ᒫᑯᓯᐅᑉ ᐊᒡᓚᖏᑦ 2
2
ᔩᓱᓯᐅᑉ ᐊᖑᒻᒥᒃ ᓄᑭᖃᖏᑦᑐᒥᒃ ᐋᖅᑭᒃᓯᓂᖓ
ᒫᑎᐅᓯ 9:1-8; ᓘᑲᓯ 5:17-26
1ᐅᓪᓗᐃᑦ ᑕᒪᒃᑯᐊ ᑭᖑᕐᖓᒍᑦ ᔩᓱᓯ ᐅᑎᖅᐳᖅ ᑲᐲᕐᓂᐊᒧᑦ, ᐅᖃᐅᓯᐅᑲᑕᓕᕆᕗᖅ ᐊᖏᕐᕋᕐᖕᓂᖓᓂᒃ. 2ᐃᓄᐃᑦ ᐊᒥᓱᑦ ᑕᕝᕗᓐᖓᖅᐳᑦ ᐃᓂᒃᓮᕈᑦᔨᓪᓗᑎᒃ, ᐅᒃᑯᐊᖓᑕᓘᓐᓃᑦ ᓯᓚᑖ ᐃᓂᒃᓴᖃᕈᓐᓃᖅᐳᖅ; ᔩᓱᓯ ᐊᔪᕆᖅᑐᐃᓕᖅᐳᖅ ᑖᒃᑯᓄᖓ. 3ᐊᖑᑎᑦ ᓯᑕᒪᑦ ᑕᕝᕗᓐᖓᖅᐳᑦ, ᐊᒡᔭᖅᓯᓪᓗᑎᒃ ᐊᖑᒻᒥᒃ ᓄᑭᖃᖏᑦᑐᒥᒃ ᔩᓱᓯᒧᐊᖁᓪᓗᒍ. 4ᐃᓄᖃᓗᐊᕐᖕᓂᖓᓄᑦ ᔩᓱᓯᒧᐊᖅᑎᑦᓱᓐᓇᖏᓐᓇᒥᑦᔪᒃ, ᐃᒡᓘᑉ ᖄᖓᒍᑦ ᐊᖕᒪᖅᐹᑦ, ᔩᓱᓯᐅᑉ ᓇᔪᖅᑕᖓᑕ ᖁᓛᒍᑦ; ᐃᒡᓘᑉ ᖁᓚᖓ ᐊᖕᒪᕇᕋᒥᑦᔪᒃ, ᐊᖑᑦ ᓄᕿᖃᖏᑦᑐᖅ ᓂᖏᑎᑉᐹᑦ ᓇᓚᕕᖕᒥᓃᑎᓪᓗᒍ. 5ᔩᓱᓯᐅᑉ ᐊᖑᑎᑦ ᑕᑯᒐᒥᒋᑦ ᐅᒃᐱᕐᖕᓂᖃᓪᓚᕆᒃᑐᑦ, ᐊᖑᑦ ᓄᑭᖃᖏᑦᑐᖅ ᐅᖃᐅᑎᕚ, “ᐃᕐᖕᓃᒃ ᐊᔪᕐᖕᓂᑎᑦ ᐃᓱᒪᒋᔭᐅᔪᓐᓃᖅᐳᑦ.”
6ᐱᖁᔭᓂᒃ ᐃᓕᓮᔨᑦ ᐃᓚᖏᑦ ᑕᕝᕙᓂ ᐃᒃᓯᕙᖃᑕᐅᔪᑦ, ᐃᓗᒥᒍᑦ ᐃᓱᒪᓕᖅᐳᑦ, 7“ᓱᖕᒪᓄᓇ ᑍᒫᒃ ᐅᖃᓕᕆᕙ? ᑕᒪᓐᓇ ᒎᑎᒥᒃ ᐅᖃᕐᖕᓂᕐᓘᑎᖃᕐᖕᓂᐅᕗᖅ! ᒎᑎ ᑖᓐᓇᑐᐊᑦᓯᐊᖅ ᐊᔪᕐᖕᓂᕐᖕᓂᒃ ᐃᓱᒪᒋᔪᓐᓁᖅᓯᔪᓐᓇᖅᐳᖅ.”
