ᐂᒨᓯᐅᑉ ᐊᒡᓚᖏᑦ 8
8
ᑕᑯᑎᑕᐅᓂᖅ ᐃᕕᐅᔭᒥᒃ ᐸᐅᕐᖓᓂᒃ ᐃᓗᓕᓕᖕᒥᒃ
1ᐊᑕᓂᐅᑉ ᒎᑎᐅᑉ ᑕᑯᑎᓚᐅᖅᐹᖓ: ᑕᑯᒋᑦ, ᐃᕕᐅᔭᖅ ᐸᐅᕐᖓᓂᒃ ᐱᕈᕇᖅᓯᒪᔪᓂᒃ ᐃᓗᓕᓕᒃ. 2ᐅᖃᐅᑎᕚᖓᓗ, “ᐂᒨᓰ ᓱᓇᒥᒃ ᑕᑯᕖᑦ?”
ᑭᐅᕙᕋᓗ, “ᐃᕕᐅᔭᕐᖕᒥᒃ ᐸᐅᕐᖓᓂᒃ ᐱᕈᕇᖅᓯᒪᔪᓂᒃ ᐃᓗᓕᓕᖕᒥᒃ.”
ᑕᕝᕙ ᐊᑕᓂᐅᑉ ᐅᖃᐅᑎᕚᖓ, “ᐃᓄᖁᑎᒪ ᐃᓴᕆᐊᓕᒥᐅᑦ ᐃᓱᓕᕝᕕᐊ ᓇᓪᓕᐅᑎᕗᖅ, ᖄᖏᑐᐃᓐᓇᕐᖕᓂᐊᕈᓐᓃᖅᐸᒃᑲ. 3ᑐᒃᓯᐊᕐᕕᒡᔪᐊᒥ ᐃᓐᖏᕐᖕᓃᑦ, ᐅᓪᓗᒥ ᑍᑲᓂ ᕿᐊᓂᕐᔪᐊᓐᖑᖅᑎᑦᓱᒫᖅᐸᒃᑲ,” ᐊᑕᓂᖅ ᒎᑎ ᐅᖃᖅᐳᖅ, “ᑐᖁᖓᔪᑦ ᑎᒥᖏᑦ ᐅᓄᖅᑐᕐᔪᐊᖑᔪᒫᖅᐳᑦ. ᓇᓂᑐᐃᓐᓇᖅ ᐊᓂᐅᖃᖅᑕᐅᔪᒫᖅᐳᑦ ᓂᐰᑦᑑᓗᑎᒃ.”
ᐃᓴᕆᐊᓕᐅᑉ ᐊᓯᕈᖅᑕᐅᓂᖓ
4ᑐᓴᖅᓯᐅᒃ ᐃᓕᑦᓯ ᓱᒃᑯᔨᐊᖃᖅᑐᓯ ᐊᔪᖅᓴᖅᑐᓂᒃ, ᓄᓇᖁᑎᑦᓯᓐᓂᓗ ᐊᒃᓗᔪᓂᒃ ᐊᔪᓕᖅᑎᑦᓯᔪᓯ. 5ᐅᖃᖅᑐᓯᓗ, “ᖃᖓᓕ ᑕᖅᑭᓂᕋᑖᑉ ᓇᓪᓕᐅᓐᓂᖅᓯᐅᖅᑕᐅᓂᖓ ᐃᓱᓕᓐᓂᐊᖅᐹ? ᓂᐅᕐᕈᑎᖃᕈᒪᒐᑦᑕ ᓂᐊᖂᔭᒃᓴᓂᒃ, ᓴᐸᑎᓗ ᖃᖓ ᐃᓱᓕᓐᓂᐊᖅᐹ? ᓂᐅᕐᕈᑎᖃᕐᖕᓂᐊᕋᑦᑕ ᐃᕕᖕᓂᒃ, ᐆᒃᑑᑏᑦ ᐅᕿᑦᑐᖅᓯᐅᑎᓕᐊᕆᓗᒋᑦ ᑮᓇᐅᔭᖅᑖᕐᖕᓂᖅᓴᐅᖁᓪᓗᑕ, ᐅᖁᒤᓐᓂᖅᓯᐅᑏᓪᓗ ᐱᕋᔭᖕᓂᒃᑯᑦ ᐋᖅᑭᒃᓱᖅᓗᒋᑦ ᓴᒡᓗᕿᑦᓯᓂᐊᕋᑦᑕ ᓂᐅᕕᖅᐸᒃᑐᓂᒃ. 