ᒫᑯᓯᐅᑉ ᐊᒡᓚᖏᑦ 3
3
ᐊᖑᑎᐅᑉ ᑕᓕᖓ ᓄᑭᖃᖏᑦᑐᖅ
ᒫᑎᐅᓯ 12:9-14; ᓘᑲᓯ 6:6-11
1ᑭᖑᓂᖓᒍᑦ ᔩᓱᓯ ᐅᑎᕆᕗᖅ ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓄᑦ, ᑕᕝᕙᓃᑦᑐᖃᖅᐳᕐᓗ ᐊᖑᒻᒥᒃ ᐊᒡᒐᖃᖅᑐᖅ ᓄᑭᖃᖏᑦᑐᒥᒃ.
2ᐃᓄᐃᑦ ᑕᕝᕙᓃᓚᐅᕆᕗᑦ ᖃᐅᔨᓴᕆᐊᖅᓯᒪᓪᓗᑎᒃ ᐊᖑᑦ ᓴᐸᑎᒥ ᐋᖅᑭᖕᓂᐊᕐᖕᒪᖔᒍ, ᐸᓯᒃᖠᕈᑎᒃᓴᖅᓯᐅᕐᓗᑎᒃ. 3ᐊᖑᑦ ᐊᒡᒐᓕᒃ ᓄᑭᖃᖏᑦᑐᓂᒃ ᐅᖃᐅᑎᕚ, “ᒪᐅᖓ ᕾᒋᑦ.” 4ᐃᓄᐃᑦ ᐅᖃᐅᑎᕔᑦ, “ᐱᖁᔭᕗᑦ ᓴᐸᑎᒥ ᐃᑲᔪᖁᔨᕚᑦ ᐋᓐᓂᖅᓯᖁᔨᕙᓪᓘᓐᓃᑦ? ᐃᓅᓯᕐᖕᒥᒃ ᓴᐳᑦᔨᖁᔨᕚᑦ ᑐᖁᑦᓯᖁᔨᕙᓪᓘᓐᓃᑦ?”
ᐃᓄᐃᓪᓕ ᓂᓪᓕᖅᑐᖃᓐᖏᓚᑦ.
5ᐊᕙᑎᒥᓃᑦᑐᑦ ᑕᑯᓴᖅᐰᑦ ᐊᑲᐅᒃᓴᕈᓐᓃᕐᓗᓂ, ᕿᒃᓵᒍᑎᒋᓪᓗᒋᑦ ᐆᒻᒪᑎᖏᑦ ᓯᑎᔪᐊᓘᖕᒪᑕ, ᐊᖑᒻᒧᑦ ᐅᖃᖅᐳᖅ, “ᐊᒡᒐᑎᑦ ᐃᓵᓚᐅᒃᑭᑦ.” ᑕᕝᕙ ᐃᓵᒃᐰᑦ, ᐋᖅᑭᑦᓯᐊᕐᓗᑎᒃ ᖃᓄᐃᖏᑦᔪᓯᕕᓂᕐᖕᒥᒃᑐᑦ. 6ᑕᕝᕙ ᐹᕆᓯᑦ ᔫᑎᑦ ᐅᒃᐱᕐᖕᓂᕐᖕᒧᑦ ᑲᑎᒪᕕᖓᓐᓂᑦ ᐊᓂᒐᒥᒃ ᐃᕉᑕᓯᐅᑉ ᐃᑲᔪᖅᑎᖏᓐᓂᒃ ᐃᓚᖃᕐᓗᑎᒃ ᑲᑎᕗᑦ, ᖃᓄᖅ ᑐᖁᑦᓯᔪᓇᖔᕐᖕᒥ ᔩᓱᓯᒥᒃ.
