ᕉᑎᐅᑉ ᐅᓂᒃᑲᐅᓯᓂᖓ 2
2
ᕉᑎᐅᑉ ᑲᑎᖅᓱᐃᓂᖓ ᓂᕿᒃᓴᒥᓂᒃ ᐳᐊᓯᐅᑉ ᐱᕈᖅᓰᕕᖁᑎᖓᓂ
1ᓁᐅᒥᓕ ᐃᓚᖃᓚᐅᖅᐳᖅ ᐊᖑᒻᒥᒃ ᐊᔪᖅᓴᖏᑦᑑᓪᓗᓂᓗ ᐅᐱᒋᔭᐅᔪᒥᒃ ᐃᓔᒥᓕᑭᒃᑯᑦ ᐃᓚᒋᔭᖓᓐᓂᒃ. ᑖᓐᓇᓗ ᐊᑎᖃᖅᐳᖅ ᐳᐊᓯᒥᒃ. 2#ᒨᓯᓯ ᐱᖓᔪᖏᑦ 19:9,10; ᒨᓯᓯ ᑕᓪᓕᒪᖏᑦ 24:19.ᑍᑦᓱᒪᓂ ᕉᑎ ᒧᐊᐱᒥᐅᑕᖅ ᐅᖃᖅᐳᖅ ᓁᐅᒥᒧᑦ, “ᐱᕈᖅᓰᕕᖕᒥᑦ ᑲᑎᑦᓯᔭᖅᑐᕈᒪᒐᒪ ᓂᕿᒃᓴᑦᑎᓐᓂᒃ ᑲᑎᖅᓱᐃᔪᑦ ᐱᖏᓐᓂᑯᖏᓐᓂᒃ, ᓇᓗᓇᓐᖏᓚᖅ ᑲᑎᖅᓱᐃᔪᑦ ᓇᓪᓕᐊᓐᓂᑦ ᖁᕕᐊᒋᔭᐅᓗᖓ ᑲᑎᑦᓯᑎᑕᐅᔪᓐᓇᕐᖕᓂᐊᖅᑐᖓ.”
ᓁᐅᒥᐅᑉ ᑭᐅᕚ, “ᐊᑏ ᐱᕈᖅᓰᕕᖕᒧᐊᓕᕆᑦ.”
3ᑕᕝᕙ ᕉᑎ ᐂᓕᖅᐳᖅ, ᐱᕈᖅᓰᕕᖕᒧᐊᕋᒥ ᑲᑎᖅᓱᐃᔪᑦ ᑭᖑᓂᖓᓐᓂ ᒪᓕᒡᓗᓂ ᑲᑎᖅᓱᐃᓕᖅᐳᖅ ᐱᔭᐅᖏᑦᑐᓂᒃ. ᖃᐅᔨᒪᓇᓂᓕ ᐳᐊᓯᐅᑉ ᐱᕈᖅᓰᕕᖓ ᓇᓚᐅᓐᓂᖅᓗᓂᐅᒃ, ᐃᓔᒥᓕᑭᐅᑉ ᐃᓚᒋᔭᖓᑕ.
4ᑕᒪᑐᒪ ᑭᖑᓂᖓᒍᑦ ᑕᑯᒋᑦ ᐳᐊᓯ ᐱᑦᓕᐊᒥᖔᖅᐳᖅ, ᐅᖃᖅᓗᓂᓗ ᑲᑎᖅᓱᐃᔨᖁᑎᒥᓄᑦ, “ᐊᑕᓂᐅᑉ ᐃᓚᒋᓕᓯ.”
ᑖᒃᑯᐊᓗ ᑭᐅᕗᑦ, “ᐊᑕᓂᐅᑉ ᓮᒻᒪᖅᑎᓪᓕᑎᑦ!”
