ᑯᓘᓯᐊᒥᐅᓄᑦ 3
3
1 #
ᐃᓐᖏᕈᑦ 110:1. ᑕᕝᕙ ᙭ᔅᑑᓯ ᒪᑭᖃᑎᒋᓯᒪᒍᑦᓯᐅᒃ, ᐹᓃᑦᑐᓂᒃ ᐃᓱᒪᖃᕆᑦᓯ, ᙭ᔅᑑᓯ ᑕᑉᐹᓃᒻᒪᑦ, ᒎᑎᐅᑉ ᑕᓕᖅᐱᐊᓂ ᐃᒃᓯᕙᓪᓗᓂ. 2ᐹᓃᑦᑐᑦ ᐱᓇᓱᐊᖅᓯᒋᑦ, ᓄᓇᒦᑦᑐᑦ ᐱᓇᒋᑦ. 3ᑐᖁᓯᒪᒐᑦᓯ, ᐃᓅᓯᓯᓗ ᙭ᔅᑑᓯ ᐃᓚᒋᓗᒍ ᐃᔨᖅᓯᒪᕗᑦ ᒎᑎᒥ. 4᙭ᔅᑑᓯᓕ ᐃᓅᑦᔪᑎᒋᔭᓯ ᓴᖅᑭᑉᐸᑦ, ᐃᓕᑦᓯᑦᑕᐅᖅ ᓴᖅᑭᖃᑎᒋᔪᒫᖅᐸᓯ ᐱᓐᓇᕐᖕᓇᖅᑐᕐᔪᐊᕐᖕᒥᒃ ᐱᖃᖃᑎᒋᓗᒍ.
ᐃᓅᓯᑐᖃᖅ ᐃᓅᓯᕐᓗ ᓄᑖᖅ
5ᑍᒤᒻᒪᑦ ᓯᓚᕐᔪᐊᕐᖕᒥᐅᑦ ᐱᔪᒪᕕᒡᔪᐊᕐᖕᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᖅᓯᒋᒃ ᒪᑯᐊ: ᓄᓕᐊᕐᖕᓃᑦ, ᐃᑦᔪᕐᖕᓇᖅᑐᓕᓃᑦ, ᐃᒃᓯᒎᕐᖕᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᖕᓃᑦ, ᐱᖃᕈᒪᓗᐊᕐᖕᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᖕᓂᐅᖕᒪᑕ. 6ᑕᒪᒃᑯᐊ ᐱᓪᓗᒋᑦ ᒎᑎᐅᑉ ᓂᓐᖓᐅᓯᖓ ᑎᑭᑦᓱᒫᕐᖕᒪᑦ ᒎᑎᒥᒃ ᓈᓚᖏᑦᑐᓄᑦ. 7ᑍᒫᒃᑕᐅᖅ ᑕᒪᒃᑯᐊ ᐱᔪᒪᕕᒡᔪᐊᕐᖕᓃᑦ ᐊᑐᕐᓗᒋᑦ ᐃᓅᕙᓚᐅᕆᕗᓯ, ᑍᑦᓱᒪᓂ ᑍᒫᒃ ᐃᓅᑎᓪᓗᓯ.
