ᕉᑎᐅᑉ ᐅᓂᒃᑲᐅᓯᓂᖓ 4
4
ᐳᐊᓯᐅᑉ ᓄᓕᐊᓂᖕᓂᖓ ᕉᑎᒥᒃ
1ᐳᐊᓯᓕ ᑲᑎᕕᐅᖃᑦᑕᖅᑐᒧᐊᖅᓗᓂ ᐃᒃᓯᕙᓕᖅᐳᖅ ᓄᓇᓕᑦ ᐃᑎᖅᑕᕐᕕᖓᓐᓂ; ᑕᕝᕙ ᐃᓔᒥᓕᑭᐅᑉ ᐃᓚᒋᔭᖏᑕ ᖃᓂᒋᓂᖅᐹᖓᑦ ᑕᕝᕗᓐᖓᖅᐳᖅ ᐳᐊᓯᐅᑉ ᐅᖃᐅᓯᕆᓚᐅᖅᑕᖓ ᑖᓐᓇ ᕉᑎᒧᑦ. ᐳᐊᓯᐅᑉ ᐅᖃᐅᑎᕚ, “ᕾᓚᐅᕆᑦ ᐃᖏᓪᓗᑎᑦ ᐅᖃᖃᑎᒌᓚᐅᖅᓗᒃ.” ᑕᕝᕙ ᐳᐊᓯᒧᐊᖅᐳᖅ ᐃᒃᓯᕙᖃᑎᒋᓕᖅᓗᒍᓗ. 2ᑕᕝᕙ ᐳᐊᓯ ᑕᕝᕙᓂ ᓄᓇᓕᖕᓂ ᐊᖓᔪᖅᑳᓂᒃ ᕾᖁᔨᕗᖅ 10ᓂᒃ ᐅᖃᖃᑎᒋᔪᒪᓪᓗᒋᑦ ᐃᒃᓯᕙᖁᕔᑦ, ᑕᕝᕙᓂ ᐃᒃᓯᕙᓕᕐᖕᒪᑕ. 3ᐳᐊᓯᐅᑉ ᑭᖑᕚᖑᖃᑎᒥᒍᑦ ᐃᓚᒋᔭᓂ ᐅᖃᐅᑎᕚ, “ᓁᐅᒥ ᐅᑎᖅᓯᒪᓕᕋᒥ ᒧᐊᐱᒥᐅᓂᑦ, ᐃᓚᒋᓚᐅᖅᑕᑦᑕ ᐃᓔᒥᓕᑭᐅᑉ ᐱᕈᖅᓰᕕᖁᑎᖓᓂᒃ ᓂᐅᕐᕈᑎᖃᕈᒪᓕᕐᖕᒪᑦ. 4ᑕᒪᓐᓇ ᐃᓕᖕᓄᑦ ᖃᐅᔨᔭᐅᔭᕆᐊᖃᕋᓱᒋᒐᒃᑯ, ᐱᔪᒪᑐᐊᕈᕕᐅᒃ ᓂᐅᕕᐊᕆᔪᓐᓇᕋᕕᐅᒃ ᐅᑯᐊ ᓄᓇᓕᖕᓂ ᐊᖓᔪᖅᑳᑦ ᑕᒃᑯᐊᓐᓂ. ᓂᐅᕕᐊᕆᔪᓐᓇᖏᒃᑯᕕᐅᒡᓕ ᐅᖃᑦᓯᐊᖁᕙᒋᑦ ᐱᐅᓯᕗᑦ ᒪᓕᒡᓗᒋᑦ ᐃᕝᕕᑦ ᓯᕗᓪᓕᐅᔭᕆᐊᖃᕋᕕᑦ, ᐱᔪᓐᓇᖏᒃᑯᕕᓪᓕ ᐅᕙᖓ ᓂᐅᕕᐊᕆᔭᕆᐊᖃᕋᔭᕋᒃᑯ.”
ᑖᓐᓇ ᐊᖑᑦ ᐅᖃᖅᐳᖅ, “ᓂᐅᕕᐊᕆᓂᐊᓕᖅᐸᕋ.”