5ᑕᕝᕙ ᐳᐊᓯ ᐊᐱᕆᓕᖅᐳᖅ ᑲᑎᖅᓱᐃᔪᓄᑦ ᐊᖓᔪᖅᑳᕆᔭᐅᑎᑕᒥᓄᑦ, “ᐊᕐᖕᓇᕐᖑᓇ ᐅᕕᒃᑲᖅ ᑭᓇᒃᑯᓐᓂᓐᖔᖅᓯᒪᔪᖅ?”
6ᐊᖓᔪᖅᑳᕆᔭᐅᑎᑕᖓᑕ ᑭᐅᕚ, “ᐅᓇ ᓄᓇᖃᑎᒋᓐᖏᑕᕗᑦ ᒧᐊᐱᒥᐅᑕᖅ ᓁᐅᒥᐅᑉ ᑎᑭᖃᑎᒋᓚᐅᖅᑕᖓ ᓄᓇᒥᑦ ᒧᐊᐱᒥᑦ. 7ᐊᐱᕆᖅᑲᐅᖕᒪᖓ ᑭᖑᓂᑦᑎᓐᓂ ᒪᓕᒍᓐᓇᕐᖕᒪᖔᕐᖕᒥ ᑲᑎᖅᓱᐃᓗᓂ ᓂᕿᒃᓴᒥᓂᒃ, ᐅᓪᓛᓂᓄᓇ ᒫᓐᓇᒧᑦ ᓄᖅᑲᓚᐅᖏᑦᑐᖅ, ᒫᓐᓇ ᑭᓯᐊᓂ ᑕᕾᖅᓯᓕᑍᓐᓇᖅᑐᖅ.”
8ᑕᕝᕙ ᐳᐊᓯᐅᑉ ᕉᑎ ᐅᐸᒡᓗᒍ ᐅᖃᐅᑎᕚ, “ᖃᐅᔨᒪᖁᕙᒋᑦ ᐅᕙᓐᖓᑦ ᐱᕈᖅᓰᕕᖕᒥᑦ ᓅᑦᑍᓕᒋᑦ ᐊᓯᐊᓄᑦ, ᐅᑯᐊᓕ ᐊᕐᖕᓁᑦ ᑭᖑᓂᖓᓂ ᑲᑎᖅᓱᐃᓕᕆᑦ ᓇᖕᒥᓂᖅ ᓂᕿᒃᓴᕐᖕᓂᒃ. 9ᖃᐅᔨᓴᖅᓗᒋᓪᓗ ᓇᓂ ᑲᑎᖅᓱᐃᖕᒪᖔᑕ ᒪᓖᓐᓇᕐᖕᓂᐊᖅᐸᑎᑦ, ᑭᓪᓗᐃᔨᖁᑎᒃᑲ ᐊᖑᑎᑦ ᐅᖃᐅᑎᖃᐅᕙᒃᑲ ᐊᒡᕕᐊᖅᑕᐅᖁᓇᒃ, ᐃᒥᕈᓕᕌᖓᕕᓪᓗ, ᐃᒥᕆᐊᖅᑐᖃᑦᑕᕆᑦ ᑲᑎᖅᓱᐃᔪᑦ ᐃᒥᕐᕕᒋᖃᑦᑕᖅᑕᖓᓐᓂᑦ.”
10ᕉᑎᓗ ᓰᖅᑯᖅᓗᓂ ᐅᑯᕗᖅ ᓄᓇ ᐊᒃᑐᖅᓗᓂᐅᒃ ᖃᐅᕐᖕᒥᓄᑦ, ᐅᖃᖅᓗᓂᓗ, “ᖃᓄᐃᒻᒪᑦ ᐱᑦᓯᐊᕋᓱᐊᖅᐱᖔ? ᐃᒃᐱᒋᔭᒃᓴᐅᒐᒫ? ᑕᑯᒋᑦ ᓄᓇᖃᑎᒋᔭᐅᖏᑦᑐᖓ.”