8ᑕᕝᕔᓐᓇᖅ ᔩᓱᓯᐅᑉ, ᐊᓂᕐᖕᓂᕐᖕᒥᒍᑦ ᖃᐅᔨᒐᒥᒋᒃ ᓱᓇᒥᒃ ᐃᓱᒪᖕᒪᖔᑕ, ᐅᖃᐅᑎᕔᑦ, “ᓱᖕᒪᑦ ᑕᒪᑐᒥᖓ ᐊᐱᖅᓲᑎᖃᖅᐱᓰ? 9ᓇᓪᓕᐊᓐᓂᒃ ᐅᖃᕐᓗᓂ ᐊᔪᕐᖕᓇᖏᓐᓂᖅᓴᐅᕚ ᐆᒧᖓ ᓄᑭᖃᖏᑦᑐᒧᑦ, ‘ᐊᔪᕐᖕᓂᑎᑦ ᐃᓱᒪᒋᔪᓐᓁᖅᑕᐅᕗᑦ,’ ᐅᕝᕙᓗ ᐅᖃᕐᓗᓂ, ‘ᒪᑭᓪᓗᑎᑦ, ᓇᓪᓚᖓᕖᑦ ᑎᒍᓪᓗᒍ, ᐱᓱᓕᕆᑦ?’ 10ᖃᐅᔨᓂᐊᕋᑦᓯ ᐃᓅᑉ ᐃᕐᖕᓂᖓ ᐱᔪᓐᓇᕐᖕᓂᖃᕐᖕᒪᑦ ᑕᒫᓂ ᓄᓇᒥ ᐊᔪᕐᖕᓂᕐᖕᓂᒃ ᐃᓱᒪᒋᔪᓐᓁᖅᓯᔪᓐᓇᕐᖕᒪᑦ,” ᑖᑦᓱᒧᖓ ᓄᑭᖃᖏᑦᑐᒧᑦ ᐅᖃᖅᐳᖅ, 11“ᐅᖃᐅᑎᕙᒋᑦ, ᒪᑭᑦᑎᑦ, ᓇᓪᓚᖓᕖᑦ ᑎᒍᓗᒍ ᐊᖏᕐᕋᓕᕆᑦ.”
12ᑖᓐᓇ ᒪᑭᑉᐳᖅ, ᑕᕝᕔᓐᓇᖅ ᓇᓪᓚᖓᕕᓂ ᑎᒍᓪᓗᓂᐅᒃ ᑕᕝᕙᓐᖓᑦ ᐊᓂᕗᖅ ᑕᑯᓐᓇᖅᑎᓪᓗᒋᑦ; ᑖᒃᑯᐊ ᑕᒪᕐᖕᒥᒃ ᑲᒪᓂᐊᒻᒪᕆᒃᐳᑦ ᒎᑎ ᓂᖅᑐᕐᓗᒍ, ᐅᖃᖅᐳᑦ, “ᑍᒤᑦᑐᒥᒃ ᑕᑯᓚᐅᖅᓯᒪᖏᒻᒪᕆᒃᐳᒍᑦ!”