6ᐊᒃᓗᔪᑦ ᓂᐅᕕᕐᖕᓂᐊᕋᑦᑎᒍᑦ ᓯᐅᓪᕕᕆᒧᑦ, ᐊᔪᖅᓴᖅᑐᓪᓗ ᐃᓯᒐᒍᑏᖕᓄᑦ ᓂᐅᕕᐊᕆᓗᒋᑦ, ᓂᐊᖂᔭᒃᓴᓂᒡᓗ ᐱᐅᖏᑦᑐᓂᒃ ᓂᐅᕐᕈᑎᖃᕐᖕᓂᐊᕋᑦᑕ.”
7ᐊᑕᓂᖅ ᐊᖏᕈᑎᖃᒻᒪᕆᒃᐳᖅ ᔧᑰᑉ ᑭᖑᕚᖏᑕ ᐱᐅᔪᕆᓂᖓᓂᒃ, “ᓱᓕᓪᓚᕆᒃᓗᖓ ᐱᓂᐊᕐᖕᓂᕆᓯᒪᔭᖏᑦ ᐳᐃᒍᕐᖕᓂᐊᓐᖏᓚᒃᑲ. 8ᓄᓇ ᑕᒪᑐᒧᖓ ᓴᔪᒃᐱᓪᓚᖕᓂᐊᓐᖏᓛᖅ? ᓄᓇᖃᖅᑐᓪᓗ ᑕᒫᓂ ᐅᒡᒍᐊᕐᖕᓂᐊᓐᖏᓛᑦ? ᑰᒃᑎᑐᑦ ᓁᓕᑐᑦ ᖄᒥᑦᓱᒫᖅᐳᖅ, ᖃᑉᐳᑑᕐᖕᓂᖓᓄᓪᓗ ᐃᖅᑲᑦᑕᖅᑕᐅᓚᐅᖅᓗᑎᒃ, ᑰᑭᒡᓕᖕᒥᓗᓂᓗ ᓁᓕᑐᑦ ᐄᑦᔨᑉᑎᐅᑉ ᑰᖓᑐᑦ.” 9ᐊᑕᓂᖅ ᒎᑎ ᐅᖃᖅᐳᖅ, “ᐃᒤᑦᓱᒫᖅᐳᖅ ᐅᓪᓗᒥ ᑍᑲᓂ, ᓯᕿᓂᖅ ᓂᐱᑎᑦᓱᒫᖅᐸᕋ ᐅᓪᓘᑉ ᕿᑎᖓᓂ, ᓄᓇᕐᔪᐊᕐᓗ ᑖᖅᓯᑎᑦᓱᒫᖅᐸᕋ ᐅᓪᓘᑎᓪᓗᒍ. 10ᓇᓪᓕᐅᓐᓂᖅᓯᐅᕐᕕᓯᓗ ᐅᒡᒍᐊᕐᖕᓂᖑᖅᑎᑦᓱᒫᖅᐸᒃᑲ, ᐃᓐᖏᕐᖕᓂᓯᓗ ᕿᐊᓂᓐᖑᖅᑎᑦᓱᒫᖅᐸᖅᑲ; ᓂᕈᒥᖏᑦᑐᓂᒃ ᐃᒃᐱᐊᕐᔪᒃᓴᔭᓂᒃ ᑕᒪᑦᓯ ᐊᓐᓄᕌᖃᖅᑎᑦᓱᒫᖅᐸᑦᓯ, ᓂᐊᖁᓯᓗ ᓄᔧᔭᖅᓯᒪᓕᖅᓗᑎᒃ; ᕿᒃᓵᒃᑎᑦᓱᒫᖅᐸᑦᓯᓗ ᐃᕐᖕᓂᑐᐊᑦᓯᓐᓂᒃ ᑐᖁᔨᐊᖃᖅᑐᑎᑐᑦ, ᐅᓪᓗᖅ ᑍᓐᓇ ᖃᓯᓕᓇᖅᑐᑎᑐᑦ ᑍᒤᑦᓱᒫᖅᐳᖅ.”
