ᒨᓯᓯ ᓯᑕᒪᖏᑦ 4
4
ᑯᕼᐋᑎᐅᑉ ᐃᕐᖕᓂᖏᑕ ᐱᔭᒃᓴᖏᑦ
1ᐊᑕᓂᖅ ᒨᓯᓯᒧᑦ ᐂᕉᓂᒧᓪᓗ ᐅᖃᖅᐳᖅ, 2“ᑯᕼᐋᑎᐅᑉ ᐃᕐᖕᓂᖏᑦ ᓈᓴᓚᐅᒃᑭᑦ ᓕᕔᑎᑦ ᑭᖑᕚᖏᓐᓂᑦ ᐱᓯᒪᔪᑦ, ᐃᓚᒌᑦ ᐃᓛᒃᑰᖅᑎᓪᓗᒋᑦ, ᓯᕗᓕᕕᓂᖏᑕᓗ ᐃᓚᒌᖕᓂᖏᑦ ᒪᓕᒡᓗᒋᑦ. 330ᓂᒃ ᐊᕐᕌᒍᓕᖕᓂᑦ ᐱᒋᐊᖅᓗᒋᑦ ᐊᖓᔪᒃᓰᓪᓗ 50ᓂᒃ ᐊᕐᕌᒍᓖᑦ ᑎᑭᓪᓗᒋᑦ, ᐱᔨᑦᓯᕐᖕᓂᕐᖕᒧᑦ ᐱᓇᓱᐊᕈᓐᓇᖅᑐᓕᒫᑦ ᑐᐱᕐᔪᐊᒥ ᑲᑎᒪᕕᖕᒥ. 4ᐃᒫᒃ ᑕᕝᕙ ᑯᕼᐋᑎᐅᑉ ᐃᕐᖕᓂᖏᑦ ᐱᔨᑦᓯᕐᖕᓂᐊᖅᐳᑦ ᑐᐱᕐᔪᐊᒥ ᑲᑎᒪᕕᖕᒥ, ᐃᑦᔪᕐᖕᓁᓐᓂᖅᐹᓂᒃ ᐱᓇᓱᐊᖅᑎᐅᓪᓗᑎᒃ.
5“ᐃᓅᖃᑎᒌᒡᔪᐊᑦ ᐊᐅᓪᓚᕐᖕᓂᐊᖅᓗᑎᒃ ᐸᕐᖕᓇᓕᕌᖓᑕ, ᐂᕉᓂ ᐃᕐᖕᓂᖏᓪᓗ ᐃᑎᖃᑦᑕᕐᖕᓂᐊᖅᐳᑦ ᐅᓕᒡᔪᐊᖅ ᑖᓗᑕᖅ ᐲᕆᐊᖃᖅᐹᑦ ᐃᒃᓯᕐᕕᒡᓗ ᐊᖏᕈᑎᑕᓕᒃ ᑖᑦᓱᒥᖓ ᐅᓕᒡᓗᒍ. 6ᐆᒪᔪᕕᓃᓪᓗ ᐹᑦᔪᕆᒥᒃ ᐊᑎᓖᑦ ᐊᒥᖏᓐᓂᒃ ᐅᓕᓕᐊᕆᓯᒪᔪᓂᒃ ᐅᓕᒡᓗᒍ, ᖄᓕᒫᖓᓗ ᐅᓕᒡᓗᒍ ᖃᓪᓗᓈᖅᑕᒥᒃ ᑐᖑᔪᖅᑐᒥᒃ; ᐊᑭᕋᐅᑎᖏᓪᓗ ᑕᑭᔪᑦ ᐃᓕᓗᒋᑦ.
