ᐰᓕᒨᓂᒧᑦ 1
1
ᓇᓗᓁᖅᓯᑦᔪᑏᑦ
1ᐸᐅᓗᓯᒥᑦ, ᑎᒍᔭᐅᓯᒪᔪᒥᑦ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ, ᑎᑎᕋᖅᐳᒍᒃ ᐅᒃᐱᖅᑑᖃᑎᕗᓪᓗ ᑎᒧᑎ,
ᐃᓚᓐᓇᕆᔭᑦᑎᓐᓄᑦ ᐱᓇᓱᐊᖃᑎᑦᑎᓐᓄᓪᓗ ᐰᓕᒨᓂᒧᑦ, 2#ᑯᓘᓯ 4:17.ᐃᓚᒌᒃᑐᓄᓪᓗ ᐃᒡᓗᑦᓯᓐᓂ ᑲᑎᒪᖃᑦᑕᖅᑐᓄᑦ, ᓇᔭᑦᑎᓐᓄᓪᓗ ᐊᐱᐊᒧᑦ, ᐅᓇᑕᖅᑎᐅᖃᑎᑦᑎᓐᓄᓪᓗ ᐋᑭᐸᓯᒧᑦ.
3ᒎᑎᐅᑉ ᐊᑖᑕᑦᑕ ᐊᑕᓂᐅᓪᓗ ᔩᓱᓯ ᙭ᔅᑑᓯᐅᑉ ᑐᓂᓯᕕᒋᓕᓯ ᐱᔪᓐᓇᖅᑎᑦᓯᓂᕐᖕᒥᓂᒃ ᓮᒻᒪᖅᑎᑦᓯᓂᕐᖕᒥᓂᒡᓗ.
ᐰᓕᒨᓂᐅᑉ ᓇᒡᓕᖕᓂᖓ ᐅᒃᐱᕐᖕᓂᖓᓗ
4ᑍᒪᓐᖓᑦ ᑐᒃᓯᐊᓕᕌᖓᒪ ᐃᖅᑲᐅᒪᖃᑦᑕᖅᐸᒋᑦ ᒎᑎᒧᓪᓗ ᖁᔭᓕᑦᔪᑎᒋᖃᑦᑕᖅᐸᒋᑦ. 5ᑐᓴᖅᑎᑕᐅᓯᒪᒐᒪ ᐃᑦᔪᕐᖕᓁᑎᑕᐅᓯᒪᔪᓕᒫᓄᑦ ᓇᒡᓕᒍᓱᖕᓂᕐᖕᓂᒃ ᐅᒃᐱᕐᖕᓂᓂᒃᓗ ᐊᑕᓂᕐᖕᒧᑦ ᔩᓱᓯᒧᑦ. 6ᑐᒃᓯᐊᖅᐳᖓᓗ ᐅᒃᐱᕐᖕᓂᕐᖕᓂᒃ ᐅᖃᐅᓯᖃᖃᑦᑕᖁᓪᓗᑎᑦ ᐃᓅᖃᑎᖕᓄᑦ ᖃᐅᔨᑦᔪᑕᐅᖁᓪᓗᒍ ᓮᒻᒪᖅᑎᑕᐅᓂᕆᔭᑦᑎᓐᓂᒃ ᙭ᔅᑑᓯᒥ. 7ᐅᒃᐱᖅᑑᖃᑎᒐ ᓇᒡᓕᖕᓇᖅᑐᑎᑦ, ᓇᒡᓕᖕᓂᕐᖕᓄᑦ ᐊᖏᔪᐊᓗᖕᒥᒃ ᖁᕕᐊᓱᒃᑎᑕᐅᕗᖓ ᐱᕙᓪᓕᖅᑎᑕᐅᓪᓗᖓᓗ, ᐃᑦᔪᕐᖕᓁᑎᑕᐅᓯᒪᔪᓕᒫᑦ ᐆᒻᒪᑎᒥᒍᑦ ᖁᕕᐊᓱᒃᑎᑕᐅᓯᒪᖕᒪᑕ ᐱᑦᔪᑎᒋᓪᓗᑎᑦ.