11ᐳᐊᓯᐅᑉ ᑭᐅᕚ ᐅᖃᖅᓗᓂᓗ, “ᑕᒤᓐᓂᒃ ᐅᖃᐅᑦᔭᐅᓚᐅᕋᒪ ᓴᑭᖕᓂᒃ ᑲᒪᑦᓯᐊᖃᑦᑕᕐᖕᓂᕐᖕᓂᒃ ᑍᒪᓐᖓᓂᑦ ᐅᐃᕕᑦ ᑐᖁᓂᖓᑕ ᑭᖑᓂᖓᓂ, ᖃᐅᔨᒪᓪᓗᖓᓗ ᐊᖓᔪᖅᑳᑎᑦ ᑕᒪᕐᖕᒥᒃ ᕿᒪᒃᓯᒪᓕᕋᕕᒋᑦ ᓄᓇᓗ ᐃᓅᕕᒋᓯᒪᔧᑦ, ᐃᓄᖕᓄᓪᓗ ᑎᑭᓯᒪᓕᖅᓗᑎᑦ ᓯᕗᓂᖓᒍᑦ ᖃᐅᔨᒪᓚᐅᖅᓯᒪᓐᖏᑕᕐᖕᓄᑦ. 12ᐊᑕᓂᐅᑉ ᐊᑭᓕᖅᓕᑎᑦ ᐱᓇᓱᐊᕐᖕᓂᕆᓯᒪᔭᕐᖕᓄᑦ, ᐱᑦᓯᐊᕐᖕᓂᕆᓯᒪᔧᓪᓗ ᐊᑕᖏᖅᓗᒍ ᐃᓗᐃᑦᑐᒥᒃ ᐊᑭᓕᖅᑕᐅᖁᓪᓗᒍ ᐃᓴᕆᐊᓕᒥᐅᑦ ᐊᑕᓂᖓᓄᑦ ᒎᑎᖓᓄᓪᓗ, ᑖᑦᓱᒧᖓ ᓴᐳᑦᔨᔨᒋᔪᒪᓯᒪᓕᖅᑕᕐᖕᓄᑦ.”
13ᑕᕝᕙ ᕉᑎᐅᑉ ᑭᐅᕚ, “ᐊᖓᔪᖅᑳᕋ; ᐅᕙᓐᓄᑦ ᐱᑦᓯᐊᖅᑐᐊᓘᕗᑎᑦ ᓯᕘᕋᔪᓐᓃᖅᑎᓐᓇᕕᖓ ᐅᖃᐅᑦᔨᑦᓯᐊᕐᖕᓂᒃᑯᑦ, ᑲᑎᖅᓱᐃᔨᖁᑎᒃᑐᑦ ᑍᒤᑦᑑᑎᓐᓇᖓ.”
14ᓂᕆᓐᓇᖅᓯᖕᒪᑦ ᐳᐊᓯᐅᑉ ᕉᑎ ᑐᓐᖓᓴᖅᐹ, ᓂᐊᖂᔭᖅᑐᖁᓪᓗᓂᐅᒃ ᒥᓱᒃᐸᒡᓗᒍ ᐸᐅᕐᖎᑦ ᐃᑦᑎᖓᓄᑦ, ᐃᒃᓯᕙᖃᑕᐅᓕᕐᖕᒪᓪᓗ ᐃᖅᑲᓁᔭᖅᑎᖁᑎᖏᓐᓄᑦ, ᐳᐊᓯᐅᑉ ᓂᐊᖂᔭᒃᓴᓂᒃ ᐃᒐᒧᑦ ᐆᓯᒪᔪᓂᒃ ᑐᓂᓯᕕᒋᕚ. ᕉᑎᓗ ᓂᕆᓕᕋᒥ ᐊᕿᐊᑦᑐᑦᓯᐊᖅᐳᖅ ᐊᒥᐊᒃᑯᒻᒪᕆᒡᓗᓂ.
