ᒨᓯᓯ ᐂᑉᐸᖏᑦ 3
3
ᒎᑎᐅᑉ ᑎᓕᓯᓂᖓ ᒨᓯᓯᒥᒃ
1ᐅᓪᓗᓪᓕ ᐃᓚᖓᓐᓂ ᒨᓯᓯ ᑲᒪᑎᓪᓗᒍ ᓴᑭᒥ ᔨᑐᕉᑉ ᓰᐱᖁᑎᖏᓐᓂᒃ ᑖᑦᓱᒪ ᑐᓂᕐᕈᓯᖅᑎᑦᓯᔨᐅᔫᑉ ᒥᑎᐊᓂᒥ, ᓰᐱᖁᑎᖏᑦ ᓄᓇᖃᕐᕕᐅᖏᑦᑐᒃᑯᑦ ᓯᐅᕌᓗᒃᑯᑦ ᐃᑳᕈᑎᓪᓗᓂᒋᑦ ᖃᖅᑳᓗᖕᒧᐊᖅᐳᖅ ᐃᑦᔪᕐᖕᓁᓐᓂᕋᖅᑕᐅᔪᒧᑦ ᕼᐆᕆᑉᒥᒃ ᐊᑎᓕᖕᒧᑦ, ᒎᑎᐅᑉ ᖃᖅᑲᖁᑎᖓᓄᑦ. 2#ᐋᐴᓯᑕᓖᑦ 7:30-34.ᑕᕝᕙᓂᓗ ᐊᑕᓂᐅᑉ ᐂᖏᓖᖓᑕ ᓴᖅᑭᕝᕕᒋᕚ ᐃᑯᐊᓚᔪᑎᑐᑦ ᐅᖅᐱᒊᑦ ᕿᑎᖓᓐᓂᑦ. ᒨᓯᓯᐅᓪᓗ ᐅᖅᐱᒊᑦ ᐃᑯᐊᓚᔪᑦ ᑕᐅᑐᒃᑲᓗᐊᖅᐰᑦ ᐃᑭᑉᐸᓕᐊᖏᑦᑐᑦ. 3ᒨᓯᓯᓗ ᐃᓱᒪᓕᖅᐳᖅ, ᖃᓄᐃᒻᒪᑦ ᐅᖅᐱᒊᑦ ᐃᑭᑉᐸᓪᓕᐊᓐᖏᓚᑦ ᖃᒡᓕᑲᓐᓂᖅᓗᒋᑦ ᑕᑯᓚᐅᕐᓚᒃᑲ.
4ᐊᑕᓂᐅᓪᓗ ᒨᓯᓯ ᑕᑯᒐᒥᐅᑉ ᖃᒡᓕᕙᓪᓕᐊᔪᖅ, ᒎᑎᐅᑉ ᐅᖃᐅᑎᕚ ᐅᖅᐱᒊᑦ ᕿᑎᖓᓐᓂᖔᖅᓗᓂ, “ᒨᓯᓯ, ᒨᓯᓯ!”
ᒨᓯᓯᐅᓪᓗ ᑭᐅᕚ, “ᐅᕝᕙᐅᕗᖓ.”
5ᒎᑎᐅᓪᓗ ᐅᖃᐅᑎᕚ, “ᖃᒡᓕᒃᑲᓐᓂᖅᑍᓕᒋᑦ ᐃᑎᒐᒍᑏᒃᑭᒃ ᐲᒃᑭᒃ ᓄᓇ ᑐᓪᓕᕋᖅᑍᑦ ᐃᑦᔪᕐᖕᓁᑦᑑᖕᒪᑦ. 6ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.
7ᐊᑕᓂᕐᓗ ᐅᖃᖅᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᖅᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᖅᓱᕐᖕᓂᖏᑦ ᖃᐅᔨᒪᑦᓯᐊᖅᐸᒃᑲ. 8ᑕᒪᐅᓐᖓᖅᓯᒪᕗᖓ ᓴᐳᑎᔭᖅᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᖅᑐᖅᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᖅᓴᕐᖕᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ. 9ᐃᓴᕆᐊᓕᒥᐅᑦ ᕿᓄᓂᖏᑦ ᑐᓴᖅᓯᒪᕙᒃᑲ, ᖃᐅᔨᓪᓗᖓᓗ ᐄᑦᔨᑉᑎᒥᐅᑦ ᐊᒃᓱᕈᖅᑎᑦᓯᓂᖏᓐᓂᒃ ᑖᒃᑯᓂᖓ. 10ᑎᓕᔪᒪᓕᖅᐸᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓄᑦ ᐃᓄᖁᑎᒃᑲ ᐃᓴᕆᐊᓕᐅᑉ ᑭᖑᕚᖏᑦ ᐊᐅᓪᓚᖅᑎᑕᐅᖁᓪᓗᒋᑦ ᓄᓇᖁᑎᖓᓐᓂᑦ.”
