PĀ GƏ̄ 115
115
I Nə́ɓā kal kógə̄ḿ beē ngóy n kɔsə gɔn i yān ní
1Kɔsə gɔn i yājí alé, Kɔ́ɔ̄ɓē, kɔsə gɔn i yājí alé,
ba i yāí ḭ̄ tām̄ kem majə yāí tə́ ō najə̄ kə́ rɔ̄kum yāí tə́ ō.
2I tām̄ rí tə́ á nápar de gə̄ ədan̄ na:
Nə́ɓā yādə́ nəkɔ́ i rá wa ní?
3Nə́ɓā yājí i dɔ rā̰ tə́.
Yá̰a̰ malang ń ni ndigə rāā ní ni-rāā.
4Ɓesə̄ gə̄ yā nápar de gə̄ kə́ rāā kə gində̄ arjā̰a̰á̰ gə̄ ō, kə lɔ́rɔ́ gə̄ ō ní,
i de gə̄ n rāān̄də́ kə jīdə́ ní.
5Tadə́ to ba ɔrə̄n̄ najə̄ alé,
kumdə́ to ba a̰a̰n̄ loo alé,
6mbīdə́ to ba oōn̄ loo alé,
kó̰ńdə́ to ba unən̄ usə yá̰a̰ alé.
7jīdə́ to ba ɔdən̄ rɔ̄ yá̰a̰ alé,
njadə́ to ba njə̄rān̄ alé.
Nin̄ rāān̄ ndūdə́ adə̄ ɓār̄ kem kɔ́ɔ́də́ tə́ sḛ́ý aĺ bátə́.
8Ādə̄ ngé rāādə́ gə̄ ton̄ tītə̄də́ beē ō,
ādə̄ ngé kəndā kemdə́ dɔdə́ tə́ gə̄ malang ton̄ tītə̄də́ beē ō!
9Ngán Israel gə̄, ə̄ndāī kemsí dɔ Kɔ́ɔ̄ɓē tə́!
I ni n i nge rāā sedə́ ō, der yādə́ ō ní!
10Sḭḭ̄ de kə́ gír kojə yā Aaro̰ tə́ gə̄,
ə̄ndāī kemsí dɔ Kɔ́ɔ̄ɓē tə́!
I ni n i nge rāā sedə́ ō, der yādə́ ō ní!
11Sḭḭ̄ ngé ɓōĺ ndíĺ Kɔ́ɔ̄ɓē gə̄, ə̄ndāī kemsí dɔ Kɔ́ɔ̄ɓē tə́!
I ni n i nge rāā sedə́ ō, der yādə́ ō ní!
12Əga kem Kɔ́ɔ̄ɓē dɔjí tə́,
ni a rāā majə,
a rāā majə kə gír ɓē gə̄ yā Israel ō,
kə de kə́ gír kojə yā Aaro̰ tə́ gə̄ ō,
13kə ngé gə̄ ń a ɓōlə́n̄ ndíĺ Kɔ́ɔ̄ɓē ní ō,
ngáń kə́ dūú gē, de kə́ tɔgə gē.
14Ādə̄ Kɔ́ɔ̄ɓē rāā adə̄ ójiī naā ngá̰ý,
sḭḭ̄ ō ngáńsí gə̄ ō!
15Ādə̄ Kɔ́ɔ̄ɓē rāā majə sesí,
ni ń i nge rāā dɔ rā̰ ō dɔ nang ō ní!
16Dɔ rā̰ i yā Kɔ́ɔ̄ɓē,
banī ni-tél kə dɔ nangaá adə̄ deē ndul gə̄.
17I de kə́ koy kɔ̄ɔ́ gə̄ n a tɔ̄ȳn̄ Kɔ́ɔ̄ɓē ní alé,
nin̄ malang ń risə aw̄n̄ loo kə́ loo to kúkúkú tū tə́ tə́ ní alé.
18Banī jḭḭ jə-rāā Kɔ́ɔ̄ɓē kə́ra.
J-əla gír rāān kə́ra i ngɔr ń toō tə́ ō bátə́ kə̄ no tə́ ō.
Aleluya!
Currently Selected:
PĀ GƏ̄ 115: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.