8ᒫᓐᓇᓕ ᒪᑯᐊ ᑕᒪᕐᖕᒥᒃ ᐊᑐᕆᐊᖃᕈᓐᓃᖅᐸᓯ: ᓂᓐᖓᖕᓂᖅ, ᓂᓐᖓᕕᒡᔪᐊᕐᖕᓂᖅ, ᐆᒥᓱᖕᓂᖅ, ᐅᖃᕐᖕᓂᕐᓘᑎᖃᕐᖕᓂᖅ, ᐅᖃᐅᓯᕐᓗᒡᓂᒡᓗ ᖃᓂᑦᓯᓐᓂᑦ ᐊᓂᔪᖃᖅᑍᓕᓕᕐᓕ. 9#ᐃᐱᓯ 4:22.ᐃᓕᑦᓯᓐᓄᑦ ᓴᒡᓗᖃᑦᑕᐅᑎᓂᐊᕋᓯ, ᐃᓅᓯᑐᖃᓯ ᐃᓕᖅᑯᓯᖏᓪᓗ ᖁᔭᓈᖅᓯᒪᓕᕋᑦᓯᐅᒃ, 10#ᐃᐱᓯ 4:24; ᒨᓯᓯ ᓯᕗᓪᓖᑦ 1:26.ᐃᓅᓯᕐᖕᒥᒡᓗ ᓄᑖᒥᒃ ᐊᑎᓯᓯᒪᓕᕋᑦᓯ, ᑕᒪᓐᓇᓗ ᓄᑖᓐᖑᖅᑎᑕᐅᕙᓪᓕᐊᕗᖅ ᖃᐅᔨᕙᓪᓕᐊᓂᒃᑯᑦ ᒎᑎ ᐱᓐᖑᖅᑎᑦᓯᔨᓂ ᐊᑦᔨᒋᓗᒍ. 11ᑕᕝᕙᓂ ᐃᓅᓯᕐᖕᒥ ᓄᑖᒥ ᒍᕇᑭᑕᖃᓐᖏᓚᖅ ᔫᑎᑕᖃᕋᓂᓗ, ᑭᐱᓯᒪᔪᖃᓐᖏᓚᖅ ᑭᐱᓯᒪᖏᑦᑐᖃᕋᓂᓗ, ᐅᖓᓯᖅᑐᒥᐅᑕᖃᕋᓂᓗ ᐋᓪᓚᑕᖃᕋᓂᓗ,#3:11 ᑕᑯᒋᐅᕐᓇᖅᑐᖃᕋᓂᓗ ᓂᐅᕕᐊᖑᓯᒪᓂᒃᑯᓪᓗ ᐱᔨᑕᖃᕋᓂ, ᐱᔨᐅᖏᖅᑐᖃᕋᓂᓗ, ᙭ᔅᑑᓯᓕ ᑕᒤᓐᓅᖅᐳᖅ, ᑕᒤᓐᓃᓪᓗᓂᓗ.
12 #
ᐃᐱᓯ 4:2. ᑍᒤᒻᒪᑦ ᐊᓐᓄᕌᖅᓯᒪᓕᕆᑦᓯ ᒎᑎᐅᑉ ᓂᕈᐊᖅᓯᒪᔭᖏᑎᑐᑦ, ᐃᑦᔪᕐᖕᓁᑦᑐᑎᑐᑦ, ᓇᒡᓕᒋᔭᐅᔪᑎᑐᓪᓗ, ᐊᓐᓄᕌᖅᓯᒪᓗᓯ ᓇᒡᓕᖕᓂᕐᖕᒥᒃ, ᐱᑦᓯᐊᕐᖕᓂᕐᖕᒥᒃ, ᒥᑭᒡᓕᑎᖅᓯᒪᓂᕐᖕᒥᒃ, ᐱᐅᔪᕆᖏᓐᓂᕐᖕᒥᒃ, ᕿᓄᐃᓵᕐᖕᓂᕐᖕᒥᒡᓗ. 13#ᐃᐱᓯ 4:32.