11ᒨᓯᓯᓕ ᒎᑎᒧᑦ ᐅᖃᖅᐳᖅ, “ᐃᓄᑐᐃᓐᓇᕈᓘᔪᖓᓕ ᖃᓄᕐᓕ ᐊᖓᔪᖅᑳᕐᔪᐊᒨᕈᓐᓇᕐᖕᓂᐊᕋᒪ ᐃᓴᕆᐊᓕᒥᐅᓪᓗ ᐄᑦᔨᑉᑎᒥᑦ ᐊᐅᓪᓚᖅᑎᓪᓗᒌᑦ?”
12ᒎᑎᐅᓪᓗ ᑭᐅᕙ, “ᐱᖃᑎᒋᓂᐊᖅᐸᒋᑦ, ᐃᓄᐃᓪᓗ ᐄᑦᔨᑉᑎᒥᑦ ᐊᐅᓪᓚᕈᑎᒍᕕᒋᑦ ᑕᕝᕙᓂ ᖃᖅᑲᒥ ᑐᒃᓯᐊᕐᕕᒋᔪᒫᖅᐸᕐᖕᒪ; ᑖᓐᓇ ᓇᓗᓁᒃᑯᑕᐅᓛᕐᖕᒪᑦ ᐅᕙᓐᓄᑦ ᑎᓕᔭᐅᓯᒪᒐᕕᑦ.”
13 #
ᒨᓯᓯ ᐂᑉᐸᖏᑦ 6:2,3. ᑕᕝᕙ ᒨᓯᓯ ᑭᐅᕗᖅ, “ᐃᓴᕆᐊᓕᒥᐅᓄᐊᕈᒪᓕ ᐅᖃᖅᓗᖓᓗ, ᓯᕗᓪᓕᓯ ᒎᑎᖓᑦᑕ ᑎᓕᖕᒪᖓ ᐃᓕᑦᓯᓐᓄᑦ, ᐊᐱᕆᓂᐊᕐᖕᒪᑕ ᐅᕙᓐᓂᒃ ᖃᓄᖅ ᐊᑎᖃᖅᐹ? ᑍᒤᓕᔭᐅᒍᒪ ᖃᓄᕐᓕ ᑭᐅᒐᔭᖅᐸᒃᑲ?”
14 #
ᑕᑯᑎ 1:4,8. ᒎᑎ ᒨᓯᓯᒧᑦ ᐅᖃᖅᐳᖅ, “ᐅᕙᖓᐅᕗᖓ ᐊᓯᖃᖏᑦᑐᖅ; ᑍᒫᒃ ᐃᓴᕆᐊᓕᒥᐅᑦ ᐅᖃᐅᑎᓂᐊᖅᐸᑎᑦ ᑖᑦᓱᒪ ᑍᔭᐅᔫᑉ ᐅᕙᖓᐅᔪᒥᒃ ᑖᑦᓱᒪ ᑎᓕᕚᖓ ᐃᓕᑦᓯᓐᓄᑦ.” 15ᒎᑎᓗ ᐅᖃᕆᕗᖅ ᒨᓯᓯᒧᑦ, “ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐅᕙᖓ ᐊᑕᓂᖅ ᓯᕗᓪᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓᑕ ᑎᓕᕚᑎᑦ ᑍᒃᑯᓄᖓ ᑍᒪᓐᓇ ᐊᑎᕾᓐᓇᕐᖕᓂᐊᖅᐳᖓ ᐃᓱᖃᖏᑦᑐᒧᑦ, ᑍᒫᒃ ᑕᕝᕙ ᑭᖑᕚᑦᓯ ᑍᖃᑦᑕᕆᐊᖃᓛᖅᐹᖓ. 16ᐊᑏ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᑲᑎᒪᑎᑦᓴᖅᑐᓚᐅᒃᑭᑦ ᐅᖃᐅᑎᓗᒋᓪᓗ, ᐅᕙᖓ ᐊᑕᓂᖅ ᓯᕗᓕᖏᑦᑕ ᒎᑎᖓᑦ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᖓ ᓴᖅᑭᓚᐅᕐᖕᓂᕋᖅᓗᖑ ᐃᓕᖕᓄᑦ. ᐅᖃᐅᑎᓗᒋᓪᓗ ᑎᑭᕝᕕᒋᕙᒃᑲ ᖃᐅᔨᓪᓗᖓᓗ ᐄᑦᔨᑉᑎᒥᐅᓄᑦ ᖃᓄᐃᓕᐅᖅᑕᐅᓂᖏᓐᓂᒃ. 17ᐄᑦᔨᑉᑎᒥᑦ ᐊᐅᓪᓚᖅᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᖅᓴᕐᖕᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.