7“ᓂᕐᕆᕕᒃ ᓂᐊᖂᔭᓂᒃ ᑕᑯᔭᒃᓴᖃᕐᕕᒃ ᐅᓕᒃᑕᒃᓴᕆᕚᑦ ᖃᓪᓗᓈᖅᑕᒥᒃ ᑐᖑᔪᖅᑐᒥᒃ, ᖄᖓᓄᓪᓗ ᐃᓕᓗᒋᑦ ᐴᒍᑍᓪᓗ ᐸᓕᐊᓪᓗ, ᐅᐊᓴᕐᕖᓪᓗ ᐃᒪᖃᐅᑏᓪᓗ; ᓂᐊᖂᔧᓪᓗ ᑕᑯᔭᒃᓮᑦ ᖄᖓᓄᑦ ᐃᓕᓗᒋᑦ. 8ᑖᒃᑯᐊ ᖄᖓᒍᑦ ᐅᓕᒋᐊᖃᖅᐰᑦ ᖃᓪᓗᓈᖅᑕᒥᒃ ᐊᐅᐸᓪᓚᕆᒃᑐᒥᒃ, ᖄᖓᒍᓪᓗ ᐅᓕᒡᓗᒋᑦ ᐆᒪᔪᐃᑦ ᐹᑦᔪᕆᒥᒃ ᐊᑎᓖᑦ ᐊᒥᖏᓐᓂᒃ; ᐊᑭᕋᐅᑎᖏᓪᓗ ᑕᑭᔪᑦ ᐃᓕᓗᒋᑦ.
9“ᖃᓪᓗᓈᖅᑕᒥᒃ ᑐᖑᔪᖅᑐᒥᒃ ᐱᔭᕆᐊᖃᖅᐳᑦ ᓇᓂᕈᐊᒃᑯᕖᓪᓗ ᖃᐅᒻᒪᖅᑯᑎᖃᕐᕖᑦ ᐅᓕᒡᓗᒋᑦ, ᖃᐅᒻᒪᖅᑯᑏᑦ ᐊᑕᓗᑎᒃ, ᒪᓂᖓᑕᓗ ᐋᖅᑭᒋᐊᕈᑎᖏᑦ ᐱᖃᓯᐅᑎᓗᒋᑦ, ᐊᓪᓕᕋᖏᓪᓗ, ᐅᖅᓱᖃᕐᕕᓕᒫᖏᓪᓗ, ᐅᖅᓴᒃᓴᕆᐊᖃᖃᑦᑕᖅᑕᑎᒃ. 10ᐅᓖᑦ ᐆᒪᔪᑦ ᐹᑦᔪᕆᐅᑉ ᐊᒥᖏᑕ ᖄᖏᓐᓄᑦ ᐃᓕᔭᕆᐊᖃᖅᐰᑦ ᓱᓇᒃᑯᑖᖏᓪᓗ, ᐃᓕᓗᒋᓪᓗ ᐊᑭᕋᐅᑎᖏᖕᓄᑦ.
11“ᑐᓂᕐᕈᓯᕐᕕᒃ ᒎᓘ ᐅᓕᒋᐊᖃᖅᐹᑦ ᖃᓪᓗᓈᖅᑕᒥᒃ ᑐᖑᔪᖅᑕᒥᒃ, ᖄᖓᒍᑦ ᐆᒪᔪᐃᑦ ᐹᑦᔪᕆᑦ ᐊᒥᖏᓐᓂᒃ ᐅᓕᒡᓗᒋᑦ; ᐊᑭᕋᕐᕕᖏᓪᓗ ᑕᑭᔪᑦ ᐃᓕᓗᒋᑦ. 12ᓱᓇᒃᑯᑖᓪᓗ ᐃᑦᔪᕐᖕᓁᑦᑐᕕᖕᒥ ᐱᔨᑦᓯᕐᖕᓂᕐᖕᒧᑦ ᐊᑐᖅᑕᐅᓲᑦ, ᖃᓪᓗᓈᖅᑕᒧᑦ ᑐᖑᔪᖅᑐᒧᑦ ᐴᖅᓗᒋᑦ, ᐅᓕᒡᓗᒋᓪᓗ ᐆᒪᔪᐃᑦ ᐹᑦᔪᕆᑦ ᐊᒥᖏᓐᓄᑦ, ᐊᑭᕋᐅᑎᒧᓪᓗ ᐃᓕᓗᒋᑦ. 