ᔩᓱᓯᐅᑉ ᐊᔪᕆᖅᑐᐃᓂᖓ ᑕᓯᐅᑉ ᓯᓈᓂ ᐃᓄᒋᐊᒃᑐᕐᔪᐊᓄᑦ
7ᔩᓱᓯ ᐃᓕᓐᓂᐊᖅᑎᖏᓪᓗ ᒐᓕᓕᐊᒧᑦ ᑕᓯᕐᔪᐊᒧᐊᓕᖅᐳᑦ, ᐃᓄᒋᐊᒃᑐᕐᔪᐊᓂᑦ ᒪᓕᒃᑕᐅᓪᓗᑎᒃ ᒐᓕᓕᐊᒥᓐᖔᖅᑐᓂᑦ; ᔫᑎᐊᒥᓐᖔᖅᑐᓂᓪᓗ, 8ᔨᕉᓴᓕᒻᒥᓐᖔᖅᑐᓂᓪᓗ, ᐂᑐᒥᐊᒥᓪᓗ, ᔪᐊᕐᑕᓂᐅᓪᓗ ᐊᑭᐊᓂᓐᖔᖅᑐᓂᑦ, ᐃᒡᓗᒐᓴᒡᔪᐊᓂᓪᓗ ᑍᕆᒥ ᓮᑐᓂᒥᓪᓗ, ᑕᒪᕐᖕᒥᒃ ᔩᓱᓯᒧᐊᓚᐅᖅᐳᑦ ᑐᓴᓚᐅᕋᒥᒃ ᑖᑦᓱᒪ ᐱᓇᓱᐊᕐᖕᓂᕆᓚᐅᖅᑕᖏᓐᓂᒃ. 9#ᒫᑯᓯ 4:1; ᓘᑲᓯ 5:1-3.ᐃᓕᓐᓂᐊᖅᑎᓂ ᐅᒥᐊᒥᒃ ᐊᑐᐃᓐᓇᕈᐃᖁᓪᓗᒋᑦ ᐅᖃᐅᑎᕔᑦ ᐊᑐᕐᖕᓂᐊᖅᑕᒥᓂᒃ, ᑕᓯᕐᖕᒧᑦ ᐃᓄᖕᓂᑦ ᓯᖏᑕᐅᓂᐊᕋᓱᒋᓪᓗᓂ. 10ᐃᓄᖕᓂᒃ ᐊᒥᓱᓂᒃ ᖃᓂᒪᔪᓂᒃ ᐋᖅᑭᒃᓯᓚᐅᕐᖕᒪᑦ, ᑍᒤᒻᒪᑦ ᖃᓂᒪᔪᑦ ᐃᓄᖕᓂᒃ ᐱᖑᔧᓪᓗᑎᒃ ᔩᓱᓯᒧᐊᕋᓱᐊᖅᐳᑦ ᐊᒃᑐᕈᒪᓪᓗᓂᑦᔪᒃ. 11ᐃᓄᐃᑦ ᐊᓂᕐᖕᓂᕐᓗᑕᐅᓯᒪᔪᑦ ᑖᑦᓱᒥᖓ ᑕᑯᔭᕌᖓᒥᒃ, ᐹᒻᒪᖃᑦᑕᖅᐳᑦ ᕾᒐᓛᓕᕐᓗᑎᒃ, “ᒎᑎᐅᑉ ᐃᕐᖕᓂᕆᕚᑎᑦ.”
12ᔩᓱᓯᐅᑉ ᐊᓂᕐᖕᓂᕐᓗᐃᑦ ᐃᓂᖅᑎᖅᐰᑦ ᐃᓄᖕᓄᑦ ᐅᖃᐅᓯᐅᔪᒪᓇᓂ ᑭᓇᐅᓂᕐᖕᒥᓂᒃ.
