᓗ ᐊᒃᓱᕈᕐᖕᓇᖅᑐᒥᒃ ᓴᓇᑎᑕᐅᓂᖏᓐᓂᒃ. ᑕᑯᓪᓗᓂᓗ ᐄᑦᔨᑉᑎᒥᐅᑕᖅ ᑐᖁᑦᓯᑎᓪᓗᒍ ᐄᑉᕉᒥᐅᑕᕐᖕᒥᒃ ᒨᓯᓯᐅᑉ ᐃᓅᖃᑎᖏᑕ ᐃᓚᖓᓐᓂᒃ. 12ᒨᓯᓯᓗ ᐊᕙᒻᒧᑦ ᕿᓂᖅᐳᖅ ᑕᐅᑐᒃᑕᐅᖕᒪᖔᕐᖕᒥ ᖃᐅᔨᓴᖅᓗᓂ, ᑕᐅᑐᒃᑕᐅᖏᓐᓇᒥ ᐄᑦᔨᑉᑎᒥᐅᑕᖅ ᑐᖁᑉᐹ ᑎᒥᖓᓗ ᓯᐅᕋᕐᖕᒧᑦ ᓴᐅᓪᓗᓂᐅᒃ. 13ᖃᐅᑎᓪᓗᒍ ᒨᓯᓯ ᐅᑎᕐᖕᒥᒐᒥ ᑕᑯᓕᖅᐳᖅ ᐄᑉᕉᒥᐅᑕᐅᖃᑎᒌᖕᓂᒃ ᓂᓐᖓᐅᑎᔫᖕᓂᒃ, ᓂᓐᖓᐅᑦᔨᓂᖅᓴᕐᓗ ᐅᖃᐅᑎᕚ, “ᖃᓄᐃᒻᒪᑦ ᐄᑉᕉᒥᐅᑕᐅᖃᑎᖕᓄᑦ ᓂᓐᖓᒃᐲᑦ?”
14ᑖᑦᓱᒪᓗ ᑭᐅᕚ, “ᑭᐊ ᐅᕙᑦᑎᓐᓄᑦ ᐊᖓᔪᖅᑳᓐᖑᖅᑎᑉᐹᑏᑦ ᐃᖅᑲᖅᑐᐃᖁᓪᓗᑎᑦ, ᑐᖁᓐᓂᐊᓕᕆᕕᖔ ᑍᑦᓱᑐᓇᖅ ᐄᑦᔨᑉᑎᒥᐅᑕᖅᑐᑦ ᑐᖁᓚᐅᖅᑕᖅᑐᑦ?” ᒨᓯᓯᓗ ᓯᕘᕋᓕᖅᐳᖅ ᐃᓱᒪᓕᖅᓗᓂᓗ, “ᐃᓄᖕᓂᑦ ᖃᐅᔨᔭᐅᓐᓂᖅᐳᖓ ᖃᓄᐃᓕᐅᕐᖕᓂᕆᓚᐅᖅᑕᓐᓂᒃ.” 15#ᐋᐴᓯᑕᓖᑦ 7:29; ᐄᑉᕈᐃᓄᑦ 11:27.ᐊᖓᔪᖅᑳᕐᔪᐊᖅ ᖃᐅᔨᓕᕋᒥ ᖃᓄᐃᑦᑐᖃᕐᖕᓂᕕᓂᖓᓂᒃ, ᒨᓯᓯ ᑐᖁᑕᐅᑎᒐᓱᒃᑲᓗᐊᖅᐹ, ᒨᓯᓯᓕ ᕿᒫᕗᖅ ᓄᓇᑖᖅᓗᓂᓗ ᒥᑎᐊᓂᐅᑉ ᓄᓇᖓᓂ.