13ᐊᕐᔭᓕᓃᓪᓗ ᑐᓂᕐᕈᓯᕐᕕᐅᑉ ᖄᖓᓂᑦ ᐲᔭᖅᑕᐅᔭᕆᐊᖃᖅᐳᑦ, ᐅᓕᒡᓗᒍᓗ ᐊᐅᐸᓪᓚᕆᒃᑐᒥᒃ. 14ᖄᖓᓄᓗ ᐃᓕᓗᒋᑦ ᓱᓇᒃᑯᑖᑦ ᑕᕝᕙᓂ ᐱᔨᑦᓯᖅᑐᒧᑦ ᐊᑐᖅᑕᐅᓲᑦ ᐊᓪᓕᕅᓪᓗ ᐃᑯᒪᔪᒃᑯᕖᑦ, ᓂᕿᒥᒡᓗ ᑲᐳᒻᒥᑖᕈᑏᑦ, ᖃᓗᕋᐅᑏᓪᓗ, ᐅᐊᓴᕐᕖᓪᓗ, ᑐᓂᕐᕈᓯᕐᕕᖕᒥᓗ ᓱᓇᑐᐃᓐᓁᑦ ᐊᑐᖅᑕᐅᓲᑦ ᐅᓕᒃᑕᐅᔭᕆᐊᖃᖅᐳᑦ ᐆᒪᔪᐃᑦ ᐹᑦᔪᕆ ᐊᒥᖏᓐᓂᒃ ᐊᑭᕋᐅᑎᖏᓪᓗ ᐃᓕᓗᒋᑦ. 15ᐂᕉᓂ ᐃᕐᖕᓂᖏᓪᓗ ᐃᑦᔪᕐᖕᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᖅᐸᒋᑦ, ᑕᖕᒫᖅᓯᒪᔪᓗ ᐸᕐᖕᓇᒌᖅᐸᑕ, ᑕᕝᕙ ᑯᕼᐋᑎᐅᑉ ᐃᕐᖕᓂᖏᑦ ᑖᒃᑯᓂᖓ ᐊᒃᔭᖅᓯᔭᖅᑐᕆᐊᖃᓕᖅᐳᑦ; ᐃᑦᔪᕐᖕᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᖕᒪᑦ.
“ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᖕᓂᖏᑕ ᐊᒡᔭᕆᐊᖃᖅᑕᖏᑦ.
16“ᐃᓕᓯᕆᐅᓪᓕ ᐂᕉᓂᐅᑉ ᑐᓂᕐᕈᓯᖅᑎᑦᓯᔨᐅᑉ ᐃᕐᖕᓂᖓᑕ ᐱᔭᒃᓴᖓ ᖃᐅᒻᒪᖅᑯᑏᑦ ᐅᖅᓱᒃᓴᖓᓂᒃ ᑲᒪᔨᐅᓗᓂ, ᐳᔫᖅᑎᑕᒐᕐᖕᒥᒡᓗ ᑎᐱᑦᓯᐊᕆᒃᑐᒥᒃ, ᓂᐊᖂᔭᒃᓴᒥᒡᓗ ᖃᐅᑕᒫᑦ ᑐᓂᕐᕈᑕᐅᔭᕆᐊᖃᖅᑐᒥᒃ, ᐅᖅᓱᒥᒡᓗ ᒥᖑᐊᖅᓯᑦᔪᑕᐅᕙᒃᑐᒥᒃ, ᑐᐱᕐᔪᐊᕐᓗ ᑲᑎᒪᕕᒃ ᑕᒪᕐᖕᒥᒃ ᐃᓗᓕᖏᓪᓗ ᖃᐅᔨᓴᖅᓗᓂᒋᑦ.”