11ᐊᑕᓂᖅ ᒎᑎ ᐅᖃᖅᐳᖅ, “ᑕᑯᒋᑦ ᐅᓪᓗᐃᑦ ᕾᕗᑦ, ᓄᓇᒥ ᑳᖕᓂᕐᔪᐊᖃᖅᑎᑦᓯᔪᒫᖅᐳᖓ, ᓂᕿᒥᒃ ᑳᖕᓂᕐᖕᒨᖏᑦᑐᖅ, ᐃᒥᕐᖕᒥᒃ ᐃᒥᕈᖕᓂᕐᖕᒨᖏᑦᑐᖅᓘᓐᓃᑦ, ᐊᑕᓂᐅᓪᓕ ᐅᖃᐅᓯᖏᓐᓂᒃ ᑐᓴᕈᒪᓂᕐᖕᒧᑦ. 12ᐃᖏᕐᕋᔪᒫᖅᐳᑦ ᐃᒪᕐᔪᐊᑉ ᑭᒡᓕᖓᓂᑦ ᐃᒪᕐᔪᐊᑉ ᑭᒡᓕᖓᓄᑦ, ᓯᕿᓂᐅᑉ ᑕᕐᕌᓂᑦ ᓯᕿᓂᐅᑉ ᓄᐃᓕᕐᕕᐊᓄᑦ, ᒫᓂ ᐊᕙᓂᓗ ᕿᓂᕈᒫᖅᐳᑦ ᐊᑕᓂᐅᑉ ᐅᖃᐅᓯᖓᓂᒃ, ᑭᓯᐊᓂᓕ ᓇᓂᓯᔪᒫᓐᖏᓚᑦ. 13ᐅᓪᓗᒥ ᑍᑲᓂ ᐊᕐᖕᓁᑦ ᐃᓂᖁᓇᖅᑐᑦ ᐅᐃᒡᒐᓱᐃᑦ ᐃᓅᓱᒃᑐᓪᓗ ᐊᖑᑏᑦ ᓄᑮᕈᑎᔪᒫᖅᐳᑦ ᐃᒥᕈᖕᓂᕐᖕᒧᑦ. 14ᐊᖏᕈᑎᓕᐅᖅᑐᓪᓗ ᓴᒥᐊᕆᐊᑉ ᒎᑎᓐᖑᐊᖓᒍᑦ ᐊᓯᒪᒃᑯᑦ, ᐃᒫᒃ ᐅᖃᖅᓗᑎᒃ, ‘ᑖᓐ ᑭᖑᕚᖏᑦ ᒎᑎᓯ ᐃᓅᖕᒪᑦ! ᐱᐊᕐᓯᐸᐅᓪᓗ ᒎᑎᖓ ᐃᓅᖕᒪᑦ!’ ᑖᒃᑯᐊ ᐅᕐᕈᔪᒫᖅᐳᑦ ᒪᑭᓐᓂᐊᕈᓐᓁᖅᓗᑎᒡᓗ.”
Currently Selected:
ᐂᒨᓯᐅᑉ ᐊᒡᓚᖏᑦ 8: EAIB
Highlight
Share
Copy
Want to have your highlights saved across all your devices? Sign up or sign in
Eastern Arctic Inuktitut Bible © Canadian Bible Society, 2012, 2021-2023.