5ᑕᕝᕙ ᐳᐊᓯ ᐅᖃᖅᐳᖅ, “ᑕᒪᓐᓇ ᓈᒻᒪᑦᓯᐊᖅᐳᖅ ᑖᓐᓇ ᐱᕈᖅᓰᕕᒃ ᓂᐅᕕᐊᕆᒍᕕᐅᒃ ᓁᐅᒥᒥᑦ, ᖃᐅᔨᒪᖁᕙᒋᑦ ᕉᑎ ᐅᐃᒡᒐᕐᖕᓂᐅᔪᖅ ᐱᖃᓯᐅᑎᔭᕆᐊᖃᕐᖕᓂᐊᕋᕕᐅᒃ ᒧᐊᐱᒥᐅᑕᖅ, ᐃᓚᒋᓚᐅᖅᑕᑦᑕ ᓄᓕᐊᕕᓂᖓ, ᑖᓐᓇ ᐱᕈᖅᓰᕕᒃ ᐃᓚᒋᓚᐅᖅᑕᖏᓐᓂᑦ ᐊᑎᖏᓐᓄᓪᓗ ᑭᖑᕐᖑᑎᔭᐅᑦᓯᐊᖁᓪᓗᒍ.”
6ᐊᖑᑎᐅᑉ ᑭᐅᕚ, “ᑍᒤᓕᖓᓂᐊᑐᐊᖅᐸᑦ ᓯᕗᓪᓕᐅᔭᕆᐊᖃᕐᖕᓂᕋ ᐂᑑᑎᒋᖔᖅᐸᕋ ᐃᓕᖕᓄᑦ, ᓂᐅᕕᐊᕆᑐᐊᕈᒃᑯ ᕿᑐᕐᖓᒃᑲ ᑭᖑᕚᒃᑲᓗ ᑖᑦᓱᒥᖓ ᐱᕈᖅᓰᕕᖕᒥᒃ ᑭᖑᕐᖑᑦᔨᔪᓐᓇᑦᔮᖏᒻᒪᑕ, ᐃᕝᕕᑦ ᓂᐅᕕᐊᕆᓕᕈᒃ, ᓂᐅᕕᐊᕆᔪᓐᓇᖏᓐᓇᒃᑯ.” 7#ᒨᓯᓯ ᑕᓪᓕᒪᖏᑦ 25:9.ᑍᑦᓱᒪᓂᐅᑎᓪᓗᒍ ᐱᐅᓯᖃᖅᐸᓚᐅᕐᖕᒪᑕ ᓂᐅᕕᖃᑦᑕᐅᑎᑐᐊᕈᑎᒃ ᐅᕝᕙᓘᓐᓃᑦ ᓱᓇᑐᐃᓐᓇᒥᒃ ᑕᐅᖅᓰᖃᑦᑕᐅᑎᓪᓗᑎᒃ ᓇᓗᓁᑯᑦᓯᖅᓯᕙᓚᐅᖅᐳᑦ ᐃᒫᒃ: ᑖᓐᓇ ᓂᐅᕕᖅᑎᑦᓯᔪᖅ ᑕᐅᖅᓰᔪᖅᓘᓐᓃᑦ ᐃᑎᒐᒍᑎᒥᓂᒃ ᐲᖅᓯᓪᓗᓂ ᓂᐅᕕᖅᑐᒧᑦ ᑐᓂᓯᔭᕆᐊᖃᖅᐸᒡᓗᑎᒃ, ᑍᒤᓕᑐᐊᕌᖓᑕ ᑕᕝᕙ ᐃᓴᕆᐊᓕᒥᐅᑦ ᓇᓗᓁᖅᓯᕙᓚᐅᖅᐳᑦ ᑕᒪᓐᓇ ᐋᖅᑭᒐᓱᐊᖅᑕᖓᑦ ᐊᖏᖃᑎᒌᒍᑕᐅᔭᕇᕐᖕᓂᖓᓂᒃ.
