ᑯᓘᓯᐊᒥᐅᓄᑦ 2
2
1ᖃᐅᔨᒪᖁᕙᑦᓯ ᐱᔭᕐᖕᓂᖏᑦᑐᒃᑰᕈᑎᒋᓚᐅᕋᑦᓯ, ᓚᐅᑏᓯᐊᒥᐅᓪᓗ ᐱᖃᑕᐅᓪᓗᑎᒃ, ᑍᒃᑯᐊᓗ ᐅᕙᓐᓂᒃ ᑕᑯᓚᐅᖅᓯᒪᖏᑦᑐᑦ. 2ᑍᒤᓕᐅᖅᐳᖓ ᐆᒻᒪᑎᖏᑦ ᖃᔪᖏᖅᑎᑕᐅᖁᓪᓗᒋᑦ ᑲᑎᑦᓯᐊᖁᓪᓗᒋᓪᓗ ᓇᒡᓕᖕᓂᒃᑯᑦ, ᐊᔪᖅᓴᖏᑦᓯᐊᖁᓪᓗᒋᑦ ᑐᑭᓯᑦᓯᐊᕐᖕᓂᕐᖕᒥᒃ ᖃᐅᔨᖁᓪᓗᒋᓪᓗ ᒎᑎᐅᑉ ᓇᓗᓇᕐᖕᓂᖓᓂᒃ, ᙭ᔅᑑᓯᒥᒡᓗ. 3ᑖᓐᓇᑐᐊᖅ ᒪᑐᐃᖅᓯᔪᓐᓇᕐᖕᒪᑦ ᑕᒤᓐᓂᒃ ᐃᔨᖅᓯᒪᔪᓂᒃ ᓯᓚᑐᓂᕐᖕᒥᒃ ᖃᐅᔨᒪᓂᕐᖕᒥᒡᓗ.
4ᐅᖃᐅᑎᕙᑦᓯ ᑭᓇᒧᓪᓘᓐᓃᑦ ᓯᓔᕐᕆᔭᐅᖁᓇᓯ ᐅᖃᐅᓯᕐᖕᓄᑦ ᑲᔪᖏᖅᓮᔪᓄᑦ, ᓱᓕᔫᔮᕋᓗᐊᖅᐸᑕ. 5ᑎᒥᒃᑯᑦ ᐊᕕᓯᒪᒐᓗᐊᕐᓗᓯ, ᐊᓂᕐᖕᓂᒃᑯᓪᓕ ᓇᔪᖅᐸᑦᓯ, ᖁᕕᐊᓱᒡᓗᖓ ᖃᐅᔨᒐᒪ ᓱᖁᓯᓚᐅᖏᓐᓂᑦᓯᓐᓂᒃ ᑲᔪᓯᑦᓯᐊᕐᖕᓂᑦᓯᓐᓂᒡᓗ ᐅᒃᐱᕐᖕᓂᑦᓯᒍᑦ ᙭ᔅᑑᓯᒥ.
ᐃᓗᐃᑦᑐᒥᒃ ᐃᓅᓯᖃᕐᖕᓂ ᙭ᔅᑑᓯᒥ
6᙭ᔅᑑᓯ ᔩᓱᓯᒥᒃ ᐃᓚᓕᐅᕆᓯᒪᓕᕋᑦᓯ ᐊᑕᓂᕆᔪᒪᓕᕐᓗᒍ, ᑍᒤᒻᒪᑦ ᐃᓅᔪᒃᓴᐅᓕᖅᐳᓯ ᑖᑦᓱᒪᓃᓪᓗᓯ, 7ᐊᒫᖃᑦᓯᐊᓕᕆᑦᓯ ᑖᑦᓱᒪᓂ, ᐃᓅᓯᓯᓗ ᑖᑦᓱᒪᓂ ᐋᖅᑭᒃᓱᓕᖅᓯᐅᒃ, ᐅᒃᐱᕐᖕᓂᑦᓯ ᓴᓐᖏᒃᑎᑉᐸᓪᓕᐊᑎᓪᓗᒍ ᑖᑦᓱᒪᓂ, ᑍᒫᒃ ᐃᓕᓐᓂᐊᖅᑎᑕᐅᓚᐅᕋᑦᓯ, ᐊᖏᔪᒥᒡᓗ ᖁᔭᓕᓂᖃᓕᕆᑦᓯ.