ᔩᓱᓯᐅᑉ ᕾᖁᔨᓂᖓ ᓕᕔᒥᒃ
ᒫᑎᐅᓯ 9:9-13; ᓘᑲᓯ 5:27-32
13ᔩᓱᓯ ᐊᒻᒪ ᐊᓂᒋᕗᖅ ᒐᓕᓕᐊᑉ ᑕᓯᖓᑕ ᓯᓈᓄᑦ; ᐃᓄᒋᐊᒃᑐᕐᔪᐊᑦ ᐊᕙᑖᓂᓕᖅᐳᑦ, ᐊᔪᕆᖅᑐᓕᖅᐰᑦ. 14ᐱᓱᒃᓗᓂ, ᑕᑯᓕᕆᕗᖅ ᓕᕔᒥᒃ ᐊᐅᓪᐱᐊᓯᐅᑉ ᐃᕐᖕᓂᖓᓂᒃ ᑖᒃᓰᔧᕕᖕᒥ ᐱᓇᓱᐊᕐᕕᖕᒥᓂ ᐃᒃᓯᕙᔪᒥᒃ, ᔩᓱᓯᐅᑉ ᐅᖃᐅᑎᕚ, “ᒪᓕᓐᖓ.” ᑖᓐᓇ ᒪᑭᓐᓇᒥ ᔩᓱᓯ ᒪᓕᓕᖅᐹ.
15ᑭᖑᓂᖓᒍᑦ ᔩᓱᓯ ᓂᕆᖃᑕᐅᓕᖅᐳᖅ ᑖᑦᓱᒪ ᓕᕔᑉ ᐃᒡᓗᖓᓂ, ᕉᒪᒥᐅᑦ ᑮᓇᐅᔧᖅᑎᑦᓯᔨᖁᑎᖏᑦ ᐊᒥᓱᑦ ᐊᔪᖅᑐᓕᔪᓪᓗ ᐃᒃᓯᕙᖃᑕᐅᒋᕗᑦ ᔩᓱᓯᒧᑦ ᐃᓕᓐᓂᐊᖅᑎᖏᓐᓄᓪᓗ; ᐊᒥᓱᑦ ᒪᓕᓚᐅᕐᖕᒪᑕ. 16ᐱᖁᔭᓂᒃ ᐃᓕᓮᔩᑦ ᐹᕆᓯᐅᔪᑦ, ᑕᑯᒐᒥᒃ ᓂᕆᖃᑎᖃᕐᖕᓂᖓᓂᒃ ᐊᔪᖅᑐᓕᔪᓂᒃ ᕉᒪᒥᐅᓪᓗ ᑮᓇᐅᔧᖅᑎᑦᓯᔨᖏᓐᓂᒃ, ᐃᓕᓐᓂᐊᖅᑎᖏᓐᓄᑦ ᐅᖃᖅᐳᑦ, “ᓱᖕᒪᓄᓇ ᓂᕆᖃᑎᖃᖅᐸ ᕉᒪᒥᐅᑦ ᑮᓇᐅᔧᖅᑎᑦᓯᔨᖏᓐᓂᒃ ᐊᔪᖅᑐᓕᔪᓂᒡᓗ?”
17ᔩᓱᓯᐅᑉ ᑐᓴᕋᒥᒋᑦ, ᐅᖃᐅᑎᕔᑦ, “ᖃᓄᐃᖏᑦᑐᑦ ᐋᓐᓂᐊᓯᐅᖅᑎᖃᕆᐊᖃᓐᖏᓚᑦ,#2:17 ᓇᔭᓐᖑᐊᖅ ᖃᓂᒪᔪᓪᓕ ᑭᓯᒥ; ᐃᓗᐊᖅᑐᓂᒃ ᕾᖁᔨᔭᖅᑐᖅᓯᒪᓐᖏᓚᖓ, ᐊᔪᖅᑐᓕᔪᓂᒡᓕ.”
ᓂᕆᑦᑍᓕᓂᕐᖕᒥᒃ ᔩᓱᓯᐅᑉ ᐊᐱᕆᔭᐅᓂᖓ
ᒫᑎᐅᓯ 9:14-17; ᓘᑲᓯ 5:33-39
18ᑍᑦᓱᒪᓂ ᔪᐊᓇᓯ ᐹᑉᑎᑎᕆᔨᐅᑉ ᒪᓕᒃᑎᖏᑦ ᐹᕆᓯᓪᓗ ᓂᕆᑦᑍᓕᓚᐅᖅᐳᑦ; ᐃᓄᐃᑦ ᔩᓱᓯᒧᐊᕐᓗᑎᒃ ᐊᐱᕆᕚᑦ, “ᓱᖕᒪᓂᒃᑯᐊ ᔪᐊᓇᓯ ᐹᑉᑎᑎᕆᔨᐅᑉ ᐃᓕᓐᓂᐊᖅᑎᖏᑦ ᐹᕆᓯᓪᓗ ᐃᓕᓐᓂᐊᖅᑎᖏᑦ ᓂᕆᑦᑍᓕᕙᒃᐹᑦ? ᐃᓕᓐᓂᐊᖅᑎᑎᑦ ᓂᕆᑦᑍᓕᓚᐅᖅᓯᒪᑎᓐᓇᒋᑦ?”