8ᑖᓐᓇᓕ ᐊᖑᑦ ᐳᐊᓯᒧᑦ ᐅᖃᕋᒥ, “ᐃᕝᕕᑦ ᓂᐅᕕᐊᕆᓕᕈᒃ.” ᐃᑎᒐᒍᑎᓂ ᐲᖅᐹ ᑐᓂᓪᓗᓂᐅᒡᓗ. 9ᐳᐊᓯᓗ ᑖᒃᑯᓄᖓ ᑲᑎᒪᖃᑕᐅᔪᓄᑦ ᐊᖓᔪᖅᑳᓄᑦ ᐃᓚᖏᓐᓄᓪᓗ ᐅᖃᖅᐳᖅ, “ᐃᓕᑦᓯ ᖃᐅᔨᒪᓂᐊᓕᖅᐳᓯ ᐅᓪᓗᒥ ᓁᐅᒥᒥᑦ ᓂᐅᕕᕋᒪ ᐃᓔᒥᓕᑭᒧᑦ ᑐᕌᖓᓚᐅᖅᑐᓕᒫᓂᒃ, ᐃᕐᖕᓂᖏᓐᓄᓪᓗ ᓯᓕᐅᓂᒧᑦ ᒪᕼᐊᓚᓂᒧᓪᓗ. 10#ᒨᓯᓯ ᑕᓪᓕᒪᖏᑦ 25:5,6.ᐊᒻᒪᓗ, ᕉᑎ ᐱᖃᓯᐅᑎᓪᓗᒍ ᒧᐊᐱᒥᐅᑕᖅ ᒪᕼᐊᓚᓂᐅᑉ ᓄᓕᐊᕆᓚᐅᖅᑕᖓ ᓄᓕᐊᖅᑖᕆᔭᕆᐊᖃᓕᕋᒃᑯ, ᑍᒤᑐᐊᖅᐸᑦ ᑖᓐᓇ ᐱᕈᖅᓰᕕᒃ ᑍᒃᑯᓄᖓ ᐃᓚᒋᓚᐅᖅᑕᑦᑎᓐᓄᑦ ᑐᕌᖎᓐᓇᕐᖕᓂᐊᕐᖕᒪᑦ, ᐊᑎᖓᑕᓗ ᐃᓚᒌᖕᓂᖏᑕ ᑭᖑᕚᕇᖕᓂᖓᓂ ᑲᔪᓰᓐᓇᕈᓐᓇᕐᖕᓂᐊᕐᖕᒪᑦ ᓄᓇᑐᖃᖏᓪᓗ. ᑕᒪᑐᒥᖓ ᐃᓕᑦᓯ ᐅᓪᓗᒥ ᖃᐅᔨᒪᑦᔪᑕᐅᓂᐊᖅᐳᓯ.”
11 #
ᒨᓯᓯ ᓯᕗᓪᓖᑦ 29:31. ᑖᒃᑯᐊ ᐊᖓᔪᖅᑳᑦ ᐊᓯᖏᓪᓗ ᐅᖃᖅᐳᑦ, “ᐃᓛᒃ ᑕᒪᑐᒥᖓ ᖃᐅᔨᓯᒪᓂᐊᖅᐳᒍᑦ, ᑐᒃᓯᐊᖅᐳᒍᓪᓗ ᐊᑕᓂᕐᖕᒧᑦ ᑖᓐᓇ ᓄᓕᐊᑖᕆᓂᐊᖅᑍᑦ ᓲᕐᓗ ᕅᒋᓕᑐᑦ ᓕᐊᑐᓪᓗ ᐱᖁᓪᓗᒍ, ᑖᒃᑯᐊᒃ ᕿᑐᕐᖏᐅᓚᐅᕐᖕᒪᑎᒃ ᔧᑯᒃᑯᑦ; ᐊᔪᖅᓴᖏᑦᓯᐊᖁᕙᑦᑎᒋᑦ ᐃᐸᕋᑕᐅᑉ ᑭᖑᕚᕇᖑᖃᑎᒌᖏᓐᓂ ᐃᖅᑲᐅᒪᔭᐅᑦᓯᐊᖁᓪᓗᑎᓪᓗ ᐱᑦᓕᐊᒥ. 12#ᒨᓯᓯ ᓯᕗᓪᓖᑦ 38:27-30.ᕿᑐᕐᖓᑎᓪᓗ ᐊᑕᓂᐅᑉ ᑐᓂᓂᐊᖅᑕᖏᑦ ᐃᓕᖕᓄᑦ ᑖᑦᓱᒨᓇ ᐊᕐᖕᓇᒃᑯᑦ ᑍᑦᓱᑐᓇᐅᓚᐅᖅᑐᖅ ᐱᕆᔨᐅᑉ ᕿᑐᕐᖓᖃᕐᖕᓂᖏᑎᑐᑦ ᐱᖁᕙᑦᑎᒋᑦ ᔫᑕᐅᑉ ᑕᒫᕆᐅᓪᓗ ᐃᕐᖕᓂᖓᑎᑐᑦ.”