8ᖃᐅᔨᓴᕆᑦᓯ ᑭᓇᒧᓪᓘᓐᓃᑦ ᐊᔪᓕᕐᕕᒋᓂᐊᖅᑕᑦᓯᓐᓄᑦ ᐱᑎᑕᐅᑦᑍᓕᓗᓯ ᑐᑭᖃᖏᑦᑐᓄᑦ ᐃᓄᐃᑦ ᓯᓚᑐᓂᖏᑕ ᐋᖅᑭᒃᑕᖏᓐᓄᑦ, ᐃᓄᑐᐃᓐᓁᑦ ᐃᓕᖅᑯᓯᖏᓐᓄᑦ, ᐊᓂᕐᖕᓂᐅᔪᓄᑦ ᓯᓚᕐᔪᐊᕐᖕᒥ ᐊᐅᓚᑕᐅᓯᒪᔪᓄᑦ, ᙭ᔅᑑᓯᒥᓐᖔᖏᑦᑐᓄᑦ. 9ᒎᑎᐅᑉ ᐃᓕᖅᑯᓯᖓ ᑕᒪᒃᑭᑦᓯᐊᕐᓗᓂ#2:9 ᓱᓇᒥᑦᓯᐊᕐᑕᓂ ᙭ᔅᑑᓯᒦᒻᒪᑦ ᑎᒥᖃᕐᓗᓂ. 10ᐃᓅᓯᕐᖕᒥᒡᓗ ᓈᒻᒪᒃᓯᑦᓯᐊᖅᑐᒥᒃ ᐱᑎᑕᐅᓯᒪᕗᓯ ᙭ᔅᑑᓯᒥ, ᑖᓐᓇ ᓂᐊᖁᕆᔭᐅᖕᒪᑦ ᑕᒤᓐᓄᑦ ᐱᔪᓐᓇᕐᖕᓂᕐᖕᓄᑦ ᐊᖓᔪᖅᑲᐅᓂᕐᖕᓄᓪᓗ.
11ᑖᑦᓱᒪᓂᑦᑕᐅᖅ ᑭᐱᔭᐅᓯᒪᕗᓯ ᐃᓄᐃᑦ ᐊᒡᒐᖏᓐᓅᖏᑦᑐᖅ, ᙭ᔅᑑᓯᐅᑉ ᑭᐱᓯᒪᕚᓯ ᑎᒥᐅᑉ ᐱᔪᒪᔭᖓᓂᑦ ᐊᔪᕐᖕᓂᕐᖕᒥᑦ ᕿᓚᕈᑦᔮᖅᑕᐅᓂᑦᓯᓐᓄᑦ. 12#ᕉᒪᒥᐅᓄᑦ 6:4.ᐹᑉᑎᑕᐅᑎᓪᓗᓯ ᙭ᔅᑑᓯ ᐃᓗᕕᖅᑕᐅᖃᑎᒋᒐᑦᓯᐅᒃ, ᒪᑭᖃᑎᒋᓚᐅᖅᐸᓯᓗ ᐅᒃᐱᕐᖕᓂᑯᑦ ᒎᑎᐅᑉ ᐱᔪᓐᓇᕐᖕᓂᖓᒍᑦ, ᑖᑦᓱᒥᖓ ᒪᑭᑎᑦᓯᓚᐅᖅᑐᒃᑯᑦ ᑐᖁᖓᔪᓂᑦ. 13#ᐃᐱᓯ 2:1-5.ᒪᑐᒪ ᓯᕗᓂᖓᒍᑦ ᐅᒃᐱᕐᖕᓂᑦᓯᒍᑦ ᑐᖁᖓᓚᐅᖅᑐᓯ ᐊᔪᕐᖕᓂᑦᓯᓐᓄᑦ ᑭᐱᔭᐅᓯᒪᖏᓐᓂᑦᓯᓐᓄᓪᓗ, ᒎᑎᐅᓪᓕ ᐃᓅᓯᖅᑖᖅᑎᓚᐅᖅᐹᓯ ᙭ᔅᑑᓯᒃᑯᑦ, ᐃᓱᒪᒋᔪᓐᓁᕐᕕᒋᓪᓗᑕᓗ ᐊᔪᖅᑐᓕᓂᑦᑎᓐᓂᑦ ᑕᒤᓐᓂᑦ. 14#ᐃᐱᓯ 2:15.