15ᕉᑎᓕ ᐱᕈᖅᓰᕕᖕᒧᐊᕐᖕᒥᖕᒪᑦ ᑲᑎᑦᓯᔭᖅᑐᖅᓗᓂ ᓂᐊᖂᔭᒃᓴᓂᒃ: ᐳᐊᓯᐅᑉ ᑲᑎᖅᓱᐃᔨᖁᑎᓂ ᐊᖑᑎᑦ ᐅᖃᐅᑎᕔᑦ, “ᐃᓱᒪᖅᓱᖅᓗᓂ ᕉᑎ ᑲᑎᑦᓯᓚᐅᕐᓕ ᑲᑎᑦᓴᕇᖅᓯᒪᔪᓪᓘᓐᓃᑦ ᐊᑯᕐᖓᓐᓂᑦ ᐱᒐᓗᐊᖅᐸᑦ ᓱᖁᑎᒋᔭᐅᑦᑍᓕᓂᐊᖅᐳᖅ. 16ᐊᒻᒪᓗ ᓇᑲᑎᕇᖅᓯᒪᔪᑦ ᐃᓚᖓᓐᓂᒃ ᐊᒥᐊᒃᑯᖃᑦᑕᕐᖕᓂᐊᖅᐳᓯ ᕉᑎᐅᑉ ᑎᒍᖃᑦᑕᕐᖕᓂᐊᖕᒪᒋᑦ, ᐃᓂᖅᑎᖅᑕᐅᑦᑍᓕᓂᐊᖅᐳᖅ.”
17ᑕᕝᕙ ᕉᑎ ᑲᑎᑦᓯᓚᐅᖅᐳᖅ ᐱᕈᖅᓰᕕᖕᒥ ᐅᓐᓄᖕᒪᑦ ᑭᓯᐊᓂ ᓄᖅᑲᑍᓐᓇᖅᓗᓂ, ᑲᑎᑕᓂᓕ ᐊᓇᐅᓕᖅᓗᒋᑦ ᓂᐊᖂᔭᒃᓮᑦ ᐲᔭᕋᒥᒋᑦ ᐅᖁᒤᓐᓂᖃᓕᓚᐅᖅᐳᖅ 25ᐸᐅᓐ ᖃᓂᒋᔭᓂ. 18ᑖᒃᑯᐊᓗ ᑲᑎᓚᐅᖅᑕᓂ ᐊᖏᕐᕋᐅᑎᕔᑦ ᐃᒡᓗᒐᓴᖕᓄᑦ, ᓴᑭᖓᑕᓗ ᑕᑯᕔᑦ ᑲᑎᑕᕕᓂᖏᑦ. ᓴᑭᓂᓗ ᒥᓇᖅᐹ ᓂᕆᓪᓗᑎᒃ ᐊᒥᐊᒃᑯᒋᓚᐅᖅᑕᒥᓂᒃ. 19ᓁᐅᒥᐅᓪᓗ ᐊᐱᕆᕚ, “ᓇᑭᓄᑯᐊ ᓂᐊᖂᔭᒃᓮᑦ ᐅᓪᓗᒥ ᑲᑎᑕᕕᓂᖅᑏᑦ? ᑭᐊᓗ ᐱᕈᖅᓰᕕᖁᑎᖓᓂᑦ ᑲᑎᑦᓯᔪᓐᓇᖅᑎᑕᐅᓐᓂᖅᐲᑦ? ᐱᕈᖅᓰᕕᖁᑎᓕᒃ ᑍᓐᓇ ᒎᑎᒧᑦ ᐱᑦᓯᐊᕐᕕᐅᖁᕙᕋ ᐃᓕᖕᓂᒃ ᐱᔪᓐᓇᖅᑎᑦᓯᓚᐅᖅᑐᖅ.”
ᕉᑎᐅᓪᓕ ᓴᑭᓂ ᓁᐅᒥ ᐅᖃᐅᑎᕚ ᑲᑎᑦᓯᓚᐅᕐᖕᓂᕋᖅᓗᓂ ᐳᐊᓯᐅᑉ ᐱᕈᖅᓰᕕᖁᑎᖓᓂᑦ.
