PĀ GƏ̄ 110
110
Mban̄g kə́ nge tun̄ yá̰a̰
1Pā yā Dabid.
Najə̄ ń Kɔ́ɔ̄ɓē əda Kɔ́ɔ̄ɓē yāḿ ní n toó:
Ī-ndi dɔ jī kó̰ḿ tə́
ādə̄ m̄-rāā adə̄ madə̄ ba̰ā̰í gə̄ télən̄ yá̰a̰ kəndā nja yāí.
2Ādə̄ Kɔ́ɔ̄ɓē ń ndi Siyo̰ ní
rāā adə̄ ko̰o̰ ɓē yāí əla gír Jerusalem bátə́ ta kaw̄ sa̰y!
Ó̰o̰ ɓē dan madə̄ ba̰ā̰í gə̄ tə́!
3De kə́ dəngam kə́ ger̄ rɔ̄ɔ̄ ngá̰ý gə̄ aw̄n̄ gōí tə́
ndɔ̄ ń ɔ́səń nja ngé rɔ̄ɔ̄ yāí gə̄ kə̄ naā tə́ ní.
Dɔ mbal̄ kə́ táĺ gə̄ tə́,
balsáa yāí gə̄ a reēn̄ kə̄ rɔ̄í tə́,
tītə̄ tal kə́ ta gír loo tə́ beē.
4Kɔ́ɔ̄ɓē a tūr̄ ndūn alé, tɔdɔ̄ túbə əda na:
Ḭ̄ i nge tun̄ yá̰á̰ kə́ njɔ́ḿ gə̄ tə́ tītə̄ yā Melkisedek.
5Kɔ́ɔ̄ɓē i dɔ jī ko̰í tə́:
Ni rējə̄ mban̄g gə̄ ndɔ̄ ń wōn̄g rāānneé tə́ ní.
6Ni-gān̄g sarya dɔ nápar de gə̄ tə́,
loo i nīń de gə̄ malang.
Ni rējə̄ dɔ de gə̄ kə̄ loo gə̄ tə́ malang dɔ nang tə́.
7Dan ń mban̄g i róbó ní, aw̄ a̰ȳ man̄ kə́ a nūgə́.
Dan ń ni a̰ȳ oy anī ɔr̄ dɔn dɔɔ́.
Currently Selected:
PĀ GƏ̄ 110: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.