18“ᐃᓄᖁᑎᒃᑲᓗ ᓈᓚᖕᓂᐊᖅᐳᑦ ᐅᖃᐅᓯᕆᔭᓐᓂᒃ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐱᖃᑎᒋᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᓐᓄ ᐂᓂᐊᖅᐳᓯ, ᐅᖃᐅᑎᓗᒍᓗ, ᐊᑕᓂᖅ ᐄᑉᕉᒥᐅᑦ ᒎᑎᖓᑦᑕ ᓴᖅᑭᕝᕕᒋᓯᒪᖕᒪᑎᒍᑦ ᐊᐅᓪᓚᕈᓐᓇᖅᑎᑎᒍᑦ ᐃᖏᕐᕋᔭᕆᐊᖃᕋᑦᑕ ᐅᓪᓗᓂᒃ ᐱᖓᓱᓂᒃ ᐃᓄᖃᖏᑦᑐᒧᑦ ᑐᓂᕐᕈᓯᕆᐊᖅᑐᖅᓗᑕ ᐊᑕᓂᕐᖕᒧᑦ ᒎᑎᑦᑎᓐᓄᑦ. 19ᖃᐅᔨᒪᔪᖓ ᐄᑦᔨᑉᑎᒥᐅᑉ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᖅᑎᑦᔮᓐᖏᑖᓯ ᐱᕕᒃᓮᕈᑎᓚᐅᖅᑳᖏᓐᓂᕐᖕᒥᓂ. 20ᐱᔪᓐᓇᕐᖕᓂᓐᓄᓪᓕ ᐱᓇᓱᐊᕐᖕᓂᐊᖅᐳᖓ ᐄᑦᔨᑉᑎᒥᐅᑦ ᐋᖅᑭᒋᐊᖅᓗᒋᑦ ᐱᔪᒥᓇᖏᑦᑐᐊᓗᖕᓂᒃ ᐱᓂᐊᕐᕕᒋᓗᒋᑦ ᑭᖑᓂᖓᒍᓪᓕ ᐊᐅᓪᓚᖅᑎᓐᓂᐊᖅᐹᓯ.
21 #
ᒨᓯᓯ ᐂᑉᐸᖏᑦ 12:35,36. “ᐄᑦᔨᑉᑎᒥᐅᑦ ᖁᕕᐊᓲᑎᖃᖅᑎᓐᓂᐊᖅᐸᒃᑲ ᐃᓕᑦᓯᓐᓂᒃ ᐃᓄᖁᑎᒃᑲ ᐊᐅᓪᓚᖅᐸᑕ ᐱᒃᓴᖃᖁᓪᓗᒋᑦ. 22ᐃᓴᕆᐊᓕᒥᐅᑦ ᐊᕐᖕᓇᖁᑎᓕᒫᖏᑦ ᓯᓚᖅᑲᑎᒥᖕᓄᑦ ᐄᑦᔨᑉᑎᒥᐅᓄᑦ ᐅᕝᕙᓘᓐᓃᑦ ᐄᑦᔨᑉᑎᒥᐅᑕᕐᖕᒥᒃ ᐊᕐᖕᓇᐅᖃᑎᖃᕈᓂ ᐃᒡᓗᒥᓂ ᑐᒃᓯᕋᕐᕕᒋᔭᒃᓴᕆᕚ ᐊᓐᓄᕌᓂᒃ, ᒎᓗᒥᒃ, ᓯᐅᓪᕕᕆᒥᒡᓘᓐᓃᑦ. ᐃᓴᕆᐊᓕᒥᐅᓪᓗ ᐃᕐᖕᓂᕐᖕᒥᖕᓄᑦ ᐸᓂᖕᒥᖕᓄᓪᓗ ᑕᒪᒃᑯᐊ ᐊᒡᔭᖅᑕᐅᑎᑕᒃᓴᕆᕔᑦ ᐄᑦᔨᑉᑎᒥᐅᑦ ᐊᔪᖅᓴᖏᑦᔪᑎᖏᓐᓂᒃ ᐊᐅᓪᓚᕈᑦᔨᖁᓪᓗᒋᑦ.”
Currently Selected:
ᒨᓯᓯ ᐂᑉᐸᖏᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.