19ᔩᓱᓯᐅᑉ ᐅᖃᐅᑎᕔᑦ, “ᑲᑎᑎᑕᐅᔪᖃᖅᑎᓪᓗᒍ ᓂᕆᔭᖅᑐᖁᔭᐅᓯᒪᔪᑦ ᓂᕆᑦᑍᓕᓲᖑᕚᑦ ᐅᐃᒃᓴᖅ ᑕᕝᕙᓃᑎᓪᓗᒍ? ᖃᐅᔨᒪᕗᓯ ᐅᐃᒃᓴᖅ ᑕᕝᕙᓃᑎᓪᓗᒍ, ᓂᕆᑦᑍᓕᔪᓐᓇᖏᑦᑐᑦ. 20ᐅᓪᓗᐃᑦ ᓇᓪᓕᐅᑎᔪᒫᖅᐳᑦ, ᐅᐃᒃᓴᒥᒃ ᐊᖅᓵᖅᑕᐅᕕᖓᑦ, ᑕᕝᕙ ᓂᕆᑦᑍᓕᓕᕈᒫᖅᐳᑦ.
21“ᐊᓐᓄᕌᑐᖃᕐᖕᒥᒃ ᐃᓚᓯᔪᖃᖅᐸᓐᖏᓚᖅ ᓄᑖᒥᒃ ᐃᕿᔭᑦᑐᒥᒃ; ᐊᓐᓄᕌᑐᖃᖅ ᐃᕿᔭᑦᑐᒥᒃ ᐃᓚᔭᐅᒍᓂ, ᓄᑕᐅᖏᑦᑐᖅ ᐊᓕᒃᑐᕋᔭᕐᖕᒪᒍ, ᐊᓐᓄᕌᑐᖃᕐᓗ ᐊᖏᓂᖅᓴᒥᒃ ᐊᖕᒪᔪᖃᓕᕋᔭᖅᐳᖅ. 22ᐅᐂᓂᒥᒃ ᓄᑖᒥᒃ ᐅᐂᓂᖃᐅᑎᑐᖃᕐᖕᒧᑦ ᐊᒥᕐᖕᒧᑦ ᑯᕕᓯᔪᖃᖅᐸᓐᖏᓚᖅ; ᓄᑖᑉ ᐅᐂᓂᖃᐅᑎᑐᖃᖅ ᐊᒥᖅ ᖄᖅᑎᑐᐃᓐᓇᕐᖕᓂᐊᕐᖕᒪᒍ, ᐅᐂᓂᓗ ᑕᒪᐅᖓᑐᐃᓐᓇᖅ ᑯᕕᒐᔭᑦᐳᖅ, ᐅᐂᓂᖃᐅᑎᑐᖃᕐᓗ; ᑍᒤᒻᒪᑦ ᐅᐂᓂ ᓄᑖᖅ ᑯᕕᔭᐅᔭᕆᐊᖃᖅᐳᖅ ᐅᐂᓂᖃᐅᑎᒧᑦ ᓄᑖᒧᑦ.”