ᐃᖅᑲᖅᑐᖅᑕᐅᑦᔪᑎᒃᓴᕗᑦ ᑎᑎᕋᖅᓯᒪᓚᐅᖅᑐᑦ ᓵᑕᐅᑦᔪᑎᒃᓴᕗᑦ ᐲᓚᐅᖅᐰᑦ; ᑕᒪᕐᖕᒥᒡᓗ ᐊᑐᕈᓐᓃᖅᑎᓪᓗᒋᑦ, ᑭᑭᐊᒃᑐᓚᐅᖅᐰᑦ ᓴᓐᓂᖓᔪᓕᖕᒧᑦ. 15ᑕᕝᕙᓂ ᐱᔪᓐᓇᕐᖕᓃᑦ ᐊᖓᔪᖅᑲᐅᕖᓪᓗ ᐱᔪᓐᓇᕐᖕᓃᕈᑎᓚᐅᖅᐰᑦ, ᓯᓚᕐᔪᐊᕐᖕᒥᐅᓄᓪᓗ ᑲᓐᖑᓇᖅᓯᑎᓪᓗᒋᑦ, ᓵᓚᒋᓚᐅᖅᐰᑦ ᓴᓐᓂᖓᔪᓕᖕᒥ.
16 #
ᕉᒪᒥᐅᓄᑦ 14:1-6. ᑍᒤᒻᒪᑦ ᒪᓕᒐᓕᐅᖅᑕᐅᓂᐊᕋᓯ ᖃᓄᐃᑦᑐᓂᒃ ᐃᒥᖃᑦᑕᕆᐊᖃᕐᖕᒪᖔᑦᓯ ᓂᕆᖃᑦᑕᕆᐊᖃᕐᖕᒪᖔᑦᓯᓘᓐᓃ; ᐅᓪᓗᐃᓪᓗ ᓇᓪᓕᖏᑦ ᐃᑦᔪᕐᖕᓁᑎᑕᐅᔪᒃᓴᐅᖕᒪᖔᑕ, ᑕᖅᑭᒥᓘᓐᓃᑦ ᓇᓪᓕᐊᓐᓂ ᓇᓪᓕᐅᓐᓂᖅᓯᐅᕆᐊᖃᕐᖕᒪᖔᑦᓯ, ᓴᐸᑎᒥᓘᓐᓃᑦ ᖃᓄᐃᑦᑐᒃᓴᐅᖕᒪᖔᑦᓯ. 17ᑕᒪᒃᑯᐊ ᑕᕐᕋᑐᐃᓐᓇᐅᖕᒪᑕ ᓯᕗᓂᒃᓴᒥ ᐱᔪᒫᖅᑐᒧᑦ; ᑎᒥᑕᓪᓚᕆᖓᓕ ᙭ᔅᑑᓯᒦᑉᐳᖅ. 18ᐱᑖᕆᔭᒃᓴᑦᓯᓐᓂᑦ ᓴᖑᑎᑕᐅᑦᑍᓕᒋᑦᓯ, ᐊᑦᔨᐅᖏᑦᑐᓂᒃ ᑕᑯᑎᑕᐅᓯᒪᓂᕋᖅᑐᓄᑦ ᐂᖏᓕᓂᒡᓗ ᑐᒃᓯᐊᕐᕕᖃᖅᐸᒃᑐᓄᑦ, ᑕᑯᑎᑕᐅᓯᒪᓂᕐᖕᒥᒃ ᑐᓐᖓᕕᖃᖅᑐᓄᑦ, ᑍᒤᑦᑐᑦ ᐱᐅᔪᕆᕗᑦ ᐱᐅᔪᕆᑦᔪᑎᒃᓴᖃᕋᑎᒃ ᐃᓱᒪᑐᐃᓐᓇᕐᖕᒥᖕᓂᒡᓗ ᐋᖅᑮᕙᒃᓗᑎᒃ. 19#ᐃᐱᓯ 4:16.ᑖᒃᑯᐊ ᓂᐊᖁᕐᖕᒥᒃ ᓴᒃᑯᐃᓯᒪᕗᑦ, ᑕᕝᕙᓐᖓᑦ ᑎᒥᓕᒫᖅ ᓂᕆᑎᑕᐅᖕᒪᑦ ᑲᑎᓐᖓᑎᑕᐅᓪᓗᓂᓗ ᓇᒡᒍᐊᓄᑦ ᓄᑭᖕᓄᓪᓗ, ᐱᕈᖅᐸᓪᓕᐊᕗᕐᓗ ᒎᑎᐅᑉ ᐱᕈᖅᐸᓪᓕᐊᕕᐅᖁᔭᖓᓄᑦ.