ᔩᓱᓯᐅᑉ ᓂᕈᐊᕐᖕᓂᖓ ᐋᐴᓯᑕᓕᖕᓂᒃ 12ᓂᒃ
ᒫᑎᐅᓯ 10:1-4; ᓘᑲᓯ 6:12-16
13ᑭᖑᓂᖓᒍᑦ ᔩᓱᓯ ᖃᖅᑲᒧᑦ ᒪᔪᐊᖅᐳᖅ, ᐊᖑᑎᓂᒃ ᕾᖁᔨᓪᓗᓂ ᓂᕈᐊᖅᑕᒥᓂᒃ; ᑖᒃᑯᐊ ᔩᓱᓯᒧᐊᖅᐳᑦ, 14ᑕᕝᕙ 12 ᓂᕈᐊᖅᐰᑦ, ᓇᔪᖅᑎᒌᓐᓇᕈᒪᓪᓗᒋᑦ, ᑎᓕᔪᒪᓪᓗᒋᑦ ᐊᔪᕆᖅᑐᐃᔭᖅᑐᖁᓪᓗᒋᑦ, 15ᐱᔪᓐᓇᕐᖕᓂᖃᖁᓪᓗᒋᑦ ᐊᓂᕐᖕᓂᕐᓗᖕᓂᒃ ᐊᓂᑎᑦᓯᓂᕐᖕᒥᒃ: 16ᓮᒨᓂ ᔩᓱᓯᐅᑉ ᐊᑦᑎᖅᐹ ᐲᑦᑐᕉᓯᒥᒃ; 17ᔧᒥᓯᑯᒃ ᔪᐊᓇᓯᑯᒃ ᓄᑲᕇᒃ ᓯᐱᑎᐅᑉ ᐃᕐᖕᓂᖏᒃ, ᔩᓱᓯᐅᑉ ᐊᑎᖅᑖᖅᑎᓚᐅᐹᒃ ᐳᐊᓂᒌᓯᓂᒃ, ᐃᒫᒃ ᑐᑭᓕᒃ, “ᑲᓪᓘᑉ ᐃᕐᖕᓂᖏᒃ”; 18ᐋᓐᑐᕉᓗ, ᐱᓕᑉᐴᓯᓗ, ᐸᑎᐅᓗᒥᐅᓗ, ᒫᑎᐅᓯᓗ, ᑑᒪᓯᓗ, ᔧᒥᓯᓗ ᐊᐅᓪᐱᐊᓯᐅᑉ ᐃᕐᖕᓂᖓ, ᑖᑎᐊᓯᓗ, ᓮᒨᓂᓗ ᑬᓇᓂᒥᐅᖅ,#3:18 ᑬᓇᓂᐊᑦ ᐅᕝᕙᓗ ᐱᑦᑐᕆᐊᑦ ᐃᒫᒃ ᑐᑭᓕᒃ ᓄᓇᒥᓂᒃ ᓯᕐᖕᓈᖅᑎ 19ᔫᑕᓯᓗ ᐃᔅᑲᕆᐊᑦ, ᑖᓐᓇ ᔩᓱᓯᒥᒃ ᐱᔭᐅᑎᑦᓯᓚᐅᖅᑐᖅ.
ᔩᓱᓯᐅᑉ ᐱᐅᓪᓯᐹᐱᒥᒃ ᐃᓗᒻᒥᖅᑕᐅᓯᒪᓂᕋᖅᑕᐅᓂᖓ
ᒫᑎᐅᓯ 12:22-32; ᓘᑲᓯ 11:14-23; 12:10
20ᑭᖑᓂᖓᒍᑦ ᔩᓱᓯ ᐊᖏᕐᕋᖅᐳᖅ; ᐃᓄᒐᓴᒡᔪᐊᑦ ᐊᒻᒪ ᑲᑎᓕᕆᕗᑦ, ᐊᒡᓛᑦ ᔩᓱᓯ ᐃᓕᓐᓂᐊᖅᑎᖏᓪᓗ ᓂᕆᔪᓐᓇᕈᓐᓃᖅᐳᑦ. 21ᐃᓚᖏᑦ ᓇᖕᒥᓂᖏᑦ ᑕᒪᑐᒥᖓ ᑐᓴᕋᒥᒃ, ᐅᐸᒍᑎᕗᑦ ᑕᕝᕙᓐᖓᑦ ᐊᓂᑎᑦᓱᒪᓪᓗᒍ, ᐃᓄᐃᑦ ᐅᖃᖃᑦᑕᓕᕐᖕᒪᑕ, “ᔩᓱᓯ ᐃᓱᒤᕈᑎᓂᕋᕐᓗᒍ.”