ᐅᓂᓯᒪᓯᐅᑉ ᐃᓚᓕᐅᖅᑕᐅᖁᔭᐅᓂᖓ
8ᑍᒤᒻᒪᑦ ᓯᕘᕋᖏᓪᓗᖓ ᙭ᔅᑑᓯᒥ ᐅᖃᕐᕕᒋᔪᓐᓇᕋᓗᐊᖅᐸᒋᑦ ᐱᔭᕆᐊᖃᓪᓚᕆᒃᑐᒥᒃ ᐱᖁᓪᓗᑎᑦ, 9ᓇᒡᓕᒋᒐᒃᑭᓪᓕ ᕿᓄᕕᒋᑐᐃᓐᓇᓕᖅᐸᒋᑦ, ᐅᕙᖓ ᐸᐅᓗᓯ, ᒫᓐᓇ ᑎᒍᔭᐅᓯᒪᕕᖕᒦᑦᑐᖓ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ. 10#ᑯᓘᓯ 4:9.ᕿᓄᕕᒋᕙᒋᑦ ᐅᓂᓯᒪᓯ ᐱᑦᔪᑎᒋᓪᓗᒍ, ᑖᓐᓇ ᐃᕐᖕᓂᖅᑖᕆᓚᐅᕋᒃᑯ ᙭ᔅᑑᓯᒥ; ᑎᒍᔭᐅᓯᒪᕕᖕᒦᑎᓪᓗᖓ ᐊᓂᕐᖕᓂᒃᑯᑦ ᐊᑖᑕᑖᕆᓚᐅᕐᖕᒪᖓ. 11ᑍᑦᓱᒪᓂ ᐊᑑᑎᒃᓴᖃᓚᐅᓐᖏᓚᖅ ᐃᓕᖕᓄᑦ, ᒫᓐᓇᓕ ᐊᑑᑎᒃᓴᖃᒻᒪᕆᓕᖅᐳᖅ ᐃᓕᖕᓄᑦ ᐅᕙᓐᓄᓪᓗ.
12ᒫᓐᓇ ᐃᓕᖕᓄᑦ ᐅᑎᖅᑎᓕᖅᐸᕋ, ᐅᕙᖓᐅᔮᖅᑎᓪᓗᒍ ᐃᓚᓕᐅᓚᐅᕈᒃ. 13ᐱᓯᒤᓐᓇᕈᒪᔭᕋᓗᐊᕋ, ᑎᒍᔭᐅᓯᒪᓂᓐᓂ ᐅᖃᐅᓰᑦ ᑐᓴᕈᒥᓇᖅᑐᑦ ᐱᑦᔪᑎᒋᓪᓗᒋᑦ, ᐅᕙᓐᓂᒃ ᐃᑲᔪᕈᓐᓇᖁᓪᓗᒍ ᐃᓇᖏᕐᓗᑎᑦ. 14ᖃᐅᔨᓐᖏᑎᓪᓗᒋᓪᓕ ᐋᖅᑭᒃᓯᔪᒪᓐᖏᓇᒪ ᐱᓇᓱᐊᕈᒪᔭᓐᓂᒃ ᐱᔪᒪᔧᓪᓕ ᐊᑐᑦᓯᐊᕐᓗᒍ ᐱᖁᕙᒋᑦ ᐱᓇᓱᐊᕈᒪᓪᓗᖓ ᐊᖏᖃᑎᒋᓯᒪᑦᓯᐊᕐᓗᑎᑦ.
15ᐃᒻᒪᖄ ᑖᓐᓇ ᐃᓕᖕᓂᑦ ᑭᒤᓚᐅᕐᓂᖅᐳᖅ ᑕᒪᓐᓇ ᐱᑦᔪᑎᒋᓪᓗᒍ, ᐱᓯᒤᓐᓇᕈᓐᓇᓛᕋᕕᐅᒃ ᑍᒪᓐᖓᓕᒫᖅ, 16ᒫᓐᓇ ᐱᔨᑐᑦ ᑍᒤᑦᓱᓐᓁᖅᐳᖅ ᐱᔨᒥᓪᓕ ᐱᓪᓚᕆᐅᓂᖅᓴᐅᓕᖅᐳᖅ, ᓇᒡᓕᖕᓇᖅᑑᓪᓗᓂᓕ ᐅᒃᐱᖅᑑᖃᑎᐅᓕᖅᐳᖅ, ᐅᕝᕙᓐᓄᑦ ᐃᓕᖕᓄᓪᓕ ᐊᑐᕐᖕᓇᕐᖕᓂᖅᓴᐅᓕᖅᐳᖅ, ᑎᒥᒃᑯᑦ ᐊᑕᓂᕐᖕᒥᓗ.