ᓵᐸᑎᒥᒃ ᐊᐱᖅᑯᓯᖃᕐᖕᓂᖅ
ᒫᑎᐅᓯ 12:1-8; ᓘᑲᓯ 6:1-5
23 #
ᒨᓯᓯ ᑕᓪᓕᒪᖏᑦ 23:25. ᑍᑦᓱᒪᓂ ᔩᓱᓯ ᓴᐸᑎᐅᑎᓪᓗᒍ ᐱᓱᓚᐅᖅᐳᖅ ᓂᐊᖂᔭᒃᓴᖅᑕᓕᒃᑯᑦ; ᐃᓕᓐᓂᐊᖅᑎᖏᑦ ᐱᓱᒃᓗᑎᒃ ᓂᐊᖂᔭᒃᓮᑦ ᓄᕗᖏᓐᓂᒃ ᑎᒍᓯᖃᑦᑕᖅᐳᑦ. 24ᐹᕆᓯᑦ ᔩᓱᓯᒧᑦ ᐅᖃᖅᐳᑦ, “ᑕᑯᒋᑦ, ᐃᓕᓐᓂᐊᖅᑎᑎᑦ ᐱᖁᔭᑦᑎᓐᓂᒃ ᒪᓕᒍᓐᓃᖅᐳᑦ ᓴᐸᑎᒥ ᑍᒤᓕᐅᖅᑎᓪᓗᒋᑦ!”
25ᔩᓱᓯᐅᑉ ᐅᖃᐅᑎᕔᑦ, “ᐊᑐᐊᖅᓯᓚᐅᖅᓯᒪᓐᖏᓚᓰ ᑍᕕᑎᐅᑉ ᐱᓂᐊᕐᖕᓂᕆᓚᐅᖅᓯᒪᔭᖓᓂᒃ, ᓂᕿᒃᓴᖃᕈᓐᓃᕋᒥᒃ ᑳᓕᕐᓗᑎᒃ, ᓇᖕᒥᓂᖅ ᐃᓚᒋᔭᖏᓪᓗ? 26#ᒨᓯᓯ ᐱᖓᔪᖏᑦ 24:9.#ᓴᒧᐃᓕ ᓯᕗᓪᓖᑦ 21:1-6.ᑍᕕᑎ ᒎᑎᐅᑉ ᐃᒡᓗᖓᓄᐊᓚᐅᖅᐳᖅ, ᓂᕆᓪᓗᓂ ᓂᐊᖂᔭᓂᒃ ᒎᑎᒧᑦ ᑐᓂᕐᕈᑎᒋᔭᐅᓯᒪᔪᓂᒃ, ᐊᐰᐊᑕ ᑐᓂᕐᕈᓯᖅᑎᑦᓯᔨᓄᑦ ᐊᖓᔪᖅᑳᖑᑎᓪᓗᒍ, ᐱᖁᔧᑦ ᒪᓕᒡᓗᒋᑦ ᓂᐊᖂᔧᑦ ᑐᓂᕐᕈᓯᖅᑎᑦᓯᔨᓄᑦ ᑭᓯᐊᓂ ᓂᕆᔭᐅᔭᕆᐊᖃᖅᑎᓪᓗᒋᑦ, ᑍᕕᑎᓕ ᓂᕆᓚᐅᖅᐳᖅ ᐃᓚᒥᓄᑦ ᐊᒡᓛᑦ ᑐᓂᓯᓪᓗᓂ.”
27ᔩᓱᓯ ᐅᖃᖅᐳᖅ, “ᓴᐸᑎ ᐋᖅᑭᒃᑕᐅᓯᒪᕗᖅ ᐃᓄᒃ ᐱᑦᔪᑎᒋᓪᓗᒍ; ᐃᓄᒡᓕ ᐋᖅᑭᒃᑕᐅᓯᒪᓐᖏᓚᖅ ᓴᐸᑎ ᐱᓪᓗᒍ; 28ᐃᓅᑉ ᐃᕐᖕᓂᖓ ᐊᑕᓂᐅᖕᒪᑦ ᐊᒡᓛᑦ ᓴᐸᑎᒧᑦ.”
Currently Selected:
ᒫᑯᓯᐅᑉ ᐊᒡᓚᖏᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.