22 #
ᒫᑎᐅᓯ 9:34; 10:25. ᐱᖁᔭᓂᒃ ᐃᓕᓮᔩᑦ ᐃᓚᖏᑦ ᔨᕉᓴᓕᒻᒥᓐᖔᖅᓯᒪᔪᑦ ᐃᒫᒃ ᐅᖃᖅᐳᑦ, “ᔩᓱᓯᐅᓇ ᐱᐅᓪᓯᐹᐱᒥᒃ ᐃᓗᒻᒥᖅᑕᐅᓯᒪᒐᒥ, ᐊᓂᕐᖕᓂᕐᓗᐃᑦ ᐊᖓᔪᖅᑳᖓᓐᓂᒃ, ᑖᑦᓱᒪ ᐱᔪᓐᓇᓂᖅᑖᖅᑎᓯᒪᔭᖓ ᐊᓂᕐᖕᓂᕐᓗᖕᓂᒃ ᐊᓂᑎᑦᓯᔪᓐᓇᖅᑎᓪᓗᓂᐅᒃ.”
23ᔩᓱᓯᐅᑉ ᐃᓄᐃᑦ ᕾᖁᕔᑦ, ᐊᑦᔨᐅᔪᒥᒃ ᐅᖃᕐᕕᒋᓪᓗᒋᑦ, “ᖃᓄᕐᓕ ᓵᑖᓇᓯ ᐊᓂᑎᑦᓯᔪᓐᓇᖅᐹ ᓵᑖᓇᓯᒥᒃ? 24ᓄᓇᖁᑎᒋᔭᐅᔪᖅ ᐊᖓᔪᖅᑲᐅᕕᖕᓄᑦ ᐊᕕᒃᑐᕐᓗᑎᒃ ᐃᒻᒥᖕᓄᑦ ᐊᑭᕋᖅᑑᑎᓕᖅᐸᑕ, ᑖᒃᑯᐊ ᓄᓇᖃᑎᒌᖑᔪᑦ ᐊᕕᒃᑐᕈᑎᒃ ᐃᓅᖃᑎᒋᒍᓐᓁᓕᓂᐊᖅᐳᑦ. 25ᐃᓚᒌᑦ ᐃᒡᓗᒥᐅᖃᑎᒌᑦ ᐃᒻᒥᖕᓄᑦ ᐊᕕᓪᓗᑎᒃ ᐊᑭᕋᖅᑐᓕᕈᑎᒃ ᑕᕝᕙ ᐃᒡᓗᒥᐅᖃᑎᒌᑦ ᐊᓯᕈᕐᓗᑎᒃ ᓄᖑᓐᓂᐊᖅᐳᑦ. 26ᑍᒫᒃᑕᐅᖅ ᓵᑖᓇᓯ ᐃᒻᒥᓄᑦ ᐊᕕᒃᑐᕐᓗᓂ ᐊᑭᕋᖅᑐᓕᕈᓂ, ᐊᓯᕈᔪᐃᑦᑑᔪᓐᓇᓐᖏᓚᖅ, ᐊᓯᕈᕐᓗᓂᓕ ᓄᖑᒃᑲᔭᖅᐳᖅ.
27“ᓇᓪᓕᐊᑦ ᓲᖑᔪᕐᔪᐊᑉ ᐃᒡᓗᖓᓄᑦ ᐃᑎᕐᓗᓂ ᐱᖁᑎᖏᓐᓂᒃ ᐊᖅᓵᖅᓯᔪᓐᓇᓐᖏᓚᖅ, ᑭᓯᐊᓂ ᓲᖑᔪᕐᔪᐊᖅ ᕿᓚᒃᓱᖄᕐᓗᒍ; ᑭᖑᕐᖓᒍᑦ ᐃᒡᓗᖓᑕ ᐱᖁᑎᖏᓐᓂᒃ ᐊᖅᓵᓕᕋᔭᖅᐹ.