16ᐅᓪᓗᓪᓕ ᐃᓚᖓᓐᓂ ᒨᓯᓯ ᐃᒃᓯᕙᑎᓪᓗᒍ ᐃᒥᖅᑕᕐᕕᖕᒥ ᔩᑕᓘᑉ ᑐᓂᕐᕈᓯᖅᑎᑦᓯᔨᐅᔫᑉ ᒥᑎᐊᓂᒥ, ᐸᓂᖏᑦ 7 ᑎᑭᑉᐳᑦ ᐆᒪᔪᖁᑎᖏᑕ ᐃᒪᖃᐅᑎᖏᓐᓂᒃ ᐃᒻᒥᖅᓯᔭᖅᑐᖅᓗᑎᒃ. 17ᓰᐱᓕᕆᔩᓪᓕ ᑕᕝᕗᓐᖓᕋᒥᒃ ᔩᑕᓘᑉ ᐸᓂᖏᑦ ᐊᐅᓪᓚᖅᑎᑕᐅᕗᑦ; ᒨᓯᓯᐅᓪᓗ ᑕᑉᐱᖅᓗᒋᑦ ᐃᑲᔪᖅᐰᑦ ᐆᒪᔪᖁᑎᖏᓪᓗ ᐃᒥᖅᑎᓕᖅᓗᓂᒋᑦ. 18ᐊᑖᑕᒥᖕᓄᓪᓕ ᕆᐅᓕᒧᑦ ᐅᑎᕐᖕᒪᑕ ᐊᑖᑕᖓᑦᑕ ᐊᐱᕆᕔᑦ, “ᖃᓄᐃᒻᒪᑦ ᐅᑎᖅᓵᓕᕕᓰ ᐅᓪᓗᒥ?”
19ᑖᒃᑯᐊ ᑭᐅᕗᑦ, “ᐄᑦᔨᑉᑎᒥᐅᑕᕐᖕᒧᑦ ᓴᐳᑎᔭᐅᖅᑲᐅᒐᑦᑕ ᓰᐱᓕᕆᔨᓂᑦ, ᐅᕙᑦᑎᓐᓂᒃ ᐊᒡᓛᑦ ᐃᒥᖅᑕᐅᑦᔨᖅᑲᐅᕗᖅ ᐆᒪᔪᖁᑎᕗᓪᓗ ᐃᒥᖅᑎᓪᓗᓂᒋᑦ.”
20ᐸᓂᓂᓗ ᐊᐱᕆᕔᑦ, “ᓇᐅᒃ ᑍᒪ? ᖃᓄᐃᒻᒪᑦ ᕿᒤᓐᓇᖅᐱᓯᐅᒃ ᑖᕗᖓ, ᕾᖁᔭᖅᑐᖅᓯᐅᒃ ᓂᕆᖃᑎᒋᓂᐊᕋᑦᑎᒍ.”
21ᒨᓯᓯᓗ ᑕᒫᓂ ᓄᓇᖃᖃᑕᐅᔪᓐᓇᕐᖕᓂᕋᖅᐳᖅ, ᔩᑕᓘᓪᓗ ᐸᓂᖕᒥᓂᒃ ᓯᐴᕋᒥᒃ ᓄᓕᐊᖅᑖᖅᑎᑉᐹ. 22ᑖᒃᑯᐊᒡᓗ ᐃᕐᖕᓂᖅᑖᖅᐴᒃ, ᒨᓯᓯᓗ ᐅᖃᖅᐳᖅ, “ᑕᒫᓂᒥᐅᑕᐅᖏᓐᓇᒪ ᓄᓇᒥ ᐊᑎᖅᑖᖅᑎᑉᐸᕋ ᒌᕐᓲᒥᒃ.”
23ᐊᕐᕌᒍᐃᓪᓗ ᐅᓄᖅᑐᑦ ᐊᓂᒍᖅᓯᒪᓕᖅᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᖕᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᖅᐹᑦ ᐃᑲᔪᖅᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᖅᑕᐅᕗᖅ. 24#ᒨᓯᓯ ᓯᕗᓪᓖᑦ 15:13,14.ᓂᓪᓕᐊᓂᖓᑦ ᐃᓖᔭᕆᔭᐅᓂᕐᖕᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᖅᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᖅᐹ. 25ᐃᓴᕆᐊᓕᒥᐅᓪᓗ ᐃᓖᔭᕆᔭᐅᓂᖏᑦ ᒎᑎᐅᑉ ᑕᑯᒐᒥᖏᑦ ᐃᓱᒪᒋᒻᒪᕆᓕᖅᐰᑦ.
Currently Selected:
ᒨᓯᓯ ᐂᑉᐸᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.