17ᑕᕝᕙ ᐊᑕᓂᖅ ᒨᓯᓯᒧᑦ ᐂᕉᓂᒧᓪᓗ ᐅᖃᖅᐳᖅ ᐃᒫᒃ ᐅᖃᖅᓗᓂ: 18“ᐅᑦᔨᖅᑐᕆᑦᓯ, ᑯᕼᐋᑎᐅᑉ ᐃᕐᖕᓂᖏᑦ ᓕᕔᑎᓂᑦ ᐊᕕᑕᐅᖁᓇᒋᑦ; 19ᑍᒤᓕᐅᕆᑦᓯᓕ ᑖᒃᑯᐊ ᐱᓪᓗᒋᑦ, ᐃᓅᖁᓪᓗᒋᑦ ᑐᖁᖁᓇᒋᑦ ᐃᑦᔪᕐᖕᓁᓐᓂᖅᐹᑦ ᓴᓂᐊᓅᕋᓗᐊᕈᑎᒃ: ᐂᕉᓂᐅᑉ ᐃᕐᖕᓂᖏᑕᓗ ᐃᑎᖅᓗᑎᒃ ᑎᓕᔭᕆᐊᖃᖅᐰᑦ ᐱᔨᑦᓯᕈᑎᒋᔭᕆᐊᖃᖅᑕᖏᓐᓂᒃ, ᐱᔭᒃᓴᖏᓐᓂᒡᓗ. 20ᐃᑎᖅᓗᑎᒡᓕ ᑕᑯᓐᓇᕆᐊᖅᑐᕆᐊᖃᓐᖏᓚᑦ ᐃᑦᔪᕐᖕᓁᓐᓂᖅᐹᑦ ᐅᓕᒃᑐᖅᑕᐅᑎᓪᓗᒋᑦ, ᑐᖁᖁᓇᒋᑦ.”
ᒋᕐᓲᓂᐅᑉ ᐃᕐᖕᓂᖏᑕ ᐱᔭᒃᓴᖏᑦ
21ᑕᕝᕙ ᐊᑕᓂᖅ ᒨᓯᓯᒧᑦ ᐅᖃᖅᐳᖅ ᐃᒤᓕᓪᓗᓂ: 22“ᐊᒻᒪᑦᑕᐅᖅ ᒌᕐᓲᓂᐅᑉ ᐃᕐᖕᓂᖏᑦ ᓈᓴᒃᑭᑦ, ᓯᕗᓕᕕᓂᖏᑕ ᐃᓚᒌᖕᓂᖏᑦ ᒪᓕᒡᓗᒋᑦ, ᐃᒡᓗᒥᐅᖃᑎᒌᑦ ᒪᓕᒡᓗᒋᑦ. 23ᐊᕐᕌᒍᖃᖅᑐᑦ 30ᓂᒃ ᐊᖓᔪᒃᓰᓪᓗ, 50ᓂᒃ ᐊᕐᕌᒍᖃᖅᑐᑦ ᑎᑭᓪᓗᒋᑦ, ᓈᓴᖅᑍᓐᓇᕆᓗᒋᑦ, ᐱᔨᑦᓯᖃᑕᐅᔪᓐᓇᖅᑐᓕᒫᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕈᓐᓇᖅᑐᑦ. 24ᐅᑯᐊ ᑕᕝᕙ ᒌᕐᓲᓁᑎᑦ ᐱᔨᑦᓯᕐᖕᓂᖏᑦ ᐊᒡᔭᖅᓯᔭᕆᐊᖃᕐᖕᓂᖏᓪᓗ: 25ᑖᒃᑯᐊ ᐊᒡᔭᖅᓯᔭᕆᐊᖃᖅᐳᑦ ᑐᐱᕐᔪᐊᑉ ᑖᓗᑕᖏᓐᓂᒃ, ᑐᐱᕐᔪᐊᒥᒡᓗ ᐴᖅᓯᒪᓗᓂ, ᖄᖃᖅᓗᓂ ᐹᑦᔪᕆᑦ ᐊᒥᖏᓐᓂᒃ, ᑐᐱᕐᔪᐊᓪᓗ ᑲᑎᒪᕕᐅᑉ ᐃᑎᖅᑕᕐᕕᖓᑕ ᑖᓗᑕᖓᓂᒃ. 26ᑐᖅᓲᖓᑕᓗ ᐃᑎᖅᑕᕐᕕᐅᑉ ᐅᒃᑯᐊᖓᓂᒃ, ᑐᖅᓲᖓᓂᓗ ᓂᕕᖓᔪᓂᒃ ᐊᕙᓗᐊᓃᑦᑐᓕᒫᓂᒃ, ᑐᓂᕐᕈᓯᕐᕕᐅᓪᓗ ᐊᕙᓗᐊᓃᑦᑐᓂᒃ, ᐃᐱᐅᑕᖏᓐᓂᒡᓗ, ᐱᐅᓴᐅᑎᖏᓐᓂᒡᓗ ᑕᒪᒃᑯᓂᖓᓕᒫᖅ ᓴᓇᓯᒪᔪᓂᒃ: ᑍᒫᒃ ᐱᔨᑦᓯᕈᑎᖃᕆᐊᖃᖅᐳᑦ. 27ᐂᕉᓂ ᐃᕐᖕᓂᖏᓪᓗ ᐱᔭᒃᓴᖏᓐᓂᒃ ᑎᓕᓯᔭᕆᐊᖃᖅᐳᑦ ᒌᕐᓲᓂᐅᑉ ᑭᖑᕚᖏᑕ ᐃᕐᖕᓂᖏᑕ ᐱᔭᒃᓴᖏᓐᓂᒃ, ᐱᓇᓱᐊᕆᐊᖃᖅᑕᖏᓐᓂᒃ ᐱᔨᑦᓯᕈᑎᒋᔭᕆᐊᖃᖅᑕᖏᓐᓂᒡᓗ; ᐃᕝᕕᓪᓗ ᑎᓕᔭᕆᐊᖃᖅᐸᑎᑦ ᐱᓕᕆᐊᕆᔭᕆᐊᖃᖅᑕᓕᒫᖏᓐᓂᒃ. 28ᑕᕝᕙ ᒌᕐᓲᓂᐅᑉ ᑭᖑᕚᖏᑕ ᐃᕐᖕᓂᖏᑕ ᐱᔭᒃᓴᖏᑦ ᑐᐱᕐᔪᐊᒥ ᑲᑎᒪᕕᖕᒥ ᐱᔨᑦᓯᓂᕆᔭᕆᐊᖃᖅᑕᖏᑦ. ᐱᔭᒃᓴᒥᖕᓄᑦ ᐊᖓᔪᖅᑳᖃᕆᐊᖃᖅᐳᑦ ᐃᑕᒫᕐᒥᒃ ᐂᕉᓂᐅᑉ ᑐᓂᕐᕈᓯᖅᑎᑦᓯᔨᐅᑉ ᐃᕐᖕᓂᖓᓂᒃ.”
