PĀ GƏ̄ 111
111
Yā terə̄ń kem de gə̄ dɔ yá̰á̰ kə́ yáā gə̄ yā Kɔ́ɔ̄ɓē tə́
1 Aleluya!
m̄-ndígə̄ ɓōkə́ Kɔ́ɔ̄ɓē tɔ̄ȳ kə ngarā̰ kemḿ malang
dan de kə́ súmūú gə̄ ń kánə̄n̄ naā tə́ ní.
2Kɔ́ɔ̄ɓē rāā yá̰á̰ kə́ bo gə̄!
De gə̄ malang ń gḛyn̄ ní ndóōn̄.
3Kəla rāān ndə́lē pipir ō, bo to ɓōĺ ngá̰ý ō,
háĺ kə́ gōtə́ yān to ngándáńg ō.
4Ni ndigə kadə̄ de gə̄ terə̄n̄ kem naā dɔ yá̰á̰ kə́ yáā yān gə̄ tə́.
Kɔ́ɔ̄ɓē i nge rāā kem majə ō, i nge ka̰a̰ kum tō ndoō ō.
5Ni-adə̄ deē ń ɓōĺ ndílən ní yá̰a̰ kəsa.
Əga kemən dɔ madə̄ naā yān tə́ ngándáńg.
6Ni ɔjə gír deē yān gə̄ tɔ́gən loo rāā kəla tə́,
dan ń ni-adə̄də́ dɔ nang yā nápar de kə́ rang gə̄ ní.
7Yá̰a̰ gə̄ ń ni rāādə́ kə jīneé ní, i yá̰á̰ kə́ rɔ̄kum gə̄ ō kə́ gōtə́ gə̄ ō.
Yá̰a̰ malang ń ra kə de gēé ta rāā ní i yá̰á̰ kə́ rɔ̄kum gə̄.
8A ton̄ gətóó ngándáńg.
Rāādə́ i kə najə̄ kə́ rɔ̄kum ō kə yá̰á̰ kə́ súmūú ō.
9Ni-gān̄g dɔ gír deē yān gə̄.
Ni-adə̄də́ ndūn kə́ a to ngándáńg dɔ madə̄ naā yān tə́.
Ni i Nə́ɓā kə́ táĺ ō, kə́ to ɓōĺ ngá̰ý ō.
10Ɓōĺ ndíl Kɔ́ɔ̄ɓē i ta kəla gír kum kedə̄.
Ngé ɓōĺ ndíĺ Kɔ́ɔ̄ɓē gə̄ malang ɔjən̄ kə̄ ndágá
kadə̄ nin̄ i de kə́ ngé ger̄ najə̄ gə̄.
Tɔ̄ȳ yā Kɔ́ɔ̄ɓē to ngándáńg.
Currently Selected:
PĀ GƏ̄ 111: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.