20 #
ᒨᓯᓯ ᐱᖓᔪᖏᑦ 25:25. ᑕᕝᕙ ᓁᐅᒥᐅᑉ ᐅᑯᐊᓂ ᐅᖃᐅᑎᕚ, “ᐊᑕᓂᖅ ᑐᒃᓯᐊᕐᕕᒋᕙᕋ ᐳᐊᓯ ᓮᒻᒪᖅᑎᑕᐅᖁᓪᓗᒍ, ᐊᑕᓂᖅ ᐊᖏᕈᑎᒋᓯᒪᔭᒥᓂᒃ ᐱᑦᓯᐊᕐᖕᓂᕐᖕᒥᓂᒡᓗ ᐳᐃᒍᓚᐅᖅᓯᒪᖏᒻᒪᑦ ᐃᓅᔪᓄᑦ ᑐᖁᖓᔪᓄᓪᓗ.” ᓁᐅᒥᓗ ᐅᖃᒃᑲᓐᓂᖅᐳᖅ, “ᑖᓐᓇ ᐳᐊᓯ ᐅᐃᒋᓚᐅᖅᑕᒪ ᑭᖑᕚᖑᖃᑎᖏᑕ ᐃᓚᒋᖕᒪᒍ, ᐅᕙᑦᑎᓐᓂᒃ ᐰᕆᒃᓯᒋᐊᖃᖅᑐᑦ ᐃᓚᖓᑦ.”
21ᑕᕝᕙ ᕉᑎ ᒧᐊᐱᒥᐅᑕᖅ ᐅᖃᖅᐳᖅ, “ᐊᒻᒪᑦᑕᐅᖅ ᐱᕈᖅᓰᕕᖕᒥᓂ ᑲᑎᑦᓰᓐᓇᖁᖅᑲᐅᕚᖓ ᐃᖅᑲᓁᔭᖅᑎᖁᑎᒥᓄᑦ ᐱᓇᓱᐊᖃᑕᐅᖁᓪᓗᖓ ᐱᕈᖅᑐᓂᒃ ᑲᑎᖅᓱᐃᔭᕇᓚᐅᖏᓐᓂᖏᓐᓂ.”
22ᓁᐅᒥᐅᑉ ᐅᑯᐊᓂ ᕉᑎ ᐅᖃᐅᑎᕚ, “ᐳᐊᓯᐅᑉ ᐱᕈᖅᓰᕕᖁᑎᖓᓃᖃᑕᐅᖏᓐᓇᕈᕕᑦ ᐊᕐᖕᓇᓂ ᐊᑲᐅᓂᖅᓴᐅᕗᖅ, ᓱᒃᑯᑕᐅᑐᐃᓐᓇᕆᐊᖃᕋᕕᑦ ᐱᕈᖅᓰᕕᐅᑉ ᐊᓯᐊᓄᑦ ᐱᓇᓱᐊᕆᐊᖅᑐᕋᓗᐊᕈᕕᑦ.” 23ᑍᒤᒻᒪᑦ ᕉᑎ ᑲᑎᑦᓯᖃᑕᐅᖏᓐᓇᓚᐅᖅᐳᖅ ᐱᕈᖅᑐᓂᒃ ᑲᑎᑦᓯᑎᓪᓗᒋᑦ ᐳᐊᓯᐅᑉ ᐱᓇᓱᐊᖅᑎᖏᓐᓄᑦ ᐊᕐᖕᓇᓄᑦ, ᐱᕈᖅᑐᑦ ᓂᕿᒃᓮᑦ ᓂᐊᖂᔭᒃᓮᓪᓗ ᑲᑎᑕᐅᔭᕇᓚᐅᖏᓐᓂᖏᓐᓂ; ᕉᑎᓗ ᓴᑭᒥᓃᖏᓐᓇᓚᐅᖅᐳᖅ ᐱᓇᓱᐊᖅᑎᓪᓗᒍ.
Currently Selected:
ᕉᑎᐅᑉ ᐅᓂᒃᑲᐅᓯᓂᖓ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.