ᒧᕋᐅᕆᐅᑉ ᑭᖑᕚᖏᑕ ᐃᕐᖕᓂᖏᑕ ᐱᔭᒃᓴᖏᑦ
29“ᒥᕋᕆᐅᓪᓕ ᐃᕐᖕᓂᖏᑦ ᓈᓴᕆᐊᖃᕆᕙᑎᑦ ᐃᒡᓗᒥᐅᖃᑎᒌᑦ ᐃᓚᒌᖕᓂᖏᑦ ᒪᓕᒡᓗᒋᑦ ᓯᕗᓕᕕᓂᖏᑕᓗ ᐃᓚᒌᖕᓂᖏᑦ ᒪᓕᒡᓗᒋᑦ. 30ᐊᕐᕌᒍᖃᖅᑐᑦ 30ᓂᒃ ᐱᒋᐊᖅᓗᒋᑦ 50ᓂᒃ ᐊᕐᕌᒍᖃᖅᑐᓄᑦ ᑎᑭᓪᓗᒋᑦ, ᓈᓴᖅᑍᓐᓇᕆᓗᒋᑦ, ᐱᔨᑦᓯᖃᑕᐅᔪᓐᓇᖅᑐᓕᒫᑦ, ᑐᐱᕐᔪᐊᒥ ᑲᑎᒪᕕᖕᒥ ᐱᓇᓱᐊᕈᓐᓇᖅᑐᑦ. 31ᐃᒤᑦᑐᓂᒡᓕ ᐊᒡᔭᖅᓯᔭᕆᐊᖃᖅᐳᑦ ᑐᐱᕐᔪᐊᒥ ᑲᑎᒪᕕᖕᒥ ᐱᔨᑦᓯᕈᑎᒋᔭᒥᖕᓂᒃ: ᑐᐱᕐᔪᐊᑉ ᖃᓇᖏᓐᓂᒃ, ᓴᓐᓂᖓᔪᖏᓐᓂᒡᓗ, ᓇᑉᐸᖅᑯᑎᖏᓐᓂᒡᓗ, ᐃᓕᐅᕋᕐᕕᖏᓐᓂᒡᓗ, 32ᑐᖅᓲᖓᑕᓗ ᐊᕙᑖᓂ ᓇᑉᐸᒍᑎᖏᓐᓂᒃ ᐃᓕᕝᕕᖏᓐᓂᒡᓗ, ᐸᐅᒍᐊᖏᓐᓂᒡᓗ ᓄᖃᕈᑎᖏᓐᓂᒡᓗ ᐱᐅᓴᐅᑎᓕᒫᖏᓐᓂᒡᓗ ᐱᔭᕆᐊᖃᖅᑐᓕᒫᓂᒃ ᑖᒃᑯᓄᖓ; ᐊᖑᑎᓪᓗ ᐊᑐᓂᑦ ᑎᓕᔭᕆᐊᖃᖅᐸᑎᑦ ᐊᑎᖏᑦ ᒪᓕᒡᓗᒋᑦ ᓱᓇᒥᒃ ᐊᒡᔭᖅᓯᔭᕆᐊᖃᕐᖕᒪᖔᑕ. 33ᑖᒃᑯᐊ ᑕᕝᕙ ᐃᓚᒌᑦ ᒥᕋᕆᐅᑉ ᑭᖑᕚᖏᑕ ᐃᕐᖕᓂᖏᑕ ᐱᔨᑦᓯᕈᑎᒋᔭᕆᐊᖃᖅᑕᖏᑦ, ᐱᓇᓱᐊᖅᓗᑎᒃ ᑐᐱᕐᔪᐊᕐᖕᒥ ᑲᑎᒪᕕᖕᒥ ᐱᔨᑦᓯᖅᓗᑎᒃ, ᐊᖓᔪᖅᑳᖃᖅᓗᑎᒃ ᐃᑕᒫᕐᒥᒃ ᐂᕉᓂᐅᑉ ᑐᓂᕐᕈᓯᖅᑎᑦᓯᔨᐅᑉ ᐃᕐᖕᓂᖓᓂᒃ.”
