ᑍᑑᓯᒧᑦ 3
3
᙭ᔅᑑᓯᒥᐅᑦ ᐱᐅᓯᕆᔭᒃᓴᖏᑦ
1ᐃᖅᑬᑎᒃᑭᑦ ᐊᐅᓚᑦᓯᔨᓂᒃ ᐊᖓᔪᖅᑳᓂᒡᓗ ᓈᓚᑦᓯᐊᖁᓗᒋᑦ, ᐃᒻᒥᖕᓂᒃ ᑐᓂᓯᒪᑦᓯᐊᕐᓗᑎᒃ ᑖᒃᑯᓄᖓ, ᐱᓇᓱᐊᑦᓯᐊᕈᒪᓂᕐᖕᒥᒡᓗ ᖃᖓᓕᒫᒃᑯᑦ ᐊᑐᐃᓐᓇᐅᑦᓯᐊᖁᓪᓗᒋᑦ. 2ᐃᓅᖃᑎᒥᖕᓂᒃ ᐱᐅᖏᑦᑐᒥᒃ ᐅᖃᐅᓯᖃᖁᓇᒋᑦ, ᐂᕙᑦᑍᓕᓗᑎᒃ, ᐃᓅᖃᓐᓂᑦᓯᐊᕐᓗᑎᒃ, ᑐᓐᖓᓇᕐᓗᑎᒡᓗ ᐃᓄᓕᒫᓄᑦ. 3ᓇᖕᒥᓂᖅᑕᐅᖅ ᐅᕙᒍᑦ ᓯᓔᑦᑑᕙᓚᐅᕐᖕᒥᒐᑦᑕ ᓈᓚᐃᓐᓇᖅᐸᒐᑕᓗ, ᑕᒻᒪᖅᓯᒪᓪᓗᑕᓗ, ᐃᒃᖠᒎᕐᖕᓂᕐᖕᓄᑦ ᖃᓄᑐᐃᓐᓇᕐᓄᑦ ᐊᐅᓚᑕᐅᓪᓗᑕ ᓱᓇᑐᐃᓐᓇᕐᖕᓂᒡᓗ ᖁᕕᐊᓲᑎᖃᕐᓗᑕ, ᐃᓅᓯᕗᓪᓗ ᐊᑐᓚᐅᖅᐸᕗᑦ ᐅᒋᐊᓐᖑᓂᕐᖕᒧᑦ ᐊᓐᓂᕈᑦᔨᓂᕐᖕᒧᓪᓗ, ᐊᓯᑦᑎᓐᓂᒃ ᐆᒥᓱᒃᐸᒃᓗᑕ ᐆᒥᒋᔭᐅᕙᒃᓗᑕᓗ ᐊᓯᑦᑎᓐᓄᑦ; 4ᒎᑎᐅᓪᓕ ᐱᐅᓕᔨᑦᑕ ᐱᑦᓯᐊᕐᖕᓂᖓ ᓇᒡᓕᒍᓱᖕᓂᖓᓗ ᓴᖅᑭᒻᒪᑦ, 5ᑖᑦᓱᒪ ᓴᐳᑎᓚᐅᖅᐹᑎᒍᑦ, ᐱᓇᓱᐊᑦᓯᐊᕐᖕᓂᕆᓚᐅᖅᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᖕᒥᓄᑦ ᐱᐅᓕᓚᐅᖅᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᖅᑖᖅᑎᓚᐅᖅᐹᑎᒍᑦ ᐊᓂᕐᖕᓂᒃᑯᓪᓗ ᐃᑦᔪᕐᖕᓁᑦᑐᒃᑯᑦ ᓄᑖᓐᖑᑎᓪᓗᑕ. 6ᒎᑎᐅᑉ ᑯᕝᕕᕆᓚᐅᖅᐹᑎᒍᑦ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᐊᒥᒐᖏᑦᑐᒥᒃ ᔩᓱᓯ ᙭ᔅᑑᓯᒃᑯᑦ ᐱᐅᓕᔨᑦᑎᒍᑦ, 7ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᒍᑦ ᓈᒻᒪᒋᔭᐅᓕᖁᓪᓗᑕ ᒎᑎᒧᑦ ᑭᖑᕐᖑᑦᔨᔪᓐᓇᖁᓪᓗᑕᓗ ᐱᐅᓕᔭᐅᓂᕐᖕᒥᒃ ᓂᕆᐅᖕᓂᖅᑖᕆᓯᒪᔭᑦᑎᒃᓂᒃ. 8ᑕᒪᑦᔭ ᐅᖃᐅᓯᖅ ᓱᓕᔪᖅ.
