PĀ GƏ̄ 114
114
Dan ń Israel teē kɔ̄ɔ́ Ejiptə tə́ ní
1Dan ń Israel teē kɔ̄ɔ́ kem ɓē kə́ Ejiptə tə́ ní,
dan ń gír kojə yā Jakob teē kɔ̄ɔ́ dan tə̄rā gə̄ tə́ ní,
2dɔ nang yā Juda tél i loo yān kə́ táĺ ō,
dɔ nang yā Israel tél i loo yān ō.
3Bā bo a̰a̰də́ anī a̰ȳ kɔ̄ɔ́ ō,
bā Jurdḛ a̰a̰də́ anī tél kə gōneé ō,
4mbal̄ bo gə̄ tḭ́ḭ̄n̄ bal tītə̄ bal batə̄ gə̄ beé ō,
ngán mbal̄ gə̄ tḭ́ḭ̄n̄ bal tītə̄ ngán bə̄yā̰ gə̄ beé ō.
5Bā bo, ā̰ȳ i tām̄ rí tə́?
Bā Jurdḛ, ī-tél kə gōí i tām̄ rí tə́?
6Mbal̄ bo gə̄, ī-tḭ́ḭ̄ bal tītə̄ bal batə̄ gə̄ i tām̄ rí tə́ ō,
ngán mbal̄ gə̄, ī-tḭ́ḭ̄ bal tītə̄ ngán bə̄yā̰ gə̄ i tām̄ rí tə́ ō?
7Dɔ nang, ī-ndebə ta kum Kɔ́ɔ̄ɓē tə́,
ta kum Nə́ɓā yā Jakob tə́.
8Ni i nge tūr̄ mbal̄ kadə̄ tél dang man̄ ō,
nge tūr̄ mbal̄ kə́ ngan̄g ngá̰ý kadə̄ tél man̄ kə́ a əɓa nang tə́ ō ní.
Currently Selected:
PĀ GƏ̄ 114: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.