᙭ᔅᑑᓯᒥᒃ ᑐᖁᖃᑎᖃᕐᖕᓂᖅ ᒪᑭᖃᑎᖃᕐᖕᓂᕐᓗ
20᙭ᔅᑑᓯ ᑐᖁᖃᑎᒋᓯᒪᒐᑦᓯᐅᒃ ᓯᓚᕐᔪᐊᓪᓗ ᐱᔪᓐᓇᕐᖕᓂᖏᓐᓂᑦ ᕿᓚᕈᑦᔮᖅᑕᐅᓯᒪᓕᕐᓗᓯ, ᓱᖕᒪᓪᓕ ᓱᓕ ᓯᓚᕐᔪᐊᕐᖕᒥᐅᑎᑐᑦ ᐃᓅᓯᖃᕋᓱᐊᖅᐱᓰ ᓱᖕᒪᓪᓗ ᒪᓕᓕᖅᐱᓰ ᒪᑯᓂᖓ ᐱᖁᔭᓂᒃ ᐃᒤᓕᔪᓂᒃ, 21“ᐅᓇ ᑎᒍᒥᐊᖅᑍᓕᓯᐅᒃ,” “ᐅᓇ ᐆᒃᑐᕐᖕᓂᐊᕐᖕᓇᒍ,” “ᐅᓇ ᐊᒃᑐᖅᑍᓕᓯᐅᒃ”? 22ᑕᒪᒃᑯᐊ ᐊᑑᑎᖃᕈᓐᓃᕐᖕᓂᐊᖅᐳᑦ, ᐊᑐᖅᑕᐅᔭᕇᑐᐊᕈᑎᒃ ᐃᓄᑐᐃᓐᓇᕐᖕᓄᑦ ᐱᖁᔭᓕᐊᖑᓯᒪᖕᒪᑕ ᐊᔪᕆᖅᑑᑎᒋᔭᐅᓪᓗᑎᒡᓗ. 23ᑕᒪᒃᑯᐊ ᓯᓚᑐᓂᕐᖕᒧᑦ ᐱᓯᒪᔫᔭᕐᖕᒪᑕ ᑐᒃᓯᐊᖃᑦᑕᕐᓗᑎᒡᓗ ᓇᖕᒥᓂᖅ ᐋᖅᑭᒃᓯᒪᔭᒥᖕᓂᒃ, ᓱᓕᓇᑎᒡᓗ ᒥᑭᒡᓕᑎᖅᓯᒪᔫᔮᖅᐳᑦ, ᑎᒥᒥᒡᓗ ᐊᒃᓱᕈᖅᑎᑦᓯᒻᒪᕆᒃᓗᑎᒃ; ᐱᓪᓚᕆᖕᒥᒡᓕ ᐱᓯᒪᓐᖏᓚᑦ ᑎᒥᐅᓪᓗ ᐱᔪᒪᓂᕐᔪᐊᖏᓐᓂᒃ ᓄᖅᑲᖓᑎᑦᓯᔪᓐᓇᕋᑎᒃ.
Currently Selected:
ᑯᓘᓯᐊᒥᐅᓄᑦ 2: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.