ᑕᒪᒃᑯᓂᖓ ᐃᒃᐱᒍᓱᑦᓯᐊᕐᓗᑎᑦ ᐊᔪᕆᖅᑐᐃᖁᕙᒋᑦ, ᒎᑎᒧᑦ ᐅᒃᐱᖅᑐᑦ ᐱᓇᓱᐊᑦᓯᐊᕈᒪᓂᕐᖕᒥᒃ ᑲᔪᖏᓕᖁᓪᓗᒋᑦ ᐱᕕᖃᕐᖕᓂᓕᒫᒥᒍᑦ; ᑍᒤᓕᐅᕐᖕᓃᑦ ᑕᒪᒃᑯᐊ ᐱᐅᖕᒪᑕ ᐊᑐᕐᖕᓇᖅᑑᓪᓗᑎᒡᓗ ᐃᓄᓕᒫᓄᑦ. 9ᓱᓕᓂᖅᓴᐅᖃᑦᑕᐅᑎᓇᓱᖕᓃᓪᓕ ᓈᒻᒪᖏᑦᑐᑦ ᐊᑐᕐᖕᓂᐊᕐᖕᓇᒋᑦ, ᓯᕗᓕᕕᓂᑦᑕ ᑭᖑᕚᕆᒃᐸᓪᓕᐊᓂᖏᓐᓂᒃ ᖃᐅᔨᓇᓱᐊᕐᖕᓂᑦ, ᐂᕙᓃᑦ, ᐊᑭᕋᖅᑑᑎᓃᓪᓗ ᐱᖁᔧᑦ ᐱᓪᓗᒋᑦ, ᑕᒪᒃᑯᐊ ᐊᑑᑎᖃᖏᒻᒪᑕ ᐱᕙᓪᓕᕐᖕᓇᖅᑐᖃᕋᑎᒡᓗ. 10ᐃᓄᒃ ᐃᓅᖃᑎᒥᓂᒃ ᐊᕕᑎᑦᓯᔪᖅ ᐊᑕᐅᓯᐊᕐᓗᒍ ᒪᕐᕈᐃᖅᑐᕐᓗᒍᓘᓐᓃᑦ ᐃᓂᖅᑎᓚᐅᖅᑳᕐᓗᒍ, ᑭᖑᓂᖓᒍᑦ ᑲᒪᒋᓇᓱᐊᒃᑲᓐᓂᕈᓐᓃᕈᒃ. 11ᖃᐅᔨᒪᒐᕕᑦ ᐃᓄᒃ ᑍᒤᑦᑐᖅ ᓇᒻᒪᒃᓯᓐᖏᒻᒪᑦ ᐱᓂᐊᕐᖕᓂᕐᒥᒍᑦ ᐊᔪᖅᑐᓕᓯᒪᓂᖓᑕ ᓇᓗᓇᕈᒃᓃᖅᑎᒻᒪᒍ ᑕᒻᒪᖅᓯᒪᓂᖓᓂᒃ.
ᓄᖅᑲᐅᓯᕈᑏᑦ ᐅᖃᐅᑦᔨᓃᓪᓗ
12 #
ᐋᐴᓯᑕᓖᑦ 20:4; ᐃᐱᓯ 6:21,22; ᑯᓘᓯ 4:7,8; 2 ᑎᒧᑎ 4:12. ᐋᕐᑎᒪᓯ ᐃᓕᖕᓄᑦ ᑎᓕᒍᒃᑯ ᐅᕝᕙᓗ ᑍᑭᑰᓯ, ᐱᕕᖃᕐᖕᓂᓕᒫᒃᑯᑦ ᐅᕙᓐᓄᑦ ᑎᑭᓐᓇᓱᐊᖁᒐᓗᐊᖅᐸᒋᑦ ᑕᕝᕗᖓ ᓂᑯᐴᓕᓯᒧᑦ, ᑕᕝᕙᓂ ᐅᑮᔪᒪᓪᓗᖓ ᐃᓱᒪᑖᖅᓯᒪᓕᕋᒪ. 13#ᐋᐴᓯᑕᓖᑦ 18:24; 1 ᑯᕆᓐᑎ 16:12.ᓯᓇᓯ ᐃᑲᔪᑦᓯᐊᕋᓱᖕᓂᐊᖅᐸᑦ ᐱᖁᔭᓕᕆᔨ, ᐊᐴᓗᓯᓗ ᐊᐅᓪᓚᕈᓐᓇᖅᓯᖁᓪᓗᒋᒃ; ᐊᑐᕆᐊᖃᖅᑕᖏᓐᓂᒡᓗ ᑕᒤᓐᓂᒃ ᓈᒻᒪᑦᓯᐊᖅᑎᒋᐊᕈᒫᖅᐹᒃᑭᒃ. 14ᐃᓅᖃᑎᕗᑦ ᐱᓂᐊᑦᓯᐊᕈᓐᓇᕐᖕᓂᕐᖕᒥᒃ ᐃᓕᓐᓂᐊᕈᓐᓇᖁᓪᓗᒋᑦ, ᐃᑲᔪᖅᑕᐅᔭᕆᐊᖃᓪᓚᕆᒃᑐᓂᒃ ᐃᑲᔪᕈᓐᓇᖅᓯᖁᓪᓗᒋᑦ, ᐊᑑᑎᖃᖏᑦᑐᒥᒡᓗ ᐃᓅᓯᖃᖁᓇᒋᑦ.
15ᐅᕙᑦᑎᓐᓃᑦᑐᓕᒫᓂᑦ ᑕᕝᕙᐅᕗᑏᖅᑕᐅᕗᑎᑦ. ᐅᒃᐱᕐᖕᓂᒃᑯᓪᓗ ᐃᓚᓐᓇᕆᔭᕗᑦ ᑕᕝᕙᐅᕗᑏᖅᐸᕗᑦ.
ᒎᑎᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᓄᑦ ᐃᓚᒋᔭᐅᑦᓮᓐᓇᕆᑦᓯ ᑕᒪᑦᓯ.
Currently Selected:
ᑍᑑᓯᒧᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.