ᓕᕔᑎᑦ ᓈᓴᖅᑕᐅᓂᖏᑦ
34ᒨᓯᓯᐅᑉ ᐂᕉᓂᐅᓪᓗ ᐃᓅᖃᑎᒌᒡᔪᐊᓪᓗ ᓯᕗᓕᖅᑎᖏᑕ ᑯᕼᐊᑍᑎᐅᑉ ᑭᖑᕚᖏᑦ ᓈᓴᖅᐰᑦ ᐃᓚᒌᑦ ᒪᓕᒡᓗᒋᑦ, ᓯᕗᓕᕕᓂᖏᑕ ᐃᓚᒌᖕᓂᖏᑎᒍᑦ, 35ᐊᕐᕌᒍᖃᖅᑐᓂᑦ 30ᓂᑦ ᐱᒋᐊᖅᓗᑎᒃ ᐊᖓᔪᒃᓰᓪᓗ 50ᓂᒃ ᐊᕐᕌᒍᖃᖅᑐᑦ ᑎᑭᓪᓗᒋᑦ ᐱᓇᓱᐊᖃᑕᐅᔪᑦ ᐱᔨᑦᓯᖅᓗᑎᒃ ᑐᐱᕐᔪᐊᒥ ᑲᑎᒪᕕᖕᒥ; 36ᓈᓴᖅᑕᐅᔪᓪᓗ ᑖᒃᑯᐊ ᐃᓚᒌᑦ ᒪᓕᒡᓗᒋᑦ 2,750ᓂᒃ ᐅᓄᕐᖕᓂᖃᓚᐅᖅᐳᑦ. 37ᑖᒃᑯᐊ ᑕᕝᕙ ᓈᓴᖅᑕᐅᓚᐅᖅᑐᑦ ᑯᕼᐊᑍᑎᐅᑉ ᑭᖑᕚᖏᑦ ᐱᓇᓱᐊᕈᓐᓇᖅᑐᑦ ᑐᐱᕐᔪᐊᒥ ᑲᑎᒪᕕᖕᒥ, ᒨᓯᓯᐅ ᐂᕉᓂᐅᓪᓗ ᓈᓴᓚᐅᖅᑕᖏᑦ ᐊᑕᓂᐅᑉ ᐱᖁᔨᓂᖓ ᒨᓯᓯᒥᒃ ᒪᓕᒡᓗᒍ.
38ᓈᓴᖅᑕᐅᓚᐅᖅᑐᓪᓗ ᒌᕐᓲᓂᐅᑉ ᑭᖑᕚᖏᑕ ᐃᕐᖕᓂᖏᓐᓂᑦ ᐃᒡᓗᒥᐅᖃᑎᒌᑦ ᓯᕗᓕᕕᓂᕐᖕᒥᒍᑦ ᐃᓚᒌᑦ, 39ᐊᕐᕌᒍᖃᖅᑐᓂᑦ 30ᓂᒃ ᐱᒋᐊᖅᓗᒋᑦ ᐊᖓᔪᒃᓰᓪᓗ, 50ᓂᒃ ᐊᕐᕌᒍᖃᖅᑐᑦ ᑎᑭᓪᓗᒋᑦ, ᐱᓇᓱᐊᖃᑕᐅᔪᓐᓇᖅᑐᓕᒫᑦ ᑐᐱᕐᔪᐊᒥ ᑲᑎᒪᕕᖕᒥ, 40ᑖᒃᑯᓇᓐᖓᑦ ᓈᓴᖅᑕᐅᔪᑦ ᐃᓚᒌᑦ ᐃᒡᓗᒥᐅᖃᑎᒌᑦ ᓯᕗᓕᕕᓂᕐᖕᒥᒍᑦ ᐃᓚᒌᑦ, 2,630ᓂᒃ ᐅᓄᕐᖕᓂᖃᓚᐅᖅᐳᑦ. 41ᑖᒃᑯᐊ ᑕᕝᕙ ᐃᓚᒌᑦ ᒌᕐᓲᓂᐅᑉ ᐃᕐᖕᓂᖏᑕ ᑭᖑᕚᖏᑦ, ᐱᔨᑦᓯᕈᓐᓇᖅᑐᑦ ᑐᐱᕐᔪᐊᒥ ᑲᑎᒪᕝᕕᖕᒥ, ᒨᓯᓯᐅᑉ ᐂᕉᓂᐅᓪᓗ ᓈᓴᓚᐅᖅᑕᖏᑦ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ.