28“ᓱᓕᔪᒥᒃ ᐅᖃᐅᑎᕙᑦᓯ, ᐃᓄᐃᑦ ᐊᔪᖅᑐᓕᓂᕐᖕᓂᑦ ᒎᑎᒥᒡᓘᓐᓃᑦ ᐅᖃᕐᖕᓂᕐᓗᒃᓯᒪᒐᓗᐊᖅᐸᑕ ᐃᓱᒪᒋᔪᓐᓁᕐᕕᐅᔪᒫᖅᐳᑦ; 29#ᓘᑲᓯ 12:10.ᑭᓯᐊᓂᓕ ᓇᓪᓕᐊᑦ ᐅᖃᕐᖕᓂᕐᓘᑎᖃᖅᐸᑦ ᐊᓂᕐᖕᓂᕐᖕᒥᒃ ᐃᑦᔪᕐᖕᓁᑦᑐᒥᒃ ᑖᓐᓇ ᐃᓱᒪᒋᔪᓐᓁᕐᕕᐅᓂᐊᓐᖏᓚᖅ, ᐊᔪᖅᑐᓕᖕᒪᑦ ᐸᓯᔭᒃᓴᐅᓐᓇᖅᑐᒥᒃ ᐃᓱᖃᖏᑦᑐᒧᑦ.” 30ᐃᓄᐃᑦ ᐃᓚᖏᑦ ᐅᖃᓚᐅᕐᖕᒪᑕ, “ᔩᓱᓯᐅᓇ ᐊᓂᕐᖕᓂᕐᓗᖕᒥᒃ ᐃᓗᒻᒥᖅᑕᐅᓯᒪᔪᖅ.”
ᔩᓱᓯᐅᑉ ᐊᓈᓇᖓ ᖃᑕᓐᖑᑎᖏᓪᓗ
ᒫᑎᐅᓯ 12:46-50; ᓘᑲᓯ 8:19-21
31ᑕᕝᕙ ᔩᓱᓯᐅᑉ ᐊᓈᓇᖓ ᖃᑕᓐᖑᑎᖏᓪᓗ ᑕᕝᕗᓐᖓᖅᐳᑦ; ᐃᒡᓘᑉ ᓯᓚᑖᓂᓪᓗᑎᒃ ᑖᒃᑯᐊ ᐅᖃᐅᑦᔭᐅᖁᕚᑦ, ᕾᖁᓪᓗᒍ. 32ᐃᓄᒋᐊᒃᑐᓪᓕ ᐊᕙᑖᓂ ᐃᒃᓯᕙᔪᑦ, ᔩᓱᓯᒧᑦ ᐅᖃᖅᐳᑦ, “ᐊᓈᓁᑦ ᖃᑕᓐᖑᑎᑎᓪᓗ ᓯᓚᒦᑉᐳᑦ, ᐃᓕᖕᓂᒃ ᕾᖁᔨᓪᓗᑎᒃ.”
33ᔩᓱᓯᐅᑉ ᑭᐅᕔᑦ, “ᑭᓇ ᐊᓈᓇᒐ ᑭᓇᒃᑯᓪᓘ ᖃᑕᓐᖑᑎᒃᑲ?” 34ᐊᕙᑎᒥᓂᒃ ᐃᒃᓯᕙᔪᑦ ᐃᓄᐃᑦ ᑕᑯᓴᕐᓗᒋᑦ ᐅᖃᖅᐳᖅ, “ᑕᑯᒋᑦ ᐅᕝᕙᐅᑯᐊ ᐊᓈᓇᒃᑲ ᖃᑕᓐᖑᑎᒃᑲᓗ! 35ᓇᓪᓕᐊᑦ ᒎᑎᐅᑉ ᐱᔪᒪᔭᖓᓂᒃ ᐊᑐᖅᑐᖅ ᑖᓐᓇ ᖃᑕᓐᖑᑎᒋᕙᕋ, ᓇᔭᒋᓪᓗᒍᓗ ᐊᓈᓇᒋᕙᕋ.”
Currently Selected:
ᒫᑯᓯᐅᑉ ᐊᒡᓚᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.