17ᐱᓇᓱᐊᖃᑎᓪᓚᕆᒃᑐᑦ ᐃᓱᒪᒋᒍᕕᖓ, ᑐᓐᖓᓱᒃᑎᓐᓂᐊᖅᐸᑦ ᐅᕙᖓᐅᔮᖅᑎᓪᓗᒍ. 18ᐃᓕᖕᓄᑦ ᓈᒻᒪᖏᑐᓕᓚᐅᖅᐸᑦ, ᐅᕝᕙᓗ ᐊᑭᓕᒃᓴᖃᓚᐅᕐᖕᓂᖅᐸᑦ ᓱᓇᑐᐃᓐᓇᕐᖕᒥᒃ, ᐅᕙᓐᓄᑦ ᐊᑭᓕᒐᒃᓴᐅᑎᓐᓂᐊᖅᐸᑎᑦ. 19ᑖᒃᑯᐊ ᒫᓐᓇ ᑎᑎᕋᖅᑕᒃᑲ ᓇᖕᒥᓂᖅ ᐅᕙᖓ ᐸᐅᓗᓯ ᐊᒡᒐᓐᓄᑦ ᑎᑎᕋᖅᐸᒃᑲ, ᐅᕙᖓ ᐊᑭᓕᕈᒫᖅᐸᒋᑦ; ᐅᕙᓐᓄᑦ ᐊᑭᓕᒃᓴᖃᕐᖕᓂᕋᕐᓗᑎᑦ ᐅᖃᖏᒃᑲᓗᐊᖅᐳᖓ ᐃᓕᖕᓂᒃ ᓇᖕᒥᓂᖅ ᐊᑭᓕᒃᓴᕆᒐᕕᑦ ᐅᕙᓐᓄᑦ. 20ᐃᓛᒃ ᐅᒃᐱᖅᑑᖃᑎᒐ, ᖁᕕᐊᒋᔭᓐᓂᒃ ᐱᓇᓱᐊᖁᕙᒋᑦ ᐊᑕᓂᕐᖕᒥ. ᐆᒻᒪᑎᒃᑯᑦ ᖁᕕᐊᓱᒃᑎᓚᐅᓐᖓ.
21ᖁᓚᓐᖏᓚᖓ ᐱᓇᓱᐊᖅᑕᐅᖁᔭᓐᓂᒃ ᓈᓚᖕᓂᐊᕋᕕᑦ, ᑖᒃᑯᓂᖓ ᑎᑎᕋᐅᑎᒋᔭᓐᓂᒃ, ᖃᐅᔨᒪᓪᓗᖓ ᐅᖃᐅᓯᕆᔭᒪ ᐊᒡᓛᑦ ᐅᖓᑖᓄᑦ ᐱᓇᓱᐊᑦᓯᐊᕐᖕᓂᐊᕋᕕᑦ. 22ᑍᒫᒃᑕᐅᖅ, ᓯᓂᒃᑕᕐᕕᒃᓴᓐᓂᒃ ᐋᖅᑭᓯᓯᒪᖁᕙᒋᑦ, ᓂᕆᐅᒃᑲᒪ ᑐᒃᓯᐊᕐᖕᓂᓯ ᑭᐅᔭᐅᓂᐊᕐᖕᒪᑕ ᐃᓕᖕᓄᑦ ᐅᑎᕈᓐᓇᖁᓪᓗᖓ.
ᐸᐅᓗᓯᐅᑉ ᑕᕝᕙᐅᕗᑏᕐᖕᓂᖓ
23 #
ᑯᓘᓯ 1:7; 4:12. ᐃᐸᐳᕌᓯᐅᑉ, ᑎᒍᔭᐅᓯᒪᖃᑎᒪ ᔩᓱᓯ ᙭ᔅᑑᓯ ᐱᑦᔪᑎᒋᓪᓗᒍ ᑖᑦᓱᒪ ᑕᕝᕙᐅᕗᑏᖅᐹᑎᑦ, 24#ᐋᐴᓯᑕᓖᑦ 12:12,25; 13:13; 15:37-39; ᑯᓘᓯ 4:10; ᐋᐴᓯᑕᓖᑦ 19:29; 27:2; ᑯᓘᓯ 4:10; ᑯᓘᓯ 4:14; 2 ᑎᒧᑎ 4:10; ᑯᓘᓯ 4:14; 2 ᑎᒧᑎ 4:11.ᐅᑯᓇᓐᖓᓪᓗ ᐱᓇᓱᐊᖃᑎᓐᓂᑦ ᑕᕝᕙᐅᕗᑏᖅᑕᐅᒋᕗᑎᑦ ᒫᑯᓯᒧᑦ, ᐊᕆᔅᑕᑰᓯᒧᑦ, ᑏᒪᓯᒧᑦ, ᓘᑲᓯᒧᓪᓗ.
25ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᖕᓂᖓᑕ ᐱᔪᓐᓇᖅᑎᑦᓯᓂᖓᑕ ᐊᓂᕐᖕᓂᓯ ᐃᓚᒋᓕᒋᑦ.
Currently Selected:
ᐰᓕᒨᓂᒧᑦ 1: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.