ᐃᓕᑦᓯᓐᓄᑦ ᐃᑲᔪᖅᑐᖃᑦᑕᐅᑎᓗᓯ, ᓱᓇᒥᒡᓗ ᓈᒻᒪᒃᓴᖏᑦᔪᑎᖃᖅᑐᖃᖅᐸᑦ ᓇᓕᑦᓯᓐᓄᑦ, ᐃᓱᒪᒋᔪᓐᓁᖃᑎᒌᖃᑦᑕᕐᓗᓯ; ᐊᑕᓂᐅᑦᑕᐅᖅ ᐃᓱᒪᒋᔪᓐᓁᕐᕕᒋᓚᐅᕐᖕᒪᓯ, ᑍᒫᒃᑕᐅᖅ ᐃᓱᒪᒋᔪᓐᓁᖅᓯᖃᑦᑕᕆᑦᓯ. 14ᑕᒪᒃᑯᐊᓕ ᖄᖏᑎᒍᑦ ᐊᑎᓯᓯᒪᓗᓯ ᓇᒡᓕᖕᓂᕐᖕᒥᒃ, ᑖᓐᓇ ᑕᒤᓐᓂᒃ ᑲᑎᓐᖓᑎᑦᓯᖕᒪᑦ ᓈᒻᒪᑦᓯᐊᖅᑐᒥᒡᓗ ᐊᑕᐅᓯᐅᓂᖃᖅᑎᑦᓯᓪᓗᓂ. 15᙭ᔅᑑᓯᐅᑉ ᓮᒻᒪᖅᑎᑦᓯᓂᖓᑕ ᐆᒻᒪᑎᓯ ᐊᐅᓚᓪᓕᒋᑦ, ᕾᖁᔭᐅᓯᒪᒐᑦᓯ ᑎᒥᐅᖁᓪᓗᓯ ᐊᑕᐅᓯᕐᖕᒥ. ᑕᒪᓐᓇᓗ ᖁᔭᓕᑦᔪᑎᒋᓯᐅᒃ. 16#ᐃᐱᓯ 5:19,20.᙭ᔅᑑᓯᐅᑉ ᐅᖃᐅᓯᖏᑦ ᐃᓗᑦᓯᓐᓂ ᐃᓂᖃᑦᓯᐊᕐᓕᑦ, ᐊᔪᕆᖅᑐᖃᑦᑕᐅᑎᓗᓯ ᐃᕾᑎᑦᓯᔨᒌᒃᓗᓯᓗ ᐃᓕᑦᓯᓐᓄᑦ ᑕᒤᑎᒍᑦ ᓯᓚᑐᓂᖃᕐᓗᓯ, ᐃᓐᖏᕐᓗᓯᓗ ᑍᕕᑎᐅᑉ ᐃᓐᖏᕈᑎᖏᓐᓄᑦ ᐱᓯᕐᖕᓄᓪᓗ ᐊᓂᕐᖕᓂᒃᑯᓪᓗ ᐃᓐᖏᕐᓗᓯ ᒎᑎᒧᑦ ᖁᔭᓕᓗᓯ ᐆᒻᒪᑎᑦᓯᒍᑦ. 17ᓱᓇᑐᐃᓐᓇᕐᖕᓂᒡᓗ ᐱᓇᓱᐊᕌᖓᑦᓯ, ᐅᖃᐅᓯᒃᑯᓪᓘᓐᓃᑦ ᐱᓂᐊᕐᖕᓂᒃᑯᓪᓘᓐᓃᑦ, ᐱᓇᓱᐊᖃᑦᑕᕆᑦᓯ ᐊᑕᓂᐅᑉ ᔩᓱᓯᐅᑉ ᐊᑎᖓᓂ, ᖁᔭᓕᓗᓯ ᒎᑎᒧᑦ ᐊᑖᑕᒧᑦ ᑖᑦᓱᒨᓇ.
ᐃᓅᑉ ᐃᓕᖅᑯᓯᕆᔭᕆᐊᖃᖅᑕᖏᑦ ᐃᓅᓯᕐᖕᒥ ᓄᑖᒥ
18 #
ᐃᐱᓯ 5:22; 1 ᐲᑦᑐᕉᓯ 3:1. ᓄᓕᐊᖑᔪᓯ, ᐅᐃᑦᓯᓐᓄᑦ ᑐᓂᓯᒪᒋᑦᓯ, ᑕᒪᓐᓇ ᑍᒫᒃ ᓈᒻᒪᓈᕐᖕᒪᑦ ᐊᑕᓂᕐᖕᒥ.
