PĀ GƏ̄ 100
100
Jḭḭ̄ i gír deē yān gə̄
1Pā kə́ dɔ yá̰a̰ tun̄ kə́ yā ɓōkə́nń Kɔ́ɔ̄ɓē tɔ̄ȳ tə́.
Sḭḭ̄ de kə́ dɔ nang tə́ gə̄ malang úriī kɔĺ rɔ̄nel̄ dɔ Kɔ́ɔ̄ɓē tə́.
2Ī-rāāī kəla yā Kɔ́ɔ̄ɓē kə rɔ̄nelēé,
údiī kem kújə yān tə́ ba āw̄ ī-raī ta kumən tə́ kə rɔ̄nel̄ kə́ ngá̰ý.
3Majə kadə̄ ī-gerī na Kɔ́ɔ̄ɓē i Nə́ɓā.
I ni n i nge rāājí ní, jḭḭ̄ i yá̰a̰ yān gə̄.
Jḭḭ̄ i gír deē yān gə̄,
jḭḭ̄ i ɓūtə̄ yá̰a̰ kul̄ gə̄ ń i ni n i nge ngɔ̄m̄də́ ní.
4Ī-rāāniī kə́ra loo ń ā údiī kə̄ kem kújə yān tə́ ní.
Ī-ɓōkə́nī tɔ̄ȳ dan ń ā údiī kə̄ kem ndogə̄ yān tə́
yā kaw̄ ra ndágə loo kə́ gīr̄ gidə kújə yān tə́ ní.
Ɔ́siī gɔnən, ī-tɔ̄yī rīn.
5Tɔdɔ̄ Kɔ́ɔ̄ɓē i de kə́ majə,
kem majə yān to ngándáńg ō,
ni i de kə́ nge ra dɔ ndūn tə́ kə dɔ ɓāl̄ gə̄, ɓāl̄ gə̄ ō.
Currently Selected:
PĀ GƏ̄ 100: SARDC
Highlight
Share
Copy
Want to have your highlights saved across all your devices? Sign up or sign in
Bibəl ta Sar̄ © L'Alliance Biblique du Tchad, 2006, 2010.