ᐳᐊᓯᐅᑉ ᑭᖑᕚᖏᓪᓗ ᑍᕕᑎᒧᑦ ᑎᑭᓪᓗᒍ
13ᑕᕝᕙ ᐳᐊᓯᐅᑉ ᕉᑎ ᐊᖏᕐᕋᐅᑎᕚ ᓄᓕᐊᖅᑖᕆᓪᓗᓂᐅᒃ; ᐱᖃᑎᒋᓕᕐᖕᒪᒍᓗ, ᐊᑕᓂᐅᑉ ᓮᒻᒪᖅᑎᐹᒃ ᕉᑎ ᓄᑕᕋᒃᓴᖅᑖᓚᐅᕐᖕᒪᑦ, ᐃᕐᖕᓂᖅᑖᖅᓗᓂᓗ. 14ᐊᕐᖕᓁᓪᓗ ᐱᑦᓕᐊᒥᐅᑦ ᓁᐅᒥ ᐅᖃᐅᑎᕚᑦ, “ᐊᑕᓂᖅ ᓂᖅᑐᓚᐅᖅᓚᕗᑦ ᐅᓪᓗᒥ ᐃᕐᖑᑕᖅᑖᖅᑎᒻᒪᑎᑦ ᐊᖑᑎᑯᓗᖕᒥᒃ ᐃᑲᔪᖅᑎᒋᓂᐊᖅᑕᕐᖕᓂᒃ, ᑖᓐᓇᓗ ᐊᖑᑎᑯᓗᒃ ᐃᖅᑲᐅᒪᔭᐅᓂᖃᑦᓯᐊᖁᕙᕗᑦ ᐃᓴᕆᐊᓕᒥᐅᓄᑦ. 15ᐅᑯᐊᕕᑦ ᓇᒡᓕᒋᒐᒥᑎᑦ, ᐊᒡᓛᑦ ᐃᕐᖕᓂᖃᕋᔭᕈᕕᑦ 7ᓂᒃ ᐃᑲᔪᕐᖕᓂᖅᓴᕆᕚᑎᑦ, ᒫᓐᓇᓕ ᐃᕐᖑᑕᖅᑖᖅᑎᒻᒪᑎᑦ ᐊᖑᑎᑯᓗᖕᒥᒃ, ᐃᓕᖕᓂᒃ ᐋᖅᑭᒃᓯᒃᑲᓐᓂᕐᖕᓂᐊᖅᑐᒥᒃ ᐃᓄᑐᖃᐅᓕᖅᑎᓪᓗᑎᓪᓗ ᐰᕆᔨᒋᓂᐊᖅᑕᕐᖕᓂᒃ.” 16ᓁᐅᒥᐅᓪᓗ ᐃᕐᖑᑕᓂ ᑎᒍᓪᓗᒍ ᓴᖅᓕᐊᓕᖅᐹ, ᐃᕿᓪᓗᒍᓗ ᐰᕆᓕᖅᐹ.
17ᐊᕐᖕᓇᐅᖃᑎᖏᓐᓂᓪᓗ ᐊᑎᖅᑖᖅᑎᑕᐅᕗᖅ ᐅᐱᑎᒥᒃ, ᐅᖃᐅᑦᔨᓕᖅᓗᑎᒡᓗ, “ᓁᐅᒥ ᐊᖑᑎᑯᓗᖕᒥᒃ ᐃᕐᖑᑕᖃᓕᕐᖕᒪᑦ.”
ᑖᓐᓇ ᐅᐱᑎ ᐃᕐᖕᓂᖅᑖᓚᐅᖅᐳᖅ ᔨᓯᒥᒃ, ᑍᕕᑎᐅᑉ ᐊᑖᑕᒋᓚᐅᖅᑕᖓᓂᒃ.
18ᑖᒃᑯᐊ ᑕᕝᕙ ᐱᕆᔾᒥᑦ ᑍᕕᑎᒧᑦ ᑎᑭᓪᓗᒋᑦ ᑭᖑᕚᕇᑦ ᐃᒤᓕᖓᕗᑦ: ᐱᕆᔾ ᐃᕐᖕᓂᖃᓚᐅᖅᐳᖅ ᕼᐃᔅᕋᓐᒥᒃ; 19ᕼᐃᔅᕋᓐᓗ ᐃᕐᖕᓂᖅᑖᖅᐳᖅ ᕌᒥᒥᒃ, ᕌᒥᓗ ᐃᕐᖕᓂᖅᑖᖅᐳᖅ ᐊᒥᓇᑕᐱᒥᒃ; 20ᐊᒥᓇᑕᐱᓗ ᐃᕐᖕᓂᖅᑖᖅᐳᖅ ᓈᓲᓐᒥᒃ, ᓈᓱᓐᓗ ᐃᕐᖕᓂᖅᑖᖅᐳᖅ ᓵᓪᒪᓂᒥᒃ; 21ᓵᓪᒧᓂᓗ ᐃᕐᖕᓂᖅᑖᖅᐳᖅ ᐳᐊᓯᒥᒃ, ᐳᐊᓯᓗ ᐃᕐᖕᓂᖅᑖᖅᐳᖅ ᐅᐱᑎᒥᒃ; 22ᐅᐱᑎᓗ ᐃᕐᖕᓂᖅᑖᖅᐳᖅ ᔨᓯᒥᒃ, ᔨᓯᓗ ᐃᕐᖕᓂᖅᑖᖅᐳᖅ ᑍᕕᑎᒥᒃ.
Currently Selected:
ᕉᑎᐅᑉ ᐅᓂᒃᑲᐅᓯᓂᖓ 4: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.