19 #
ᐃᐱᓯ 5:25; 1 ᐲᑦᑐᕉᓯ 3:7. ᐅᐃᖑᔪᓯ, ᓄᓕᐊᓯ ᓇᒡᓕᒋᓯᒋᒃ, ᐃᓕᕋᓇᕋᓱᐊᕐᖕᓂᐊᕋᓯᓗ ᑖᒃᑯᓄᖓ.
20 #
ᐃᐱᓯ 6:1. ᕿᑐᕐᖓᐅᔪᓯ, ᐊᖓᔪᖅᑳᓯ ᓱᓇᓕᒫᓄᑦ ᓈᓚᒃᓯᒋᒃ, ᑕᒪᓐᓇ ᐊᑕᓂᐅᑉ ᐊᑲᐅᒋᖕᒪᒍ.
21 #
ᐃᐱᓯ 6:4. ᐊᑖᑕᐅᔪᓯ, ᕿᑐᕐᖓᓯ ᓂᓐᖓᒃᓴᕐᖕᓂᐊᕋᓯᒋᒃ, ᓴᐱᓕᖁᓇᒋᑦ.
22 #
ᐃᐱᓯ 6:5-8. ᓂᐅᕕᖅᑕᐅᓪᓗᓯ ᐱᔨᑖᕆᔭᐅᓯᒪᔪᓯ, ᐊᖓᔪᖅᑳᓯ ᓄᓇᒦᑦᑐᑦ ᓈᓚᒃᓯᒋᒃ ᓱᓇᓕᒫᓄᑦ, ᑕᑯᓐᓇᖅᑎᓪᓗᒋᑦ ᑭᓯᐊᓂᐅᖏᑦᑐᖅ, ᐱᐅᒋᔭᐅᔪᒪᓂᑐᐃᓐᓇᕐᖕᒨᖏᑦᑐᕐᓗ, ᓱᓕᑦᓯᐊᖅᑐᒥᒡᓕ ᐆᒻᒪᑎᑦᓯᓐᓂᑦ ᐱᔪᒧᑦ, ᐊᑕᓂᖅ ᓯᕘᕋᒋᓗᒍ. 23ᓱᓇᑐᐃᓐᓇᕐᖕᒥᒃ ᐱᓇᓱᐊᕈᕕᑦ, ᐊᒃᓱᕈᕐᓗᑎᑦ ᐱᓇᓱᐊᖃᑦᑕᕆᑦ, ᐊᑕᓂᕐᖕᒧᑦ ᐱᓇᓱᐊᖅᑐᑎᑐᑦ ᐃᓄᖕᓅᖏᑦᑐᖅ. 24ᖃᐅᔨᒪᒐᑦᓯ ᐊᑕᓂᕐᖕᒥᑦ ᐊᑭᓕᖅᑕᐅᔪᒫᕋᑦᓯ ᑭᖑᕐᖑᑎᔭᒃᓴᐅᑎᑕᖓᓂᒃ ᐊᑭᓕᖅᑕᐅᓗᓯ; ᐊᑕᓂᖅ ᙭ᔅᑑᓯ ᐱᔨᑦᓯᕋᑦᓯᐅᒃ. 25#ᒨᓯᓯ ᑕᓪᓕᒪᖏᑦ 10:17; ᐃᐱᓯ 6:9.ᐱᐅᖏᑦᑐᓕᔪᕐᓕ ᐊᑭᓕᖅᑕᐅᔪᒫᖅᐳᖅ ᐱᐅᖏᑦᑐᓕᓯᒪᓂᖓ ᒪᓕᒡᓗᒍ, ᐃᓅᑉ ᑭᓇᐅᑦᔪᓯᖓ ᑲᒪᒋᔭᐅᖏᒻᒪᑦ.
Currently Selected:
ᑯᓘᓯᐊᒥᐅᓄᑦ 3: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.