42ᐅᑯᐊᓗ ᑕᕝᕙ ᐃᓚᒌᑦ ᒥᕋᕆᐅᑉ ᐃᕐᖕᓂᖏᑕ ᑭᖑᕚᖏᑦ ᓈᓴᖅᑕᐅᓚᐅᖅᑐᑦ ᐃᓚᒌᑦ ᐃᒡᓗᒥᐅᖃᑎᒌᑦ ᓯᕗᓕᕕᓂᕐᖕᒥᒃᑎᒍᑦ ᐃᓚᒌᒃᑐᑦ, 43ᐊᕐᕌᒍᖃᖅᑐᓂᑦ 30ᓂᒃ ᐱᒋᐊᖅᓗᒋᑦ ᐊᖓᔪᒃᓰᓪᓗ, 50ᓂᒃ ᐊᕐᕌᒍᖃᖅᑐᑦ ᑎᑭᓪᓗᒋᑦ, ᐱᓇᓱᐊᖃᑕᐅᔪᓐᓇᖅᑐᓕᒫᑦ ᑐᐱᕐᔪᐊᒥ ᑲᑎᒪᕕᖕᒥ, 44ᓈᓴᖅᑕᐅᓚᐅᖅᑐᓕᒫᑦ ᐃᓚᒌᑦ ᒥᕋᕆᐅᑉ ᑭᖑᕚᖏᑦ 3,200ᓂᒃ ᐅᓄᕐᖕᓂᖃᓚᐅᖅᐳᑦ. 45ᑕᒃᑯᐊ ᑕᕝᕙ ᓈᓴᖅᑕᐅᓚᐅᖅᑐᑦ ᐃᓚᒌᑦ ᒥᕋᕆᐅᑉ ᑭᖑᕚᖏᓐᓂ, ᒨᓯᓯᐅᑉ ᐂᕉᓂᐅᓪᓗ ᓈᓴᓚᐅᖅᑕᖏᑦ ᐊᑕᓂᐅᑉ ᐅᖃᐅᓯᖓ ᒪᓕᒡᓗᒍ ᒨᓯᓯᒃᑯᑦ.
46ᓈᓴᖅᑕᐅᓚᐅᖅᑐᓕᒫᑦ ᓕᕔᑎᓂ, ᒨᓯᓯᐅᑉ ᐂᕉᓂᐅᓪᓗ ᐃᓴᕆᐊᓕᒥᐅᓪᓗ ᓯᕗᓕᖅᑎᖏᑕ ᓈᓴᓚᐅᖅᑕᖏᑦ, ᐃᓚᒌᑦ ᐃᒡᓗᒥᐅᖃᑎᒌᑦ ᓯᕗᓕᕕᓂᕐᖕᒥᒃᑎᒍᑦ ᐃᓚᒌᒃᑐᑦ, 47ᐊᕐᕌᒍᖃᖅᑐᓂᑦ 30ᓂᒃ ᐱᒋᐊᖅᓗᒋᑦ ᐊᖓᔪᒃᓰᓪᓗ, 50ᓂᒃ ᐊᕐᕌᒍᖃᖅᑐᑦ ᑎᑭᓪᓗᒋᑦ, ᐱᓇᓱᐊᖃᑕᐅᔪᓐᓇᖅᑐᓕᒫᑦ ᐊᒡᔭᖅᓯᖃᑕᐅᓪᓗᑎᒃ ᑐᐱᕐᔪᐊᕐᖕᒥᒃ ᑲᑎᒪᕕᖕᒥᒃ, 48ᓈᓴᖅᑕᐅᓚᐅᖅᑐᓕᒫᑦ 8,580ᓂᒃ ᐅᓄᕐᖕᓂᖃᓚᐅᖅᐳᑦ.
49ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ ᓈᓴᖅᑕᐅᓚᐅᖅᐳᑦ ᒨᓯᓯᒃᑯᑦ, ᐱᔨᑦᓯᕈᓐᓇᕐᖕᓂᖏᑦ ᐱᔭᒃᓴᖏᓪᓗ ᐊᑐᓂᑦ ᒪᓕᒡᓗᒋᑦ; ᑍᒫᒃ ᓈᓴᖅᑕᐅᓚᐅᖅᐳᑦ, ᐊᑕᓂᐅᑉ ᒨᓯᓯ ᐱᖁᓚᐅᕐᖕᒪᒍ.
Currently Selected:
ᒨᓯᓯ ᓯᑕᒪᖏᑦ 4: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.